المساعد الشخصي الرقمي

مشاهدة النسخة كاملة : استشاره بشراء جيب لاندكروزر


أبو تركي82
13/09/2011, 03:08 PM
السلام عليكم
مساكم الله بالخير
ابي استشيركم بشراء لاندكروزر G 2008 وفوق وش علومه بالبر والديره
ومن ناحية العزم هل هو نفس القديم او افضل
وسمعت ان الجديد قير عادي ما يمدحونه وانا متوقع انه كلام وبس تشويه سمعه
لاني كنت ناوي على GX 2007 وتحت بس مالقيت عندنا بالكويت واحد نظيف وبالنسبه للجديد غالي وما اقدر عليه
وان شاء الله اهل الخبره يفيدونا
وشكرا ....
ابو محمد 2011
13/09/2011, 07:15 PM
شف يا الغالي اذا كنت تعشق مواصفات الجي فيعجبك
اما اذا كنت راعي عايلة وتبي المواصفات
فالجي ما يناسبك
طبعا مكيف واحد والفرش اللي تحت اسود والمراتب الخلفية عرض
فاذا ودك ترى الجي اكس افضل مواصفات بكثير
والقير العادي فيه عشاقه ومستانسين عليه
مو شرط كل الناس تحب العادي
سرطوقا
13/09/2011, 07:23 PM
حياك الله وخذ الجي مطور

وفي البر ناس تمدح وناس نص ونص

لكن يجون الي جربوا ويعطونك العلم الوكاد
fahad marzouq
13/09/2011, 07:35 PM
انا بشطح بعيد عن الجيب عليك بالتااهو دبل :r
sgl2002
13/09/2011, 08:22 PM
اذا بغيت موتر البر خذ من ٢٠٠٧ وتحت

واذا بغيت موتر الخط خذ من ٢٠٠٨ وفوق

الجديد ماش كثير اللي جربوه يمدحونه بس انه مايتفوق على ٢٠٠٧ وتحت

لانه نازل ويغرز بسرعه وعندك اليوتيوب شف كيف اول مايطب النفود كيف تحفر كفراته والبدي واقف مافيه اي تجاوب


وتبقى هذي وجهة نظر ويفيدونك الباقين
نسيم المطر
13/09/2011, 09:26 PM
انا معي جي 10 عايدي خذ من اللي جرب تبيه للبر لا زم تركب بالون 900 وياي استرالي والا يصير عباره عن هايلكس ماينفع ولا بريال يحك بطنه من اي شي والغراز لو يمر من جنبه يغرز يارجال وحلالاه يالباترول 97 ربع كان معي قبل هذا والله العظيم انه هو سيارة البر لو ان قيمته ماتجي ربع قيمة هذا اخيرا اخي للبر الجديد بلد ماينفع ابدا ارجو اني افدتك
مافيه
13/09/2011, 11:52 PM
والله يا الغالي ماجربته

لاكن اتوقع (وكلها توقعات شخصيه) ان الجديد افضل لافي الشكل ولا الفعل ومكينة الراسين اثبتت جدارتها في كل سيارات تويوتا ((مشكلتها مع الاند اذا كنت شاب على الموتر تطلع صوت تقول قريب من صوت مكاين الديزل هاذا اذا كنت شاااااااااب على مندوبه ماتمشي الا وانت حاشر النمره)) اما اذا كنت رجال عاقل وخايف على حلالك اتوقع هو من افضل خياراتك

