المساعد الشخصي الرقمي

مشاهدة النسخة كاملة : فصل الـABS بالاكستيرا


SosweetFoFo
13/09/2011, 07:34 AM
السلام عليكم ورحمة الله وبركاته
صبحكم / مساكم الله بألف خير و عافيه و كل عام وانتم بخير بعد الزحمه
عندي سؤال او طلب او استفسار اللي سموه تبون :)
ابغى افصل الـABS حق الفرامل وامس فريت على الكهربائيين اللي بالغرابي كلهم ما يعرفون له :mad: واقوم وازرق للصناعيه القديمه عل و عسى القى احد ولقيت واحد بس المشكله انه دافور قال بيقص عليك 1000 غير اني ما اضمن وش يصير بالموتر :mad: و قعد يخثرز علي اكثر من شوفته للسياره.
الكلام قام و فصل كيبل الـABS مير ينفصل معه الدبل :eek:

صراحة انفقعت مرارتي

اذا تعرفون لي واحد يعرف يفصله تسوون بي خير وبيض الله وجيهكم
الموتر اكستيرا 2010 فل
N أبورغد N
13/09/2011, 07:51 AM
هلا بك فيه واحد من الشباب يسويه بـ 300 يسويلك سلك خارجي مايقص لك سلك ويفصلك بس الي بي اس
وانت تمشي تفصله وتشبكه بصراحه شغله ممتاز الرجال يشتغل خارجي ماعنده ورشه
وسمعت ان فيه ببريده واحد بـ 100 يسويها لكن ما ادري عن شغله
N أبورغد N
13/09/2011, 07:53 AM
وفيه طريقه سهل تقدر تسويها انت لكن فيه قص سلك
وهذا بيلغي عليك الضمان
عموما اذا تبي اكلملك الرجال بلغني وترى والله مالي فيها لا ناقه ولا جمل
مغير تجمل مع خوينا
اما القصيم الي اعرفه انه فني سعودي اظن انه عند بدر التويجري اسمه فيصل هذا الي اعرفه
والله يسهل امرك
SosweetFoFo
13/09/2011, 08:26 AM
اي والله تكفى يابو رغد كلمه لي واللي يرحم والديك و يطعمك بر عيالك تكفى

تصدق بالله اني الى الان صادم بالموتر مرتين بسبت الفصل من الـABS الله لايبارك فيه ولو يبي 500 موب 300 عطيته
الليث الذهبي
13/09/2011, 09:22 AM
عززي انا عانيت قبلك وبغيت اموت كله سبته والحمد الله هداني الله وزينت لي فاصل وسويته لبعظ الربع
وشرحت طريقت تركيبه في منتدى الدفع الرباعي
واذا تبي ازينه لك ماعندي مشكله كل القطع ما تكلف غير 50 ريال تقريبا
راسلني على الخاص اذا تبيه.
نعين على الخير ونعاون
مانبي غير الدعاء يابعد حيي
غالي يا غالي
13/09/2011, 11:11 AM
انا افصل فيوووووووز abs يدوي من نفس ظفيرة الفيوزات اذا ماكنت احتاجه
بس يفصل العداد معك
وغيره كل شي شغال موتري اكستيرا 2008

والله يعيينك عليه النظام الخاااااااايس

والشباب جابو لك الحل وماقصروووووووووووا
ماون ماركز
13/09/2011, 01:35 PM
نظام ABS في اكستيرا كيف يسبب حوادث ؟
ما يشتغل والأ وش سالفته بالضبط ؟ يعني لو ضغطت على الفرامل فجأة بقوة وش يصير معكم ؟
اسبيدر مان
13/09/2011, 02:11 PM
ولا يهمك ياالغالي هذا موضوع
http://www.arab4wd.com/vb/showthread.php?t=15

وهذا ثاني بعد
http://www.arab4wd.com/vb/showthread.php?t=277

وهذا بعد
http://www.arab4wd.com/vb/showthread.php?t=307
الليث الذهبي
15/09/2011, 12:18 AM
http://www.arab4wd.com/vb/showthread.php?t=603
برظو هذا موضوع لي طريقت تركيب الفاصل
اتمنا اني افتك
الليث الذهبي
15/09/2011, 12:39 AM
نظام ABS في اكستيرا كيف يسبب حوادث ؟
ما يشتغل والأ وش سالفته بالضبط ؟ يعني لو ضغطت على الفرامل فجأة بقوة وش يصير معكم ؟

ج/ اذا دعست على دعست الفرامل ترفع رجلك
طبعن هو مفيد على القار اما فالبر مايسوا تراب
خذ مثال علشان تاظح السالف
مره كنت اطلع طعس مليان شجر ارطاء وكبار وكان الطعس واقف وطويل
المراد اني لقمته بالاول وشديت عليه وماقصر وصل اخر الطعس وحنيت عليه
من المرادح الي جاه من الارطاء وتركت الدعسه وجاك ملوي بالريوس
بديت اسمع طقطقت المرتبه بغت تنكسر كل حيلي عليها اتقوا بها على دعست الفرامل الخايسه بس مافيه فايده
اظاهر امي داعيتلي ذاك اليوم ستر ربي بغيت اروح من صيد امس انا والي معي.
للمعلوميه الRما يلقم اذا سارت السياره تمشي
عساه اتظحت السالفه