وش رايكم بهالموتر ياااناس يذبحني .... صور حلوه [الأرشيف]

مشاهدة النسخة كاملة : وش رايكم بهالموتر ياااناس يذبحني .... صور حلوه

خيال نجد

27/01/2006, 07:06 PM

السلام عليكم يالغالين.................
بصرحه حبيت أخذ رايكم بهالموتر ,,,,,, هل هو ياخذ عقلي انا ولا الناس كلهم
جربت كل المواتر ومالقيت أحلى من هالموتر سواء بالبر بالديره بكل مكان
علماً بأني جربت أغلب المواتر ,, الددسن والاسوزو والفي أكس أر والجمس الونيت والهمر وغيره وبكل مره أرجع واشتري باترووول :good: وصورة هالباترول هو السادس من هالنوع ,,طبعاً أتكلم عن الشكل الأول 97,,96,,95 ,,94,,93,,92,,91 وبس ,,,,,,, واللي عنده صوره أو مشاركه أو تعديل على هالموتر يفيدني وترانا مانستغني وشكراً............. باترول 97 :good:

http://www.mekshat.com/pix/upload/images14/mk23868_gggggggg.jpg

http://www.mekshat.com/pix/upload/images14/mk23868_dsc05099.jpg

صوح الجبل

27/01/2006, 07:11 PM

سعدت ... يالغالي ... خيال نجد ... بأن اكون اول المشاركين في موضوعك .... والله انا مثلك معجبني ... بس ياخي عليه شفط للبنزين ... يخليك تكره ....

ابن الكرام

27/01/2006, 07:34 PM

الناس فيما يعشقون مواهب ,,,, تحياتي للجميع ;)

نمر بن حثلين

27/01/2006, 11:51 PM

اتفق معاك ان الباترول الاولات لهن عشق خاص
شكلهن الخارجي مميز وجميل والداخلي حلو
ولكن بهن عيب شرعي وهو الثقل ( قومته قومة عربجية ) ولا وجه للمقارنه بنشاط الموديلات الجديده بمحرك فيتك الفتاك :D

http://www.mekshat.com/pix/upload/images14/mk23868_dsc03066.jpg

على فكره وشهو الجهاز الابيض الي في الوسط ؟

ابو مروان

28/01/2006, 10:14 PM

السلام عليكم السيارة هذى عجيبة بالرمل انا كان معى 91 سيارة بر من الطراز الاول مريحة السيارة راسية مع الازفلت مريحة بالبر وسواقتة روعة ماهو حول التويوتا اةةةةةةةةةة لولا البنزين يصرف بشكل غريب

رااااايق

28/01/2006, 10:45 PM

اخوي خيال نجد ..

الحال من بعضه :good:

ما فقدت سيارة مثل الباترول الأول ، مع اني استخدمت كذا سيارة للبر:
الباترول اللي لدرب الوعر دكَّاك

من وراد السبع صقر البراري
تحيتي لك ولرأيك الصائب .

ابوقاسم

29/01/2006, 02:29 AM

انا ما سقت باترول ولا قد سقته ولكن كل ما اشوفه عند اشارة او في طريق يفز قلبي وادعي له بالسلامة
وصراحة ما شفت حد تحداه بالبر وفاز عليه
صحيح سياررررررررررررررررررررررة

فرخ الشاص

29/01/2006, 04:13 AM

فيه واحد زيه للبيع خليجي فل كامل
لونه أحمر وذهبي قير أوتوماتيك ومراتب جلد
مع قلص مصبوغ بنفس لون الجيب بــ 35 ألف

غالي ولا مناسب ؟؟؟
مع إنه قير أوتوماتيك وهذا عيبه من وجدهة نضري ؟؟؟

عاشق المزون

29/01/2006, 04:32 PM

مشكور على المشاركة بس اخوي قبل الباترول طالبك طلبه :) ماشاء الله وشذا الاجهزة الى على الطبلون عرفت الابيض الظاهر انة مشغل Mp3 بس فية اجهزة اخر غير الجارمن وشن ومشكور والعذر على القافة الزايدة

