سؤال عن رحله عائليه الى حائل

[new1]

السلام عليكم ورحمة الله وبركاته

أولا من حيث المبدأ هل تنصحون بقضاء اجازة الربيع في حائل (عائله)

ثانيا أرجو من أهل حايل النشاما;) ارشادي

الشقق المناسبه (طبعا من حيث السعر والموقع والحجم )
سمعت عن منتزه مشار وأن فيه سكن ... فهل تنصحون بالسكن فيه

ما هي الاماكن المناسبه عائليا - أقصد الاماكن البريه القريبه من مدينة حائل

وأي نصائح أخرى ما نستغني

وجزاكم الله خير

[almgwar]

والله حايل يقولون جايها ربيع طيب

[شـهـاب]

ياهلا والله وغلا بزوار حايل


العلم الوكاد عن حايل خذه مني يالغالي

ولاهو نقص بالاخوان لكن انا من حايل وعندي الي تبي

اولاً : بالنسبه لقضى الاجازه ( الربيعيه ) بحايل ومعاك العائله فانا اتوقع انه مناسب علماً
ان حايل مافيها ربيع ولا جاها مطر مثل الي جئ الشمال

اما من ناحية العوائل فمثل ماتعرف ويعرف الكثير ان في بداية العطله شهر واحد هناك اكبر رالي بالشرق الاوسط في حايل

والاطفال والعوايل بتستانس وتفرج الى نهايه العطله

مره في منتزه المغواة ومره في نفود قنا ومره في طريق الجوف ومره في الديره السيارات المتوحشه

واي شيء بالنسبه لرالي حايل

شوف جدولهم وكل شيء عنه في الموقع هذا

رالي حايل http://www.hailrally.com/main.htm (http://www.hailrally.com/main.htm)

هذي النقطه الأولى :)


------------------------

بالنسبه للشقق المناسبه
اولاً ميشار فيه منتدزه المغواة ومنتزه المغواة سيكون فيه بعض برامج الرالي يعني بيمتلي ميشار ويكثر التفحيط والشباب يعني ما انصحك تسكن هناك
علماً ان هناك ماتلاقي الاسواق والي تريد لانه بر حايل شوي

انصحك تسكن في شقق الحمراء الي على الدائري يكون شمال منه حي الجامعيين وخلفه النقره احياء راقيه وقريبه من وسط حايل وقريب منه الاسواق

او قدام شوي على الدائري الشقق الي في بداية صديان شقق جديده وجميله ولا اعرف الاسعار

اما الشقق الأولى فانصحك به لانك تقدر تروح لم الاسواق ومنتزه الامير سلطان والمغواة والنفود
يعني من الشقق الاولى الي قلت لك فيه سوق اسمه الجامعيين يبعد عنك تقريبا 2 كيلو
ويبعد منتزه المغواة عن الشقق تقريباً 25 كيلو
ويبعد النفود عن حايل ( قنا ) 60 كيلو

يعني قريبه


-------------------

الاماكن القريبه الي انصح فيها مشار لكن اتوقع فيه عالم ووصخه سراحتن مشار من الناس

فيه النفود طريق الجوف ممتاز وفيه اماكن كثيره بوسط النفود

فيه مدر على طريق المدينه ممتاز جداً واغلب العوائل تطق خيامه وتجلس فيه كل العطله يبعد عن حايل تقريباً 30 الى 35 كيلو


واماكن كثير


والله يحيك

اي استفسار انا بالخدمه
شهاب

[مهراس]

رالي حائل فرصه لا تفوت، اذا ماكان ازدحام الناس عائق للوصول والأستمتاع بباقي منتزهات حائل، وعلى حسب تقدير منظموا الرالى بأنه سوف يكون هناك اقبال كبير جدا على هذا المهرجان

أبو فهد

[فايز العامر]

فيه منتزة جديد طبيعي توهم فاتحينه على طريق حايل الخطة يبعد 40 كيلو عن حايل (كل الطريق منورينه) وهو اللي اقاموا فيه احتفالات عيد الفطر.

والله اعلم

[new1]

الاخ شهاب

شكرا جزيلا للتجاوب السريع والمعلومات القيمه

الاخوان رعاد ، مهراس ، المغوار

شكرا لمروركم ومشاركاتكم

[الحايلي]

وعليكم السلام ورحمة الله وبركاته


حضر الأخ شـهـاب مشكوراً وأفاد، وما لي سوى أن أشيد بما دلى به، راجيا من المولى عز وجل لك رحلة سعيده، واقامة موفقه، علماً اسعار الشقق في حائل مقارنة بالمدن الآخرى ليست غاليه بل مناسبه .

اخوكم - الحايلي -