احترت وشو الطير ذا

[هاوي بندق]

السلام عليكم
يالربع الي عنده شرياص ولا شبوط
ويكون موقعه قريب من
ضروووري
حاولت اشبكه كم مره لاكن ولله اني ماعرفت اضبطه
الي عنده نفس الي بصوره ومكانه قريب يراسلن على الخاص
http://www8.0zz0.com/2011/09/13/15/171138156.jpg (http://www8.0zz0.com/2011/09/13/15/171138156.jpg)

[مغاتير]

ياخوي الله يرزقك اطيب منه
هذا شبوط نقلته خساره مايصيد غير الفيران
اخذلك وكري لايضحكون عليك الناس وتراني قايله لخوي هل كلام لاتزعل
ابرك من نقلة ابو الفيران قيمة سبوقه ووكره وبرقه ودسه اغلا منه
والله يوفقك ان شاءالله

[هاوي بندق]

الله يعافيك
لاكن اخوي انا ماخذته الى للفيران والجرابيع مثل
ماقلت انت
الله يعافيك ويجزاك خير

[falcon 1]

السلام عليكم ورحمة الله وبركاته
ذا طال عمرك حميميج ..شرياص ..ترمه


والله يا خوك الطير ذا ينقلون الاجانب ويقنصون به ..يصيدون الطيور الصغيره ..الفري . وانا اعرف صقاقير كبار والله العظيم لا دخلت مربطهم تشوف حرار وشياهين بعدين تشوف الحبيب الصغير على وكره قاعد :D
يطلعون العيال فيه بالليل ويهدونه على جرابيع ...يصيدون جرابيع للطيور واخر جربوعين للشرياص .
ولا جا موسم الفري يهدونه على فري ..ما شاء الله تقول حر على حبارى !

لكن محد ينقله لانه ما يصيد الا الطيور الصغيره
لكن ان كانك تبي جرابيع ..فري ..طيور صغيره ..يمام ..واحيانا حمامه ...الشرياص ممتاز .

لكن في ناس تنقله ويموت عندهم يقولون
" عادي كله شرياص ..ماهوب طير"..وهذا حرام ...الي يبي ينقل طير ولا يبي ينقل حميمج ..لا بد ان يعطي هالطير احترامه وتقديره مهما كان .

ان شاء الله اني افدتك ونشوف ردود الاخوان جزاهم الله خير

تقبل تحياتي اخوك
فالكن 1

[راعي الخريب]

اخوي اذا بتاخذه للجرابيع تراه ممتاز مايعوق وياه الجربوع
اعزل وهد هههههه
وتربيبه سهل مايبيله شغلة
بخصوص اشلون تشبكه بعلمك الحين اشلون
اول حاجه اخذلك شبكه مثل الي بالصورة
http://www.mqanes.com/vb/uploaded/861_1304262024.gif

هذي ترمبه صايدها العام
اخذ نفس الشبكه وحط فيها جربوع او عصافير الصغيرة
اذا عصافير حطللك 2 منها
واذا جربوع حط 1 او 1 وعصفور
بس اذا كان في جربوع يكون افضل
رتب الشبكه فل عيونها
وحط الي تبيه تاخل مثل ماقلتلك
ولحف الشبكه بفوطه عشان يكون ظلمه عللى العصافير
ولاحصلت شبوط او شرياس الي هو
شل الفوطه وقطله الشبكه

الميزة فالفوطه تحجب عنهم النور ولاشليتها يتحركون فالشبكه على طول
وان شالله اني افدتك
وسلامتك