توضييييييح وش معنى سايرة مدينه للي يسالون

[غالي يا غالي]

الموضوع للي ناوي يشري سيارة جديدة


هناك مصطلح عند اهل المعارض اللي يبيعون سيارات وكالة اصفار الا وهو (( سيارة مدينه));)
وش معني السايرة مدينة :
يعني السيارة شريت وقصدت اكثر من مره وهي ماتحركت اصفار يمكن قصدها صاحب المعرض خمس مرات
فتكون فرصة للي يبي يشري كاااااش تلقى سعرها نازل فيه 5000او 3000 على حسب عدد مرات التقصيد

مثال انا شريت هايلكس من القرياني ببريدة 2009 غمارة:good2: جي ال كان سعرها ب 54000 مع لوحاتها قال عندي نفسها مدينة الله يجزاه بالخير ب 49000
فرقت 5000

بعض الناس يقول ماابي مدينة (( صارت ترا )) ابي سيارة باسمي وكاله ابي اكون المالك الاول يابن الناس هذي جديدة اصفار يقول لا ماابي

صاحب معرض بحائل قال لي عام 2006 نزلت 3 شيصان سعوديات واحد منهن مدين ب 85000
واللي مو مدين ب89000
دخلو على بالمعرض شباب اثنين قالو نبي شاص قلت فيه كذاء وكذاء على انه واثق يبون ياخذون المدين ابو 85000
قال وش تلعب علينا نبي سيارة باسمنا وكالة قال لهم هذاء وكالة اصفاااااار بس اشري وانباع بمكانها
راحو خذو ابو 89000:confused:


الموضوع وضعته للي يبي يشري جديدعشان تكون عنده فكرة وش معنى السيارة المدينه
وبعض اصحاب المعارض ما يقول عندي مدينه الا اما تساله :mad:

وشكرااااااااااااا

[كثير السؤال]

يعطيك العافيه يالغالي وبعض الاحيان يصير مستعجل على البيعه يبي الدراهم ويطيح السعر

[ماون ماركز]

( بس اشري وانباع بمكانها )

ينباع الشيء وهو بمكانه من دون ما يملكه المشتري .

أتوقع كذا من ما فهمت من الجملة .. يمكن شيء أخر الله أعلم .. ما أظلمهم

[ملك الفكتوريا]

هذي اللي يشتري سيارة سيارتتين ويبيعها ويقسط للبنك



والله مو شين فرق 5000

[مسير عليهم]

دام الفرق يومصل 5000 ريال وهي اصفار ماعلي من كم اسم عليها

[الشهابة]

انا اشتريت صني موديل 2006 من معارض الرياض على وقتها جديده بـ 38000 ريال و كانت على قولتك ( مديّنه ) و كان سعرها الأصلي 42500 ريال و يوم شيكت على عدد الملاك السابقين كنت انا الرابع مع العلم إني مشتريها أصفار جديده ما أحد ساقها غيري و الفرق كان تقريباً في حدود 4000 ريال بس كانت استمارتها صادره لها حدود ثلاث شهور قبل ما انقلها بإسمي .. و الحق يقال الفرق طيب و هي نفس السياره

[ابرق نثيل]

لو تكرمت طيب كم معدل النقص في السعر مع كل اسم قبلي في الاستماره

[Abusliman]

امممما المالك الرااابع
صحيح ما مشت بس عند البيع بتقول للي بيشريها انت المالك الخامس .. افلقني اذا شفت وجهه مرهـ ثانيه

[كثير السؤال]

امممما المالك الرااابع
صحيح ما مشت بس عند البيع بتقول للي بيشريها انت المالك الخامس .. افلقني اذا شفت وجهه مرهـ ثانيه

هاذي المشكله بس وضح له وخلاص

[الشهابة]

و الله يا ابو سليمان ما يحتاج افلقك و لا شي يا الغالي .. قبل فترة اشترى واحد من الاخوان سوبر سفاري فل كامل موديل 2002 نظيف جداً و لله الحمد و كان هو المالك الرابع بعد في السياره و لا رده هذا عن الشراء .. و عني انا يهمني النظيف قبل لا اعرف كم عدد الملاك السابقين في السياره و من الأسئله اللي ما اعرف لها معنى او حاجه إذا جاء واحد يشتري سياره يسأل البايع يقول كم لها معك ؟؟ او يستفسر عن عدد الملاك السابقين و كأن الأمر بيغير في نظافة السياره و حالتها في شي !!! .. بالتوفيق و ترى الرزق على الله