دريـــــــــــــــــــــــــــل

[AUDIO]

السلام عليكم \

انا عندي دريل زي اللي بالصوره لو اشحنه يوم كامل تفضي البطاريه بغضون دقيقه واحده

المشكله بدت تدريجيه ,
س\ هل يوجد له بطاريه كقطعة غيار افيدوني مشكورين .
http://up.arabseyes.com/upfiles/HMl31677.jpg (http://up.arabseyes.com/)

[رفيع المقآم]

والله يالغالي مدري عنه

لكن وانا اخوك انا عندي دريل كهرب دايركت

واقدر اركبله سكروب

يعني وش تبي بالشحن

وخذ ماكيتا وريح عمرك

والله يعينك يالغالي

[سرهيد]

السلام عليكم

هلا بك

الحقيقة اني من سنة استخدمته بدلا الكهربائي وارتحت معه وعملي ورائع ويعمل عمل الكهربائي ، والجميل ان معه بطارية اضافية احتياطية ..

سؤالي : ما راجعت الوكيل من اجل حل الاشكال او شراء بديل ...

للمعلومية : وضع البطارية في الشحن مدة طويلة يساهم في ضعفها ...

فيه محلات في الديرة حول محلات الداود للإلكترونيات وحولهم محلات تصليح قد تجد الحل عندهم ..

تقبل احترامي

[الذيب511]

اخوي رح لشارع الريل تلقا كلش فيه اتوقع انت ماخذه من ساكوساكو مشكلتهم مشكله عليك بشارع الريل

[المغامر2]

القاعده الي فيها البطاريات تنفك وبدخلها مجموعة بطاريات تفكها وتغيرها ببطاريات اعادة شحن
وشف في اليوتيوب تغيير بطارية الابتب هي نفس الشي
وهذا الرابط http://www.youtube.com/watch?v=LMwVqMaxhU0

[اصيل نجد]

هلا باخوي لاتتعب نفسك الانواع هاذي غير عمليه نشيطه اول ماتجيبه وبعدين يخذلك وسعره ماهو رخيص لايهمك كتابه بوش اللى عليه انا شريت من سنتين نفس جهازك من الوكيل خشيم بشارع الريل نوع ماكتا واستعملته والله يخلف نفس موضوع جهازك راجعت الوكيل قال تحتاج بطاريات قلت بكم قال 280 ريال بعد الخصم والجهاز كله شريته 750 ريال لكن اذا محتاج سكروب ساكو عندها بوش صغير لفك المسامير جدا عملي ومازلت استخدمه هو شحن قاعده منفصله عن الجهاز وعلى فكره عندهم نوعين الاختلاف بوع البطاريه

[camping expert]

البطارية تهرب


you need new bat.

[الخولاني]

رح ساكو بتلقى بطاريات احتياط

[AUDIO]

منو تي الشاص - سرهيد - الذيب511 - المغامر2 -اصيل نجد - camping expert - الخولاني,

اشكركم جميعاً على ردودكم ,

وفعلا سألت ساكو اللي انا اشتريته منهم قالو نبيع الجهاز فقط ولا ولايوجد عندنا قطع غيار .

[قمرنا]

أخوي
السلام عليكم ورحمه الله وبركاته
أنصحك بأنك تحاول تفك قاعدته
وترهم لها سلك مباشر للكهرباء
أو توديه لفني أكترونيات
يحوله كهرباء مباشره أفضل لك...
الله يوفقك...

[سكيكو]

السلام عليكم
المثقاب وكيله شركة الجفالي مقابل البريد المركزي بالرياض وسعر البطارية من 160الى 250ريال حسب الموديل وهي موجوده عند ساكو وسبق ان طلبتها منهم عليك احضر موديل المثقاب وهم يوفرونه لك
ملاحظه : المثقاب الاسم العربي لدريل

[AUDIO]

قمرنا -- سكيكو , اشكركم وما قصرتو ,

لكن راح افك البطاريه واركب له بطاريات شحن من قطع الغيار , يعني ابرهمله بطاريه هذااخر حل عندي ,

شكرا لكم.

[قيس بن شداد]

إذا انت بجدة فيه واحد شايب باكستاني بجنب عمارة الملكة في البلد يفك البطارية ويغير اللي داخلها بسعر بسيط وترجع تمام أنا سويت عنده بطارية لاب توب

[AUDIO]

ماقصرت اخوي قيس بن شداد,

الله يعطيك العافيه .

