ليش ياأهل القصيم

[واعي]

تجولت في أماكن الربيع فوجدت أن الأماكن القريبة من القصيم مثل فياض البساتين مليئة بالأوساخ والزبالة في وسط الفياض وتحت الشجر وكان المنظر مزريا حتى إن بعض ربعنا قامو بالدعاء على من وضعها إني أستغرب حقا ألا يخشى أمثال هؤلاء أن يدخلوا في قوله صلى الله عليه وسلم" اتقوا اللعَانين الذي يتخلى في طريق الناس وظلهم " رواه مسلم ومعنى اللعانين جالبا اللعن نسأل الله العافيه وبعضهم يجمعها في كيس ويتركها في الفيضه فهل ينتظر حضور البلدية لتحملها؟ او يريد غيره ان يخرجهاله؟ فلماذا لايقوم الكاشت بحرق زبالته خارج الفياض هدى الله الجميع

[الروضة]

جزاك الله خير على هذا التنبيه
وفعلاً أنا فيها بعد العيد وكانت يغلب عليها ترك المخلفات ولاتنس بعد التفحيط على العشب نسأل الله الهداية للجميع

[أبوأحمد98]

المشلكه هاذي ليست في القصيم فقط ..بل في الصمان وأغلب الفياض هذا الامر لا يمكن علاجه الاباقتناع شخصي من قبل الشخص وادراكه باهميت هذا الموضوع

[جو الصمان]

فعلا والله مشكله والبعض ما يقدر الناس يمكن يجي يوم انت نفسك تجي نفس المكان لاكن مانقول إلا الله يهديهم وبس

[بودحيم]

الله يعطيك العافيه اخوي واعي مانقول الا الله يهديهم انشاالله الف شكر

[هلا بريدة]

تحية طيبة
حقيقة الموضوع على حسب.............. ثقافة الشخص .............و ......كثرة الكشاته ...........
ثم لو إجتهد الشخص بالتنظيف أول بأول ووضع كيس أو كرتون لجمع المخلفات ثم إحراقها أو إحضارها لأقرب حاوية ووضعها لكان أفضل
المثل يقول (((( دع المكان أفضل مما كان فإن لم يكن بالإمكان فدعه كما كان ))))

[قرم]

يا ألله .. قسماً بالله كنت ناوي اكتب عن هالمسأله في مكشات يوم رجعت من عنيزه اواخر رمضان لكن إستحيت وقلت لوعاتبت القصمان وش يبي يفكن منهم .. وقلت يا ولد مانقوى على زعلهم جماعتي عزيزين وغالين وخانتني الجرأه . وكان فعلاً الوضع ملاحض من قبل كل من كانوا برفقتي للأسف ..هاك الطعوس الحمر اللي كنها جبال الذهب
تلوثت بفعل الأكياس وخلافه والله شيء محزن خاصه القريبه من الطرقات .. ارجوا من إخواني القصمان الا يفهموا إني
اسخر او اتشفى لا يشهد ربي والله لكن انا اعلم ان متنفسهم ومتنفس كل زائر لديهم هو البر فكيف يفعل به هكذا ..
لازلتوا عزيزين وغالين ياهل القصيم لكن ينبغي إعادة النظر في هالمسأله والله يغفرلي ولكم . ومشكور يامن اثرت الموضوع .

[واعي]

أشكر الإخوان على الردود الطيبة والواعية لكن أود من الاخوة وضع اقتراحاتهم لحلول مناسبة لتوعيةالناس من ذلك نشر معنى هذا الحديث في صحيح مسلم وغيره من الاحاديث ليعام كل مقصر انه قديلعن بسبب مثل هذا التصرف ولا حول ولا قوة الا بالله

[ابوذيب]

خلوكم مثلنا نجمع مانقدر عليه مع زبالتنا ونحرقها ...........
اوقد شمعه ولا تلعن الظلام

حري باهل القصيم نظافة منتزهاتهم المكشاتيه ............الوعي ........الوعي

[ابوجود]

اخي الكريم
مع الاسف المشكله عامه بالمملكه بجميع المناطق بدون استثناء
شاهدتها بجميع المناطق التي ترتادها الناس من البر الى البحر
مع الاسف الف مره المشكله مشكله وعي وادراك

[جمران]

موضوع مهم ولفته كريمة وكم أتمنى أن لايربط مثل هذه المواضيع بأهل
منطقة محددة فهذه ظاهرة عامة وليست خاصة بأحد ..ومثل ماذكر من
الإخوان لو تجولت في الصمان والدهناء والنفود والجنوب لرأيت العجب
من هذه الأمور..
تقبل تحياتي ...

