يا أهل الخيل العربية الاصيلة!!!!

[ابوحسين]

بسم الله الرحمن الرحيم

اخواني الاعضاء

اريد ان اسال من له خبره بالخيل العربيه الاصيله بالرياض , اين يوجد
مربط نجد للخيل العربية الاصيله؟

لانني اريد ان اشتري مهره وقالوا بعض الاخوان تجدها في مربط نجد بسعر
مناسب.

ارجو ممن لديه معلومه ان يفيدني , وحتى لو يعرف احد عنده خيل عربيه باوراق
وبسعر مناسب ياليت ما يبخل علينا ويعلمني.

وللعلم انا راسلت بعض الاخوان ممن لديه مشاركات عن الخيل ولكن دون جدوى.

تقبلو تحياتي

ابو حسين

[عنـاد]

والله يا عزيزي ابو حسين الخيول الان ارتفعت ارتفاع خيالي

وحسب علمي البسيط بما اني مربي خيول عربيه اصيله فانا اشوف انها قفزت اكثر من الضعف في الاونه الاخيرة
ومربط نجد يا عزيزي رفع الاسعار حسب ما انا اعرف منول كانت المهور على 4 الاف والمهرات على 7
اما الان فالمبلغ زاد بالضعف على الاقل

ولكن ابي اسالك كم سؤال :

ليش تبي تقتني خيول ؟ جمال - هوايه - ركوب - تعليم
كم الميزانيه اللي انت حاطها ؟
هل لك شروط في الخيل ؟ عمر معين - لون معين - صفة معينه
هل تشترط تاريخ ؟ فوز - ميزان - قطع مسافه
هل تشترط تسجيل في احد منظمات الخيل العربيه ؟


جاوب على هالاسئلة وان شا ءالله اقدر افيدك باللي عندي
مع اني انصحك تسال اخونا راع الكحيلة اكثر خبرة مني

[ابوحسين]

الله يحييك يا اخي الكريم واشكرك مقدما على مشاركتك وردك الطيب.

وبما انك مربي خيول عربيه اصيله الله يعينك على الاسئله والاستفسارات

اولا يا اخي انا ابغى اشتري للركوب وللمشاركات في سباقات التحمل(مسقبلا)
ان شاء الله تعالى, وانا امتلك خيل سباقات وخيل عربيه مهجنه , لكن اريد
ان امتلك خيل عربيه اصيله يعني مبتدئ بالخيل العربيه الاصيله.

بصراحه يا اخوي عناد الميزانيه تتراوح من خمسه الى سبعه الاف .

والشرط هو ان تكون سليمه من الاصابات وحتى لو تكون فلوه صغيره وهذا الافضل
او مهره الى سن خمس سنوات.

لا اشترط تاريخ ولكن يهمني السلاله الطيبه.

اما بالنسبه للسؤال الاخير الله يعينك تشرحه , لانني لا اعرف منظمه
غير الواهو , وحسب علمي البسيط ان جميع الخيول الاصيله مسجله بها.

ولكن يا اخوي عناد ما علمتني وين موقع مربط نجد؟

اكرر لك شكري وان شالله ما تقصر , وحتى اخونا راع الكحيله انشالله مايقصر.

[عنـاد]

يا هلا والله ابو حسين

اذا انت تبي خيول عربيه للتحمل ابعد عن خيول الجمال البحت وحاول تاخذ لك حصان وانا افضل الحصان للتحمل لانه اقوى واصلف ويتحمل اكثر من الفرس بشكل عام
وحاول بما انك عندك خلفيه عن الخيول تدور خيول عربيه من انتاج خط الجزيرة او خليط ويتركز فيها الخط الفرنسي
والروسي . وطبعا ما تخفاك الصفات اللي تبحث عنها من وسع الصدر ووسع المناخر وطول الرقبه والقطعه الراهيه والاهم نبض الحصان في البايكة و جبارة عظامه و زين اوتاره .

اما حسب ميزانيتك ما ودي اقولك مافيه خيول مسجلة بالاسعار هذي بس نادرة جدا وبالمنقاش تلقاها بس انت تتيح ودور .
وبالنسبة للسلالات العربي كله طيب الا اذا دخل فيه سلالة ثانيه ينحاس ويخرب مع اني اعرف ان الانجلو عرب يحقق في سباقات التحمل مثل العربي . هجين بين العربي والانقليزي

اما بالنسبة لمنظمات التسجيل فيه منظمات واجد الواهو - نادي الاصيل - منظمة الخمسة - شيخ عبيد - ايجبشن سترايت - جمعية الاهرام
كل هذي منظمات كل وحده منها تختص بشي معين اما الواهو ونادي الاصيل قط تهتم بتسجيل الحصان العربي كما هو عربي ويوجد فرق بينهم الاصيل يرفضون خيول مسجله في الواهو بسبب تشكيك في النسب .
والموضوع يبيله كتب عشان نتكلم عن كل منظمة على حده


اما مربط نجد ياخوي تلقاه على طريق الخرج عقب نقطه التفتيش اسال عنه هناك وهو واضح جدا موجود في مزرعه ان ما خاب ظني .


