المساعد الشخصي الرقمي

مشاهدة النسخة كاملة : تجهيزات نيسان باترول 2006


capricorn99
30/01/2006, 03:33 PM
السلام عليكم

يالربع انا عندي باترول 2006 وابي اعرف وش هي التجهيزات الرايقة له او الاساسية؟
1. ماطور هواء.
2. بطارية اضافية.
3. حبل سحب
4. عيار للهواء
5. تلبيسة مقاعد.
6. جارمن 276c. هذا عاد ضروري مرة. :D

الخ... عاد هذه الالخ هي اللي انا ودي اشوف نصائح الشباب فيها.

والشكر مقدم لمن يدلو بدلوه والقائمين على هذا المنتدى.

تحياتي
اخوكم ابو فجر
ابو شرياص
31/01/2006, 12:40 AM
مبروك عليك الباترول الله يعطيك خيره ويكفيك شره
العروق
31/01/2006, 12:49 AM
ابو فجر صبحك الله بالخير اول شي لا تاخذ حبل سحب خذ سلسله اضمن للقطع والثانيه جهاز الكنود والباقي عند اهل الخبره مايقصرون ابو عبدالله
capricorn99
31/01/2006, 08:43 AM
اشكر الشباب على التفاعل.

ابو شرياص جزاك الله خير.

العروق صبحك بالنور. نوع حبل السحب قد يكون غامض شوي لكن هو عبارة عن سير (اشبه بحزام السلامة وبدون خطاف) والسبب هو ان لا سمح الله فلت الحزام ما يرتد ويؤذي احد او يكسر السيارة.

تحياتي
اخوكم ابو فجر
جو الصمان
31/01/2006, 09:16 AM
لا تنسى جهاز الكهرب الصغير تثبته في اي محل في الموتر وجهاز الاتصال عبر الاقمار
وشكرا
صاروخ
31/01/2006, 11:25 AM
لا تنسى تانكي الماء 100 لتر أو اكثر ويكون المنيوم ولو إنه غالي لكن ثمنه فيه .

وسله إما فوق السياره أو من النوع اللى يركب بالخلف عن طريق الهوك .
اخوك ابو خالد .
قناص تميم
31/01/2006, 11:48 AM
الله يعطيك خير الموتر ويكفيك شره نسيت الإشتراك وأنصحك أنك تأخذ حبل السحب لالالا تأخذ سلسله عشان السلسله تنفك وقد أنفكت وأنا أسحب واحد وطارة منه قطعه وكسرة قزازة موتر الرجال والجارمن نزل إصدار عربي جيد يبغالك تصبر عليه أ لما دار موجه يسون له بعض التحديثات ويطلع مضبوط وشكراً أخوك : صقار نجد ؟
صافي النيه
31/01/2006, 12:04 PM
افاء عليك وشلون نسيت الكنود.... الكنود مايستغنى عنه في البر :d
capricorn99
31/01/2006, 01:39 PM
السلام عليكم،

جو الصمان: "جهاز الكهرب الصغير تثبته في اي محل في الموتر وجهاز الاتصال عبر الاقمار" يا ريت تشرح لي وش تقصد بجهاز الكهرب. :confused:

صاروخ: "تانكي الماء 100 لتر أو اكثر ويكون المنيوم ولو إنه غالي لكن ثمنه فيه . وسله إما فوق السياره أو من النوع اللى يركب بالخلف عن طريق الهوك" حبيب والله ---تعرف وين القى هذه الشغلات في الدمام؟ او حولها؟

صقار نجد ؟: والله فرق السعر بين العربي والانجليزي ما يسوى فرق المواصفات (المواقع لا يمكن تسجيلها بالعربي) اذا في طريقة احسن من دار موجة للحصول على الخرائط ممكن توضح لي كيف؟

صافي النيه: "نسيت الكنود.... الكنود مايستغنى عنه في البر" عفوا اذا كنت عليمي شوي بس وش قصدك بالكنود وفي ايش يستخدم؟ :confused:
صاروخ
31/01/2006, 02:08 PM
بالدمام فلا اعرف .

اما بالقصيم - بريدة فيوجد عند محلات السنيدي وعروق الشمال
الحايلي
31/01/2006, 02:40 PM
السلام عليكم ورحمة الله وبركاته


اخي capricorn99 اسأل الله ان يعطيك خير ما شريت، ويبعدك عن شره، واسمح لي بالمداخلة مادام ذكر خزان الماء سعة 100 لتر حيث يبلغ سعره 700 ريال بدون عازل اما اذا كان بعازل " تلبيسه " 850 ريال، والحقيقة أفضل من الجالون بألف وأضيف الف آخرى ولا أجامل حينما أقول ثلاثة الالاف مره، وسوف اضع صورة له حال أتاحة الفرصة ان شاء الله تعالى .