[واعي]

يرفع للأهمية

[راعي الكيف]

لا أستكثر أني ادعي عليهم بالصلاح ... أو اني ادعي عليهم بالهلاك ان عُدم الصلاح... صراحة !!

واللي يفعل هالفعل .... فإنه يمثل بيئته في الحقيقة ... اي ان بيئته بيئة سيئة صحيا وغير واعية ومتعلمة !!!

وفعلا ... مثل ماقال اخونا ابو احمد 98 .. ماتجي إلا عن طريق الاقتناع الشخصي فقط ... اما بالاجبار ... فصعبة تبد على خلق الله كلهم

والله يصلح الحال

[gasomi]

راعي البر يترك مكان الكشتة نظيف مثل ما جاءه نظيف ولكن الشباب الصغار ( توه خاطّ شنبه ) أو العوائل هذا مارأيته الله يهدي الجميع

[راعي النفيد]

اخي الكريم
مع الاسف المشكله عامه بالمملكه بجميع المناطق بدون استثناء
شاهدتها بجميع المناطق التي ترتادها الناس من البر الى البحر
مع الاسف الف مره المشكله مشكله وعي وادراك
الحقيقه قل الوعى موجود للاسف في كل مكان

في البيت
والمدرسه
والشارع
مانيب عارف حال المجتمع بدون العماله
الحقيقه امر يصيب المهتمين بالحيره فلجميع يعلم اهمية النظافه
ولكن لاحياة لمن تنادى
:no2:

[سهيل واحد]

الأخ ..................... واعي

الأخوان الاعزاء ........... ،،،

السلام عليكم و رحمة الله و بركاتة..،

عزيزي الأخ ....... واعي

أجزم بانك لم تقصد ما يقصدة عنوان موضوعك وانك تقصد المكان و ليس القصمان ...


و لكن بما اني قصيمي .. اجزم إن عنوان موضوعك ما يجب انه يكون " ليش يا أهل القصيم" لان في وقتنا الحاضر يسكن في القصيم ناس من اهل الرياض و الشمال و البادية و الجنوب و الشرقية و الغربية ..الخ..

وكما يعرف الكل ان اهل القصيم راعين بر و هبت ريح و هم العقيلات وهم اولاد علي .. وكثير منهم علماء و رجال دين و مشائخ و قضاة واطباء و وزراء و مدرسين ...الخ.

حبيت أبين هذه النقطة و التي لا بد ان توضح جيداً لان المنتدى مقروء من الخليج الى المحيط و ما كل الناس يعرفون منهم القصمان كما يعرفهم ابناء المملكة.

أكرر بأني متاكد انك يا واعي لم تقصد القصمان و كما قال الاخوة ان هذه الظاهرة تشمل براري الممكة كلها و ليست منطقة القصيم او اهل القصيم فقط.

و مشكور على موضوعك هذا و ارجوا من جميع من يقراء هذا الموضوع ان يتأكد انه زي ما جاء للمكان ووجده نظيف غيره سوف يأتي للمكان نفسه ومن حق الآخر ان يجده كذلك نظيف.

والسلام ختام.

[ابو شكاع]

بإختصار شديد أخوي لأن بي نوم :D

أقول لك

الآن حنا في عصر القارمن والكنوود والانترنت

يعني وأنا أخوك .... الي يجي البسيتينات مهوب بس القصمان

يجونها من كل محل

ممكن يجي من الخليج وهو شايف لها صور وآخذ الإحداثيات من أحد

وسلامتكم

[أبوأحمد98]

8
8
هذا الكلام

[هليَل]

طيب انا اقترح بان يكتب منشور ( احد طلبة العلم او غيرهم) وينشر في الموقع ومن ثم ياخذ كل واحد نسخه ويصورها وكل ما راح البر يوزعها على من يمر عليهم في البر، ويضع منها صور في محطات البنزين والبقالات وغيرها من اماكن تواجد الكشاته. وشكرا