خيال نجد

29/01/2006, 06:25 PM

تمون يا عاشق المزون
الأجهزه ,,,,,,,,,,
1 قارمن
2 mp3
3 بوصله
4 سماعه
5 أيكوم ابو موجتين وهذا الجهاز يتميز بأنه له موجتين تقدر تحط خوياك على موجه والعامه على الموجه الثانيه وبكذا كأنه معك جهازين,,, وهذا الجهاز جبته من خارج المملكه في أحد السفريات ,أعتقد اني شريته من النمسا,, ولا أذكر أني شفته هينا ولا أدري هل هو موجود ولا لا طبعاً هو الموجود على اليسار بالصوره .

بو خليفه

30/01/2006, 12:54 AM

إذا كنت هاوي البترول أنت فخلك معه لأن الهواية تقلب رأي الجماعة
و لا تنسى الشاص 2007 الذي في المنتدى و الذي يكون نازل في أوروبا و أمريكا هو نيسان باترول موديل 1977م
فكن على ما أنت هاويه و النيسان لا عيوب فيه بالنسبة للياباني و الأمريكي

هويدي

30/01/2006, 06:54 AM

ماشاء الله تبارك الله الله يطعمك من خيره ويكفيك شره

موترك هذا حلمي اللي بيتحقق انشاء الله عما قريب مع ان معي الفين وواحد زين ولله الحمد

ويبيض الوجه بس السبعه بالذات عندي غير سواء سلقه او زي موترك ماشاء الله

وااوصيك وصات ونا اخوك ان طرالك بيع او تخبرلنا موترن شبيه لموترك او سلقه نظيف لاتنسانا تكفى

واسمحلي اشاركك في موضوعك بصوره موتر واحدن من الربع نشبتله عيا يبيعه علي الله يطعمه من خيره ويكفيه شره

http://vibr.jeeran.com/DSC01875.jpg

والصوره بالصدفه صار الموتر تقل متكي على الوكر والطير

مع التحيه للجميع

المراتب

30/01/2006, 07:34 AM

:D
[S وهذا الجهاز جبته من خارج المملكه في أحد السفريات ,أعتقد اني شريته من النمسا,, .[/SIZE][/B]

جايبه من الخارج ..... ولا تدري منين :confused:

الظاهر إنك من الي منعم الله عليهم :D :D :D

الله يرزقنا وياك ....

بس عندي سؤال : سألتك بالله الهمر الموجود بالصورة هو الي موجود بأحد معارض النسيم ؟؟
أذكر أني شفت همر مرهم مساعدات وطال مثل السيارات المتوحشة الي مغير يقامزون بهن ....

أشكرك على هذه المشاركة تقبل تحيات (( المراتب ))

المراتب

30/01/2006, 07:38 AM

خيال الجربأ

30/01/2006, 08:17 AM

الموتر زين الله يجعلك راعيه ويستر عليك ..والله يعينك على صرفية البنزين..

الحوار

30/01/2006, 09:02 AM

الله يهنيك يابوعبدالعزيز ببركته،

لكن على طاري صور القميري اللي في توقيعك تذكر الشايب اللي في شعيب الطيري وتنشده عن القميري يقول ماشفناهن !!! يوم شفت الكرتون مليان ريش ؟؟؟؟؟ وقلت له اجل ذولي وشهن ؟؟؟؟ وش قاللك!!!!!!!!

