المساعد الشخصي الرقمي

مشاهدة النسخة كاملة : قدر الله علي ...........


خشم الحصان
30/01/2006, 09:45 AM
الاخوه الغالين
السلام عليكم
اخواني في الله اخوكم الفقير الي ربه خشم الحصان قدر الله عليه انه تفقع المساعدات سيارته وحيث انه يود من اهل الخبره في المساعده .
1- السياره جيب (ثلث) شرع 83 م
2- السست الخلفيه متبسطه تقريبأ ((هل يستحسن طرفها ام نطول اللاعبات)
4- يوجد ونش في الوجه وزنه (50 كغم) نوع ورن
يوجد عفش الي الغماء في السياره (يعني مانيب منتازل عن شي حتي البياله)
عموم ارجو منكم اذا تكرمتم احسن مساعدات ترفع الموتر وتزقله فوق
او تشيرون بالطرق
اخوكم
خشم الحصان
حد السيف
30/01/2006, 01:17 PM
ابو محمد
الحمد لله على السلامة
احمد ربك مساعدات
بلاك من كان الشق والبعج في موترة
عنديلك اقتراح عليك بالمساعدات التي تساعد الموتر لتلقي الصدمات
اي اذا اخذت بطناج ما تدري عنة
بس تراها غالية
ريف النشاما
30/01/2006, 01:34 PM
ههههههههههههههههههه
هههههههههههههههه
ههههههه
ههههه:D


إلا يلبو سليمان وش سلطك عليه والله يانت ناشب له :no:

أقول ياخشيمووووووه

كل عام وأنت بخير وعافيه ومن العايدين:D
:D


روح روح لحراج بن قاسم بتلقا المساعدات والدوافير اللي على كيفك:cool:
خشم الحصان
30/01/2006, 08:32 PM
الاخوه الغالين

السلام عليكم
حياكم الله الربع وياهلا
.....................
الاخ الحبيب والمشرف المتميز
حد السيف
ياخيي الحين انا لي يشتكي تجي انت وتزيد النار بنزين طيب وش الغالي يالغالي عطني اسمه وهو انت مجربه ولا سمع
نبي العلم الوكاد يابعدهم الله يحسن الينا وليك
اخوك
خشم الحصان
.....................
الاخ الحبيب
والمشرف الغالي
ريف
ياجعلك بالف خير ونعمه وان الله يطول بعمرك علي الطاعه امين
وش دعوا الحراج الله كريم علي قول راعي المثل
(لطاح الجمل كثرة سكاكينه)
شفت ياخيي لو اكح نتق في وجهي
اخوك
خشم الحصان
.......................
نغزه......... ريف قديمك نديمك.......... لو الجديد مريح
ولد سليمان
04/02/2006, 03:19 PM
السلام عليكم بابومحمد

الحقيقه عيت تدخل مخي :
( السياره جيب ثلث شراع 83 م) مع (شخص يحمل لاب توب ومن فطاحله أنظمة وأجهزة الملاحة والخرايط )

ياخوي عطنا شوي من الي بالراس ونعطيك كل الي عندنا عن الشراع

خذ صدمه ودقشه ونغزه جميع ...

الحين كل شي مسوي له تحديث الا حاجتين ...الجيب 83 و.........والله اخاف انها تدعي علي


بصراحه يابو محمد الواحد يبي يبتل مع عجوزه.....دور لنا خوات الله يجزاك خير
nahham
04/02/2006, 08:33 PM
مرحبا شباب
مرحبا ابو جراح حبيب اعضاء مكشات

ولد سليمان : شكلك طبيت ولا احد سما عليك
وش لك وابو جراح
اقول تعوذ من بليس واعتذر لا تجيك الدفشات وتوابعها
وسلامتكم
ابو مفيز
04/02/2006, 09:21 PM
يالله تلقى قطع غياره بالجنادريه
ريف النشاما
05/02/2006, 02:55 AM
:d :d :d :d




السلام عليكم بابومحمد

الحقيقه عيت تدخل مخي :
( السياره جيب ثلث شراع 83 م) مع (شخص يحمل لاب توب ومن فطاحله أنظمة وأجهزة الملاحة والخرايط )

ياخوي عطنا شوي من الي بالراس ونعطيك كل الي عندنا عن الشراع

خذ صدمه ودقشه ونغزه جميع ...

الحين كل شي مسوي له تحديث الا حاجتين ...الجيب 83 و.........والله اخاف انها تدعي علي


بصراحه يابو محمد الواحد يبي يبتل مع عجوزه.....دور لنا خوات الله يجزاك خير


راح بيدهااااا ابو يراااااااااح:d
الفتى المجازف
05/02/2006, 03:23 AM
والله لو الموتر يستاهل كان الحل جد سهل وموجود بس على ماقال صاحبنا
لا بد من تحديث هاالحاجتين ياخشم الحصان وترا هذا امر ضروري جدا
في حياة كل انسان اللي هو التجديد بغض النظر عن تجديد هاالحاجتين
المذكورة بعاليه.
وترا موترك عزيز وغالي عليك ياخشم الحصان
انضبط ولاتفهمني غلط
حـاتـم
05/02/2006, 11:45 AM
السلام عليكم

ياهلا والله بالاعضاء الغالين

ايه هاذولا اعضاء المنتدى الي يحمسونك تدخل مواضيعهم

وينكم من زمان مقاطعينا

اخوي خشم الحصان ماعليك من احد موترك جديد ويفي العفوش الي فيه

وش يبنزلها

المساعدات عندي مونرو ولا جبريل ازرق تعيش احلى ايامك

وافضل الجبريل الازرق

والرفع لعابات لان الثني يرجع مع الوقت وكثر الطلعات

وشكرا لك

اخوكم / حاتم

والله ياني مشتاق لها الوجيه الطيبه وخاصه اخوي الغالي nahham
ولد سليمان
05/02/2006, 12:59 PM
حياك الله اخوي الكبير نهام

الله يستر يابو هشام والله اني حاطن ايدي على قلبي وش يبي يفكني من ابو جراح وا.......:j
لو تشوفني هالحين كان ترحمني حاطن حولي متاريس رمل وعساها تكفي .

تكفى يابو هشام لاتخليني لحالي...تراه ان دقشني ولاصدمني رحت في خرايطها..
صقر
07/02/2006, 01:10 PM
يالله تلقى قطع غياره بالجنادريه

الا أنا بسألك ياخشم :

هذا النوع من المواتر الأثرية هل هو يقبل مساعدات ؟؟
أبومناحي
07/02/2006, 08:42 PM
الحمد لله على السلامه

في الحديد ولا في البشر