اخوكم - الحايلي -
هجراوي
05/02/2006, 11:48 AM
اشكر الاعضاء الكرام على التفاعل مع هذا الموضوع .... و جدت ان استفساري له علاقة بهذا الموديل من السفاري ... و احببت ان استفسر عن قيادة السيارة ... و انا الحقيقة ليس لدي خبرة في قيادة السيارة ذات الدفع الرباعي في البر... حيث ان خبرتي كانت على سيارات جمس و انيت في اوائل التسعينات بعد ذلك خبرت الجيب الرانجلر لفتره وجيزة جدا ..وبعد مدة و مؤخرا السفاري (قير عادي) ... و لدي استفار ... انا فوجئت حقيقة بأداء السيارة (مقارنه بسابق عهدي بما سبق ذكره) و جدت ان السياره يصيبها ضعف شديد عند تغير القير من الاول للثاني اثناء الصعود مع العلم ان لم انسم الكفرات و لكن نزول الاداء كان غريب هل من تعليق؟؟
حـاتـم
05/02/2006, 12:05 PM
اخوي الغالي مبرووووووووك عى السفاري

والله يطعمك خير ويكفيك شره

والتجهيزات واجد منها المساعدات والدعامه والتانكي ورفع الموتر باليي او الكعكات

علشان مايدق في شي وخاصه بالنفود

واشياء كثيره يبيلها موضوع كامل

والله يطمعك خيره ويكفيك شره
__________________________

اخوي الغالي هجراوي

الباترول من يومه بأثنين قوي ويرقاى النفود بدون الحاجه لانك رجعه للاول

لكن نزل النوع الي هو 4500 النجكتر ال98 الى2001 الي معي بدون تنسيم ممكن اذا كان النفد واقف مايرقاها
اما النفود العادي تتمشى بالثاني عادي او الثالث بعد

اما ال4800 الفتك 2002 الى2006 هاذا ماشاء الله نمره قويه جدا جدا لدرجه انه بالنمره الاولى فالنفود مايجيب الا 40 او فوقها بشي بسيط

ثم عطه اثنين وشف

وشكرا لجميع

اخوك / حاتم
ربيق
05/02/2006, 12:19 PM
الله يعطيك من خيره ويكافيك شره
والكنود والآيكوم
اجهزة اتصال تتواصل فيها مع الكشاته
وما تصلح إلا في البر
لأن المدينة غالبا قلة حيا
وباقي الأمور ما قصروا معاك الأخوان فيها
وبصراحة استفدنا من هالموضوع
محب الشمال
06/02/2006, 10:37 AM
الله يعطيك خيره ويكفيك شره ويبارك لك فيه
اخوي لا تحاول تكثر الحاجات والزوايد الي مالها اي داعي

الله يحفظك ويحفظ جميع المسلمين
o Hamad o
07/02/2006, 01:48 AM
السلام عليكم

مبروووووووووووووك على السياره والله يعطيك خيره ويكفيك شره

وكل الاشياء الي ذكرتها مهمه

وانا انصحك باليايات الاستراليه

وشكراُ

اخوكم / الـســــرد
o Hamad o
07/02/2006, 02:47 AM
السلام عليكم

مبروووووووووووووك على السياره والله يعطيك خيره ويكفيك شره

وكل الاشياء الي ذكرتها مهمه

وانا انصحك باليايات الاستراليه

وشكراُ

اخوكم / الـســــرد
فايز العامر
07/02/2006, 06:36 AM
نصيحتي لنفسي ولك ،،، ولغيرك...

كتيّب حصن المسلم،، بريال واحد... يجي بدرج الاستمارة،،، وانا حاطه تحت تلبيسة الطبلون يسار الدركسون.
capricorn99
07/02/2006, 08:26 AM
السلام عليكم

اخوي رعاد جزاك الله خير واعتقد انها فكرة ممتازة.

اخوي السرد صح لسانك و ما اقول الا (هوا.... يالباترول).

بس ياريت تشرح لي "وانا انصحك باليايات الاستراليه" وش فايدتها او ايش اللي يميزها؟

تحياتي
اخوكم ابو فجر