ثلاجة الثميري ومشكلتها معي!!!!!!!!!!! [الأرشيف]

مشاهدة النسخة كاملة : ثلاجة الثميري ومشكلتها معي!!!!!!!!!!!

ابو شورى

09/09/2011, 03:48 PM

حياكم الله اخواني الكشاته
وكل عام وانتم بخير
ماحب المقدمات وبخش بالموضوع على طول
الزبدة على مايقولون قدر الله علي واشتريت ثلاجة الثميري مقاس40 العام الماضي واول استخدام كانت زي اللوز .
لكن في اول هذا الصيف بدأت تخورها(ومدري هل العيب فيها او من سوء استخدامي لها ) المهم كنت اذا وضعت فيها مويه او مشروبات تجلس فترة طويله تصل الى ست ساعات حتى تصل الى البرودة المطلوبه .
ذهبت بها الى وكيلها بالفايزية يقال له احمد وهو للامانه شخص محترم وامين .
المهم شرحت له السالفة وقال لي ام الحساس عطلان ويجب تغييرة ووضع حساس من النوع الفرار يعني ترهيم حساس خارجي فقلت له مافية مشكلة ومشت الامور لمدة يوم وبعدها تعطلت يعني الحساس يسكر من نفسه وعلى فكرة الحساس له ارقام من واحد الى سته .
رجعت اليه مره اخرى وذكرت له المشكله ورجع وبدل الحساس مره اخرى واشتغلت لمدة يوم وبعدها عطلت .
وقال لي اذا عطلت مرة اخرى مافيه علاج لها واول مره تواجهني مثل هذه المشكله؟؟؟؟؟؟؟
العطل ياخوان غريب نوعا ما وهو عند بداية التشغيل تشتغل زي الحلاوة ولكن فجأة تطفئ بدون مقدمات يعني الكمبرس يتسكر وتبقى اضاءة الثلاجة .
الغريب اني افصل سلك البطارية واشبكها مره اخرى وتشتغل زي الحلاوة فترة ثم تسكر؟؟؟
مع العلم اثناء الاشتغال التبريد فوق العال لكن المشكله من توقفها فجأة ولست ادري من اين المشكله!!!
هل الحساس يعلق؟؟
او هو غير مناسب ؟؟
مع العلم ان البطاريه90 امبير وجديدة وهي اضافية وليست الام للسيارة .
اللي مرت عليه هذه المشكلة لايبخل علي تراها وربي واصله معي منها وطلعت الشيب برأسي واللي يعرف محل او شخص متخصص بثلاجات السيارات ومشاكلها لايبخل علي سوا اذا كان المحل او الشخص هنا بالقصيم او بالرياض ولكم مني جزيل الشكر
وتقبلوا ارق تحياتي

كبيتن

09/09/2011, 06:43 PM

السلام عليكم ورحمة وبركاته
هاذا رقم واحد متخصص بالثلاجات وهو شخص سعودي بالرياض اسمه ابو سليمان
ورقمه 0504472382 والسلام

شاهينن

09/09/2011, 06:48 PM

السلام عليكم
ممكن صوره لثلاجه الي عندك لوسمحة

ابو شورى

09/09/2011, 08:48 PM

السلام عليكم ورحمة وبركاته
هاذا رقم واحد متخصص بالثلاجات وهو شخص سعودي بالرياض اسمه ابو سليمان
ورقمه 0504472382 والسلام
هلا بك اخوي
ومشكور على الافادة ولكن السؤال هل ابوسليمان هو نفسة من يقوم بتجهيز السيارات ومقرة السلي؟؟
تحياتي

ابو شورى

09/09/2011, 08:53 PM

السلام عليكم
ممكن صوره لثلاجه الي عندك لوسمحة
هلا بك اخوي
بالنسبة للتصوير والله ودي ولكن لاعرف حقيقة ولكن بوصفها لك وصفا ولعلها تكون قد مرت عليك .
كما ذكرت مقاسها 40 وشكلها الخارجي استيل والتحكم بالبرودة اكتروني يقع فوق الافياش الكهربائية وان شاء الله احد الاعضاء المتمرسين يزودنا بصورة لها .
تحياتي

ابو شورى

09/09/2011, 11:49 PM

معقوله 110 مشاهدة ولم يرد الا اثنين؟؟
طبعا من غير قصور فيهم ولكن عشمي فيكم اكبر .
يمكن المقناص له دور .