عاشق الجح

30/01/2006, 09:02 AM

خيال نجد عز الله انك طير بر وشقردي بس عاد مهوب كل شي تقوله يصير صحيح
وش جاب السفاري عن اللاندكروزر أو جيب لكزس لاوجه للمقارنه السافري شفاط البنزين وابو القرقعه وكل اسبوع وانت في الصناعيه تربط فيه تجيبه عند السياره الفارهه اللاند أو الكزس لاااااااااااا والف لااااااااااااااااااا
تبي نصيحتي اركب اللاند في اكس ار أو الكزس وش الفرق
مع انك تقول انك جربت اللاند بس شكل اللي عندك كان جي اكس ار وأخواته
جرب الفي اكس ار وشف الفرق
وأخير
أحب ان ابدي أعجابي بشخصك الكريم وربي يوفقك ويسعدك دنيا وأخره
اخوك عاشق الـــــجــــح

راع العلوم

30/01/2006, 09:21 AM

طيب يالربع وش رايكم ما نسوي مقارنة بين الجيبين لأني صراحة داخ راسي من كثر ماسمعت واحد يمدح ذا و واحد يمدح ذاك و منها اللي يبي يشتري يكون على بينة و ياليت كل واحد يكتب من خبرته ، هذه فكرة و إنشاء الله أنكم تتحمسون معي خصوصاً و أنا ناوي اشتري لي جيب بس ما أدري وش أشتري

بو خليفه

30/01/2006, 09:30 AM

مشكلتي أحلم و لكن حلمي غير الناس
لأني كلما حلمت نزل موديل جيديد كسح الأولي و حلمي يتجدد مع رانج روفر (سوبر شارج( الجديد

قناص تميم

30/01/2006, 12:12 PM

أي موتر تقصد من هالكثيره لكن أنا والله الهمر أعجبني بس فزته مهيب قويه والله الزين الباتروللللللللللللللللللل وبس لللللل أزين موتر أخوك : صقار نجد ؟

أبومناحي

30/01/2006, 01:01 PM

تسلم أخوي على الصورة الحلوة

ع.ف.الدرويش

30/01/2006, 01:13 PM

النيســــان.. ما أقول إلا ونعم الإختيار

أخوي خيال نجد.. عشق النيسان جاوز حدود وحدود
لذلك ما أقول إلا يطعمك ربي خير هالمزيون ويكفيك شره
أما التعديلات فما فيه غير الدارج الآن..
وأقصد ==> مراوح كهرباء + هيدر + بواجي أسلاك بواجي وفيه شئ حلو كويل أو سوبر كويل والـmsd الموديلات السابقة يضبط معها هالتعديلات
وهذا ما عندي وأتمنى تحصل لك الفائدة
مرة ثانيه يطعمك ربي خير هالمزيون ويكفيك شره

اخوك.. عبدالرحمن

توونا

30/01/2006, 01:34 PM

صدقت والله النيسان كما ذكرت بالموديلات السابقه اثبتن الجوده والراحه ومتعه القياده

