اليايات الإسترالية .... أفيدوني !!!

[البديوي 2]

السلام عليكم ورحمة الله

"أدري ابطول عليكم بالأسئلة بس تحملون شوي "

ياجماعة مكشات أفيدوني عن اليايات الإسترالية أمامية وخلفية

بالنسبة لسيارات اللاندكروزر gxr 2011


س / كم سعر اليايات الأمامية والخلفية مع التركيب ؟
وكم سعر المساعدات ؟


س / ما هو أنسب إرتفاع بالسنتميتر للخلف والأمام ؟
أم يقاس بالضغط أو برقم لليايات أم بالوزن كغ ؟

س / هل يلزم تغير المساعدات الأمامية الأصلية وتركيب مساعدات استرالية أيضا عند تغير اليايات ؟

س / وأين افضل ورشة لتركيب اليايات والمساعدات بالرياض ؟

س / وهل يلزم وزن أذرعة بعد تركيب المساعدات واليايات الإسترالية الأمامية ؟ وأين أفضل ورشة لوزن الأذرعة ؟

لأن مخي انسحل من الشباب كلٍ يعطيك راي يخالف الي قبله

وسألت محل الرماية الي بالرياض بطريق التخصصي

" كان فيه فلبيني والحين باكستاني "

وبداء يخربط علي وعطان سعر مو معقول فوق 3000 ريال

وبارك الله فيكم

[سيف الظفير]

بكرة اعطيك العلوم كاااااااااملة يابعدي

[كثير السؤال]

س / ما هو أنسب إرتفاع بالسنتميتر للخلف والأمام ؟

لاتعدى 5 سانتي لانه يضر عمود الكردان اظن اسمه كذا


أم يقاس بالضغط أو برقم لليايات أم بالوزن كغ ؟

على مااظن فيه ثلاث انواع من ناحية الوزن
طبعا الوزن القوي يقولون انه يشعر الشاصي ويقص الظهر قص

[سيف الظفير]

س / كم سعر اليايات الأمامية والخلفية مع التركيب ؟
وكم سعر المساعدات ؟

مر على الرماية يالغالي لانه الوكيل ليايات ARB
اولد مان


س / ما هو أنسب إرتفاع بالسنتميتر للخلف والأمام ؟
أم يقاس بالضغط أو برقم لليايات أم بالوزن كغ ؟


على حسب استعمالك يا بعدي وتختلف من واحد لثاني وعلى حسب اغراضك
انا عزبتي كاملة مع تانكي ماء 145 لتر ما تنزل ابد رافعة من ورا 7 سم

اما اليايات لها ارقام

وانت اعتقد والله اعلم يصلح لك

امامي 700
خلفي 721

من الامام 3 سم
ومن الخلف 5 سم

ورساوة وقوة تحمل ورفعة زينة لك يا بعدي




س / هل يلزم تغير المساعدات الأمامية الأصلية وتركيب مساعدات استرالية أيضا عند تغير اليايات ؟
الافضل ان يكون الكت اي الطقم كاااااااامل
عشان تقدر وتعرف التغيير


س / وأين افضل ورشة لتركيب اليايات والمساعدات بالرياض ؟
ورشة الرماية A R B
عند الفلبيني الفريدو -- سلمني عليه الذيب -


س / وهل يلزم وزن أذرعة بعد تركيب المساعدات واليايات الإسترالية الأمامية ؟ وأين أفضل ورشة لوزن الأذرعة ؟
نعم يلزمك يالغالي

والعضيب والمجد خير من يقوم بذلك


لأن مخي انسحل من الشباب كلٍ يعطيك راي يخالف الي قبله

وسألت محل الرماية الي بالرياض بطريق التخصصي

" كان فيه فلبيني والحين باكستاني "

وبداء يخربط علي وعطان سعر مو معقول فوق 3000 ريال

وبارك الله فيكم

انا مجرب واعوذ بالله من كلمة انا واغلب القياسات جربتها

وان بغيت علوم زود راسلني على الخاص وابشر بالشبب

***

أخوك سليمان الظفيري

ابو صالح

[البديوي 2]

سيف الظفير

كثير السؤال

بارك الله فيكما

ولكن

هل يلزم تغير المساعدات الأمامية عند تغير اليايات ؟

لأن المساعد الإسترالي غالي جدا وشد البلد جيد ومافيه شئ

فليش أغيره !!!