nejjer

10/09/2011, 12:05 AM

ابو شورى

10/09/2011, 12:20 AM

اخوي انا فني تكييف واعتقد الله والعالم ان المشكله من داخل الكمبروسور فيه قطعه داخل الكمروسور اسمها ريليه هذا وظيفته حمايه للكمبروسور اذا زادت الحراره عن الحد المسموح يفصل يمكن يكون الريليه هذا تعبان واذا شغلتها واخذت وقت وبدت الحرارة بالكمبروسور يفصل
هلا بك اخوي
ومشكور على الافادة ولكن اذا طفت الثلاجة وقمت وفصلتها مع سلك البطارية وشبكتها مره اخرى تشتغل وتبريدها فوق الحلو .
مع العلم ان اول يوم بعد ماركب الحساس شغاله معاي من الصباح لحد الليل مافصلت ومرت على اوقات بذاك اليوم حر جدا وبعز الشمس وهي شغاله .
انا سئلت واحد يشتغل بالثلاجات وقد افاد لي ان الكمبروسر اذا فيه مشكله ان الثلاجة تجلس فترة طويله ماتبرد بعد اشتغالها وثلاجتي على طول تبرد بعد ماشغلها .
طيب اخوي الحساس ماله دور
يمكن انه يقفل او حساس ماناسب لها
والقطعة هذه التي ذكرتها هل يتم تغييرها وتمشي الامور
تحياتي لك

nejjer

10/09/2011, 12:41 AM

يمكن يكون الثيرموسات على ماقلت
طيب انت ليش ماجربت تركب الحساس حق بلده يمكن الترهيم مايفيد

ابو شورى

10/09/2011, 12:52 AM

يمكن يكون الثيرموسات على ماقلت
طيب انت ليش ماجربت تركب الحساس حق بلده يمكن الترهيم مايفيد
هلا بك اخوي
حساس بلدة حسب افادة الشخص اللي وديتها له انه صعب التركيب ويقول اذا كنت مصر على تركيبة فأنه يلزم قص الثلاجة من الداخل وتركب الحساس وعندها سوف تظهر رائحة تعكر المزاج عند الاستخدام .

الثويرات

10/09/2011, 09:11 AM

عط الخبز خبازه يارجل

وده يم ابو راكان مهندس ثلاجات 100% سعودي

موجود ببريده

جواله/0554893323 وان شاء الله رايح تدعيلي.

احمد ذا ماعنده سالفه انا اعرفه شخصياً.

شاهينن

10/09/2011, 04:47 PM

السلام عليكم
سؤال هل الثلاحه بعد ماتفصل ولاعاد تشتغل فيه لمبه برتقاليه تولع عندك او تشر
وهل اول ماتشغلها توصل درجة الحراره الي انت محددها اوتزود بدرجتين

mt11

10/09/2011, 10:25 PM

السلام عليكم مشكلتك بسيطه غير الشاشة اللي فيها أرقام وراح تشتغل معك ان شاء الله بس احرص على الاصلي حق الوكيل

شيحاوي

11/09/2011, 09:42 AM

ابو شورى

16/09/2011, 10:54 PM

عط الخبز خبازه يارجل

وده يم ابو راكان مهندس ثلاجات 100% سعودي

موجود ببريده

جواله/0554893323 وان شاء الله رايح تدعيلي.

احمد ذا ماعنده سالفه انا اعرفه شخصياً.
هلا بك اخوي الثويرات واسف على التأخير نظرا لانشغالنا بمزاوله هوايه القنص والف مليون شكر والله يسهل امورك وانا ممنون لك على هذه النصيحة .
وفعلا اعطيت الخبز لخبازة وطلع الانتاج فوق ماتتصور فالاخ ابو ركان نعم الرجل الامين الفاهم بدون تخرصات فمجرد وصولي اليه حلت المشكله باقل من يوم والله يحلل ويبيح من كان السبب
وللامانه انصح من لدية مشكلة بأي نوع من الثلاجات ان يذهب الية فأنا والله لااعرفة الا من خلال مشكلة ثلاجتي ومن خلال الاخ الثويرات فهو من خلال حديثي معه ووصوله الى مشكله الثلاجة يثبت انه انسان متمكن
الف شكر اخوي
ونحياتي

ابو شورى

16/09/2011, 10:57 PM

السلام عليكم
سؤال هل الثلاحه بعد ماتفصل ولاعاد تشتغل فيه لمبه برتقاليه تولع عندك او تشر
وهل اول ماتشغلها توصل درجة الحراره الي انت محددها اوتزود بدرجتين
هلا بك اخوي شاهين
المشكله بدأت بعد ماتم الغاء اللوحة الالكترونية حق بلدة واستبدالها بحساس خارجي بحجة عطلانه ولكن الحمد لله تم ارجاعها مثل اول
تحياتي لك