نصيحة اخوية :
لا تستعجل اصبر حسب ما يشاع بين اهل الخيول ان فيه ثلاث مزادات تبي تصير في محرم في ديراب وفي الجنادريه وفي الخالديه
ودامك تبيه حصان تحمل انا اقولك اصبر للمزادات وارفع ميزانيتك شوي وخذ لك من عيال الفحل اكستريم
او من عيال الفحل الحازم .
اما ذا الله لا يقوله ولا كتب لك الله نصيب في المزادات اللي راحت فانا اقول خذ من خيول الحرس الوطني اللي نباعت في المزادات السابقه تراها خيول عربية ما فيها شك وتتيح لك في حصان ما بين 5-7 سنوات سليم والله يوفقك تفوز باللي تتمناه اللهم امين

[wathf]

الأخ الفاضل عناد

هل من الممكن أن تبين من هو الفحل حازم؟وما خطه؟
ومتى كسب هو أو أبنائه؟

وشكرا

[السهم الأول]

نصيحتي للذين يريدون ان يكونوا مربين للخيل العربية الأصيلة (الواهو ) ان يبدء بفرس عربية أصيلة لاقح .

بالنسبة للذين يريدون ان يكونو متسابقين في التحمل او السباقات فهؤلاء يأخذون امهار او جياد جاهزه لخوض السباقات أفضل لهم من امتلاك أفراس رمك ولادات و انتظار ابنائها حتى تركض !!

بالنسبة للاسعار فكما ذكر الاخ عناد الاسعار في ازدياد و الطلب كذالك و العرض قليل و غالي و كل سنه تزداد الاسعار و يزداد الملاك و خصوصا في الخيل العربية الأصيلة .

[ابوحسين]

اخي عناد

اولا ليش ابعد عن خيل الجمال ؟ اليست عربيه اصيله؟
واما بالنسبه لسباقات التحمل ان شاءالله بالمستقبل ,يعني بعد سنتين تقريبا.
وتركيزي ليس على سباقات التحمل حاليا ولست مستعجلا, لكي انتقي الافضل.

وهل اسطبل الخالديه يقيم مزادات واين يقيمها؟
وسؤالي عن خيل الحرس الوطني اين اجدها؟ وهل يكون معها اوراق عن اصالتها؟

والله يعطيك العافيه

---------------------------------
اخي السهم الاول

اعتقد ان الفرس العربيه اللاقح تكون غاليه شوي .

وش رايك؟

الله يعطيك العافيه.

[عنـاد]

السلام عليكم ورحمه الله وبركاته


wathf :
والله يا عزيزي الحازم فحل كحيلان خط انتاج سعودي صحراوي بالاصح موجود في ديراب هذي صورته
http://www.saudiarabianhorses.com/kingabdulaziz/photos/AlHazim_136_KAAHC-04.jpg

اضغط عليها عشان تشوفها كبيرة

وتراي ما ادري عن عياله هم كسبو او لا او هل هم يدخلون في المزادات او لا لكن اللي اعرفه عن الحزام انه مثال للحصان الصحراوي وقطعته راهيه وجسمه متناسق لو تشوفه على الطبيعه ما ودك تصد عنه وفحل بهالمستوى وش تتوقع من عياله ؟


السهم الأول :
مشكور ياخوي على مداخلتك بس ما تحس ان اللي يبدا بفرس واهو يبي يخسر ؟ اول شي تعلم على شي غير مسجل لين يعرف الاصايل وش تحتاج وش نظام غذائها وكل هذا بعدين يطب محيفرة في الخيول الاصيله المسجلة ويصير يعرف شلون ينتقي ويبحث ويميز الزين من الشين وانت عارف المبتدئين يجوز لهم شي ما يجوز لك انت ياراعي الخيول وتحس انه عيب وهو يحسه ميزه مثل تقوس الانف الزايد او مثل ما نسميها ( الكسرة اللي في الراس )


