أخيرا وزارة التجارة تتدخل في موضوع مثبت السرعة (مثبت الموت) . [الأرشيف]

مشاهدة النسخة كاملة : أخيرا وزارة التجارة تتدخل في موضوع مثبت السرعة (مثبت الموت) .

ALBDRANE

12/09/2011, 07:37 PM

في تجاوبٍ سريعٍ مع "سبق" ..
أكّد وكيل وزارة التجارة المساعد لشؤون المستهلك صالح الخليل، مخاطبة وكالات السيارات العاملة في المملكة لموافاتها بالإجراءات الاحترازية التي يجب اتخاذها في حال تعطل إلغاء مثبت السرعة عن العمل، مشيراً إلى أن الوزارة ستتابع ردود الشركات وستعلن ما يردها عن الإجراءات عبر وسائل الإعلام. وكانت "سبق" قد نشرت مطالب قرائها بإعلان إجراءات النجاة عقب تزايد حالات تعطل إلغاء مثبت السرعة، مستشهدين بحادثة مسافر كويتي واجه الموت على طريق الدمام قبل نحو ثلاثة أيام.
(جوال سبق)

طيب يا وزارة التجارة فقط الاجراءت الاحترازية المفروض تعاقب الشركة وتجبر بسحب جيوبها من نفس الموديل الذي ظهر فيها العطل لان فقط أثبات حاله واحدة يكفي لاتخاذ مثل هذه الاجراءت .

الهجج يا جماعة من سيارات الموت لماذا تعيش في قلق وتوتر .... الخيارات الافضل متوفرة وبأسعار أقل .
أشتري لي سيارة مستعمله بنص قيمة ها المسخرة يعني موديلات 2006 أو أدور أي نوع غيره وش فايدة البهرجه على حساب السلامة تايوتا أمور السلامة فيها مش حالك !!

والي بيرد بتعصب أقوله لو المشهد المرعب حصل لك كان عرفت الصح بس تقعد تسولف ورى الكيبور أمر سهل جدا.

سيف الظفير

12/09/2011, 08:42 PM

You Like Me

12/09/2011, 11:38 PM

ماعمرة تبخر يوم تبخر إحترق

يعني اللي بيصير بس تنبية لملاك هذه السيارات
اللي حتى التجارة مو قادرة تقول اسمها
يعني مافيه إلزام الشركه بتعويض للمتضررين او سحب جميع هذه الفئات
اللي حصلت فيها المشاكل والتشييك عليها والإعتذار من قبل الشركه رسمياً من خلال الصحف والإذاعات
وتغريم الوكيل وإجبارة بالتقيد بالمواصفات والمقاييس ويخلي عنه تلفيق القطع الصينية

لكن ما اتوقع بيصير هذا الشي اذا وزارة التجارة مو قادرة حتى
تقول اسم الشركه المصنعة علناً للملأ اللي حصلت فيها فقط هذه المشاكل
طالع عمرهم بيخاطبون جميع الوكالات
يأخي ماسمعنا سيارات لخبطت غير تويوتا
حسبي الله ونعم الوكيل

sgl2002

12/09/2011, 11:45 PM

يا اخي مشينا على فكسارات جدد 2010 و 2011 مفصولة طبالينها 230 كيلو ومثبتين السرعه من تحطة في الـN

على طول يفصل المثبت وتهدي السيارة للتوقف

الوكاد انه يمكن علق وهم كانوا على وضع السبورت ومع الربشة يحسبه يبي يعطية الـ n وهو يردة للخامس او السادس في الفكسار الجديد

وسالفة الهايلوكس هذا منحاش من أمن الطرق ولا وقفة الا نهاية البنزين

ولا سيارة ما فيها اي كمبيوتر ولا مثبت وكل محركاتها من 2006 هو والجيب من 2008

توها تطلع المشاكل الفنية !!!!!

الله اعلم

والله يكفينا الشر

اخالفك الراي تماما

الرجال القحطاني اللي صارت عليه المشكله اعرفه

وعلمني كيف صارت المشكلة

يقول مافيه اي شي بالسيارة يتجاوب معك

سوى الدركسون فقط

ABU HAIBAH

12/09/2011, 11:46 PM

ياعمي قال وزارة التجاارة هذي كلها نصب في نصب نصاب كبير والله اني اشتكيت لهم في اسعار متفاوته جدا ولا تغير شي . اهم حاجه يابو الشباب ارفع راسك انت سعودي

6ariq

12/09/2011, 11:50 PM

ههههههههههههههههههههاي

الصراحه كلف على عمره وكيل الوزاره

الله يفشلهم وش هالتصريح المضحك

قال مخاطبة الوكالات قال

يعني هذا اللي قدرت عليه؟!!!!

