((((وش افضل مساعد دركسون للشاص)))) [الأرشيف]

مشاهدة النسخة كاملة : ((((وش افضل مساعد دركسون للشاص))))

ابن عكاش

16/09/2011, 12:33 AM

السلام عليكم ورحمة الله وبركاته
يالله حي الشباب كلن باسمه :D
عندي رجه خفيف في الشاص من بعد سرعة 80كم إلى 100كم تقريباً وبعدين تروح نهائياً رصصت ارضي ماتغير شي طبعاً الكفرات دنلوب نقشة شاهين
فحصت عضلات الموتر والشدادات وغيرها قالوا سليمه حتى مساعد الدركسون يقولون سليم لكن انا مقتنعت واتوقع ان الرجه منه لأنه لو كانت من الكفرات كان راحت بالترصيص زد عليها ان الرجه غير ثابته مره تخف حتى اني اقول راحت ومره تزود شوي خصوصاً إذا طولت على سرعة 90كم وكان الطريق فيه مطبات
قررت اغير مساعد الدركسون ونصحوني بعض الشباب بحق الرماية قلت استشيركم علماً ان سعره 385ريال بدون تركيب وبدون ضمان
هل فيه بديل افضل من حق الوكالة
وكيف اجزم ان المساعد خربان
شاكر لكم تفاعلكم مقدماً :good2:

نباك

16/09/2011, 12:40 AM

لاتهور وانا اخوك

مشكلتك جلد عمود التوازن

ابن عكاش

16/09/2011, 12:43 AM

لاتهور وانا اخوك

مشكلتك جلد عمود التوازن
مالك لو يالغالي سليمه مافيها شي فحصتها عند ميزان المجد واليرموك

zajool

16/09/2011, 02:34 AM

تكفى علمنا وش يصير معك لان المشكله عندي بالظبط مثلك

نباك

16/09/2011, 04:18 AM

كريزي نت

16/09/2011, 09:24 AM

لاتغير مساعد الدركسون اذا كان سليم 100%

واذا كان قديم غيره وركب شد البلد ولاتحط غير شد البلد نصيحة ,,,

ابن عكاش

16/09/2011, 10:48 AM

تكفى علمنا وش يصير معك لان المشكله عندي بالظبط مثلك
ابشر يالغالي

ابن عكاش

16/09/2011, 10:55 AM

غريبه
عامود التوازن له اربع جلد 2 كبار بينات و2 صغار هن دايم يسبا الرجه الى اذا جلد شيالات الدفرنس تعبانه هذا حسب خبرتي برجه 80 الى95

بالنسبه لرجه مساعد الدركسون تلحضها بعد40

هل جنوطك شنبر
الجنوط هلل تجاريه والكفرات إنتاج 2009م واحد منها فيه شق ومركب لستك وحاطه ورا مدري يمكن تكون السبب
شيالات الدفرنس سليمه
اما جلد العمود ابتأكد مره ثانية منها
يقولي حق ميزان اليرموك الذراع اللي ورا الدفرنس يبيله كبس هل تتوقع يسبب الرجه قلت له اكبسه قال لازم نسوي ميزان للكفرات لأنه بعد ما يكبس يختلف هل كلامه صحيح

ابن عكاش

16/09/2011, 10:57 AM

لاتغير مساعد الدركسون اذا كان سليم 100%

واذا كان قديم غيره وركب شد البلد ولاتحط غير شد البلد نصيحة ,,,

يقولون سليم بس تراه قديم انا معي الموتر من سنه ومدري عن راعيه كم له معه واشوفعليه تراب قلت يمكن الزيت تطلع ونشف

4800VTC

16/09/2011, 12:52 PM

جرب يا الغالي انك تركب جنوط وكفرات من موتر ثاني
نفس موترك بس تاكد ان راعيها يقول ما فيها رجه
وجرب هذا اخف واحسن حل
اذا راحت الرجه فهي ما راح تتعدى الكفرات والجنوط

ابن عكاش

16/09/2011, 01:58 PM

جرب يا الغالي انك تركب جنوط وكفرات من موتر ثاني
نفس موترك بس تاكد ان راعيها يقول ما فيها رجه
وجرب هذا اخف واحسن حل
اذا راحت الرجه فهي ما راح تتعدى الكفرات والجنوط
فكرت في هالشي يالغالي وقاعد ادور عند الشباب عسى الله ييسر

ومض

16/09/2011, 02:14 PM

حط كفرات البلد وشف الفرق , البلا من الجنوط

:)

