الفزعة ياجماعة الخير .. أبي أرفع موتري ..

[Trail Blazer]

السلام عليكم


موتري تريل بليزر 2005

جربته بالبر .. بصراحة نشيط وقوي لكن عيبه الوحيد انه طامن :mad:


وانقشعت لحيته كم مرة .. :rolleyes:


واحترت بصراحة وش أسوي له ؟ :confused:


هل أركب كعكات والا أغير اليايات ؟؟ والا المساعدات ؟؟ والا أركب بالونات ؟؟ وهل البالون يرفع الموتر بالشكل المطلوب ؟؟

وهل ألقى المقاس المناسب لموتري ؟

وهل فيه أضرار على السيارة ؟

وأين أحصلها في الرياض ؟ وكم سعرها ؟

ولا حظت اني لما أحمل عفش وركاب يصير الموتر شوي ويلمس الأرض :(


صجيتكم بكثرة الأسئلة وأعتذر على الإطالة :D
أتمنى منكم مساعدتي عاجلا ولاتحرمونني من آرآئكم .. :)

[Trail Blazer]

أنا بانتظاركم ..

أرجو الرد ..

لا عدمناكم :)

[راعي ال 8100]

وعليكم السلام اخوي موتر ان كانك بترفعه لازم تغير اليايات والمساعدات والبالون ماتوقع بيركب على موترك لا بيضرب الكفر في الرفرف وبالنسبة لاضرارها مافي ضرر......

[نيتروجين xp]

أنا نصيحتي لك إذا كنت دايم بالبر فركب كعكات

أما إذا كانت طلعاتك خفيفة فأنصحك بالبالون

بس ما أعرف أحد ركب ببليزر ، يمكن أحد من الأعضاء كد جرب فانتظر حتى يرد عليك أحد مجرب

أنا أعرف واحد مركب بالون للباثفندر ، والله أرتفع الموتر واستفاد واجد خصوصا أنه مركب تانكي بالشنطه وطالع شكل للموتر


أتمنى أني أفدك ، ولا تآخذ راي واحد ، وأسأل مجرب أحسن لك . .

وتقبل تحيات أخوك ::المجتهـــد . .

[Trail Blazer]

راعي8100 : مشكور عافاك الله .. لكن عندي سؤال وش تنصحونني به منناحية اليايات والمساعدات ( أبيها تكون رخيصة وعملية ومريحة ) :)

المجتهد : الله يجزاك خير . بالنسبة لطلعاتي يعني تقريبا كل اسبوع مرة . بس هذا بالشتاء فقط وأنا في بالي أركب بالون .
لكن ما احس انها بترفع موتري .. أما الكعكات : غاسل يدي منها يقولون تضر الموتر . :)

وانا بانتظار البقية ... :rolleyes:

[صنهات]

عليك باليايات الاستراليه وبالنسبه للمسعدات عليك بمساعدات مورو الاستراليه
اليايات وكيلها بشارع التخصصي
والمساعدات وكيلها بالصناعيه دوار الخرج سابقا مع قطع الغيار خلف البنك الاهلي

[الشقردي]

يمكن يفيدك هالموضوع

http://www.mekshat.com/vb/showthread.php?t=44305