[النايف999]

انا ركبتها على 2008 و2010
خذتها من الرمايه امامي وخلفي بـ1180 تقريبا مقاسها اتوقع 720 و721
انت عطهم الموديل وهو يسلمها لك ,, لان الموديل القديم له نوع والجديد له نوع
الارتفاع تقريبا5 سم
ركبتها عند ورشة مرات بالصناعية القديمه وهذا رقم المدير ابو علي 0506436883
ومايحتاج تغير المساعدات مساعداتك جديده وتقوم بالغرض
وبعد التركيب على طول للميزان اللي قباله البلاد او اللي جنبه المجد او اليرموك وبالتوفيق ان شاء الله

[ابو محمد 2011]

بالنسبة للمساعد
اذا ركبت الياي الاسترالي ما يلزمك انك تركب مساعد استرالي
تقدر تركبه على مساعد البلد
بس
يبلك اول شي تسخن الياي عشان يركب
وراح تروح عليك الرساوة وراح يلعب وجهه
فنصيحة خذلك طقم مساعدات مع يايات افضلك

[قناص2000]

بسم الله الحمن الرحيم

السلام عليكم ورحمة الله وبركاته

هذا شرح مبسط حاولت اني اوصل فكرة عمل ياي الوكاله و الياي الاسترالي والفرق بينهم .. وهل تحتاج لتركيبها ام لا ؟
وماهي الانواع المناسبه لسيارتك .. وماعمل المساعدات الاسترالية وفرقها عن اليايات ..


وقسمته لثلاثة محاور رئيسية .. <***** يبي يلقي محاضرة http://www.toyota4arab.com/forum/images/smilies/biggrin.gif (http://www.toyota4arab.com/forum/images/smilies/biggrin.gif)..

ملاحظة .. المقصد بالياي والمساعد الاسترالي هو الرياضي ولكن سمي استرالي نسبة لبلد المصنع . وهي التي تستخدم في الراليات ورياضة السيارات .



اليـــــايــــات(السبرنقات) :

كثير من الشباب يسمع عن اليايات الاستراليه وانها ممتازة .. وممكن انه يغير يايات موتره ..
وهو مايدري وش السالفه بالظبط ..
ووش فايدتها وميزاتها وسلبياتها ..
يعني مع الخيل ياشقرا وبسhttp://www.toyota4arab.com/forum/images/smilies/cool.gif (http://www.toyota4arab.com/forum/images/smilies/cool.gif) ..

اولا هذي شكلها ومكانها .. وتكون عند كل كفر ..


http://img828.imageshack.us/img828/4440/dscn0147j.jpg (http://img828.imageshack.us/i/dscn0147j.jpg/)




ومهمتها انها تشيل جسم السياره .. وتجعلها مريحه وسلسه في المطبات ..

يعني ان السياره تكون على سبرنق .. ينظغط في المطب القوي ويتمدد في الحفر ..
بحيث يعطي مرونه للكفر وحريه انه يتحرك للاعلي والاسفل بدون ما يحرك معه جسم السياره ..

وميزته انه يجعل السياره اكثر راحه ..

لكن ..


لو حملت اوزان كبيره ..

بينظغط ياي الوكاله للاخير .. حتي يتطابق على بعض وما يكون له مجال انه يتحرك ..
ويكون عباره عن كتله من الحديد.. ويبدا جسم السياره يضرب في الاجزاء السفليه..


وايضا عند الانعطاف الحاد .. ينضغط الياي من جهة الانعطاف .. وتميل السياره بشكل كبير ..

هنا ناتي لفائدة الياي الاسترالي ..


الياي الاسترالي مصنوع ومفتول من حديد اعرض واسمك من ياي الوكاله وعدد لفاته اكثر فيعطيه قوه في التحمل .. بحيث ما ينظغط بسهوله ..

وبالتالي ما تنزل السياره عند التحميل ولا تميل عند المنعطفات الحاده .. وتكون اكثر رساوة.

وكلما زاد عرض الحديد للياي الاسترالي وكثرت لفاته .. زاد تحمله ومقاومتة للانضغاط..

وهذي صوره للياي الاسترالي .. ولاحض سمك الحديد وعدد اللفات ..

http://img843.imageshack.us/img843/3369/dscn0160p.jpg (http://img843.imageshack.us/i/dscn0160p.jpg/)

وهذا ياي الوكاله .. ولاحظ الفرق في سمك الحديد وعدد اللفات اقل ..

http://img137.imageshack.us/img137/3460/photo2sx.jpg (http://img137.imageshack.us/i/photo2sx.jpg/)

ميزات الياي الاسترالي ..