ابن عكاش

16/09/2011, 02:20 PM

حط كفرات البلد وشف الفرق , البلا من الجنوط

:)

ركبت البلد الشنبر مع كفراتها جديده رجه اشد من 80 إلى 100 ومطب قاسي ماتنفع ولا بريال شكل بس

GMC79

17/09/2011, 01:21 PM

http://www.mekshat.com/vb/showthread.php?t=389948

شيك على الرابط هذا الرد رقم 5

شد ذراع الدركسون

http://www.mekshat.com/vb/showpost.php?p=4219471&postcount=9

____________________________________________

وبعد البحث وجد من ضمن الاسباب ارتخاء رمانات الهوب وارتخاء ذراع الدركسون والركب واذا هم قايلين لك انها سليمه ما في مانع تفحص اكثر من مرة عند اكثر من واحد

وان شا الله تنحل مشكلتك

ابن عكاش

17/09/2011, 01:50 PM

ابومحمدالبري

17/09/2011, 02:17 PM

شحم عامود الدبل

gx-low

17/09/2011, 03:41 PM

الكفرات اذا هي قديمه ترى تسبب رجه

انا معي لاندكروزر وعليه جنوط هلل تجارية

كان الموتر يرج وكنت اقول المشكلة من الجنوط

لكن يوم غيرت الكفرات راح الرجه نهائيا

ابن عكاش

18/09/2011, 12:59 AM

الكفرات اذا هي قديمه ترى تسبب رجه

انا معي لاندكروزر وعليه جنوط هلل تجارية

كان الموتر يرج وكنت اقول المشكلة من الجنوط

لكن يوم غيرت الكفرات راح الرجه نهائيا
والله الكفرات قديمه انتاج 2009م وكادها كد
والمشكله سهلة بس نبي نشوف آراء اللي جربوا

ابن عكاش

19/09/2011, 12:08 PM

العلم ياشباب رحت امس للصناعية القديمة ومريت العضيب وقال المساعد حق الدركسون مافيه شي والذراع اللي قدام الدفرس واللي خلفه مافيها شي وجلد عمود التوزن سليمه والرمامين مشدوده قال رصص ارضي قلت رصصت ارضي ولا نفع قال ارجعله مره ثانية المهم اني قلت شد الذراع الأمامي لأني قريت كلام سوبر فتك في التالي:

الجيب الحوض و الربع يصير بهن رجه على سرعه 80 تقريبا

رد في موضوع سابق

مع احد الربع شاص م2008 كل 6شهور يشد التيلة و يضبط

الحل
تفك التيلة اللي راكبه قدامك بالصورة
حقت اذرعه الدركسون و الفلنجة
شف عندك الذراع اللي يلف الكفر
اللي راكب على ذراع الفلنجة
تلقى بنهايته مع الجنب تيله او مسمار
هذا ما يدرون عنه راعين الورش
تفك التيله اذا فكيته يصير بوجهك صاموله كبيره جدا
كما واضح في الصورة
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق
طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن
هذا الراس تقدر تشد به الصامولة
اذا خلصت تركب التيل مرة ثانية
طبعا لازم كل 6شهور تشيك عليهن
خصوصا اذا حدث رجة
لكن بعد ترصيص الجنوط ليزر ارضي

احد الشباب ببريدة تخصصه هالشغلة و يشرط على الضمان ماترجع الرجه

انت افهم هالطريقة و تراه سهلة التطبيق
منتب خاسر شي

على هذا الرابط
شاص م2008
الموتر جديد الرجه علقته الفزعه يالربع -

مريت ميزان المجد وخليته يرصص مره ثانية فعلاً رحت ورصص لي مره ثانية وراحة الرجه بسبة 70%
وطلعت بالنتيجة التالي ان اسباب الرجه تنحصر في:
1- الكفرات إذا قديمه تسبب الرجه
2- الترصيص الأرضي فعال بس لابد يكون من واحد متقن
3- شد الذراع اللي قدام الدفرنس مثل ماقال سوبر فتك
4- مساعد الدركسون له تأثير على رجه الكفرات
5- الجنوط إذا كانت مضروبه او احدها
6- كل سبب من هذه الأسباب قد لايكون اللسبب نفسه بل كل واحد يؤثر بنسبه حتى إذا اجتمعة اصبحة الرجه اقوى
هذي الخلاصة اتمنى انها تفيد اخواني في المنتدى وتمنيت تكون مصوة لتوضح اكثر
وشكراً لك من ابدي رأيه وشارك