المساعد الشخصي الرقمي

مشاهدة النسخة كاملة : استفسارات جنوط هلل 16 وكم غرض للشاص


مافيه
14/09/2011, 12:38 AM
بسم الله رحمن الرحيم

السلام عليكم ورحمة الله وبركاته

اخواني حبيت اركب جنوط 16 هلل للشاص وش افضل شي للأستعمال الطويل وعلى حسب ماسمعت فيه انواع بذكرها لكم
1- جنوط هلل اخذها من الوكاله واسويلها خرط وتبريز واركبها لاكن بتكلف وياليت احد يعطينا خبر عن سعرها في الوكاله
2- جنوط صينيه من الغرابي تقريبا تكلف 500 ريال < طبعا مبرزه جاهزه للشاص
3- جنوط يابانيه اسمع بها بس ماشفتها ودورت عليها في الغرابي ومالقيتها < طبعاً مبرزه جاهزه للشاص
وياليت الي يرد يكون له علم

و الشي الثاني ناوي اركب هنقل وين ازين ورشه تسويه لي بدون تخريم ..؟ ابيه استعمال وشكله يكون ممتاز بدون الشارع
وشراع الشد وين افضل محل يزينه لي ويعرف للشغله ..؟ (بركب ثنين واحد على حد الهنقل للصيف و الثاني على حد الحنايا للشتويه مع طبق داخلي)

وناوي باذن الله على تانكي ستيل في الصدر 200 لتر مع شنطه للعده حديد كم بيكلفني ومن يسويه لي ابي افضل ورشه وشغله مضمون ونضيييف وبيعرف كلامي للي سبق له تركيب تانكي للشاص في الصدر

الله لايهينكم يا الغالين نبي فزعتكم معنا للعلم انا من سكان المزاحميه واذا كانت الورش في الرياض يكون افضل واذا كانت ابعد وشغله نضيييف بالحيل ان شاء الله مهيب عايقه علي
الوسام889
14/09/2011, 02:42 AM
وعليكم السلام ورحمة الله وبركاته


اولا : الجنوط الهلل فيه جنوط يباني سعرها من 750 الى 800 ريال مسعرها امس
وخل عنك التباريز والخرط وشغل النصابين ( ابو جميل )


ثانيا : الجنوط الهلل الصينيه انا مركبها ومخليها للمشاوير البسيطه والديره
والحمدلله ماشفت منها شي قيمتها 500 ريال
( اما رحلات المقناص مركب كفرات بالون وجنوط GXديزل)


ثالثا : الهنقل يسوونه عندنا ورشة توارن وهم بعد يسوون التوانك باانواعهااا واسم وصاحب الورشه ابو خالد وهذي سدحه لرقم صاحب الورشه 065332886 جوال 0505162394
وهاذي بعد احداثية الورشه N27.29.027 E041.43.645


رابعا : الشراع والشد والي انت تبيه يسوونه الاختيار
( الاختيار وتوارن مكملين لبعض )


وهاذي ارقام محل الاختيار تلفون 065355557 جوال 0555163354
وهاذي احداثية الاختيار N27.30.630 E014.40.954


مع العلم ان المحلات المذكوره أعلاه بحائل


خامسا : ارجو اني افدتك واختصرت عليك عنا البحث
( ماعليك سوى رفع السماعه واسئل عن الي تبي ):s


واجو منكم الدعاء لوالدي بالشفاء العاجل


وتقبلووو تحياتي وتقديري


الــــــوســـــــام
مافيه
14/09/2011, 04:35 AM
بيض الله وجهك وماقصرت يا الغالي ((ويلوموني في حايل لاجو ولا اهل كل ماطبيت في شي يقول الطيب عندي الله ينعم عليهم))

ماقصرت يا الذيب وعلمك غانم ووافي لاكن ياليت توضح اكثر في جنوط الgx الديزل كم مقاسهن 17 وهن حقات الجديد 2008 وفوق واذا كانت غير كذا ياليت تذكر الموديل واذا كان فيه صوره توضيحيه يكون افضل يا الغالي < مهيب شينه بس كفراتي وانت بكرامه بزرعها ومالي نيه ابيعها و جنوط الجكس اذا كانت 16 عز الله اني بركبها بدون ما اشاور

وعز الله انك كفيت ووفيت وحايل مهيب شينه لاكن يبيلي اجيها على هداوه و الخير قريب ان شاء الله اول ماتزين الاجواء بنسير عليكم ان شاء الله مع اني داري انهم مهوب معطيني علم اكيد عن الاسعار الا اذا جيت عندهم


والله يشفي ابوك ويمده بالصحه و السلامه وطولة العمر < امين
الوسام889
21/09/2011, 11:31 AM
ووجهك ابيض طال عمرك
ويجزاك الف خير على هالدعوه الطيبه من هالوجه الطيب
والله يحيك في اي وقت ( نتشرف بالزياره )
اما بخصوص جنوط GX مقاسها16 وهي حقت موديل 98 الى 2006 ديزل جنط حديد وقيمتها 1800 جديده
بس قل لصاحب المحل انك بتركبها على الشاص
بس عيبها الوحيد انها ثقيله شوي


وهاذي صور لها
http://www12.0zz0.com/2011/09/21/08/950710809.jpg (http://www.0zz0.com)


واعتذر من صاحب الصور فقط لتوضيح
ابن عكاش
21/09/2011, 09:54 PM
للرفع ولي مرور لموضوعك للإفادة بارك الله في الجميع
ابن عكاش
22/09/2011, 01:13 AM
انا مركب جنوط تجاريه شاريها من الغرابي من واحد معامله جيده جداً مشكلة الأصليه ماصارت اصليه لأنها في الأصل حقت لاند g ياخذونها ويفكونها في المخرطه ويبرزونها ماتجي مبرزه شغل وكالة
اما من ناحية الهنقل الشباب ماقصروا وترى فيه محلات في الصناعية القديمة تصلح هنقل وشغلها حليو لكن ليش ماتدور على مستعمل اوفر لك وريح راسك
التانكي ليش ماتفكر في الألمنيوم مركبه انا على الشاص وممتاز لأن السيل اغلبهم يغشون فيه يلحمون بحديد او يحط ستيل مغشوش بعد فتره يصدي إذا تبي تعرف الأصلي خذ معك ماص وحطه عليه إذا مسك اعرف انه مهوب ستيل
وإن بغيت شي حنا في الخدمه
بالتوفيق يالغالي
المقناص 9
20/12/2011, 11:15 PM
والله انااعرف اثنين مركبين جنوط هلل واحد شاص 2007 والثاني 2009
ولا اشوف اي واحد اشتكى منهن بس يقولي مانشيل اكثر من خمسين كيس