1 - اكثر رساوة في المنعطفات والسرعات العاليه ..
2- عدم نزول السياره عند التحميل ..
3- ارتفاع السياره" بحسب رقم الياي" ..

سلبياته :

1- في حاله عدم التحميل يكون اقل راحه من ياي الوكاله ( مطبه قاسي) .



طيب لماذا تويوتا لم تضع من البدايه الياي سميك وعريض في المفخرة ..

والجواب ان غالب الاستعمال يكون عادي ومتوسط.. فيتم تصنيع مواصفات السيارات على اساس انها تستخدم للتحميل 8 اشخاص عاديين باغراض عاديه ..


لكن

في السفريات و التحميل عندنا ..

تحصل في السياره 7 حريم و3 رجال و12 ***.. و 13 شنطه و 8 جراكل زمزم من مكه وكرتونين رمان لجدتهم http://www.toyota4arab.com/forum/images/smilies/tongue.gif (http://www.toyota4arab.com/forum/images/smilies/tongue.gif) .. مثل هالصورة ..


http://img820.imageshack.us/img820/7185/140820091194.jpg (http://img820.imageshack.us/i/140820091194.jpg/)

ههههههه..

ثم يقول اليابانين ابخص .. وخل الموتر شد بلد .. ولانيب مغير شي ..


هذا خطاء وخطر وتحميلك الزائد في السفر .. يعتبر استخدام خاص وليس عادي . ويجب اضافة متطلبات لهذا الاستخدام الشاق ..


طيب هل تحتاج الياي و كيف تختار الياي المناسب لك ؟

اشوف ان الشباب ينقسمون لقسمين ..

الاول .. ناس راعين سفريات وتحميل و بر (لكن ليس تطعيس ) وهم الاغلب .


فاذا كنت تستخدم السياره استخدام عادي للدوام وسفريات بدون تحميل كثير وطلعات خفيفه للبر ..

ماتحتاج ياي استرالي ..

اما اذا تحميلك قليل .. ممكن تغيرالخلفي فقط لـ 720 يكفيك ..
"سيتم شرح الارقام لاحقا .."
واذا كنت تستخدم السياره للسفر والتحميل الزائد وللبر تانكي ماء وعزب واغراض ..

"مثل الصورة الي فوق "

فينصح بانك تغير الياي الخلفي فقط , بالرقم 721.. ليتحمل هذه الاوزان ..وايضا يساعد في الحفاض على توازن السياره في المنعطفات ..

واذا اكثر من كذا .. عليك بـ 722 .. او 723 اذا انت تحمل حواشي وقعدان ..


اما القسم الثاني ..

فهم راعين الجلد وكرف الموتر والتطعيس والمطامر .. وهم الاقل ..

وهؤلاء لازم انهم يغيرون الياي الامامي ايضا .. ويفضل المساعدات اذا رجلك ثقيله مره ..

لان الياي الامامي يصلح للي يراقى ( يطاعس) وللجلد بالردميات وغيره ..

ويفضل انه يغير المساعدات مع اليايات عشان مايلعب وجه موترع بالبر والطعوس ..

واعتبر هالصورتين تمثل الفشل الذريع لياي ومساعد الوكاله في التطعيس ..

شف كيف طالع فوق..

http://img835.imageshack.us/img835/6640/mg0843.jpg (http://img835.imageshack.us/i/mg0843.jpg/)


وهنا كيف نازل مررره ..

http://img202.imageshack.us/img202/1088/dsc0534v.jpg (http://img202.imageshack.us/i/dsc0534v.jpg/)

وهذا يسبب ارتطام وجهية السياره بالارض .. فينكسر الصدام او يحك الكفر الامامي بالصاجه واقلها انك تفقد السيطره على السياره ويضيع عزم الموتر ..

لذالك الي من هالنوع ..

يركب ياي استرالي مع مساعدات استراليه ..

مثل هالصورة ..


http://img62.imageshack.us/img62/7012/dscn0150t.jpg (http://img62.imageshack.us/i/dscn0150t.jpg/)



الفرق بين الياي الاسترالي والمساعد الاسترالي:

الياي السترالي قلنا انه عريض ويقاوم الانضغاط وعدد لفاته اكثر .. لذلك فهو يقلل من مدى تحرك السياره للاعى والاسفل ..

