المساعد الشخصي الرقمي

مشاهدة النسخة كاملة : تبي تعرف كم مااشي الموتر


fahad marzouq
17/09/2011, 07:39 PM
السلام عليكم ورحمة الله وبركااته
يااخوان اصبح الغش والتلاعب في عداد الموتر اول ماايفعله الشريطي ؟ فلذا هنااك طريقه بسيطه وسهله لمعرفة الممشي الحقيقي للسياره الا وهي ورقة الفحص الفني !!! نعم نعم نعم لان الشريطي عندما يشتري السياوه يقوم بنقلها لملكيته والفحص يضع الرقم الصحيح فلذا ياخوان هالله هالله هالله بالورقه واخبرو كل من يريد شراء سيااره يجب ينتبه للورقه لان الشريطي هداه الله يبحث عن الربح باااي طريقه ...........
الخزاعي2010
17/09/2011, 07:44 PM
ههههههههههههههههههههههههههههه الفحص الفني

قصدك الفحص الدوري
طيب لو قال الشريطي معندي ورقه الفحص وش السواه
وبعدين هل رقم العداد الصحيح يكون في ورقة الفحص
ترى والله انا عليييييييييييييييمي في امور السيارات

وتقبل مروري يا الذيب
ابونبيل
17/09/2011, 08:40 PM
وش العلاقه بين الفحص الدوري والممشا!!

التلاعب بالعداد يصعب اكتشافه
صاحب الكشتات
17/09/2011, 08:48 PM
يمكن الشريطي ذكي ويغير العداد ثم يفحص وشرايك بعدين وازيدك من الشعر بيت الشريطي اصلاً ماينقل السيارة باسمه علشان الربح والبيع وغالبا مايشتري الا المفحوص والمجدد
ابوراكان تبوك
17/09/2011, 09:25 PM
والله يا اخوان اعرف واحد الله يهديه اشترى جيب ربع 2006 ب 83000 ماشي 145000 واشترى عداد ماشي 18000 من تشليح واحد يعرفه ب 6000 ريال وباع الجيب بـ 104000
ربح 15000 ريال بسبه العداد واللي اشترى مطفي النور حتى الشكمان واضح ان السيارة ماشيه كثير
طاررق
17/09/2011, 09:43 PM
والله العظيم واحد من اصحابي باع كامري 2006 ماشيه 250 الاف المهم عرف المعرض الي السياره موقفه عنده

بعد ثلاث ايام جاء واحد من اصحابه قال ابي الكامري قال روح شوفه في المعرض الفلاني الي هو بايعه عليه

المهم يوم جاء وشاف السياره وشاف العداد الي الممشى مختلف حصلها ماشيه 125 الاف

رجع لصاحبها الاول قال السياره الي انا محصله ماشيه اقل من الكلاام الي انت قلتها عني

قام صاحب السياره وراح للمعرض وحصل سيارته وراعي المعرض الي مشتريها منه قال انت ماتخاف الله


انت فيك وفيك والله العظيم ياخوان انه بابعه براس ماله على صاحبه
fahad marzouq
17/09/2011, 10:21 PM
الفحص الدووري او الفني كلها نفس الشي العلاقه انك يوووم تفحص السياااره ياخذون رقم الهيكل والمووتر كم مااااشي ! وبعدين مااعااد فيه زي اول اشتر والنقل بعدين حبيبي تبيع تستلم الفلووس السيااره تنقل ! مساله يخليها بااااسمه لين يجيه مررررررربح مااعااد في ذا السواااالف ؟
برايدوي عنيد
18/09/2011, 12:00 AM
سالت كهربائي قال
العداد بعد يرجع يصير يشر( يالع ويطفي )

طبعا بطن الموتر يصير باين تلقاه مهرقل والوجهيه تلقاه مرمله ومن هالامور.
بدوي جنوبي
18/09/2011, 07:40 AM
فيه طريقه عن طريق الوكاله
هذا للسيارات اللى موديلها جديد
مثلا جيب لكزس او يوكن
تجد سجل للسياره وكم ممشاها عند آخر صيانه دوريه

واحد من جماعتى شراء كامرى 2009
راح الوكاله يسوي صيانه دوريه
وقالوا له في الوكاله ان السياره عدادها مرجع
رجع للمعرض وتهاوش معاهم وشكاوى لشيخ المعارض
أعطوه 3 الاف وأقنعوه بالملبغ .
ذيب النجيل
27/09/2011, 02:35 PM
الي يغش يغش نفسه

اعرف واحد شرا ربع موديل 97 ماشي حول ال400 الف شراه ب37 الف ريال

وراح صفر العداد وخلاه ماشي قليل وباعه ب48 الف ريال يعني كسب فيه 11 الف ريال

وبعد اقل من شهرين صار له حادث انقلاب بسياره كورولا وخسر اكثر من 11 الف ريال تصليح للكورولا

شفتو نتيجة الغش

.