هل التاهو Z71 مناسب للمقناص ؟

[waraad]

السلام عليكم

بالنسبه للتاهو z71 جامد في البر ؟

وهل يجي دبل قير ؟

تنصحون فيه ولا لا ؟

لان بخاطري اقصه كشف وشد عليه كرسي مقناص ؟

ومشكورين وجزاكم الله خير

[.أبوعبدالرحمن]

تم تعديل العنوان لمخالفته قوانين القسم

[ابونبيل]

التاهو ماصمم للبران

تبي موتر بر خذ جيب ياباترول ولا لند

والله يوفقك

[Lover gmc]

^

بالعكس زد سفن ون .. مصمم خصيصا للطرق الوعره والبران

مكينه قويه + قير قوي + مريح + عملي + قطع غيار متوفرره + سعره مناسب

وش تبي اكثر

[Abo gssar]

اذا قصدك مطامر وطرد في محاجر انا اقول ماراح يطول معك .

[الباثفندر 3.5]

هذا بالطرق المعبد يتفكك وشلون بكون بالبر!!!
انحش انحش

[سفير القدس]

كان تبغي بران 5 كيلو جنب الخط يصلح , وذا وقفت افتح الكبوت خلة يبرد ..؟

عمر الأمريكي ماصلح في البران

اول شي دبجة لفاتة ومناورتة ثقيلة

ليس مطواع بأسرعة المطلوبة في الانحرافات المفاجئة

لو تغرز ثقيل تطلع ريححت محركاتة وحرارتة لو انة دبل
ويمكن يغدربك ويخرب عليك بوسط البر

خلك مع وارد اليابان وا ترك الامريكي والياباني المصنع في استراليا

[كم كيلو باقي]

والله ياهو خيخه .. يغرز ببرحه

وبيجونك الحين حقين الجمس ويقولون لاياحبيبي عندك 400 حصان ومدري ايش

وش فايدة 400 حصان وهو مايشيل عمره من الهلاش وبالوعر

[gx-low]

جعلها تمطر عليك في سهلة ما فيها شجر عشان تتوب ولا تفكر تقصه

[HAS5SAN]

حق كشخه وسفر ومدينة فقط
اما البران والطعوس والغبرة
ماصنع لها شف غيره وانا اخوك

[هواي البر فهد]

ادخل على اليوتيوب وشف وفعوله؟

و2 شي قليل اشوفه بلبر

تبي الوكاد هو شكل وخط ممتاز
بس بلبر متوقع

خلك على لجيوب لمعروفه وسلامتك

[جوبتير]

اشهد بالله انها وحوش في البر والازفلت عندي تاهو دبل 2005 بالبيد ما هوب زد سفنتي ون ويعلم الله انه يطلع من غراز تضيع فيه الجيوب ولا ارضى لك الا ما ارضاه لنفسي والله يشهد علي صحيح ما هو بصلابة الشاصات وقدرتها على التحمل والاجهاد الكبير ولكنه يبيض الوجه ويخرجك من الطعوس رافع الراس والله ثم والله اني دخلت فيه رمل على شاطئ قيال غرب تبوك تغرز فيه برجليك وتنشب فيه الجيوب وطلع وبطنه يمسح الرمل كأنه ردميه لكن عطيته دبل رقم 4 ثقيل وشغلت بووور القلص وحطيته في النمره 3 الهربده صحيح كلام الاخوان أما القوة والانطلاق في الطعوس فهو وحش بكل المقاييس وأعتقد ان السفنتي ون أقوى وأرفع من العايدي بكثير تحياتي لك

[* ابو باسل *]

ليش ماتاخذ لك سيرا زد 71 جمس حوض غمارتين وتريح مخك من القص وغيره واتوقع انها مواتر تبيض الوجه وخاصه ان هالزمن اصبحت جميع السيارات بنفس جودة الصناعه ويمكن الامريكي بيصير احسن بعد .

[waraad]

الله يبيض اوجيهكم على الردود الطيبه وماقصرتو واشكر المشرف على تعديل عنوان الموضوع .

المراد ان الجيب وارد اليابان مامثله موتر في البر سواء تويوتا او نيسان لاكن مركبها ماهو مريح خاصه للي مطول في مقناصه ويصلب اظهره من الصبح لي المغرب لمدة شهر يتحول الى دسك في الظهر على طول .