عموماً القديم له عشاقه و الجديد مثل وعن نفسي اميل للجديد اكثر ويفضل انك تدور GX افضل مواصفات واذا كانت دراهمك على قدك احرص على النضيف و الفحص وان شاء الله بيرزقك ربي بالي في بالك ولاتحاول تحدد مواصفات معينه في بالك غيرك كثير كانو يبون G وربي رزقهم ب VXR ((خلاصة كلامي ادخل ودور وتنشد عن الاسعار يمكن تطيح لك في لقطة ولا واحد محتد الله يبعدها عن المسلمين ولا واحد طفش ويبي يبيع بالي هي به و الدعوه ارزاق وانا اخوك)) و الاند مهما كان نوعه ماهوب يخالف و الافضليه انك تحرص على الV8 ولوه قديم لاكن انه طيب بالحيل اذا لقيت نضيف
البرتقالي
13/09/2011, 11:59 PM
عن تجربة
الجديد يمشي بدون دبل بالبر اهم شي مايزيد الهواء عن ثلاثين
اما بالخطوط فيه عيب تنسيم الهواء على خفيف فقط لا غير
ابوناهض.
14/09/2011, 12:02 AM
اسمع ياطويل العمر
خذلك gقير عايدي
ونقز عليه بالون وهلل
ولايردك شي
ابورايف
14/09/2011, 12:06 AM
أنصح بالجيب
سوا الجديد أو الي قبلة
الله يرزقك بالي في بالك
وتقبل مروري وردي
أبو تركي82
14/09/2011, 07:11 AM
الله يعافيكم كل واحد باسمه
اللي توصلتله من كلامكم انكم تمدحونه بس عيبه مواصفاته
عشان كذا بدور بالاول عن GX 2007 وتحت
واذا ما لقيت الشكوا لله ناخذ بدون مواصفات G 2008 وفوق

جزاكم الله خير على مروركم ونصايحكم
نخدمكم بالافراح ان شاء الله
سفاري959
14/09/2011, 07:23 AM
اسمع وانا اخوك اذا انت راعي بر لاتتعدى 2007 وتحت والله لو ابشتري لاند ما اتعداه يارجال خويي معه 2010 8 سلندر صدمنا اكسنت صدمه خفيفه وقف الرجال ووقفنا والله يا تفشلنا قسم الاكسنت ماجاها شي وموترنا الصدام لقيناه طايح بالارض وكل من مر من عندنا قعد يعلق علينا يقول فضيحه جيب طايح صدامه واكسنت ماجاها شي اجل لو صادم جمس او جيب وش بيصير والله هذا الحاصل هذا غير كلبسات الصدامات كل فتره تحصل واحد ناقز كلبسه وطالع والله الرجال مايطلع من الرياض ولايعرف البر بصراحه انا من المعجبين بالموديل الأول عز الله موتر
.أبوعبدالرحمن
14/09/2011, 08:06 AM
أخي الكريم من واقع تجربة


كلا السيارتين قوية وأثبتت جدارتها سواء

الـ GX2007 ونازل
أو
GX2008 V8 و V6 وطالع

وكلها سيارات يتم


الاعتماد عليها بعد الله ولكن هي الفكرة على السواق ويكون هوا الكفرات أقل من 25


ولا تنسى الاستخارة والشباب ما قصروا ,,,
اخوخالد
14/09/2011, 08:28 AM
اذا بغيت موتر البر خذ من ٢٠٠٧ وتحت
راعي العمانيه
14/09/2011, 09:08 AM
السلام عليك وانا اخوك نصيحتي لك اذا انت هب راعي بر يوميا السته سرندل يمشي وضعك لاكن اذا تبا موتر مرتاح في الرمله ونسمه وسيع عليك بالثمانيه وبعد فيه نقطه الجديد قير عادي ولا قير تبترونك وتستخدمه عادي السته سرندل في نمره واحد تلقاه مشتد يوم تلقمه اثنين يخق عزمه يعني بيني وبينك الثمانيه كا نسم احسن واذا تبا سته موتر رمله ووناسه خذ لك قديم واما الجديد في الخط والديره ممتاز بالنسبه للسته يوفيك في البر اذا انت رجال تسوق وبتداري عليه
قناص مزاجي
16/09/2011, 12:25 PM
السلام عليكم ورحمة الله وبركاته

اخوي انا معاي سسته سلندر قير عادي فل كامل

استخدام لا يعلى عليه ابد اخذه ونت متطمن بس فيه عذروب صغير القير العادي

هو انه متعب بالتعشيق بس داخل المدينه

اما من ناحية القوه فلا يوجد به اي عذروب
HAS5SAN
16/09/2011, 02:37 PM
2007 هدد
وتدعي لي