المساعد الشخصي الرقمي

مشاهدة النسخة كاملة : تكفون يا اخواني.... شريت لي طير وما شرب ماا لليوم الثاني


فهد الربش
16/09/2011, 05:26 AM
الله يسعد اوقاتكم

شريت لي فرخ شيهانه جبليه من راعيه امس المغرب

ولليوم ماذاق الما ورشيته ولافاد ولا فكيت برقعه قام يتخبط ويحوسنا حوس

تكفون اللي له طريقه يعلمني لاني الحقيقه عليمي
كنزااااان
16/09/2011, 06:07 AM
اخوي فهد الطير فرخ جبليه وحش خذلك صحن وصب فيه ماء بحيث يغطي كف الطير ونزلها
وسطه ببرقعا واذا انها ضميانه راح تشرب وسلامتن عرضك وطولك
درب المحبه 8
16/09/2011, 06:11 AM
يالله حيه السالفه عاديه يابعدي
اول شي اذا كان الطير وحش ويكافخ حاول انك تنقله وتعلفه علا ايدك وتمسح عليه وكل ماكفخ برقعه خمس دقايق وفرع عليه وعيد عليه نفس الطريقه لما تحس انا الطير ركد ومن ناحية الماء برقع الطير وجيب فنجال ماي وحك كفوفه وخل الفنجال فوق كفوفه هو بينزل راسه بالفنجال ومعا والوقت حاول تسويها والطير مفرع او تجيب ابره وعبها ماء وغره في فمه طبعا لازم تركد الطير وتدهله قبل كل شي

واتمنا اني افدتك
فهد الربش
16/09/2011, 06:36 AM
مشكورين يالربع

وبجرب وبرد لكم
راعي - عديم
16/09/2011, 07:08 AM
أخوي فهد
مثل ماأتفضلو الأخوان وحبيت أضيف
خل المرش البخاخ جنبك وأذا علف الطير رش ع العلفه
أو خمرها في ماء وعطه أياه
وتقبل مروري
خيال سهيل
16/09/2011, 12:27 PM
افادوك الاخوان
وانا بضيف خذ بخاخ الماء ورش على بوز الطير
رح يشرب ودامك بدهل الطير لازم ترش الطير بالماء
ضهره ونحره والذنيبه والغواطي ( الجناح من الداخل )
عشان ما يتملع الطير من المكافخ والله يهنيك بطيرك
عاشق الصقارة
16/09/2011, 12:50 PM
يالله حيه السالفه عاديه يابعدي
اول شي اذا كان الطير وحش ويكافخ حاول انك تنقله وتعلفه علا ايدك وتمسح عليه وكل ماكفخ برقعه خمس دقايق وفرع عليه وعيد عليه نفس الطريقه لما تحس انا الطير ركد ومن ناحية الماء برقع الطير وجيب فنجال ماي وحك كفوفه وخل الفنجال فوق كفوفه هو بينزل راسه بالفنجال ومعا والوقت حاول تسويها والطير مفرع او تجيب ابره وعبها ماء وغره في فمه طبعا لازم تركد الطير وتدهله قبل كل شي

واتمنا اني افدتك

رد علي مقولت اخوي درب المحبه يوم يقولك ابره البره مهيب ابرة( خياطه )يالغالي
البره المقصوده ابرة الي تستخدم لتشريب (الطفال العلاج) تعبيه ماء وتحطها في فم الطير وتحاول انك ماتضغط البره بقوه عشان يشرب الطير وسلامتكم
راعي فتان
16/09/2011, 12:58 PM
السلام عليكم


مساء الخير


اخوي انت فاهم المسأله بشكل آخر


ترى الطير ما هو بشرط يشرب ماء كل يوم

الطير ممكن يآخذ اسبوع او اكثر ما شرب ماء خصوصاً إذا صار في جو بارد سواء في مكيف او في ايام الشتاء


وبعدين البدو يقولون الظماينه تكسر الحوض


فلا تخاف اخوي إذا الطيره حست بالظماء الشديد تأكد انها راح تشرب


اهم شي انك بعد ماتعلفها تعبيلك فنجال ماء وتقربه منها ان شرب زين على زين وان ما شربت برقعها وحط الفنجال عند يدينها والمس يدينها هي راح تنزل راسها وتشرب


ارجو ان الفكره وضحت
(هزاع)
16/09/2011, 01:23 PM
كل ماذكروه الاخوان حلول والضاميه تكسر الحوض بس تلطف لاتكسر الطير بالمكافخ سياسه ونا خوك
عابر الموج
16/09/2011, 01:32 PM
رش على العلف ماء كثير حتى يتعود بشرب الماء لكن نصيحة دهل الطير حتى لايتعرض ريشه للكسر تقبل تحياتي
فهد الربش
16/09/2011, 09:29 PM
ابشركم

علف الطير الليله بعد ماصليت المغرب

وشرب الماا

ولاهنتو جميعا على معاونتي في هذا الموضوع

وبيض الله وجيهكم جميع

تقبلو تحياتي
درب المحبه 8
17/09/2011, 12:10 AM
رد علي مقولت اخوي درب المحبه يوم يقولك ابره البره مهيب ابرة( خياطه )يالغالي


البره المقصوده ابرة الي تستخدم لتشريب (الطفال العلاج) تعبيه ماء وتحطها في فم الطير وتحاول انك ماتضغط البره بقوه عشان يشرب الطير وسلامتكم


ايه انا اقصد الابره حقت الاطفال علا قولتك ابرت خياطه قويه شوي :p

ومشكور
اقدم صقار
19/09/2011, 03:35 AM
السلام عليكم
اخواني كلامكم سليم ولاكن النقطه اللي اكثركم يؤيدها وهي غر الطير بأبره ماء انا ضد كلامكم وهذي وجهت نظري لاسباب وخيمه
منها شرقة الطير ومنها الاتهاب في الاكياس الهوائيه بسب الماء ومنها يمكن يموت الطير
تقبل مروري