يعني ..

لو اخذت لك مطب بياي الوكاله ... بترتفع وجيه السياره 10 سم (مثال) ثم تنزل 10 سم ..

اما الياي الاسترالي .. يترتفع 5 سم وتنزل 5 سم فقط ..

يعني الياي الاسترالي يقلل من مدى ارتفاع ونزول السياره .. " مثل الصورتين في الاعلي "


اما عمل المساعد كالتالي ..

تخيل ان السياره بدون مساعدات .. ايش بيصير ..

لو اخذت مطب بنقز الموتر ويستمر يطلع وينزل ويناقز ولن يثبت الا بعد ما يرتج مخك ..
وهذ ميزة المساعد ..

انه يمنع السياره من الارتدادات او المطامر بعد المطب .. والاستمرار فيها ..

وميزة الاسترالي انه بعد ما تاخذ مطب (مثلا ) يطلع وجه الموتر ويثبت مباشره بعدها ..

اما مساعد الوكاله .. فيطلع ثم ينزل ثم يطلع ثم ينزل ثم يثبت .. حتى لو انك مركب ياي استرالي ..

وميزة مساعد الوكاله انه مريح لكن بالبر .. ما ينفع ولا بريال وربع ..

لانه ممكن يستمر في المطامر حتي يظرب وجهه في الارض من شده القفزه او الظربه ..
لذا لابد من تثبيته .. وهذه مهمة المساعد الاسترالي .. انه يثبت السياره..


الخلاصه ..

الياي الاسترالي يقلل من مسافه تحرك السياره للاعلى والاسفل ..

المساعد الاسترالي .. يثبت السياره ويمنعها من تكرار التحرك للاعلي والاسفل ..



انواع اليايات والمساعدات الرياضية :

المتوفر للاندكروزر تقريبا ثلاث انواع ..

النوع الاول ..

كت كامل (طقم كامل) اربع يايات واربع مساعدات .. يباع مع بعض .. اليايات و المساعدات ..

الماركة : lovells
الصناعة : استرالية
القيمة : 3200 ريال تقريبا. للكت كامل .
موقع البيع : محل 4500 في شارع الثلاثين في حي الربوه بالرياض وهو وكيل فلاتر K&N بالرياض .
رقم التواصل : صاحب المحل .. الاخ عبدالله .. 0558884500 من طرف ابوشهد تويوتا العربية .

يرفع السياره 1 سم عن الوكاله .. وهو جيد للي مايبي يرفع سيارته كثير .. ويباع الكت كامل.

ولايوجد منه مقاسات .

ولم اجربه ..

وهذا رابط موقع الشركة ..

Lovells Pty Ltd - Suspension for the ride of your life (http://www.lovells.com.au/)

صور للطقم ..


http://img833.imageshack.us/img833/169/dscn0071u.jpg (http://img833.imageshack.us/i/dscn0071u.jpg/)

http://img834.imageshack.us/img834/4543/dscn0075f.jpg (http://img834.imageshack.us/i/dscn0075f.jpg/)


http://img237.imageshack.us/img237/926/dscn0069a.jpg (http://img237.imageshack.us/i/dscn0069a.jpg/)



النوع الثاني ..

كت كامل (طقم كامل) اربع يايات واربع مساعدات ..يباع مفرق .. كل مساعد او ياي لوحده ..

الماركة : Old Man Emu Suspension
الصناعة : استراليه .. تجميع صيني .
القيمة : 500ريال تقريبا.*للياي الواحد.
مواقع البيع :مراكز الرماية + محل 4500

يرفع السياره من 1سم حتى 7 سم حسب مقاس الياي ." بدون اي اغراض او تحميل" .
ومقاساته كالتالي :

720 يرفع 2- 3 سم ..
721 يرفع السياره من 3-4 سم وهو المناسب لاستخداماتنا ..وهو الي بالصور المرفقه ..
722 يرفع السياره من 4-6 سم , عريض جدا ..ويتحمل اوزان عاليه .
723 6 -7 سم وعريض جدا .. ويتحمل اوزان عاليه جدا .
724 غير متوفر .. حسب الطلب
725 غيرمتوفر..حسب الطلب
726 غيرمتوفر..حسب الطلب


وتمت تجربته وممتاز ..

لكن مشكلته في حالتة تركيب اليايات الامامية على مساعدات الوكاله .. لازم تسخن وتوسع الياي ..

