المساعد الشخصي الرقمي

مشاهدة النسخة كاملة : تكفووووون...... الدبل خربان..... لمن لديه خبره يتفضل مشكورا


المميـز
29/01/2006, 10:09 PM
السلام عليكم

مساء/صباح الخير عليكم جميعا

عندي مشكله بالدبل والمشكله عباره عن (((( اذا شغلت الدبل ومشيت بالموتر يطقطق ويطلع صوت قوي من داخل الدبل (( يعني الصوت جاي من تحت الدبل مباشره وهذا يدل على ان المشكله داخل الدبل وانا توقعت ان المشكله تكون من <<< الجنزير >>>

*** للمعلوميه المشكله صارت معي قبل كذا (قبل سنه تقريبا) ورحت لتشليح ببريده وقالي مايتصلح لازم تغير الدبل كام وغيرته عند التشليح واخذ الدبل القديم *** والدبل القديم اللي هو تابع للوكاله جلس معي اربع سنوات واللي ركبته جلس بس سنه وحده ***

طولت عليكم بالشرح ولكن المهم اذا كانت المشكله فعلا من الجنزير وين تنصحوني اصلح الدبل ؟؟؟؟؟؟؟؟؟؟

وصف لي ورشه في اي مكان من القصيم او الرياض او حائل او غيره ... المهم ارتاااح من المشكله هذي



منتظر فزعتكم
رحال البكيريه
29/01/2006, 10:27 PM
معك طالب مكنيكيا
الموتر وشو
إن كان شروكي فهذا عادي
لأن دفرنسه الامامي ردئ
وان كانت سياره ثانيه فأنك جالده جلد
والركب تعبانه
للاستفسار 0506058239
محتري السيل
29/01/2006, 10:53 PM
عزيزي المميز

هذا حال الورش في النصب
لاخرب شي قالوا .... غير
يعني يرتاحون من التصليح والفك والتربيط
وياخذون القطعه القديمة يفككونها قطع ويبيعونها الحراميه

لاكن انصحك تروح لورشة متخصصه 4x4 يحلون مشكلة دبل موترك
وأذا الدبل يشتغل وقوي في البر بس فيه صوت طقطقة يمكن توكن بيرنقات

أنا كان عندي موتر خرب فيه الدبل ما يشتغل الدبل قدام
ورحت لورشة قالوا الدبل خربان واحسن لك تغيره كامل
علشان لو فكيناه يمكن يكلف عليك بالقطع الخربانه قيمة دبل جديد ... شف النصب
قلت طيب شغل اليد .... قالوا تنزيل الدبل وتركيب ثاني يكلف 1000 ريال لأنه لازم ينزلون القير كامل
طبعا يدورون الشي السهل والربح الوفير

رحت لورشه في الدمام أوتو ستار متخصص أمريكي صلحوا الدبل وطلعت مشكلته كهرب مالها علاقة بالميكانيكا
actuator ب 500 ريال قطعه سوداء كبر البوجي مع التركيب ب 200 ريال = 700 ريال فقط

وبالتوفيق
ا س ح ... 326
29/01/2006, 10:55 PM
ما عطيتنا وش الموتر

الله لا يهينك
المميـز
29/01/2006, 11:10 PM
اخوي رحال البكيريه اذا مالقيت حل راح اتصل عليك ومشكووور على جهودك

اخوي محتري السيل من ناحية نصابين فهم نصابين ولي رجعه للورشه بالاجازه انشاء الله ولكن ماراح اصلح شيء عنده بدور على ورشه ثانيه وبالنسبه لقوة الدبل ( بالعكس مع الطقطقه صار ثقيل الموتر وكل مامشيت زادت الطقطقه )))

اخوي ا س ح 326 الموتر (((( فورد رينجر غمارتين <<< شبيه المازدا الغمارتين >>> موديل 2001 وارد توكيلات الجزيره)))


منتظر فزعتكم
محتري السيل
29/01/2006, 11:19 PM
أجل وده للوكاله وشف وش يقولون وبكم يصلحونه
واذا أعجبك السعر زين , والا وده للورشة وعلمهم وش المشكلة أعتمادا على كلام الوكالة


وبالتوفيق
غضنفر
29/01/2006, 11:28 PM
2001 ما يمديه يخرب دبله
عجيييييييييب الامريكي
خيال الغلبا
29/01/2006, 11:35 PM
اخوي محتري السيل الله يحفظك
ممكن توضح لي اكثر وبالتفصيل الله يحفظك

لأن اللي معي في اكس ار 93 قير تماتيك

وحصلت معي نفس المشكلة

ولم اجد احد يستطيع اصلاحه الا هالنصابين اهل الورش

وكذلك مفتاح الأوت لوك
خيال الغلبا
29/01/2006, 11:38 PM
اخوي المميز نسيت اسألك
هل في سيارتك فرارات والالا
بو خليفه
30/01/2006, 12:49 AM
احتمال يكون عندك الدبل و الغير جداً ممتاز
و لكن يوجد شئ أسمه ضغط الهواء الذي يكبس الهواء احتمال يكون ضغط الهواء غير كافي و هذا يكون موقعه عند البخاخ أو الكبريتر و فيه ماصورة خارجه من البخاخ إلى الاسطوانة و هذه الاسطوانة كهربائية عند التعشيق الدبل يكون الدبل ميكانيكي و يتم شبك العكس الأمامي كهربائي بالضغط الهواء
فآمل التأكد منها قبل عمل أي شئ لأنها من الجاجات اليسيره و لكن الورش أكثرهم يريدون الشئ الذي فيه شغل و تكلفه عالية
إذا كنت تخبر بليزر القديم و الجس يوجد عند الكفر الأمامي شئ يقفل الدبل في السيارات القديمة و الآن أصبحت كهربائية بحيث لاتنزل للقفل أو الفتح
هاه..؟
30/01/2006, 01:46 AM
أخوي...أنت مريت صناعية عنيزة؟
مميزاتها:
العمالة سعودية
متخرجين من المعهد الثانوي الصناعي(يعني دارسين الشغلة مهوب وارثينها)
لهم خبرة بالدفع الرباعي


*فيه ورشات متخصصة بالشيروكي اللي هو اكثر السيارات خرابا فمن باب أولى إنك بتلقى حل للفورد اللي معك*
فايز العامر
30/01/2006, 02:53 PM
انا بعد خربان الدبل حق السيارة والحين هي بالورشة...
اول الأمر سمعت طقطقة وانا بالصمان وصرت اعشق الدبل واذا دعست للموتر قام يقر بصوت عالي صرت اعشقه وامشي عليه بدون دعس للبنص يعني تحريك للسيارة بس اذا كانت مغرزة. المهم ان الجيب الحين عند الورشة لأن خربان كله وبلشان بين دبل مضمون سنة تغيير وبين واحد ارخص منه بألف ريال بس بالقصيم بضمان التشاليح (15يوم).. لكن الحمد لله انه عن فني دبلات متخصص..
اذا تبيني اسأله يدور لك دبل او يشوف له حل راسلني على الخاص..
ابوقاسم
03/02/2006, 08:32 AM
احتمال ما يكون من الدبل يمكن يكون من العكوس يبغالها تغيير
انت انزل تحت الموتر وشيك على الربلات اللي تكون مغطية العكوس اذا فيها اي شق او تمزق تراه داخل فيها رمل وهي اللي خربت العكوس
واتمنى لك السلامة