salehhd

31/01/2006, 12:36 AM

السلام عليكم

جيوب النيسان ملوك البر

والباترول شيخ الجيوب

خفيف ونشيط بس شاطة بنزين

خيال نجد

01/02/2006, 02:03 PM

مشكورين على المشاركه وعلى الاخلاق الطيبه ,,,,,,,,,,,,,,,

الأخ/ صوح الجبل أشكرك وأهنيك على التميز وبصراحه صدقت بس أذا سقته بكيف البنزم
الأخ/ حاكم أشكرك وفعلاً الناس فيما يعشقون مواهب
الأخ/ نمر أشكرك والجهاز الأبيض ايبووت Mp3 مشغل سمعيات بالسياره والبيت والبر وكل مكان....
الأخ/ أبومروان أشكرك وبصراحه صدقت
الأخ/ رااايق أشكرك وصح لسانك
الأخ/ الغضى اشكرك
الأخ/ إلنترا مطربل أشكرك وأرسلي المواصفات كله وأرسلك قيمته بالضبط
الأخ/ عاشق المزون أشكرك بقووووه
الأخ/ بو خليفه أشكرك بصراحه مالي بالشاص بس يعجبني ولا أتمنى انه يكون لي
الأخ/ هويدي أشكرك وتحت أمرك الموتر وراعيه وبصراحه مالي نيه بالبيع بس تراه مقدم وتستاهل
الأخ/ المراتب اشكرك وأحب اقولك أن النعمه وانا أخوك هي راحت البال والقناعه ولا الفلوس تجي وتروح والله يرزقنا شكر النعمه ,,,, والهمر اللي شفته بالمعرض,,معرض المهرجان,, هو موتري وهو اللي بالصوره وهو الهمر الوحيد بالخليج بهالشكل..بيق فووت.. بعدين وش قصدك وش يذكرك فيه توقيعي ..........
الأخ/ خيال الجربأ أشكرك ,,,,,,,,,,,,,, وآمين
الاخ/ الحواراشكرك والظاهر اني عرفتك بس أرجو التوضيح أكثر ,,,, والله ياكثر الريش اللي لقيته بالكرتون لا والشايب يقول ماصدنا شي ,,, يالله حسن الخاتمه أفاااااااااااااااااااا
الأخ/ عاشق الجح أشكرك أنا جربت كل الماتر واللي كان معي Vxr 2000 وبالتالي أرجع وأشتري باترووووول
الاخ/ راعي العلوم أشكرك بس ليه ماتكون المشاركه بالصور أحسن
الأخ/ بو خليفه أشكرك والله يرزقك
الأخ/ صقار نجد أشكرك وصدقت
الاخ/ بومناحي اشكرك ومن قال سااااالم
الاخ/ ع.الدرويش اشكرك وبصراح معلومات قيمه أفدتني[/size] [/b]

وأهنيكم بالعام الجديد الله يجعله عام نصر للمسلمين وكل عام وأنت بخير
وأعذروني أن بداااا مني أي قصووووور ودمتم

خوي النشاما

02/02/2006, 12:31 AM

مرحبا اخوي خيال نجد
عزالله موتر وبس ومن مميزاته القرقعه وصرف البنزين
الى قارنته بوقفاته واعطاله وبعدين افظال سياره تمشي
بسيول والماء مايطفي ابد واسال مجرب ولا تسال ( خواف )..

الفهد454

02/02/2006, 02:12 AM

اخوي خيال نجد اما من ناحية انه موتر انا اشهد انه موتر ولا يصف جمبه اللاند لا في بر ولا خط يمكن رزه ارز شوي بس لا خط ولا بر يطلع مع النيسان ولا فيه موتر خش مزاجي مثله مع العلم انه عندي باترول كامل 98 مرهم 2002 لكن والله ماعليه خلاف والحمدلله لا وقير عادي من النوع اللي يحبه قلبك مايقولك لا.

* الـكـشّـات*

02/02/2006, 03:28 PM

السلام عليكم ورحمة الله وبركاته

أخوي (( خيال نجد)) ذكرت انك جربت السوزو ولا نفعت معك

أبيك تعطيني عيوبها لاهنت.

لأني ناوي اشتري وحاطه في راسي لعدة أسباب:

1- ديزل ....... يعني خذ راحتك في المشاوير ولا تشيل هم البنزيز ... لا وبيرتفع قريب.

2- دفرنسين ..... يعن شل هم التغريز إن شاء الله .

3- حوض ...... يعني ذب أغراضك في الصندوق ولا ترتبها ولا تشل هم كثرة الأغراض.

5- العزم ممتاز قوة المكينة 3000 آلاف تربو قوي .... يعني أحسن من أول.

6- السرعة ..... يجيب 160 براحة و170 إذا ما فيه هواء.

إذا فيها مشاكل أو عيوب أو خربات ارجوك تعلمن عشان ما استعجل

وجزاك الله خير

.

.

.

أخوك

الكرامة

راعي الكيف

02/02/2006, 04:29 PM

خيال نجد ...على هالكونسول اللي صافن فيه هالاجهزة تبي تروح لم ادغال افريقيا ..!! هههههههههههه

يعطيك العافية على هالصور ... وفي الحقيقة انا من الناس اللي يعجبني الباترول القديم ... بس زي ماقالو الاخوان ... صرفية هالبنزين ... وزد عليها انه يتفكك ... وغيره خذ رجال !!