انا سمعت انه يتهرقل من المطاب وانه نفسه ثقيله في الغرازات وانا اعتقد ان الغرازات على السواق سواء كان على تاهو ولا نيسان ولا تويوتا وكل المواتر اتهرقل في البر الله يخلي كراج ابن مرضاح وكراج السوري الي في الكويت لاكن يانشاما السؤال هل العبثات الي انركبها على التويوتا والنيسان تركب عليه مثل سوالف الكهرب بطاريه اظافيه ثلاجه اضافيه هذا اذا فيه ثلاجه المساعدات الاولد مان تركب عليه ؟؟ يركب له هدرز ؟
ومن متفنن في قصه وشد مقناص عليه هل السوري الي في الكويت او ابن مرضاح ؟؟

والشكر موصول للمشرف والاعضاء الكرام

[Lover gmc]

كان تبغي بران 5 كيلو جنب الخط يصلح , وذا وقفت افتح الكبوت خلة يبرد ..؟

عمر الأمريكي ماصلح في البران

اول شي دبجة لفاتة ومناورتة ثقيلة

ليس مطواع بأسرعة المطلوبة في الانحرافات المفاجئة

لو تغرز ثقيل تطلع ريححت محركاتة وحرارتة لو انة دبل
ويمكن يغدربك ويخرب عليك بوسط البر

خلك مع وارد اليابان وا ترك الامريكي والياباني المصنع في استراليا



والله ياهو خيخه .. يغرز ببرحه

وبيجونك الحين حقين الجمس ويقولون لاياحبيبي عندك 400 حصان ومدري ايش

وش فايدة 400 حصان وهو مايشيل عمره من الهلاش وبالوعر


والله باين من كلامكم ان ماعمركم جربتو امريكي

اول شي على اي اساس حكمتو ان الامريكي مايصلح بالبران ؟

معي سييرا غماره ماشي 170 لحد الان

واغلب طلعاتي بر في بر وادخل اماكن يحلم فيها الجيوب اليابانيه

حتى الحلم يقول تبطي عظم !! :D

ولا عمري واجهت مشاكل .. الا طقطقه بالديكور وصلحها الضمان

مانب مطول كلام

لكن احب اقول

اللي ماتطوله و اللي ماتبيه لاتعيبه :good2:

[مغامر بحر]

عموما اللي ماجرب الامريكي لا يتكلم ..
واتركوا التعصب ..
اياام رالي حايل بالجمس مافيه طعس الا طلعتله ولله الحمد ..
وهذا هو زي الحلاوه ..
طبعا سوبربان ..
بالنسبه للجيوب طاااحت من عيني ..
وشف التوقيع بارك الله فيك ..
عموما انصحك بالسييرا زد 71
تحياتي

[al faris]

والله باين من كلامكم ان ماعمركم جربتو امريكي

اول شي على اي اساس حكمتو ان الامريكي مايصلح بالبران ؟

معي سييرا غماره ماشي 170 لحد الان

واغلب طلعاتي بر في بر وادخل اماكن يحلم فيها الجيوب اليابانيه

حتى الحلم يقول تبطي عظم !!

ولا عمري واجهت مشاكل .. الا طقطقه بالديكور وصلحها الضمان

مانب مطول كلام

لكن احب اقول

اللي ماتطوله و اللي ماتبيه لاتعيبه




عموما اللي ماجرب الامريكي لا يتكلم ..
واتركوا التعصب ..
اياام رالي حايل بالجمس مافيه طعس الا طلعتله ولله الحمد ..
وهذا هو زي الحلاوه ..
طبعا سوبربان ..
بالنسبه للجيوب طاااحت من عيني ..
وشف التوقيع بارك الله فيك ..
عموما انصحك بالسييرا زد 71
تحياتي

أذكر العام الماضي وقت صلاة العصر مريت على لاند مغزر قربت منه وقلت تبي مساعدة
قال موترك ماش
قلت سلام عليكم
وبعد المغرب على رجعتي شفت انوار بمكانه رحت لهم لقيت بدل الواحد اثنين
الاول رابطينه مع الثاني بواير ولافيه مجال يفك واحد منهم
قلت مساعدة قال الثاني ايوالله
قربت من جنب الاول وسحبت الثاني جهة الاول لان الحبل مشدود بينهم
ونزلت قلت الاول ماني ساحبه
قال افا وش العلم
قلت مريت عليك العصر وقلت لي موتري ماش وهاسحب موتر خويك ولكن ترى السواق له دور
قال عزا الله انك صادق وباين على الموتر قوي انا بس اسمع عن الامريكي عمري ماشفت سحبه الا اليوم
قلت ابشر وقفت قدامه بحوالي عشرين متر وسحبت واير الونش وطلعته وقلته قل ماشاء الله
فعموما انا مع الامريكي قلبا وقالبا لان مكينته اقوى وسعره مناسب اما الياباني حرام ذا الاسعار فيهن

الموتر يوكن طويل امريكي 4*4
المكان جو سمين
فتوكل ع الله مادامك مقتنع لاتشاور كثير والله يوفقك

[توماهوك]