وهذا رابط موقع الشركة ..

ARB Products | ARB 4x4 Accessories (http://www.arb.com.au/products/)

وهذي صور الطقم ..

http://img96.imageshack.us/img96/7640/dscn0072y.jpg (http://img96.imageshack.us/i/dscn0072y.jpg/)



النوع الثالث ( الافضل في تقييمي ) ..

يايات استرالية .. يرفع السيارة (وهي فارغه) من مقاس الوكالة .. حتي 7 سم .

الماركة : king springs
الصناعة : استرالية اصلية .
القيمة : 1350 للطقم.*
موقع البيع : محل 4500 .

يرفع السياره من مقاس الوكاله .. حتى 7 سم


وتمت تجربته وعندي يعتبر الافضل .. وميزتها ان اليايات الاماميه تطبق على مساعدات الوكاله الامامية بدون توسيع او تعديل.

وهذي صورتة الياي وهو راكب على مساعد الوكاله الامامي بدون تعديل . او توسيع .
http://img46.imageshack.us/img46/3096/dscn0153o.jpg (http://img46.imageshack.us/i/dscn0153o.jpg/)

وهذا رابط موقع الشركة ..

King Spring Automotive Aftermarket Springs (http://www.kingsprings.com/)

صورة الطقم ..

http://img691.imageshack.us/img691/6971/dscn0068e.jpg (http://img691.imageshack.us/i/dscn0068e.jpg/)

http://img827.imageshack.us/img827/3045/dscn0067k.jpg (http://img827.imageshack.us/i/dscn0067k.jpg/)









صورة جماعيه للانواع الثلاثة .. ومكتوب عليها اسمائها بالاحمر .. والاصفر يعتبر الافضل ثم الاسود ثم الازرق (مناسب للاستخدام الخفيف) .

http://img714.imageshack.us/img714/599/dscn0073v.jpg (http://img714.imageshack.us/i/dscn0073v.jpg/)







وأخيرا ..

ارجو اني قدمت شي يفيد اعضاء القسم والغالين على قلبي ..

ولكم ارق التحيه والود ..


منقول للفائده
__________________

[البديوي 2]

النايف 999
أبو محمد 2011

مشكورين على التعليق والمرور الكريم

وما قصرتوا الله يعطيكم العافية

[البديوي 2]

قناص 2000

وافي ونقل يستحق التقدير

لا عدمناك أخ عزيز

لكن لو أعدت تحميل الصور خصوصا راعي كرتونين الرمان لجدتهم " شكله أنا "

يعني أفهم منك

اني اركب قدام يايات رقم 720 مع المساعدات

والخلفي 721 بدون مساعدات

أنتظر ردك يالغالي

وننتظر المزيد من بقية الإخوان

ومشكور

[قناص2000]

اخوي البديوي ولا يهنون الاعضاء. مساء الخير
الشرح واضح بس من ويجهت نظري ركب مساعدات شاص زيت وليس غاز للاحطياط عشان تكتمل العدة كاملة مع اليايات ومساعدات ولاننسى ارقام النيسان تختلف عن التويوتا وان اخوك
لكن احسب الوزن مع العزبه والتوانك الاضافية ثم اختر المقاس المناسب حاول بقدر ماتستطيع عدم اخذ المقاس الكبير بالارتفاع حتى لا يعمل على شد العضلات السيارة لأقصى حد في هذه الحالة ماراح ترتاح السيارة وكل فترة راح تغير جلد وخلافه.
وفالك التوفيق ان شاء الله.
وتقبل تحيات.

[lo8oo8ol]

جزاك الله خير على النقل
موضوع طيب وجميل يستحق التثبيت

بيض الله وجهك

[عمر الشريف]

بيض الله وجهك أبدعت ماشاء الله عليك مع العلم إن المحاضره أرحم من هذا الشرح :D

[البديوي 2]

lo8oo8ol

عمر الشريف

أشكركم على المرور والتعليق

وشكر الله للجميع على الإفادة

أخوكم أبو علي :l :f


.