ابومضاوي22

13/09/2011, 12:05 AM

بكل صراحة سمعت الكثير والكثير من سيارات توتوتا ( الاند كروزر) مكشلة مثبت السرعة
ووزارة التجارة مكانك ما فيه تحرك ابدا

هذي ارواح مواطنين ، اتمنى ان لا يطغى هولاء الوكلاء على قرارات وزارة التجارة

مسكين المواطن

العتيبي 88

13/09/2011, 12:25 AM

ايه الله المستعان نبي نشووف فعل ولا القوول بلاش ..

التعـ King ـديل

13/09/2011, 01:17 AM

صباح الخير .. اخيرا تحركو .. نقول انها بدايه خير

جمس z71

13/09/2011, 01:20 AM

والله بشارة خير ...

يعني فيهم أمل الحمد لله..

ومشكور على الخبر المفرح

أميرالعشاق

13/09/2011, 01:24 AM

شكراً يا وزارة التجارة..ولكن المفروض ما تسألون الوكلاء:
كيف يتصرف المواطن إذا تعطل مثبت السرعة!!
ولكن طالبوهم بسحب السيارات وإعادة الأموال لأصحابها
لأنهم اشتروها بمبالغ خيالية على أنها خالية من العيوب التصنيعية..!!
حتى يتوقف الوكلاء عن أستغلال المواطنين بغير وجه حق..
,,,,,,
الأمل بالله سبحانه وتعالى ثم بحكومتنا الرشيدة لإيجاد عقوبات رادعة للمتلاعبين بأرواح الناس وأموالهم..
والأمل بالله ثم بالشعب السعودي الذي يجب عليه مقاطعة التجار الجشعين الذين لا يهمهم الا جمع المال غير مبالين بأرواح ولا ممتلكات الشعب..

wafi4sa

13/09/2011, 01:32 AM

امير العشاق
بارك الله فيك قلت الحق

V 8

13/09/2011, 01:53 AM

معي جي اكس آر 2009

اول ما شريته ما كان يعمل المثبت ثم صلحته على الضمان وانا واقف الظاهر كانت برمجة

يعني مثبت اللاند كروزر شغل خنبقة

ALBDRANE

13/09/2011, 08:38 PM

يعطيكم العافية جميع لتفاعلكم مع الموضوع

البرتقالي

14/09/2011, 12:10 AM

مافيه

14/09/2011, 12:26 AM

مثل العاده وزارتنا الكريمه تروح للوكيل ((تطقه على يده وتقول عيب يا بابا مره ثانيه لاتسويها اوكيه حبيبي))

ومانشوف فعل مانشوف الا كلمة عيب عليكم حبايبي مانبي فضايح

LE2010

14/09/2011, 12:37 AM

هههههههه حلوة يا بابا

انا امتلكة لفترة بسيطة جيب 2008
مثبت السرعة مافي اي شي
وشكرااا

ALBDRANE

14/09/2011, 08:36 AM

الله يهدينا وياك يالدوسري
حتى انت صدقت اشاعات المغرضين
اجل هيلوكس بمفتاح ماقدر راعيه يطفيه ولا يفضي القير ولا ولا ههه
( حدث العاقل بما لايعقل فان صدق فلا عقل له )

عموما حتى اللي بدون مفتاح
مجرد الضغط على زر التشغيل خمس ثواني يطفي الموتر

مشكلة اللي مايقرى كتيب الاستخدام

حياك يالبرتقالي

أرجو أنك تفهم الموضوع ببساطه الموضوع الي نتكلم عنه ما له علاقة بالهايلكس هذي حركات من المتعصبين والمستفيدين علشان يضيع الصيد في العجاج .

الي ثبت من الصحف ومن سبق وهي مصادر يؤخذ منها العلم ما حصل في الكروزرات الموديلات الأخيرة والناس أهل الشان أكثرهم عارفين السالفة وأذا تبي روابط عندك الشيخ قوقل .والقحطاني الي صارت له السالفه على طريق جدة مصورة في جريدة الرياض مهيب سوالف ونا أخوك .

ولا يأخذك التعصب في مثل هذي الأمور فالموضوع خطير ولا يحتمل التشكيك والمناورات .

وما يفعله بعض الاطفال من بث أخبار عن هايلكس طار ومدري أيش فهذي حركات أطفال أقصد صغار السن ولا يشره عليهم لان الواحد همه نفسه .

وأما كيف تطفي الكروزر أذا توهقت فيه ولازم تقراء الكتلوج ......فهذي كارثة لان المشكلة واقعه وتعتبر خلل متوقع عند تطوير نظام السيارة الى بصمة التشغيل .