انا عندي جمس زد 71 2005 طويل مدبل ممتاز مافي مثله بالبر والله انه احسن من الاند كروزر والتايوتا ووسيع ماهو قبر مثل التايوتا بعدين مكينته ماهي 6000 مكينته مثل مكينة اليوكن 5300 وهذا الكلام من الكاتالوج مع العلم اني يوم جيت اشتريه ناس الله يهديهم ماعندهم الا الفلسفة ما بقوا شي شين الا وحطوا فيه من ضمنها المكينة اللي هي 6000 مع العلم انهم ماعمرهم ركبوا الجمس . ولكن الانسان عدو ماجهل .ووالله ماني ندمان على شروته .
http://photos.ecarlist.com/rK/W6/Xp/Jr/4Y/Y6/PG/T3/BV/ys/Hg_640.jpg

[اسبيدر مان]

اما انا مالي خبره بالامريكي انا اطلع اقنص مع الشباب يعني راكب فقط تكملة عدد والا انا مالي بهلمور لكن اغلب السيارات الى معنا او نلتقي فيهم يالاند او باترول
الامريكي مشهور بقوة السحب لكن ممكن يمشي معك لكن بشرط كل ماجيت من قنصك تشيك عليه
ويااخوان ترى القنص والطرد ماهو مثل التطعيس بعض الاحيان تمشي على سرعه 100 كيلو على رضم او حصى او جروف

[waraad]

انا عندي جمس زد 71 2005 طويل مدبل ممتاز مافي مثله بالبر والله انه احسن من الاند كروزر والتايوتا ووسيع ماهو قبر مثل التايوتا بعدين مكينته ماهي 6000 مكينته مثل مكينة اليوكن 5300 وهذا الكلام من الكاتالوج مع العلم اني يوم جيت اشتريه ناس الله يهديهم ماعندهم الا الفلسفة ما بقوا شي شين الا وحطوا فيه من ضمنها المكينة اللي هي 6000 مع العلم انهم ماعمرهم ركبوا الجمس . ولكن الانسان عدو ماجهل .ووالله ماني ندمان على شروته .
http://photos.ecarlist.com/rK/W6/Xp/Jr/4Y/Y6/PG/T3/BV/ys/Hg_640.jpg



ما شاء الله تبارك الرحمن الله يرزقك و يوفقك ويعطيك خيره ويكفيك شره
ومشكور على الرد

[waraad]

مشكورين وماقصرتو على الردوود الطيبه هذي وبصراحه انا عقب ردود امس رحت الوكاله اليوم ولقيته غالي شوي وقلت مايسوى 2011 واكسره بالبر حرام لقيته ب 13800 دينار كويتي z71 بدون فتحه وبدون شاشه فيه بس كامرا خلفيه ومرايات اتوماتيك وودوسات صاجات المراد انه اللبناني قام يهربد الحكي علي يبيني اشتري وخليته يولي وطلعت المراد رحت المكاتب ادور مافيه الا 2007 مليانه المكاتب منها واسعارها تبدا من 7000 الاف دينار الى 8000 دينار اشكال والوان بس الغريب ياجماعه ان مافيه الا هل موديل الي متوفر بس والي اقدم منه بس فا حطيت علامه استفهام على الموضوع وسالت قالو ماهي مرغوب فيها هل موديلات من 2006 الى 2007 وانتو اشرايكم يانشاما انا والله احترت الحين

الي عنده معلومه لا يذخرها علينا الله يبيض اوجيهكم ِ

ومشكووورين وماقصرتوو

[قيس بن شداد]

ممتاز بالبر مشي لكن مطامر وقنص لا وألف لا
خلك على سوبر سفاري باترول صدقني ما مشى في البر خير منه والكلام عن تجربة له ولغيره

[tevo]

انا استغرب من الي يذم وما جرب .
انا عني مجرب ومن اروع ما يكون لا من ناحية السعر ولا القوه ولكن يبيلك كل 40 الف تسوي له صيانة دورية بواجي وفلاتر وزيوت وبيعمر معك سنين .
وهذا رابط للي يذم وما جرب .
الي ما يعرف للصقر يشويه .
والفرس من خيالها.
http://www.youtube.com/watch?v=aX8ek_hBlgM

[مسمار شداد]

انا ستخدمت اثنين واحد2002 والاخر 2001 زد سفن ون ..في الوعره والبران

مكينه قويه + قير قوي + مريح + عملي + قطع غيار متوفرره + سعره مناسب
ولاكن
1111111 يحتاج تدبيل مساعدات قدام وتغيير طرمبه بنزين يابانيه

والعيب الوحيد فيه هو00(( اذا سقط في الرباظ انبطح ودق بطنه على الاخر))
وذا نسمت هواه قبل تدخل النفود الى 10 مثلا معاد يهمه شي لارباظ ولا غيره

