المساعد الشخصي الرقمي

مشاهدة النسخة كاملة : قزازة قدام منكسره


كثير السؤال
12/09/2011, 06:58 AM
السلام عليكم

فيه كسر بقازة قدام بموتري عقب طخه بسيطه وحبيت اسئل القزازة التجاريه تفرق عن الاصليه بأيش
900
12/09/2011, 07:34 AM
الله يعوضك خير

الفرق وانا اخوك القزازه الاصليه اقوى واكثر تحمل للضربات والترميل
وماتغبر بسرعه

بس عاد السعر ضربه مقارنه بالتجاري
كثير السؤال
12/09/2011, 09:30 AM
الله يعوضك خير

الفرق وانا اخوك القزازه الاصليه اقوى واكثر تحمل للضربات والترميل
وماتغبر بسرعه

بس عاد السعر ضربه مقارنه بالتجاري

امين الله يجزاك خير والله الاصليه غاليه على ابو ددسن ماعندي استعداد اركبه وخوفي من تهريب الهوا والكلام ذا لانه يبي يحط سليكون

لاكن شكله خربانه خربانه خله يمطرس:D
The End
12/09/2011, 10:55 AM
طع شوري وغير القزاز في الوكالة ,, لان الوكالة يركبون كلبسات جديد ويحطون جلدة على الحواف بين السليكون والبدي مثل شد البلد أما المحلات الرخيصة يفكون الكلبسات ويقصون الجلدة بمشرط ويحطون سليكون فقط ويركبون الكلبسات القديمة (طبعاً تكون مسكتها ضعيفة وربما بعضها يكون منكسر) ,,,
السعر في الوكالة يتراوح من ألفين إلى ثلاثة حسب نوع الموتر ,, طبعاً أنا أتكلم عن وكالة تويوتا ,,,
abadi1
12/09/2011, 11:52 AM
نصيحتي خذ تجاري

وانا مجرب

يمشيك اقل شي 5 سنوات


بس خذ صيني لا تاخذ وطني
كثير السؤال
12/09/2011, 02:27 PM
الف شكر يالغالين على التجاوب
وركبت تجاري افضل نوع وتشبه قزازة الوكاله بس فيه صوت خفيف والعامل قايل لاسمعت صوت تهريب هوا تعال
والوالد ياجماعة مركب تجاريات لهن اكثر من 5 سنين ماشكى ولا فيه تهريب كله مطرسه بالسيلكون وتنتهي المشكله
والوكاله والله من الطمع القزازه فوق الالف وركبت التجاريه مع شغل اليد ب220 انا ماعندي مشكله ادفع الين 500 للوكاله اكثر من ذا ماعندي استعداد خل القزازه تنهري بالمستودع حقهم
سرطوقا
12/09/2011, 04:35 PM
مبروك عليك

والوكاله غلاويه وانا اخوك
كثير السؤال
12/09/2011, 04:41 PM
مبروك عليك

والوكاله غلاويه وانا اخوك

قسم بالله يالغالي انه شي يقهررررر وماتقدر تشتكي ولا تسوي شي ياتشري ولاتوكل على الله
الشعب يريد تغيير الوكيل
الصارم 444
12/09/2011, 08:05 PM
الله يوفقك
mamsdt
13/09/2011, 03:21 AM
يا خوي اصبر 3 ايام اذا ما راح الصوت ارجعله
لاني غير القزاز مرتين ويطلع الصوت في اول يومين ويروح
كثير السؤال
13/09/2011, 04:25 AM
الصارم ::الله يجزاك خير
مامستدت:ماقصرت ولعله يروح الصوت والمعذره عجزت اقراء اسمك