وتقول لي مشكلة الي ما يقرى كتيب الاستخدام طيب قريت الكتيب زين وعرفت أنه عند حصول الكارثة فقط تضغط خمس ثواني على الزرار حلو .. طيب أفرض أني كنت مثبت السرعة على 140 وفجئه نتق علي واحد ولا بهيمه في الطريق أنتظر خمس ثواني علشان تطفى السيارة وتستمر في المشي طافيه وتصتدم بالي قدامي ولا أستطيع ألف الدركسون والسيارة طافيه ووووو ولا الأفضل أكبس فرامل من لحظتها واتفادى الحادث بعد توفيق الله .

يجب أنك تكون واقعي أكثر مما أنت عليه .
تحياتي لتفاعلك مع الموضوع

majeds

14/09/2011, 10:16 AM

نوع قائد المركبه وكيفيه التعامل معه

سعودي = ماعندك احد
خليجي = تحذير وعمل احترازات
اوربي = تشهير بالشركه المصنعه
امريكي = اعتذار وتعويض وايقاف الشركه واللوم والعتب وحب الخشوم واخر مره وسيارة جديدة وتكفى واخواتها

مسئول وزارة يالليل خبرني عن امر المعاناة

السليطين

14/09/2011, 08:01 PM

اي احترازات الله ياخذكم ياوزارة التجارة ....

الحين بدال مايقولون اسحبوا المواتر وصلحوها على حسابكم يقول احتراز ؟؟؟؟؟؟؟

قسم بالله ان حنا ملعوب علينا ,,,,,,,,,,,,,,,,,

ماجد الشمال 1

14/09/2011, 09:40 PM

اي احترازات الله ياخذكم ياوزارة التجارة ....

الحين بدال مايقولون اسحبوا المواتر وصلحوها على حسابكم يقول احتراز ؟؟؟؟؟؟؟

قسم بالله ان حنا ملعوب علينا ,,,,,,,,,,,,,,,,,

ههههههههههههههه اضحك الله سنك
انت تقول قسم بالله ان ملعوب علينا
من قبل الاندكروزر والهاي لكس بسنين طويله
وماهي بس السيارات مواد تموينيه اجهزة كهربائيه
ادوات منزليه قطع غيار و و و و و و

خليفان

15/09/2011, 12:20 AM

وشلون تبي وزراة التجارة تهتم بسلامة الناس والناس مايهتمون بانفسهم
يعني واحد يثبت السرعه على سرعة 200 وش ترجي منه
لو لي سلطه كان صادرت سيارته وسجنته شهر

حزم نجد

15/09/2011, 04:50 AM

أكّد وكيل وزارة التجارة المساعد لشؤون المستهلك صالح الخليل

وزارة التجارة وحماية المستهلك !!

انا اقترح على الإمام انه يكبر أربع ونصلي عليها صلاة الميت

لا حياة في هذه الوزارة ,,,, رحمها الله

أبو ياسر العمراني

15/09/2011, 02:08 PM

سيارات تويوتا صارت أي كلام

ماجد الشمال 1

15/09/2011, 10:55 PM

وشلون تبي وزراة التجارة تهتم بسلامة الناس والناس مايهتمون بانفسهم
يعني واحد يثبت السرعه على سرعة 200 وش ترجي منه
لو لي سلطه كان صادرت سيارته وسجنته شهر
هذا الى حنا شطرين به ياسعودية على بعضنا و بس
اكيد انك موظف في وزارة التجارة

ALBDRANE

16/09/2011, 10:45 PM

من قال لك مثبت السرعة على 200 السيارة عندما يحصل فيه الخلل تقعد تزود فب السرعة حتى تصل للاخر وهذا الي ذكره أكثر من واحد ممن حصلت لهم المشكلة

مواسي الطعوس

17/09/2011, 04:28 PM

ماجد الشمال 1

18/09/2011, 10:30 PM

اللي يقول ماحصل معي شي ...يحمد ربه ....والعطل ماقالو في كل السيارات.

** لنا اكثر من سنتين وكل ماورد قصه ((قالو كذب)) قصة طريق القصيم ,,,وطريق حائل .وغيره . وكل ماجاء قصه قامت الناس تكذبها وقالو ملينا من كثر القصص مره على الطريق الفلاني ومره على الفلاني ((يحسبونها واحده وهن عشرات القصص))لكن (((جميل)))قوي ويغطي القصص حتى كثرت جدا .

** طيب الحوادث الشنيعه اللي توفي اصحابها ((من هذه الجيوب))ليش مايكون نسبه منهم معلقه عليه الدعسه.
انا معاك المشكلة ليست بس على انواع تايوتا اولندكروز
المشكلة بوزارة التجارة ومكافحة الغش الى نسمع بها ولا نشوف اونسمع
انهم ردعو تاجر او غشاش
تفضلو شوفو التقرير هذا+فديو http://www.mekshat.com/vb/showthread.php?t=442090

جيبي جايزلي

19/09/2011, 12:11 AM

هدف وزاره التجاره حمايه التاجر من المواطن واتحدى اي واحد يثبت عكس كلامي

رقبة حاشي

19/09/2011, 12:22 AM

اللي يقول ماحصل معي شي ...يحمد ربه ....والعطل ماقالو في كل السيارات.