[- النشمي -]

اللي يذم مواتر الاجداد عز الله ارض الاجداد بريه منه

متى عرفتو الياباني ؟؟

الاولين كانو يشقون النفود والوعر على الامريكي سواء الجمس والا الفورد والدوج والربع الخالي (الاحقاف)
تشهد لهم

المشكله في****** اللي فتحت عيونهم على الياباني ونسو التاريخ




اقول لك ياراعي الموضوع توكل على الله والموتر وحش بر قوي ومايرده شي باذن الله

والله يعطيك خيره ويكفيك شره

[بدوي جنوبي]

اشهد بالله انها وحوش في البر والازفلت عندي تاهو دبل 2005 بالبيد ما هوب زد سفنتي ون ويعلم الله انه يطلع من غراز تضيع فيه الجيوب ولا ارضى لك الا ما ارضاه لنفسي والله يشهد علي صحيح ما هو بصلابة الشاصات وقدرتها على التحمل والاجهاد الكبير ولكنه يبيض الوجه ويخرجك من الطعوس رافع الراس والله ثم والله اني دخلت فيه رمل على شاطئ قيال غرب تبوك تغرز فيه برجليك وتنشب فيه الجيوب وطلع وبطنه يمسح الرمل كأنه ردميه لكن عطيته دبل رقم 4 ثقيل وشغلت بووور القلص وحطيته في النمره 3 الهربده صحيح كلام الاخوان أما القوة والانطلاق في الطعوس فهو وحش بكل المقاييس وأعتقد ان السفنتي ون أقوى وأرفع من العايدي بكثير تحياتي لك

وانا اشهد بالله انه وحش
كان معى واحد z71 2003 ما يعوقه شيئ ما شاء الله فيه قوة في المحرك
والقير خاصة في الطعوس يعنى ماهو على شكله الخارجى خفيف جداااا وايضا تعتمد
على السواق ويكفي ان فيه دفلك
والله ان أتمشى بوسط الطعوس وانا مطمئن وما عمرى غرزت فيه .
ومثل ما ذكرت فزته في الطعوس أقوي من الجيوب
السفنتى ون مخصص للطرق الغير معبده
وانا أستغرب من الردود السابقه


صورة وجدتها بالنت للزد معدل
http://www.mekshat.com/pix/upload05/images228/mk32037_535442-281.jpg

يكفيك من أسفل السياره يجي مصفح من المصنع
اذا تبي زد سفن ون خذ موديل 2006 وتحت .:good:

[المتنبي 999]

نصيحه اذا عندك
تاهو لاتلعبه اسئل
مجرب ولاتسئل خبير

[صاحب مبدا]

يصلح للبر والخط لاكن قل هل هوو يتحمل البر انا اقووول لا لالالالالالا ما يحمل يمشيك ببر لمدة معينة ويخذري بعدهاااا اما يمشي بلبر زية زي السيرات الثاانية لكن الخرباااااات عد وغلط ولي يقوول ان التاهو عملي يجي معي يطلع للبر وتكون السااعة 2 الظهر وخلية يقطع الودياان ويطعس معي على الباترول ونشووووف منوو العملي اما اذا تبي تسويلة حناان هذااا شي ثاااني يبي يطلع ويمش زية زي غيرة من السيرات

[waraad]

مشكورين وماقصرتو على كل من رد وشارك بالموضوع
وابشركم شريت 2011 وراح اظبطه واقصه واشده بكرسي مقناص واوافيكم باذن الله بالصور


والله لايهينكم ووماقصرتو

[سعد القاسم]

الله يبارك لك وش ماخذت
ابعطيك تجربتي البسيطه نسبيا مع الامريكي

اقتنيت تاهو ال تي قبل سنتين استخدام عائلي واستخدام بري
الحمدلله لم الاحظ عليه شي متعب بالنسبه لي

الايجابيات
قوة مكينه وقير
سعه كبيرة من الداخل تاخذ القش والعزب مع التانكي الواقف خلف المراتب وبدون شيل المراتب فقط تسفطها
راحه والحمدلله

وقد تكون هناك ايجابيات اخرى لم اذكرها

السلبيات

الموتر طامن بطن مما يأدي لسهولة طيحتة بالارض وخصوصا اذا مانسمت ورحت الموتر في الرمل
وهذي انحلت بقطع تطلبها من برى ترفع الموتر بمقدار مختلف على حسب الرغبه والحمدلله طلبتلي طقم

ما اذكر فيه سلبية اخرى ؟

والحمدلله

واما ان كانك راعي طيور ومطاريد وهدد فالموتر ليس سهل في اللفات المفاجئه عليه ثقله في الانحناءات القوية والي على سرعة

والله يوفقنا واياك