المساعد الشخصي الرقمي

مشاهدة النسخة كاملة : كيف أشغل الدبل لسيارتي ( لاندكروزر 2011 ) بالطريقة الصحيحة ؟


مح الثبيتي مد
22/09/2011, 02:19 AM
أنا شريت جيب جي أكس أر 2011 رقم 3 اللي من تحت الستيني
والمشكلة عندي ما عرفت أشغل الدبل الخفيف والثقيل
لا هنتم يا رجال اللي يعرف الطريقة يفيدني وإن قدر يكون الشرح بالصور


الله يبيض وجيهكم
gx-low
22/09/2011, 02:52 AM
مبروك اولا

وثانيا الرابط هذا بيفيدك



تم حذف الرابط لمخالفته قوانين القسم
أبو عبدالرحمن الصفيّان
سفاري959
22/09/2011, 07:58 AM
على ما اعتقد ان دبله شابك على طول بالنسبه للخفيف مبروك والله يعطيك خيره ويكفيك شره
مح الثبيتي مد
22/09/2011, 04:05 PM
طيب يا جماعة بيض الله وجيهكم

الدف لوك متى أستخدمه هل أستخدمه مع الدبل الخفيف ولا مع الثقيل ولا متى أستخدمه بالضبط

وبعدين أخوي gx الشرح اللي أرسلته لي تمام ما قصرت بيض الله وجهك بس فيه نقطه اللي فيها فصل الإيرباق ما حصلت الصورة اللي في الشرح عندي .
محمد بن عايض
22/09/2011, 04:56 PM
تبي نصيحتي في الجيب الجديد وترتاح وتريح موترك !!!!


لاجيت بتدخل رمله وتغريز وقف ودق زر الدبل الخفيف وحط القير التماتيك على ال2

وانزل لاتعتمد على الدفع الرباعي في الجيب الجديد لاني اول ماشريته بهذلني وغرزت تغريزه درو عنها هالبر كلهم :D

وبعد فتره جربت هالطريقه ورحت ودجت ولافكرت بالتغريز

والدبل الثقيل لاتستخدمه الى اذا حسيت ان الموتر بيوقف مره وقف وانزل الله لايهينك ونزل هوا الموتر على ال 20 وعشق الدبل الثقيل وامش وخل القير على ال 2 لانك تنزيل الهواء حاجه مهمه بالنسبه للدبل ان كان ثقيل والى خفيف ليه!! لانه يريح الموتر في كل الحالات وومكن لو نزلت هواء الموتر لل 20 تمشي بدون دبل على الدفع الرباعي الاساسي

لاكن تحسبا لااي امر

وانا انصح ان الواحد ينزل هواء سيارته في البر يريح موتره اولا وثانيا يفتك من سالفة دفو معنا ياشباب وهو على جيب هاذي الفضيحه اللي ماوراها فضيحه :mad:


الى ان كان عندك احد هالموترين يااف جي او شاص
اذاني
23/09/2011, 02:09 AM
يا عزيزي تشغيلك لدبل الخفيف تدعس علي الزر الي عند ركبتك اليمين ولا راح يبين معك واجد يعني يادوب بتلاحظ

اما الدبل الثقيل فهو الفرار الي تحت زر التشغيل وراح تسمع صوت ونه قويييييييييه عند المشي .... عااااااااااادي لايهمك طبيعي

اما الدفلك تشغله بعد الدبل الثقيل مايشتغل الي معه ....... وانتبه لاتجور علي الموتر وهو شابك الدفلك

يعني بشويش لين تطلع من التغريس وافصله فورا .


في الوضع الطبيعي للموتر الدفع 30 %امامي 70 %خلفي

وعند تشغيل الدبل الخفيف او الثقيل يصبح 50% 50%
HAS5SAN
23/09/2011, 02:54 AM
شرح مبسط عن استخدام الدبل الخفيف والثقيل

اول شي لازم تعرف ان سيارات الاندكروزر
من موديل 2006 وحتى 2011
يكون دفع رباعي مستمر
موزع التالي
30% للامام
و 70 % للخلف


وتقدر تدش البر بهذه النسبه من دون تشغيل اى نوع من الدبلات
اذا كانت ضغط الاطارات 30 واقل
وذا حبيت تستخدم الدبل الخفيف
تضغط على الزر الموضح
http://img37.imageshack.us/img37/217/89637832.jpg


في هذه الحاله تختلف النسبه كالتالي


50 % الامام 50 % للخلف


وتستطيع تشغيله في سرعه ماتزيد عن 60 كيلو بالساعه


ويقال 80 كيلو بالساعه

ولاتنسى تنسيم الكفرات على الاقل من 15 اللين 20

وهذه الطريقه بيكون الموتر اكثر ثبات على الرمل

وبرضو بيفيدك بعدم تفكك الديكورات اثناء المطامر بين الرمال


................................................ ..
.................................................. ..