ابو شورى

16/09/2011, 10:59 PM

السلام عليكم مشكلتك بسيطه غير الشاشة اللي فيها أرقام وراح تشتغل معك ان شاء الله بس احرص على الاصلي حق الوكيل
هلا بك اخوي
فعلا كما قلت انت تم الغاء الحساس الخارجي المرهم وارجاع الحساس حق بلدها وضبط الوضع
تحياتي

ابو شورى

16/09/2011, 11:03 PM

ترا اكثر مشاكل الثلاجات من السلك يصير من النوع ضعيف التوصيل حط سلك جبر 8ملي وطالع هذا اولا وثاني شي جرب اشبك الاسلاك على البطاريه الاساسيه ترا قد صارت علي بثلاجة ويكو وهي ماتسحب كهرب عيت تشتغل على البطاريه الاضافيه وعلى الاساسيه تثلج على طول وبس:D تراي تعبت وانا اكتب قلي شكرن:p
هلا بك اخوي
تسليك الثلاجة مافية مشكله لان السلك وضعة سليم فقط اكتشفت(قصدي اكتشف ابوركان:D) انه لايوجد دقمة بين البطارية الاضافية والبطارية الام .
ماراح اقول لك شكرا واحدة بل مليون شكرا
تحياتي

fahad marzouq

16/09/2011, 11:07 PM

جميع الصناعات صارت حظوظ يشترون اثنين نفس المنتج واحد يسب واحد يمدح يعني انت وحظك وبعدين الجووده مااعاااد هي زي اول ؟

ابو شورى

16/09/2011, 11:13 PM

جميع الصناعات صارت حظوظ يشترون اثنين نفس المنتج واحد يسب واحد يمدح يعني انت وحظك وبعدين الجووده مااعاااد هي زي اول ؟
هلا بك اخوي فهد
فعلا كلامك صحيح الان اختلط الحابل بالنابل ولكن هذا لايلغي ان هناك ثلاجات حافظت على سمعتها ومتانتها .
ومن ظمنها ثلاجة الثميري(حسب استخدامي لها) فأنا اليوم مثلا احد اصدقائي معه ثلاجة انجل مقاس 60 وانا معي الثميري مقاس40 عملنا تحدي بينهم ايهم يبرد الكوكا اكثر وبعز الظهر في الاخير طلعت النتيجة ان كلاهما(الثلجتين) اخرجت لنا مشروب مثلج منعش:p:p
تحياتي

زمان الوحداوي

16/09/2011, 11:55 PM

الله يعوضك من خيره
ومشكور على الافاده والله باغي اشريها اليوم

ابو شورى

17/09/2011, 06:51 PM

الله يعوضك من خيره
ومشكور على الافاده والله باغي اشريها اليوم
هلا بك اخوي زمان الوحداوي
اللهم امين يارب وتراي مافهمت عليك هل انت تبي تشتري الثميري ام انك تراجعت؟
اذا كنت عدلت عن شرائها بسبب ماذكرت فأحب ان اخبرك انها وللامانه لم يكن السبب منها بل لسوء استخدامي لها وكذلك بسبب مشورة شخص الله يستر عليه لكن بعد ذهابي لشخص متخصص رجعت الامور كما اريد .
تحياتي لك

مثنى

20/09/2011, 11:22 PM

كماسعارها يالغالي واين اجد مكان بيعها

ابو شورى

25/09/2011, 01:23 AM

كماسعارها يالغالي واين اجد مكان بيعها
هلا بك اخوي مثنى
الثلاجة اللي معي مقاسها 40 واشتريتها بسعر 1800 ريال العام الماضي وتجدها عند وكيلها الثميري بالرياض لكن ان كنت في مدينة بريدة او ماحولها فتجدها عند عرق الشمال
ورجاء لاتقبل على الشراء الا وانت مقتنع كامل الاقتناع فأنا بالنسبة لي هي افضل ثلاجة
تحياتي

tariq2100

25/09/2011, 08:57 PM

الله يجزاكم خير

ابو شورى

26/09/2011, 01:52 PM

الله يجزاكم خير
واياك والمسلمين اجمعين

mohamjordan

10/11/2011, 05:12 PM

السلام عليكم
سؤال هل الثلاحه بعد ماتفصل ولاعاد تشتغل فيه لمبه برتقاليه تولع عندك او تشر
وهل اول ماتشغلها توصل درجة الحراره الي انت محددها اوتزود بدرجتين

الاخ العزيز شاهينن عندي ثلاجه الثميري 40 الجديدة تشتغل تمام علي 220 و 12 فولت و السياره مو شغاله المشكله بعد تشغيل السياره تشتغل فيه لمبه برتقاليه تولع و تفصل الكمبريسر . عندي بطاريه أضافيه و ساك 8مم طالع للثلاحه .

أرجو المساعدة