الونش عطلان

[غيهبي]

السلام عليكم ..

معي جي اكس ار موديل 2003 ولي فترة ما استخدمت الونش ..

قبل يومين حاولت اشغل الونش ولكن ما اشتغل ..

شبكت الجهاز عليه ويطلع صوت الكهرب بس السير ما يتحرك ..

وش السالفه !!!!

[كوكو بلقاري]

أخي العزيز الونش لازم اذا بغيت تفكه ( تفلة ) لابد من انك تسحب الواير وانت تضغط على الرموت علشان يمشي معك ويطلع الواير ولكن اذا استعملت الرموت والا الزر لتحريك الونش وتطليع الواير يبدا يدور الواير وهو بمكانة اما اذا كان يطلع صوت كهرباء بس من غير دوران للبركرة فهذا ترس البكرة الداخلي ماشبك وعلتة اما انه ملعوب فيه والاا عله فنيه اذا كان الموتر مايستخدمه الا انت ( على فكره أنا معي مثله ولكن فاكس آر والعله مرت على هذا اللى عندي وآسف على القصور والشباب اخواني ما يقصرون :D

[غيهبي]

اخوي كوكو بلقاري ..

تقول : (( اما اذا كان يطلع صوت كهرباء بس من غير دوران للبركرة فهذا ترس البكرة الداخلي ماشبك وعلتة اما انه ملعوب فيه والا عله فنيه )) ..

وهذا بالضبط الي يحصل معي .. يطلع صوت كهربا بدون مايدور الونش ولا البكرة ..

وعلى فكره .. انضرب عندي الصدام الأمامي و غيرته بجديد عند البازعي .. بس والله ماودي اظلمهم و اقول العلة منهم ..

[شيخ ولد شيخ]

السلام عليكم ورحمه الله وبركاته اخوي غيهبي كان عندي نفس المشكله رحت الورش اللي يقولي غير الونش واللي يقولي يبيله فك المهم رحت البيت وقاعد احول في الدقمه حقت الونش اللي خلف البطارية وفكيتها يوم فكيتها لقيت الماس يجي في اسفل الدقمه مصدي رحت شريت زيت صدا وصنفره ونظفته وابشرك انه اشتغل اللهم لك الحمد 0