برايفت لك : توني افطن لتوقيعك .... بصراحة .... شي خيال ... وخصوصا هاللي مكمَّل جيشي ولابس هالقحفية ... ذكرني بواحدن الله يرحمه .... بس مو ناقصه إلا يدق لك التحية ..... تحياتي لك

VX-R 2001

02/02/2006, 07:35 PM

والله لو ايش ما يجـي عند اللانــد شي ؟؟؟

اللانــد افخم وافضل وما يشفط بنزيـن زي الباترول ....

لكـن والله العظيم مو عشان موتـــري لـكن وش جاب السماء للارض ...

اتمنــى تفهمنــي ... وما تزعــل

تحياااااااااااتي

خيال نجد

04/02/2006, 04:22 AM

أشكركم جميييييييييييييييييييييييييييييييييييييييييييييييي ييييييييعاً على المشاركه والمروووووووووور
الأخ/خوي النشاما ......اشكرك
الأخ/الفهد454 أشكرك على المروووور والمشاركه والله يطعمك منخيره ويكفيك شره يااااارب
الأخ/vx-r 2001 وترك حلووو بس أنا جربته وقياة السيارتين كلهن بالبر مافيه أمتع من الباترووووول والناس أذواق,,,,,,, وأشكرك على المشاركه
الأخ/الكرامه ,, أشكرك على المروووور والمشاركه
والأسوزو عيوبه قليله بس والكاله سيئه جداً جداً,,,,أقصد اليمني
1/ الزجاج الكهرب يتعل يخرب
2/ الدبل كهرب وأستخدامه مايجوزلي مايلقم بسرعه وهذا يظايقني
3/ صوت المكينه الديزل علي نوعاً ماء يعني وقت الصيد ماينفع
4/ تانكي الديزل أصغر من المطلوب وهذا اللي يخلي المقانيص يركبون تانكي ثاني بالحوض..
أتمنى إني ماكرهتك بالموتر بس أنت سألت وأنا حبيت أكون صادق على العموم الموتر معي إلي الأن وله سنتين ونصف السنه وأزيدك من البيت شعر أنا صاحب معرض وعندي منهن ولك خصم يالله هههههههه :d ودمت يالغالي.

خيال نجد

04/02/2006, 04:35 AM

أشكركم جمييييييييييييييييييييييييييييييعاً على المشاركه والمروووووووووور
الأخ/خوي النشاما ......اشكرك
الأخ/الفهد454 أشكرك على المروووور والمشاركه والله يطعمك منخيره ويكفيك شره يااااارب
الأخ/راعي الكيف ,,,, أشكرك على المشاركه والفكاهه بس اللي لابس بريهه يمكنه أنا ,,,,, أنا أقول يمكن,,, بعدين وش هالصوره لك أبيض وأسود شكلك قديم ولاحق على تحيه كريوكا وصباح...هههههههههه أمزح
الأخ/vx-r 2001 موترك حلووو وأنا جربته وسقت السيارتين كلهن بالبر ,,,,,,,, مافيه أمتع من الباترووووول والناس أذواق,,,,,,, وأشكرك على المشاركه
الأخ/الكرامه ,, أشكرك على المروووور والمشاركه
والأسوزو عيوبه قليله بس الوكاله سيئه جداً جداً,,,,أقصد اليمني
1/ الزجاج الكهرب يخرب
2/ الدبل كهرب وأستخدامه مايجوزلي مايلقم بسرعه وهذا يظايقني
3/ صوت المكينه الديزل عالي نوعاً ماء يعني وقت الصيد ماينفع
4/ تانكي الديزل أصغر من المطلوب وهذا اللي يخلي المقانيص يركبون تانكي ثاني بالحوض..
أتمنى إني ماكرهتك بالموتر بس أنت سألت وأنا حبيت أكون صادق على العموم الموتر معي إلي الأن وله سنتين ونصف السنه وأزيدك من البيت شعر أنا صاحب معرض وعندي منهن ولك خصم يالله هههههههه :d ودمت يالغالي