[هويدي]

والله شي محزن ويقهر بكل ما تعنيه الكلمه ولا اخص فيها القصمان

اخص عديمي المسؤليه والانانيين اللي يكشتون ولا يشيلون حوستهم لاخلصو

رحت الاسبوع هاذا لام صحن ويوم وصلنا انصدمنا انه انقلبت مزبه اعزكم الله

مع اني جايه قبل اسبوعين ولا ازين منه

وترك الزبايل الله يكرمكم عمت اغلب الفياض بسبب القارمن الله لايعيده

والدعوه ما تبي جهد او وقت اول ما تجلس علقلك كيس وحط فيه العلب والمهملات ولا جيت تمشي خذه

معك وشب فيه على طرف الفيضه او في برميل من البراميل اللي منتشره بالبر

ونا قرأت حكمه قاله احد الاعضاء لا اتذكر اسمه و صارت دايم ترن بأذني

((( اللي قدرك تشيل العلب مليانه منتب عجز تشيله وهي فاضيه ))

[طلو]

الله يهدي الجميع

[مسير عليهم]

المشكلة في كل مكان

والله يهديهم

[ابن الصحراء]

هذا الشيء منتشر في جميع انحاء المعموره

والحل هو الاقتناع الشخصي والتربيه والتعليم الاساسي .

[F34666]

هذة ضاهرة موجودة في السعودية فقط من بين دول الخليج انا زرت عمان والامارات وقطر والكويت ولم اى مثل هذا الاهمال في النظافة الا عندنا في السعودية في جميع المناطق وكلكم قد راى اهمال السعوديين في نظافة المكان في الطائف في الشفاء والهاف مون والسودة وشواطئ جدة ورمال الثمامة صارت المواد البلاستيكية موكيت يغطي اراضينا الجميلة والكل مقصر واول واحد انا

[مدور ربيع]

صدقوني اهل القصيم احرص الناس على مكاشيتهم من واقع التجربه ,,, اغراضهم وذفه ومكانهم مرتب ولايقربون شيء مايبغونه ,, واذا خلصو من الكشته ماتشوف الا اثار سيارتهم بس !!

وللمعلوميه السبب من الزوار سوى الكشاته اللي يجون من جميع نواحي المملكه ,, او من البدو الرحل الموقتين القادمين من الجنوب وخلافه

ومن الغلط ربط الموضوع بمنطقه معينه لان البر مفتوح من جميع الجهات ,, وماهوب لاناس معينه

وعلى فكرة كشاتين القصيم متعدين الحدود من زمااااااااااااان

الان يقنصون تنزانيا والمغرب وتشاد الى حدود تركيا

وينهم وين مكاشيتكم بس !!!!

[نمر بن حثلين]

اهل القصيم مثلهم مثل غيرهم من اقصى المملكه شمالا الى اقصاها جنوبا
فيهم الشخص الواعي المحافظ على البيئه
وفيهم الجاهل الاناني


لذلك اطلب من المشرف تعديل العنوان

[ريم البراري]

الوعي معدوم ليس فقط في البر
لاتنتظر من شخص يرمي علبة فارغة او منديل او سيجارة وهو يسوق سيارتة انه يهتم في مكان مايملكه
والشي هذا ماهو في القصيم بس هذا في كل مكان
يعني ظاهرة تمتد على طول البلاد وعرضها

[مبطين ماشفناك]

هذي شكلها يا واعي كلمة حقن اريد بها باطل

خخخخخخخخخخخخخخ

وش معنى القصيم هاه؟

يعني عندنا مافيه ؟؟؟؟؟؟؟؟؟؟؟؟؟؟؟؟؟

تفظل الرابط http://www.mekshat.com/vb/showthread.php?t=67329

كل مكان فيه الشيء ذا وتراك خالفت قوانين المنتدا يابعدي انك ما تذكر منطقه بعينها

واسلوبك لا تزعل مني اشم فيه عنصريه خخخخخخخخخخخخ

يعني انت رحت فيها يخلف الله

هههههههههههههههههههههههههههههههههههههههههههههههههه ه