** لنا اكثر من سنتين وكل ماورد قصه ((قالو كذب)) قصة طريق القصيم ,,,وطريق حائل .وغيره . وكل ماجاء قصه قامت الناس تكذبها وقالو ملينا من كثر القصص مره على الطريق الفلاني ومره على الفلاني ((يحسبونها واحده وهن عشرات القصص))لكن (((جميل)))قوي ويغطي القصص حتى كثرت جدا .

** طيب الحوادث الشنيعه اللي توفي اصحابها ((من هذه الجيوب))ليش مايكون نسبه منهم معلقه عليه الدعسه.
والله العظيم ان الدعسه علقت علي ولكن الله اللي فكني والسياره كانت
لاندكروزر gxr3 موديل 2009 ...

رقبة حاشي

19/09/2011, 12:23 AM

تصدقون من يوم سمعت الخبر توقعت ان السياره تويوتا التي هبطت جودتها للحظيظ

ابن علوان

19/09/2011, 09:06 AM

يا اخي مشينا على فكسارات جدد 2010 و 2011 مفصولة طبالينها 230 كيلو ومثبتين السرعه من تحطة في الـN

على طول يفصل المثبت وتهدي السيارة للتوقف

الوكاد انه يمكن علق وهم كانوا على وضع السبورت ومع الربشة يحسبه يبي يعطية الـ n وهو يردة للخامس او السادس في الفكسار الجديد

وسالفة الهايلوكس هذا منحاش من أمن الطرق ولا وقفة الا نهاية البنزين

ولا سيارة ما فيها اي كمبيوتر ولا مثبت وكل محركاتها من 2006 هو والجيب من 2008

توها تطلع المشاكل الفنية !!!!!

الله اعلم

والله يكفينا الشر
تقول 2010 و2011 يعني اكثر من سياره هذي الحركه يسوونها اللي يجيبون السيارات من الخليج يشترونها جدد ويفصلون طبلوناتها ويجلدونها بر ويبيعونها على انها جديده زيرو مامشت مدري انت منهم ؟؟؟؟
واذا انت منت منهم وش الداعي لفصل الطبلون احس الواحد يخدع نفسه ويخدع غيره بالحركة ذي اذا جاء يبيع والا وش القصه

ابونبيل

19/09/2011, 02:29 PM

حمدلله والشكر
وزارة التجاره هههههه

النجم السراي

19/09/2011, 02:44 PM

وزارة التجارة خخخ هههه

اقوول خلكم على الشعير بس وماقدرتوا عليه بعد

اما بخصوص السيارات ومثبت التويوتا هذه بذمة ابو جميل

مواسي الطعوس

19/09/2011, 04:41 PM

والله العظيم ان الدعسه علقت علي ولكن الله اللي فكني والسياره كانت
لاندكروزر gxr3 موديل 2009 ...
****************************************

** ماهو بس انت اللي علقت معه ...مع ناس لايمكن حصرهم لكن مايبلغون عن شي . وبعضهم مثل ماقلت يصدم ويموت ولا يدرى عنه .

**القصص كانت تكذب حتى انتشرت .

مواسي الطعوس

20/09/2011, 04:59 PM

ويجيك ناس تمدح الجوده ......وين سجب ملايين السيارات ...كلها اعطال واخطاء .

ALBDRANE

20/09/2011, 11:26 PM

ابن علوان أعتقد الرجال يقصد بفصل الطبالين يعني يفكون الفاصل علشان السيارة تجيب طبلونها وليس المقصود أنه يفك الواير والعداد يفصله أرجو أن تكون الصوره واضحه وهذا ما أتوقعه .

مواسي الطعوس أعجبني تفاعلك مع الموضوع والحماس لاخوانك المغلوب على أمرهم .....

يارب عفوك23

21/09/2011, 02:58 AM

حملة مقاطعة تويوتا 2012

اتركوها

الى الغير جميل وطقته
شباب الى متى ينضحكـ على شبابـ مثلنآ
أم نكون الي نبي ولا عسانا مانكونــ
ضعها بتوقيعك

مح الثبيتي مد

22/09/2011, 02:29 AM

يا جماعة مساءكم ورد

حنا ليش نستخدم مثبت السرعة خلي سرعتك معقولة يعني لا تتعدى 120 كم واربط حزام الأمان وتوكل على الله وإقرأ دعاء السفر ومن توكل على الله كفاه ولا تثبت سرعة ولا غيره ( إبعد عن الشر وغني له ) ( أبعد عن الداب وشجرته ) صح كلامي ولا لا .