ابوحسين:
هلا والله بالغالي ابو حسين يا ابو حسين خيول الجمال اولا اسعارها غاليه ثاني شي استنسلت في نظام تربيه يركز على سفات معينه فقط وثاني شي خيول الجمال ما اعتقد انها تقدر فسيولوجيا تدخل في السباقات لانها مترفه جدا وتدريبها يبي يتعبك جدا
وتراني اقصد الجمال البحت مهوب الخيل العربيه عامه الخيل العربيه كلها جميله لكن فيه منها خطوط انتاج جمااال بحت هذا اللي اقصده
ودامك معك وقت اجل اصبرلين تنزل الاسعار ويقل الطلب ويزيد العرض وتبي تحصل اللي تبيه باسعار مقاربه للي ذكرت .
اما تساؤلك الثاني عن الخالديه ايه نعم يقيمون مزادات دايم وبصراحه ما بعد حددو موقع المزاد الي اللحين بس لا جاني خبر علمتك على طول وترا كل الثلاث مرابط اللي قلت لك عن مزادتها تراها ما نشرت رسمي بس منتشرة بين مربين الخيول .
اما خيل الحرس الوطني فبعضها يجي معها اوراق وبعضها ما يجي معها بس ترا خيولهم عربيه اصيله
ولا تحتاج اوراق لاثبات اصالتها لانها كل من الخيول اللي كانت على وقت تاسيس المملكه و دايم يجبون فحول من مرابط خيول مشهورة والعام ديراب اعتقد عطاهم فحول .


هذا اللي اعرفه يا اخواني وكاني مخطي علموني تراي بشر اصيب واخطي .

[ابوحسين]

اخواني الاعضاء

اعذروني من التاخير

اخوي عناد الله يعطيك العافيه والله ان الحديث معك له متعه وجاذبيه

وتصدق ان المعلومه الجديده عن تقوس الانف الزايد انا كنت احسب
انها ميزه لانني دايم اشوف اللي بمسابقات الجمال فيها تقوس عجيب

على العموم اين اجد خيل الحرس الوطني؟

ويا اخي عناد لازم تعطيني خبر بالمزادات الله لا يهينك
وترى فيه كم واحد موصيني على افراس من الرياض
لا تنسى الموضوع تراه مهم بالنسبه لي والله لايحرمك الاجر والمثوبه

اخوك
ابو حسين

[ابو درع]

ابو حسين .. اشكرك جزيل الشكر على طرح مثل هذا الموضوع

والشكر موصول للأخوان بطرحهم المفيد وتحليلهم النطقي .



ولك مني هذه الهديه




7






7






7


http://www.mekshat.com/pix/upload/images14/mk9458_k9.jpg

http://www.mekshat.com/pix/upload/images14/mk9458_113190000005682864.jpg

http://www.mekshat.com/pix/upload/images14/mk9458_343434343.jpg


http://www.mekshat.com/pix/upload/images14/mk9458_h.jpg

[عنـاد]

اخوي ابو حسين :

تقوس الانف من الصفات المحببة في الخيل العربيه بس عاد مهوب تقوس زايد يعيق حركة التنفس ويقصر النفس
التقوس له مقاييس وتختلف التقوسات عن بعضها وعندك صور اخوي ابو درع ناضر وتعرف ان التقوس مهوب في قصبة الانف ان التقوس جاي من تقعر الجبهةة ووسعها .
اما بالنسبة لخيول الحرس والله ياخيي ما يحضرني منهي عنده لكن ابحاول ابحث لك وازودك بارقام اللي عندهم

ولا تاكل هم اول ما يجيني خبر عن المزادات تبي تلقا الخبر عندك اول باول ان شاء الله
ونصيحتي لا تستعجل :)

تحياتي اخوك الصغر عناد

[السمنوف]

hgodg gig hgodv

[هجراوي]

اخوي ... للتحمل مهو شرط يكون الحصان عربي اصيل (مسجل) .. يعني انصك تاخذ حصان "كديش" غير مسجل و يكون سلم و اسعارها معقولة.. و تسيسه مسايس .. ركوب خفيف لين تفهمه و يفهمك ... و ثم تشغيل تحمل ... مسار شهرين ثم تشاكيل ثم مفحام اذا حزت الحزه (حول اسبوع الى سبوعين وقت السباق) .. و عليك بالظام الغدائي المتكامل .. الله يوفق الجميع

[المرقاب]

"الخيل معقودٌ في نواصيها الخير ألى يوم القيامة"أو كما قال صلى الله عليه وسلم
والله أن سوالفكم توسع الصدر
الله يوفقنا و يوفقكم لما يحب ويرضى
"الله ينول كلن مراده" :rolleyes: