فاض الكيل من شركة عبداللطيف جميل ادخل لتعرف السبب........!

[أبو معاذ 2]

اليوم مريت شركة عبدالطيف جميل أبغى أسأل عن فورشنر 2012 vx1 لقيت سعره زاد 8000
كان بـ 1012000 الحين بـ 120000 طبعاً السيارة هيه هيه ما تغير فيها شي ليش الزيادة هذي
ما أعرف مع إن الجيب مصنع في اندونيسيا وتعرفون إن اليد العاملة هناك رخيصة والمواد متوفرة ورخيصة يعن المفروض الأسعار تنزل ومع هذا ما زال عبداللطيف يزيد السعر سنوياً بهذه القيمة .
أنا عندي عدة ملاحضات:
1- الأسعار خارج المملكة أرخص من عندنا مع وجود الضرائب على المشتري هناك.
2-الجودة خارج المملكة والمواصفات أفضل والضمان أفضل خصوصا في عيوب التصنيع.
3-عبداللطيف محتكر السوق من سنين طوال ليش. خصوصا ان حاط وكالات فخمة وصيانة مكلفة وسيارات تويوتا ما تحتاج اي ورشة تصلحها ويطلع قيمة هذا كله من جيوب المواطنين
4-هروب شركة عبداللطيف من مصانع اليابان الى مصانع تويوتا الأقل كلفة مثل تايلند واندنيسيا واستراليا وتثبيت الأسعار على انها وارد اليابان.
5- أخذ قيمة ضمان على السيارة عند الشراء بغير حق مع ان الشركة عند حدوث عطل تتهرب من التصليح وترمي اللوم على سوء الاستخدام.
6-سكوت وزارة التجارة على هذه الشركة التي احتكرت أفضل سيارات تناسب السعوديين.

أنا أطلب من وزارة التجارة ايقاف احتكار هذه الشركة وفتح المجال لتجار آخرين للإستيراد من اليابان من دون فتح وكالات يعني بالعربي نبغى نشتري من المصنع مباشرة .
تذكرون الآيفون يوم نزل كان بـ5000 الحين السوق غرقان بالآيفون والسعر 2400 يعني اقل من النص .الحل الوحيد لعلاج جشع التجار هوه كسر الإحتكار وإغراق السوق.
أنا أتحدى الشركة تنزل فواتير وعقود الشراء من الشركة الأم.
اخيرا اقول لشركة عبداللطيف أنه لايوجد لك فضل علينا المال مالنا والسيارت مصنعه من اليابان وانتم مجرد وسيط فكونوا خير وسيط واذا بتتشكرون علينا بمشروع باب رزق جميل تروه مجرد دعاية لا غير.

[مزدهر]

عبد اللطيف جميل وغيره استكر فقط

[(ناب الذيب )]

بيض الله وجهك على طرح هذا الموضوع

والله يخارجنا من جشع التجااار

انا كان نفسي اشري فورتشنر 2012 لكن مادام هذا سعره بحول على هيونداي واشري توسان او فركروز ابرك لي

يعطيك العافية اخوي

[الطرس ممدوح]

بيض الله وجهك
على طرح هذا الموضوع
وانا اخوك لوانت يضعيف تلف وتدور مثلهم كان رحت خبر كان
لكن نقول الله يصلح الحال

[راعي-gx97]

الله لا يوفقة أعدم حبيبة الملايين تويوتا وصارت الناس تشك فيها ....

[MohsinSK]

بيض الله وجهك على طرح هذا الموضوع

والله يخارجنا من جشع التجااار

انا كان نفسي اشري فورتشنر 2012 لكن مادام هذا سعره بحول على هيونداي واشري توسان او فركروز ابرك لي

يعطيك العافية اخوي


و نعم الرأي.. و السانتافي يمدحوه بعد..

تويوتا ما عادت بنفس الجودة زي ايام اول.. و اذا الوكيل يرفع الاسعار بدون مبرر, وش جابرك تشتري من عنده.. المنافسين واجد في السوق..
واذا مصمم على التويوتا,, اشتريها من الخليج,, الامارات او قطر مثلا.. على الاقل اكسسوارت اصلية مو صيني..

[الشهابة]

بسبب سوء الوكيل .. شركة عبداللطيف جميل .. انتهت اسطورة التويوتا .. حسبنا الله و نعم الوكيل ..

كانت سيارات تويوتا من افضل السيارات في الاستخدام و الجوده و الصيانه و الاسعار .. و بسبب الطمع دفنوها اللي ما يخافون من الله ..

و هذا بعد نشوفه بدأ ينتشر و يسري في أغلب وكالات السيارات في السعودية إلا من رحم الله ..

و كل ظالم و له يوم .. في يوم من الأيام اللي مقدرها الله عزوجل ستنتهي شركة عبداللطيف جميل و الله اعلم ..

[Abo gssar]

قالوا من امرك ؟ قال من نهاني.....

[كثير السؤال]

عبد اللطيف جميل وغيره استكر فقط

حسبي الله على الجشعين اللي وراه

[كن مع الله]

طيب يا اخي وش حادك على تويوتا فيه من ينافسها بالسوق وبقوة
عندك متسوبيشي وهونداي وفرورد ....الخ الله اعلم ان حنا السبب بس تيوتا تيوتا
شف اخي الكريم اسعار السيارات الثانية وقارن من ناحية المواصفات والاسعار

[سرطوقا]

تعوذوا من ابليس وكلن عقله براسه يعرف خلاصه

اذا الخليجي يجي اصلي وكاله لاترهيم ولا غيره وش الي حاد العالم تشتري سعودي نقول عنهم قليلين صح ؟!

يارجال مدام دراهمك معك اشتر الي تشوفه انت

تحيتي للموضوع الجميل

[ابن علوان]

عبد اللطيف جميل شاف الناس موصله تويوتا السما وقاعد يسمع المدح اللي تجاوز الخيال وبدون اي حق قال خلاص المغفلين موجودين ليش مااخذ دراهمهم وما ينلام والله
لو ان فيه من استهجن واستنكر اسعار سياراته وتم تنظيم مقاطعه كانت الاسعار معقوله ولكن من بغى يطب في النار (تويوتا ) الله يوفقه ودعواتنا له
السوق مليان واللي يبي يهايط ويشتري تويوتا هو حر

[aziz2727]

:o:o:o:o:o:o
هذي وزارة التجارة وحماية المستهلك
نااااااااااااااااااااااااااااايمن
والتاجر ماخذ راحته
وش تضن بيردعهم
المقاطعه وبس

[سيف الظفير]

ابشرك يا الغالي



الشاااااااااااص 2012 بريمي بـ 155.000 ريال بدون ايه مواصفات لا ونش ولا دفلك ولا رفرف

[ددسن180]

قالوا من امرك ؟ قال من نهاني.....
:good2::good2:

[أبو معاذ 2]

يا شباب عبداللطيف ماهو المصنّع يعني وكيل كيف تقولون إذا مو عاجبك روح لغيره سيارات تويوتا اثبتت جدارتها
والباقي زباله يا جودة تعبانه ولا قطع غالية . المشكلة في الوكيل مو من الشركة.
يعني مو من حقي اشتري من المصنع في اليابان بسعر الجملة ليش يحتكرها .طيب لو تاجر مثلا عنده صاله صغيرة يشتري ثلاثين كامري ولا هايلكس ويبيعها بمكسب معقول والتاجر الثاني زيه ويالله اش راح يسير في الأسعار. أكيد راح تنزل أما عبداللطيف صالات ومهندسين وموضفين وفواتير كهرب واعلانات كلها يطلعها من ضهر المواطنين بأي حق هوه وشلة الفلسطينين اللي عنده في الشركة.
ما لاحظتم إن أي شي يرغبونه الناس يحتكرونه التجار ويلعبون في سعره.
مثال الحديد الإسمنت الشعير الغنم

×

[جيب شراع]

خلوها تصدي :mad::mad::mad:

[رفيع المقآم]

يالغالي كلامك عسل * عسل

وانا اقف احتراما لكلامك الجميل

لكن وانا اخوك حقك خذه واعط غيرك حقه

الظليمة شينه انا انسان عندي كامري 2011 فاكها وكاله

وبـ20 رمضان عيت تشتغل كملت معي سنه

المهم شركتها وعلى طول للشركه

وقلت لهم السالفه قالوا لي لا ومدري ايش ويتهربون

وادخل على مدير الصيانه السوداني وارفع صوتي

قالي خلاص تعال بكره وتلقى الموتر جاهز

واجي بكره والقاهم مغيرين البطاريه والموتر شغال زي الحلاوة

ومغسلينها وملمعينها وسلموني اياها

واخذتها من عندهم ومشيت

اذا انت ماتقدر تاخذ حقك هذي مشكلتك

والله يعين على هالوكيل اللي اكلنا

[ابولؤي الشريف]

والله من الطمع والغبن لكن انا عن نفسي ماراح اشتري وماهو تويوتا بس كل الوكلاء عندنا نار وسرقه ونصب واسوء صيانه ولهف عيني عينك بقطع الغيار

[فواز الحربي]

أذا السيارة مصنعة في أستراليا وألا اندونيسيا و قطع هذي السيارات عند عبداللطيف جميل مكتوب عليها Made in Japan
هل هذا يصدق !

[عبدالرحمن الحربي]

نحن البلد الوحيد في العالم

اللي يكسب وكيل المنتج أضعاف ما يكسب المنتج نفسة من إنتاج سلعته :mad::mad:

[sato4]

عادي جدا الناس كدا ولا كدا راح تدفع بعدين الى يقول
خلوها تصدي ومدري ايش هم الي اول الناس يشترون
كله كلام في كلام مافي افعال

[الجندي2005]

عبداللطيف مجرد دميه لأكثر




،

[فيصل التميمي]

حسبي الله ونعم الوكيل

[mr.salih]

يالغالي كلامك عسل * عسل

وانا اقف احتراما لكلامك الجميل

لكن وانا اخوك حقك خذه واعط غيرك حقه

الظليمة شينه انا انسان عندي كامري 2011 فاكها وكاله

وبـ20 رمضان عيت تشتغل كملت معي سنه

المهم شركتها وعلى طول للشركه

وقلت لهم السالفه قالوا لي لا ومدري ايش ويتهربون

وادخل على مدير الصيانه السوداني وارفع صوتي

قالي خلاص تعال بكره وتلقى الموتر جاهز

واجي بكره والقاهم مغيرين البطاريه والموتر شغال زي الحلاوة

ومغسلينها وملمعينها وسلموني اياها

واخذتها من عندهم ومشيت

اذا انت ماتقدر تاخذ حقك هذي مشكلتك

والله يعين على هالوكيل اللي اكلنا
أخوي المشكلة مهي في الصيانة او مثل ماتفضلت بالعكس كثير يمدحون هذي النقطة..المشكلة في أسعاار السيارات المبالغ فيها...والمشكلة تويوتا هي الخيار الوحيد لسواد الأعظم من الشعب...لكن مثل ماقال المثل أذا راح القط ألعب يافار...وحسبنا الله ونعم الوكيل.

سؤال:من هو الوكيل الي يبيع الفورتشنر بأقل سعر؟؟وكم السعر؟؟

[HAS5SAN]

يا إخوان
عبداللطيف جميل ميت من 22 سنة
أدعو على شركة عبداللطيف وليس على عبداللطيف
بلعكس الله يغفر له ويرحمه والله يهدي أولاده بعد ويخفظون الاسعار
اتذكر عام 1997 قالو ان الوليد بن طلال بيصير وكيل تويوتا في السعودية انا فرحت من قلبي
احد سمع مثلي

[ابرق نثيل]

ماهو منطقي الواحد يشتري بمثل هالاسعار
يستاهل المقاطعه ابو جميل والسيارات اليابانيه عموماً وصل سعر الصرف الى 76.795
يعني بين جشع وكيل ودولار ضعيف وين تبي تروح

[النهار]

اشهداالجيب سياره وعبدالطيف مخوف وزارة التجاره

[رقبة حاشي]

يا إخوان
عبداللطيف جميل ميت من 22 سنة
أدعو على شركة عبداللطيف وليس على عبداللطيف
بلعكس الله يغفر له ويرحمه والله يهدي أولاده بعد ويخفظون الاسعار
اتذكر عام 1997 قالو ان الوليد بن طلال بيصير وكيل تويوتا في السعودية انا فرحت من قلبي
احد سمع مثلي



اكيد انك اندونيسي مثله طررررررررررررش

[التعـ King ـديل]

قالوا من امرك ؟ قال من نهاني.....



كلمتي المفضله :good2:

[سعد ناصر]

ياجماعة الخير الاحتكار ثم الاحتكار فلو جهودنا انصبت على منع الاحتكار في جميع السلع وليس السيارات فقط فسوف تكون النتيجة مبهرة ولنا في شركة الاتصالات خير دليل .
فرحنا بحماية المستهلك واصبحنا نبحث عن من يحمينا من حماية المستهلك . فإذا كان اغلب المسؤولين عن انظمة ولوائح التجارة وحماية المستهلك هم من رجال الاعمال مثل الغرفة التجارية وغيرها فهل يعقل ان تسن قوانين ضد ارباحهم وتجارتهم .
من ناحيتي فقد تبلدت احسايس المقاطعة ولم اعد استطع صد هجمات جشع التجار لشعوري باليأس من حل المشكلة . لذا قررت زرع مبدأ المقاطعة في ابنائي لعل وعسى اذا كبروا وجدوا من يساندهم من المسؤوليين آنذاك.

[الدبل الثقيل]

اكيد انك اندونيسي مثله طررررررررررررش


اخي الكريم لايجوز تصنيف الناس والافضلية للاتقى

وعبداللطيف جميل توفى -الله يرحمه- وجميع اموات المسلمين

مايجوز نتكلم في عرض ميت ولانقدر نقول هو السبب

في ايامه كانت تويوتا في عزها

واما الكثير من التجار فجار هذا حديث النبي-صلى الله عليه وسلم

عَنْ عَبْدِ الرَّحْمَنِ بْنِ شِبْلٍ الأَنْصَارِىِّ أَنَّ رَسُولَ اللَّهِ صلى الله عليه وسلم قَالَ :

« إِنَّ التُّجَّارَ هُمُ الْفُجَّارُ » .

قَالَ : قِيلَ : يَا رَسُولَ اللَّهِ أَوَلَيْسَ قَدْ أَحَلَّ اللَّهُ الْبَيْعَ ؟

قَالَ : « بَلَى وَلَكِنَّهُمْ يُحَدِّثُونَ فَيَكْذِبُونَ وَيَحْلِفُونَ وَيَأْثَمُونَ » .

أخْرَجَه أحمد (3/428) و (3/444) .

وقَالَ الألبانيُّ في "صحيحِ الجامعِ" (1594) : [ صحيح ]

[volcano]

مد لحافك على قد فلوسك

[سفاري959]

يا شباب عبداللطيف ماهو المصنّع يعني وكيل كيف تقولون إذا مو عاجبك روح لغيره سيارات تويوتا اثبتت جدارتها
والباقي زباله يا جودة تعبانه ولا قطع غالية . المشكلة في الوكيل مو من الشركة.
يعني مو من حقي اشتري من المصنع في اليابان بسعر الجملة ليش يحتكرها .طيب لو تاجر مثلا عنده صاله صغيرة يشتري ثلاثين كامري ولا هايلكس ويبيعها بمكسب معقول والتاجر الثاني زيه ويالله اش راح يسير في الأسعار. أكيد راح تنزل أما عبداللطيف صالات ومهندسين وموضفين وفواتير كهرب واعلانات كلها يطلعها من ضهر المواطنين بأي حق هوه وشلة الفلسطينين اللي عنده في الشركة.
ما لاحظتم إن أي شي يرغبونه الناس يحتكرونه التجار ويلعبون في سعره.
مثال الحديد الإسمنت الشعير الغنم

×

وانا اخالفك الرأي انا اقولك تايوتا فقدت جودتها والدليل الأعطال الي سمعنا وقرينا عنها وانا اعرف واحد شخصياً معلقه عليه الدعسه وصادم بوسط حاره وراح لوزاره الخساره قالوله الخلا بس وشف المشاكل الي صارت لسيارتهم في امريكا لكن هناك الانسان له قيمه اما هنا للأسف هناك جابوا رئيس الشركه بكبره وتحقيق واعترف بنفسه والكلام ينطبق على غالب الشركات صارت الجوده اي كلام والأسعار نار لكن لو قاطعنا الجديد وصرنا ناخذ مستخدم نظيف تأدبوا الوكلاء والشركات قبلهم تحياتي

[HAS5SAN]

اكيد انك اندونيسي مثله طررررررررررررش

حسبي الله ونعم الوكيل

[روتاكس]

الأخ ابومعاذ

عندي ملاحظتين
الأولى لا تنسى ان عبداللطيف يبيع أضعاف عدد السيارت اللي يبعها وكيل تويوتا في الامارات او قطر أو البحرين أوالكويت أو عمان يعني المفروض هم يرفعون السعر لأن مبيعاتهم قليلة ولكن....، عبداللطيف الآن أرباحه أكثر من أرباح البنوك ولكنه لا يعلنها لماذا....!؟
الملاحظة الثانية سعر الآيفون 5000 من المصنع وليس من المورد في السعودية وهذي سياسة اجهزة الجوال والكمبيوتر عموما اذا كنت تذكر جوال الرهيب أول ما نزل كان بالف واربعمية ريال والمملكة بألفين وخمسمية والباندا بألفين ياخي جوالي n8 كان بالفين واربعماية قبل أقل من سنة والآن بألف ومائتين

الخلاصة أن عبداللطيف جميل محتكر السوق السعودي والكل يعلم ان المواطن السعودي متوسط الدخل لا يستطيع استيراد سيارة موديل قديم مثل المواطن الخليجي الذي يستورد أي موديل من أي دولة ويشغل ويمشي، فيذهب المواطن السعودي غصباًعنه الى عبداللطيف جميل وزيادةً على أن سعره غالي تتورط معه بعقد تأجير بفوائد ضخمة مركبة...

[أبو معاذ 2]

الأخ روتاكس جوال الايفون عمرة ما انباع بأكثر من ٣٥٠٠ من صنعته ابل خارج المملكة اما اكسترا جابة الطامة كانت تبيعة بـ ٥٠٠٠ وهوه مقفل على شبكة امريكية ومفتوح بجلبريك وغير معرب ايفون 3g وإسأل وراح تشوف صحة كلامي أما شركة ابل كانت تبيعة فقط لشركات الاتصالات بسعر ٥٩٩ دولار لـ١٦ قيقا ٦٩٩دولار لـ٣٢ قياقا وعمرها ما باعت بالسعر ذا ابدا . ما نبغى نبعد عن موضوعنا الأصلي الشاهد إن عبداللطيف جميل كان رجل صالح رحمة الله عليه وكان يبيع السيارات بما يتناسب مع دخل المواطن خذ على سبيل المثال الكامري كانت تنباع بـ ٥٤٠٠٠٠ ريال واللاند كروزر ما زاد عن ١٥٥٠٠٠ ريال أفخم نوع الحين شوف بكم البعض يقول سعر الدولار قل وعملتنا مرتبطة فيه والشركة تشتري بالين اللي زاد سعره طيب نقول كلامك على عيني وراسي لكن فرق شهرين يخلي السعر يرتفع٨٠٠٠ في العملة الدولار ينزل سعره بالتدريج وسعر السيارات قاعد يشطح شطحات.

[مسير عليهم]

وسيستمر التمجيد لهذه الشركه رغم سوء التصنيع وارتفاع الاسعار

[مكشات12]

استبدل تويوتا
بسياره اخرى

قبل 11 سنه
زملائي اشتروا لاند كروزر ب 127
انا اشتريت باترول 2001 اس جي ال 4 ابواب (مواصفات كامله) واقل من السوبر
اشتريتها ب 103 الف

قالوا اللاند (شيك)
متى ؟
عند البيع !!

طيب انا من البدايه (وفرت) 24 الف (فرق الشراء بين النوعين)


اذا
اتجهوا للهونداي
وبلاش (ابوتعليقه)
والطبلون (200)
و(افلام الرعب) !

[شيحاوي]

مكشات 12 والله انك حكيم

[مواسي الطعوس]

صاحب الموضوع ومعه ناس كثر مع احترامي ((((اغبياء)))

** لو مايرفع السعر كان اللي يشتري موتر يخسر فيه خساره ماهي طبيعيه .لكن يرفع الموديل الجديد ولايخسر صاحب الموديل القديم الا 3000 ثم يركض بكل مجلس وبكل منتدى ويقول ((التويوتا شيك))

*مادرى انه يبي يخسر 3000 الاف ويحط عليهن مابين 10000 الى 20000الف ثم يشتري نفس الموتر بس فرق موديل . (((فهمتوا الصوره والا نجيب سبوره))

[mohmad]

الله يزينه

[راعي السيل]

لماذا تطلق الاتهامات على الوكيل "عبداللطيف جميل" وتترك الزبون ألي يجي الوكالة بدفتر الشيكات ويدفع بدون ما يسأل؟! السبب في ارتفاع الاسعار هو أنا وأنت والثاني والثالث ... إلخ ، أعطيناهم فرصة بشراء سيارات جديدة من عندهم.
البدائل متوفرة ولله الحمد ولكن تبي تشخص بسيارة ب200 ألف وتجي هنا وتكتب "عبداللطيف جميل" حرامي ويلعب علينا !!

[محمدالعريني]

عبد اللطيف جميل شاف الناس موصله تويوتا السما وقاعد يسمع المدح اللي تجاوز الخيال وبدون اي حق قال خلاص المغفلين موجودين ليش مااخذ دراهمهم وما ينلام والله
لو ان فيه من استهجن واستنكر اسعار سياراته وتم تنظيم مقاطعه كانت الاسعار معقوله ولكن من بغى يطب في النار (تويوتا ) الله يوفقه ودعواتنا له
السوق مليان واللي يبي يهايط ويشتري تويوتا هو حر


كفيت ووفيت طايرين في العجه والله ان جودتها راحت وطي واسعار فلكيه
وخاصه قطع الغيار كل شهر سعر واصحاب التويوتا يعرفون هالشي وش عليه يقولون زلزال اليابان عند سفاري قطع غياره لها 3 سنين نفس السعر والا نيسان في القطب المتجمد
اتمنى من الناس تفكر بعقل وتقاطع الطماع ابو جميل

[أبو معاذ 2]

مواسي الطعوس ما شاء الله عليك من وين جبت الذكاء قلي بس
ما دروا عنك القنوات الإقتصادية كان تسابقوا عليك...هـهههههههههههه
أنا ما برد بترك الشباب في المنتدى يردونك على تحليلك الرائع

[عااشق نجد]

بيطول الكلام وماخلصنا المشكله من حمايه المستهلك الي يبي لنا حمايه منها وثاني شي فيه ناس الله يصلحهم يجي ويطق لك لاند جديد بهذيك العده كله عشان يكشخ معه فلوس مضيقه عليه وغيره الي على قدهم هم الضحيه وهذا من اسباب ارتفاع الاسعار من وجهت نضري

[راعي الغنمات]

بسبب سوء الوكيل .. شركة عبداللطيف جميل .. انتهت اسطورة التويوتا .. حسبنا الله و نعم الوكيل ..

[شلشكو2011]

عبد اللطيف جميل وغيره استكر فقط

:good2::good::good::good:

[LE2010]

كل السيارات
ترتفع اكثر واكثر
اقل شي
يرفع
3000
الله المستعان

[صخر الساحل]

الله يازينه زيناه :D:D

[قدر مكتوب]

يازين الامريكي وموصفاته بس كويس وسعره معقول مقارنه بالاسعار الفلكية اللي نسمعها من ابو جميل



الله ينزل الاسعار ياكريم.

يااخوان ليش بدل الصياح والنياح على تويوت وغيرها مانفكر بحلول ثانية مثلا ليه ماندور حلول بديلة على سبيل المثال :

نجي لفئة الجيوب :الغرض من الجيب الكشته وموتر مايتعطل ليه مانشوف الجيوب اليابانيه الثانية مثل الميتسوبيشي باجيرو ونتيفا هذاهن يكدن مع شركة الاتصالات والكهرباء وغيرها من الشركات وجلد فيهن ولا قالن لا وهذا ساهر كل يوم طاب بهن فوق رصيف وشغالات احسن مايكون والسعر مقبول مره مقارنه بالتايوتا

طيب جيب الايسوزو ياباني وسعره مقبول نوعا مــا

نجي للجيوب من ماركات ثانية الجيوب الكورية هذا السيارات الكورية اثبتت نفسها عندنا نجي للسوناتا والالنترا وسيارات الكيا اوبتيما كل هالكوريات تحصلهن عند محلات الايجار وتفحيط وجلد وكل شي يطري ببالك ومن يد نشيط ليد انشط يعني كرف في كرف

لو قلنا بدل الكامري 4 سلندر نحصل سوناتا وكيا
بدل الافالون نحصل الازيرا

وفيه فئة جيوب ممتازة من الهيونداي والكيا

نجي للسكويا والجي اكس ار والفكس ار عند التاهو واليوكون بكل فئاته وعندك ايضا الاكسبديشن والاكسبلور واسعارها جدا منافسة

يبي يجي احد الشباب الحين يقول امريكي وكوري فكنا يبي يبلشنا بالصيانه

اقوله يااخي قلب الموضوع براسك عمرك شفت راعي فكس ار فاكه جديد وفاجره الا المقرش ماشاء الله او اللي ماحسب قيمته لكن الغالب يداريه ويحافظ عليه فلو حسبنا فرق السعر الكبير وقلنا لنفرض ان الكوري والامريكي اللي رجع بقوه جدا للسوق اقل جوده اقل شي فكر انت تحط فيه بعد اول 5 سنوات كل سنه 3 الاف ريال يعني قل عمر السياره بيدك بالمتوسط 10 سنوات راحت خمس بصيانه بسيطة وتحت الضمان بعضها وراح 5 بصيانه 6 الاف ريال مثلا اذا سلم ربك من حوادث وسرق وتلف وغيرها

يعني تحصل انه فرق معاك الكثير


ياجماعه صناعه السيارات في تطور الصين والهند قامت تصنع وسيارات تصدر ومنها مايدخل دول الخليج فليش مانثق بالكوري والامريكي وهي حلول افضل وعلى قدنا

نجي للفرنسي (الشباب راحو للدجاج :) ) وش فيها الرينو مثلا طبيعي راح تلاقي كثير من الشباب مااحد جربها ويبي يقول سياره اوربية وماتتحمل طيب سالت عن قطعها ليه بالحجاز تمشي وعندنا مثلا ماتصلح !!! جبال وطلعات والجو نفس الجو عدا الطائف ومع كذا تحصلها بس معقول مصنع كبير يصنع سيارات فرنسية مايقدر يصنع سياره تصبر على جو الخليج!!!!!!!!

الشروكي سواء الرانجلر او الليبرتي هذا انا اشوفه موديلات بالتسعينات وشغاله واحسن مايكون

ياليت لو نفكر بحول بدل الظاهره الوصوتيه اللي مسوينها يعني لو كل واحد جاب سعر السياره اليابانيه حاليا وقال البديل لها بنفس الموصفات تقريبا بسعر كذا كذا نكون فكرنا بحل ثاني بدل مانجمد افكارنا على شي اسمه ياباني الصنع

نضرب مثال على السريع اول كانت التلفيزونات والغسالات والثلاجات وكل شي يجي ياباني شد made in japan

ثم صارات الاشياء تجمع خارج اليابان مثل اندونيسيا وماليزيا والفلبين وغيرها ثم صارت تجمع بالصين ثم طلع صناعات كورية تنافس وصارت مثل الياباني

نجي مثال للتفليزونات تلفيزون سوني يعتبر فخر صناعه اليابان وفيه ماركات ثانية مثل شارب وبانسونيك وغيرها لكن هذا فخر الصناعه عندهم والوانه وكل شي فيه رهيب الحين جب شاشه سامسونج وقارنها مع السوني وشف الموصفات تبي تحصل الفرق شي بسيط لايذكر والسعر يفرق كثير بل انه طلع الصيني وصار ينافس سعره رهيب ويقضي الللزوم بل ان السوني نفسه ماتحصله ياباني شد لابد مجمع هنا ولا هنا والغالب في الصين

المحمول اللي تكتب منه الحين وتتصفح فيه كلها تجميع صيني ومافيه على حد علمي الا نوع واحد من السوني يجي ياباني وسعره قريب من 10 الاف ريال جديد وكلهن يقضن العازه فلو كلنا شرينا ابو عشره الاف وقلنا مارح ننظر للبدائل مثل توشيبا بنفس مواصفاته بس تجميع صيني واتش بي وايسر ولينفو وغيرها اللي اسعارها بالسوق من 2 الى 3 الاف ريال مقارنه بابو 10 الاف ولكها تقضي نفس الغرض وتكد , فلو كلنا قلنا مانبي غير السوني الياباني لوصله الوكيل الى 20 الف ريال خلال فتره بسيطة بسبب ان الشعب مانظر للبدائل وهو ضامن والمصنع ضامن ان المستهلك ماراح ينظر لغيره