[مزاجي فوق]

الله يعطيك العافيه اخوي بديوي2
انا والله ابي اسال من زمان عن اليايات والمساعدات الاستراليه وانت
سبقتني واسالتك فادتنا صراحه كثير لكن والله مافهمت هاك الفهم لان انا موتري يختلف

واسالتي ياشباب ان موتري لاندكروزر 2007 ومركب فيه كعكات
وودي اشيلها واركب هاليايات من زمان لكن يوم قريت الموضوع لحستو عقلي بارقام المقاسات
بس اللي ابيه منكم لاهنتو تنصحوني بالزين والمجرب منهن
يعني اركب الطقم كامل
ولا اركب بس يايات خلفيه ومساعدات اماميه
ولازم من وزن الاذرعه لان والله العضيب صلخنا بالوزن والكبس
لاني والله خبرتي فيها لك عليها
علما اني رحت الرمايه ومافهمت من البنقالي شى بس يقول مافيه تركيب عندهم

ياليت تفيدونا لا هنتو


تحياتي واشواقي

[مزاجي فوق]

ياليت يااخوان تفيدونا لا هنتو

[آلشمري]

ســــــــــؤآأل . . أذآ ركـــبت كــعكأت مثـلأ 3 سـأنـتي .. وأرتــفع المــوتر . .
بعدين ركـــبت يـآيآت أسسسترآليـه مقـــأس 2- 3 أو 3 - 7 . . هـل يفـرق الطــول . .


لأن ودي أرفـــع مــــــوتـري . . شكــل بـس .. مـني رأعـي نقـل .

[ابو محمد 2011]

ســــــــــؤآأل . . أذآ ركـــبت كــعكأت مثـلأ 3 سـأنـتي .. وأرتــفع المــوتر . .
بعدين ركـــبت يـآيآت أسسسترآليـه مقـــأس 2- 3 أو 3 - 7 . . هـل يفـرق الطــول . .


لأن ودي أرفـــع مــــــوتـري . . شكــل بـس .. مـني رأعـي نقـل .

قصدك اذا ركبت ياي 3 سم وبعدين ركبت فوقه كعكه 3سم

يصير الارتفاع معك 6 سم

[آلشمري]

أيـــه تمــــأم ~ . . لأهـنت . .

[مرقاب الشرق]

سلام
اليوم رحت لرمايه وحصلت اليايات بس احترت بالمقاس فيه 3-4-4.5-5 ايهن علمنا اني مركب تانكي 90 لتر وعزبه

[بدر العبدالعزيز]

عندي ياي للبيع اوا تبديل بمقاس اكبر منه

[مرقاب الشرق]

كم مقاسهن وكم تبي سعرهن

[بدر العبدالعزيز]

مقاسهن 865
لا اعلم عن ارتفاعهن
شاريهن من 9 شهور توهن

السعر ع السوم

[دوواس]

عندي ياي للبيع اوا تبديل بمقاس اكبر منه

وش نوع السياره وكم الموديل وكم مقاس الياي ؟

[بدر العبدالعزيز]

لاند كروزر 2006
مقاسه 865

الياي شاريه قبل 9 شهور و انا اغراضي واجد بالموتر وابي اكبر منه

[الشقردي(العيون)]

شباب انا عندي نيسان فتك 2007 واذا حطيت حمل نزل الموتر من الخلف ابي اسئلكم.اركب الياي استرالي المقاس 4 هل زين قوته ... وهل يركب ياي استرلي كان مركب على جيب تويوتا 2006 ولا مايركب ابي افادة منكم×

[صالح ابو لمار]

اخوي الكريم السعر 1500 مع التركيب للفتك امامي وخلفي ..

[روح المكشات]

قناص2000 (http://www.mekshat.com/vb/member.php?u=168329) http://www.mekshat.com/vb/images/statusicon/user_offline.gif
الحقيقة اني اشكر الاخ قناص على الشرح الوافي وما قصر اعطاك كل العلوم الطيبة الله يطيب حالك وحاله.

[al3hd]

طيب يا شباب الرماية يبيع يايات لأنواع محددة من السيارات (كروزر , اف جى , باجيرو )

المشكلة اللي عنده سيارة نوع ثاني ( طوارق , سنتافي , ايسوزو , ...)

أش الحل ؟

ينفع يركب يايات مخصصة لنوع سيارة ثانية ؟ ولا يكون فيها خطر على السيارة؟؟؟

أفيدونا الله يحفظكم

[الدمثة]

فيه محل للرماية في الشفاء على طريق ديراب عنده ياياي ويركب لك وانت واقف لاتروح لورش ولا تتعب نفسك
قبل تجي المعارض محلة على اليسار.وبالتوفيق

[ابو حكيم 13]

بيض الله وجهيكم جميعاً