المساعد الشخصي الرقمي

مشاهدة النسخة كاملة : باترول 2004 ( يايات أو كعكات )أيهم أفضل؟؟؟


قري شنى
13/09/2011, 05:34 AM
السلام عليكم ورحمة الله .. إخواني في منتدى مكشات..

سيارتي باترول 2004 فتك ..محتار بين تركيب يايات استراليه وبين كعكات ... فياليت أحد يفيدني في الموضع ...
كثير السؤال
13/09/2011, 05:37 AM
اذ اتبي رايي خل اليايات الاصليه على جنب وركب يايات استراليه بس تراهن انواع لاتركب ظغط قوي لانه يشعر الشاص ركب شي وسط او اقل ولايصير ارفع من 5 سانتي من ورا
لانك اذا ركبت كعكات على الياي الاصلي وفكيتهن عقب يبي ينزل الياي
موفق
المهتوي1
13/09/2011, 07:33 AM
بلا يايات بلا كعكات بالونات افضل منهم بكثير لا في مطب او تحميل ,,,,,
.أبوعبدالرحمن
13/09/2011, 08:25 AM
وعليكم السلام ورحمة الله وبركاته

اليايات أفضل للسيارة


والكعكات قد تنكسر في أي لحظة وتطلع صوت مع اللفات
ابرق نثيل
13/09/2011, 09:40 AM
اليايات الاستراليه افضل لرعي البر والتحميل والعفوش ولاتقارن بشد البلد لان سمك الحديد اقوى وارفع
اما الكعكات غير عمليه فقط لتجميل وقفة السياره واذا حملت بعد فترة الكعكات تضغط على الياي ويرجع الوضع كما كان
افضل المقاسات للاسترالي
مقاس 200 كيلو وارتفاع 4 سم هذا انسبهم للخلف
اما الامام شد بلد يفي بالغرض او 4 سنتي امام او 3 سنتي وكلهم حسب مزاجك ورغبتك في شكل الموتر
الحنومي
13/09/2011, 10:29 AM
ياي استرالي الوسط بالضغط
ويكون الاصفر هو قليل واذا ماحصلت علية
راسلني على الخاص وادللك على واحد انا ركبت والصراحة مستانس
تحياتي
عاشق السيل
13/09/2011, 10:49 AM
وعليكم السلام ورحمة الله وبركاته ،،

أنصحك باليايات أضمن وأثبت مع المطبات لأن الكعكات أحيانا تطقطق !!!

بس انتبه لا ترفع الموتر واجد ....
المميـز
13/09/2011, 03:54 PM
:

حدد الغرض من ذلك

هل هو ترفيع وشكل من الخلف ؟

ام

من اجل التحميل وعدم هبوط الموتر من الخلف ؟

//

عموماً ..

الكعكات ترفع الموتر من وراء تقريباً 3 سم وتقدر تزيدها وتنقصها ولكن ما انصح بالزياده لانه لها سلبيات

واليايات تعطيك ارتفاع 4 سم تقريباً

ولكن الفرق بينهم

الياي مايخلي الموتر ينزل من وراء عكس الكعكات ماتمسك الموتر من وراء

والياي يخلي مطب الموتر يابس شوي اما الكعكات ماتغير شي بالموتر لانها على نفس ياي الوكاله

:
قري شنى
14/09/2011, 05:21 AM
الشكر لجميع الأخوة الذين ابدو رأيهم ...
وأفادوني باقتراحاتهم ...
وفيه سؤال ثاني ... أبركب يايات إن شاء الله لكن أيهم أفضل مع اليايات مساعدات أسترالية
ولا مساعدات شد بلد ولا مساعدات شاص ...
ابوليله
14/09/2011, 09:45 AM
بما إن الاخوان أفادوك بموضوع اليايات وماقصرو
أنا راح أعطيك رايي في المساعدات بحكم تجربتي لها
عليك بمساعدات أسمها مورنوا لونها اصفر صراحه افضل مساعدات ركبتها
برغم اني جربت كذا نوع بس مثل هذي ماشفت من قوة تحمل وكذلك طولة العمر لها
طبعاً هذا رائيي الشخصي بحكم تجربتي وأكيد الأخوان عندهم آراء راح يفيدونك بها إن شاءالله