نجي للثلاجات الحين رح ادخل اي محل قل ماتجد وقليل مره ثلاجه يابانيه شد سواء من ماركة شارب او غيرها من الماركات وتحصل مثلا فالكون ماطور امريكي وتصينع سعودي حتي مكتوب خلفها made in saudi arabia ===>صراحه انسبطت لما شفتها

لكن ارخص بنصف السعر من اللي صناعتها كورية او تجميع اندونيسي او ماليزي

ياليت ياناس لو نطرح حلووووول بديلة افضل ونترك الغالي والله ان يرخص وينزل سعره بس لو نصبر ونجمد ونحصل حل بديل

[Joker fj]

مقاااااااااطعه اجل اف جي ياصل 140 مقاااااطعه ياناس خوذو خليجي وخلو المقاطعه تنجح

[بن سليمان]

الحمدلله رب العالمين عندنا اشكال وانواع من السيارات
إلى الحين انتم مقتنعين ان سيارات تويوتا افضل سيارات !!
سيارات تويوتا عندنا في السعوديه تتميز بانتشار فروع وكيلها وموزعين قطع الغيار واحيانا على كثرت فروع الوكيل وموزعين قطع الغيار تجي تطلب قطعة يقولون لك اصبر لك اسبوعين او شهر نطلبها لك من اليابان طبعا هي مهوب من اليابان كل القطع صينية وهندية وتايلاندية ومصرية<<<<< أيه نعم مصرية لا تستغربون فيه قطع غيار تجي من مصر

وقد اتفقت الرابطة خلال اجتماعها على دعوة وكيل قطع غيار «تويوتا» في منطقة الشرق الأوسط عبد اللطيف جميل، لتصنيع احتياجات «تويوتا» في مصر
http://www.aawsat.com/details.asp?section=6&article=572016&issueno=11508
http://arabic.alibaba.com/showroom/oem-toyota-corolla-auto-parts.html

[أبو معاذ 2]

يا اخوان انا أصيح من اليوم وأقول المشكلة في الوكيل ....الوكيل..........الوكيل
الوكيل محتكر
شركة تويوتا شركة عالمية ناجحة خففت من تكلفة الانتاج بفتح مصانع خارج اليابان وسيارات تويوتا يعتمد عليها أما الأمريكي والأوربي ما تضمنه في السفر ممكن يقطعبك في اي مكان ونت معاك عايلتك لكن أنا معي كامري اسافر عليها وهيه خربانه وما تقطعبي فهمتوا. تدرون أنا عندي خطوات عملية عامة وإن شاء الله تلاقي استحسانكم.
١- إنشاء حملة مقاطعة في مواقع التواصل الإجتماعي مثل الفيس بوك وتويتر باللغتين العربية والإنجليزية بحيث تكون حملة عالمية وبكذا تنتبه الشركة الأم للأسعار .طبعا بعد أن أثبت الموقعين جدارتهم في الحملات. إحم إحم.
٢- توعية الناس من خلال هذه الحملة بايجاد البدائل الناجحة مثل استيراد سيارات تويوتا مستعملة نظيفة من الخارج وعن طريق الانترنت واستخدام كافة الوسائل المتاحة في ذلك ، والتوعية من بعض الضواهر الاجتماعية (الهياط) يعني الواحد يروح يقصد سيارة أو ثنتين عشان يجيب شعّار في زواجه ويسافر شهر عسل ولا يروح يكشخ في المزاين وبعدين يروح يبعها مكسورة عشان يبغى يسدد ويسوي سوق سودا للسيارات اللي خلى للشريطة فرصة للتلاعب في الأسعاروالمبالغة فيها. وكذلك مشت الطلب على الوكالات اللي لقت الفرصة سانحة في رفع الأسعار والأرباح.
٣- تخفيف التورق عن طريق السيارات الا للحاجة الملحة والبحث عن بدائل مثل الأسهم والأجهزة المنزلية ومواد البناء.
٤- توعية الناس بالفكر الاستهلاكي المدروس يعني الواحد يشتري سيارة تناسب احتياجاته ويكدها عشر سنوات أو أكثر وبعدين يصرفها بأي سعر وما راح يخسر وينهي سوق الشريطية ويخفف الطلب على الوكلاء وراح تشوفون العروض.

[أبو معاذ 2]

لرفع الموضوع