المساعد الشخصي الرقمي

مشاهدة النسخة كاملة : من يرشدني الى أقرب طريق الى منتجع المير سلطان براس مشعاب؟


محمد2
18/09/2011, 09:25 PM
السلام عليكم

ودي أروح لمنتجع راس مشعاب من الرياض وقالوا لي فيه طريق مختصر منن الرياض الى هناك عن طريق رماح وابغى فزعتكم وهل هو جيد والا لا وكم المسافة تقريباً؟

شكرا للجميع
اااالرااااكد
18/09/2011, 10:01 PM
الرياض-رماح -شويه -الرفيعه -قريه العليا- خط القاعده يمين -النعيريه
غير متكد من المسافات
الساهر2003
18/09/2011, 10:09 PM
اخوي تقصد شاليهات قبل الخفجي
توني جاي منها
عن طريق الرياض رماح ثم طريق شوية الرفيعة تدخل الرفيعة حتى تشبك في طريق قرية العليا الى تقاطع محطة التسهيلات على طريق الدمام الحفر تستمر سيده هذه الوصلة لك عليها يجي حرف تي لف يمين طريق القاعدة الخفجي وطريق لك عليه تستمر عليه حتى يتقاطع مع طريق الجبيل الخفجي تحصل الشاليهات قدامك بخمسة كيلو انصح بعدم تجاوز سرعة 120 ورحت معه اكثر من مرتين ممتاز لكن روق الى اخر درجة ويستحب اكثر من سيارة لان الان الطريق فاضي جداً قبل امس جاي منه وشاليه 4 او 5 ممتازه مكيفاته هههههههههههههههههه
دهران
18/09/2011, 10:18 PM
أخوي إن كانك تقصد الشاليهات حقت مدينة الملك خالد العسكرية برأس مشعاب

فنصيحة من أخو لا تتعب نفسك

أقسم بالله إنها عار على القوات المسلحة كلها

وحرام تحمل إسم ( منتزه الامير سلطان البحري )

المفروض يسمونها ( مزبلة ومقطعة راس مشعاب )

الشجر ميت والشاطيء وصخ والماء أصفر ولا فيه ماء حلو

ومافيها أي خدمات مطلقاً وأقرب محطة حوالي 20 كيلو

وكل اللي يروحون لها الآن يحطونها مكان للنوم فقط وبعد ما يصحون يروحون للخفجي على هاك الشاطيء اللي يجيب العافية وهو حوالي 70 كيلو من ( المزبلة ) عفواً قصدي الشاليهات

والحق يقال كانت في السابق جنة وتستحق الزيارة أيام ( العميد العساف مدير إدارة مدينة الملك خالد العسكرية )

اما الآن فقد أهملت تماماً

وأقسم بالله إني من القهر صورت كل شي وكنت بأرفع لمكتب الامير سلطان عن هالمهزلة

على الاقل يغيرون اسمها

لكن قلت مالك ومال المشاكل يمكن الشيوخ أبخص
محمد2
19/09/2011, 10:59 AM
نعم اقصد منتزه الامير سلطان وجزاك الله خير ريحتني من المشوار
أبو عقيل النجدي
20/09/2011, 02:20 AM
انا رحت له من الرياض للدمام وعلى الطريق الساحلي لكن بالجيه جيت عن طريق البر أقرب لكن خطر بالصيف وخصوصا سيارة واحدة وعائلة