بالنسبه للدبل الثقيل ... لاتحاول تستخدمه الا اذا غرزت تماما


وفيه صوت مزعج نوعا ما ... طبعا لاتنزعج لانه صوت انتقاله من الترس الصغير ال الترس الكبير



ولازم تشغله والسياره واقفه تماما - القير على P او N



ومن ثم لف الدبل الثقيل الى وضع L4




وهذا صوره الدبل الثقيل


http://img824.imageshack.us/img824/8567/43351860.jpg


..................................
..................................



برضو يفضل الضغط على الزر الموضح في الاسفل اثناء استخدام الدبل الثقيل


علشان الموتر يقوم بالنمره الثانيه


وهذا بيكون اريح للسياره وينصح بها الخبراء


صوره الزر المراد ضغطه


http://img836.imageshack.us/img836/3749/23117621.jpg


................................
................................


يفضل تفصل الايرباق اثناء البر ...لتفادي خروج الايرباق اثناء اصدام الصدام بالرمال او ماشابه



وهذه صوره فصل الايرباق


http://img138.imageshack.us/img138/1756/50504180.jpg


.................................................. .......
.................................................. .......




وهذا زر خاص لسيارات ال VXR فقط


وهو زر نظام الزحف


وهذه صوره توضيحيه للزر


http://img199.imageshack.us/img199/3694/44391481.jpg



طريقه الاستخدام :


بعد ماتشغل الدبل الثقيل وفي حاله التغريز التام


حط القير على
D



اضغط على زر التشغيل ON


وضع الفرار على SPEED 1



وفي هذه الحاله اترك السياره تخرج نفسها بنفسها ... بدون


ماتدوس على البنزين


فقط التحكم بالدركسيون ان اردت


لان النظام يوزن الكفرات على حسب التغريز اوتوماتيكيا


وتستطيع تغيير الفرار الى SPEED 2 ومن ثم الى SPEED 3


كلما حسيت ان السياره قاربت


من الخروج من التغريز
مع ملاحظة عدم الدوس على اي شيء
حتى عدم فتح باب السائق
لأن النظام راح يفصل ( أمان )

وهذى تجربة لنظام الزحف مع زيادة هواء الاطارات
والمفروض الهواء أقل من كذا بكثير
لكن كانت تجربة

4pf6Cm8pluE (http://www.youtube.com/watch?v=4pf6Cm8pluE&feature=related)


وهذا في الجبال وكفائته أفضل
بس ياليت إغلاق الصوت لوجود موسيقى


F2Qp3DZD-oI



...............................




ملاحظة :


لاتحاول تشغل الدبل الخفيف والسيارة في حالة دوران

حتى لو السيارة في سير بطئ


.... بيتبعها صوت غير طبيعي



...............................
SIF
23/09/2011, 10:52 AM
بيض الله وجهك أفدتنا
الصمان 2
23/09/2011, 11:07 AM
بارك الله فيك أخي HAS5SAN


على هذا الشرح الوافي .













.
خليفان
23/09/2011, 03:32 PM
غريبه ما انحذف الموضوع الى الحين
HAS5SAN
23/09/2011, 08:48 PM
غريبه ما انحذف الموضوع الى الحين

هههههههههههههه
اضحك الله سنك
استغربت الرد
وبعدين فهمتك
انا اشهد انك صقر(ن) حر
يمكن مابعد مر عليه زنقه زنقه
البرتقالي
23/09/2011, 11:06 PM
ألف مبروك الله يعطيك خيره ويكفيك شره

اخوي عن تجربة اذا النفود نظيف وهواء الكفرات ثلاثين ودون
تمشي بدون دبل بالراحة
AboAhmed2535
17/11/2012, 11:04 PM
جزااااك الله خير على هذه الفوائد القيمه
سؤالي :
كيف اشغل واغلق الدبل الصغير في لاندكروزر v6/2008GXR القير عادي ؟
*علما ان أنه المبة حقته في حالة وميض متقطع وفي حالة اطفاء الموتر وتشغيله مره ثانيه تولع المبه ويشبك الدبل مباشره