[ابوامال1]

انتبه تشبكه على الكهرباء 220 او 110ينحرق على طول غير البطاريات او اشبك دايركت على بطارية السياره عادي

[AUDIO]

ابوامال1

اشكرك على التنبيه ,

لكن اطمأن حنا شغالين على الألكترونيات والفولتيات لعبتنا :D مايحقر روحه)




الله يعطيك العافيه ,

[aamd01]

أنا شريت مثقاب نوع سلك
ونصحني الفني من ساكو بان لا اشحن البطاريه كل ما انتهيت من عملي معا حتى تفضي تماماً وقراءت في التعليمات باني اشحن البطارية وافضيها خمس مرات حتى تبرمج البطاريه نفسها، لعل وعسى تنفع معك هذه الطريقة

[AUDIO]

aamd01 ,

اشكرك ياخوي على هذه المعلومات القيمه,


بارك الله فيك .

[no fear 78]

قوة اخوي جرب تطلب من موقع ebayاتحصل اكيد وارخيص بس اذا حاب اتغيرة انصحك في مكيتا او بلاك اندكر انه عندي ابلك اندكر يعجبك البطارية قوية ولا تفضه ابسرعه حتى لو اتخليه شهر من غير استخدام ما ايفضي المكيتا عند صاحبي اذا ما تستعمله مدة ايفضي بس هل اثنين ارخيص و كويس بتوفيق

[AUDIO]

no fear 78

اشكرك اخوي , لكن سوف اتحول الى شركه اخرى افضل من bosch,


والله انت مدحت مكيتا لكن شورك وهداية الله.

شكرا لك اخوي .

[فايز العامر]

نفس المشكلة

اشتريت واحد قبل عدة سنوات وفيه نفس المشكلة ولا حصلت تغيير للبطاريات، ثم شريت واحد ثاني قبل حوالي سنة ونص معه بطاريتين والآن نفس المشكلة مع البطاريتين.

[Avalanche]

السلام عليكم ورحمة الله وبركاته
قبل اسبوع كنت ابحث عن هذه الأنواع
يوجد قسم خاص لها بـ ساكو
وسألت الموظف عن البطارية
وقال انها متوفرة لديهم
(الكلام هذا بفرع الظهران مول - الشرقية)

[AUDIO]

Avalanche

وعليكم السلام ورحمة الله وبركاته,

ياخي ساكو اللي عندنا في بريده خايس والعماله اللي فيه يالله يعطونك وجه خاصه الآسيويه, وسألته قال لي مافيه قطع بس جهاز .

شكرا لك ياخوي ماقصرت.

[الاطار]

احسن الله عزاك ..........هذا تقليد ......وترى الاصلي لونه ازرق ماهو اخضر مثل اللي عندك ....وشف الوكيل في شارع الريل في البطحاء رح واسألهم وتشوف

[AUDIO]

شكرك اخوي الاطار ,

ياخوي انا غاسلن يدي من الأصلي هالأيام لكن حنا ادور الأقرب للأصلي لكن مابه فايده.

[faisel121]

اجهزه فاشله

[AUDIO]

faisel121

عزالله انك صادق.

[علي الشهري]

إخواني الكرام
من أراد شراء ماكيتا فليتأكد أنه الياباني الأصلي
لأن اللي أغلب بالسوق صيني

[AUDIO]

التنهات ,

اشكرك على مرورك وتنبيهك , ويسعدني تفاعل الشباب مع مايطرح.

ماقصرت اخوي.

[الووووحيد1990]

سلام .. وين يباع يالغالي هذا فيه ابي لي واحد

[صمتك_كلام]

اذا هو 18 فولت رهم عليه شحن لاب توب ومد وايرة واشتغل عليه من دون بطارية

[تربة الشمال]

في الغرابي ( شارع الريل) محلات العدد تحصل له بطاريه

[هاوي]

بوش نوعان اصلي وتقليد وعليك بالبروفشنال اللي تجي الوانه ازرررق هذا الاصلي وسعره فيه عندي واحد مثل المسدس والبطارية ليثيوم طويلة الامد شغل دريل وسكروب وقوي جدا قوة 10

جدا رائع

[واحد طش]

يفتونك الشباب .. انا لا اعلم عنه اي شي

[سليمان الصقر]

انا عندي ورشة خاصة واستخدم الدريل باستمرار واحب أوضح ماتوصلت اليه لعلي أفيدكم :
1. الدريل الكهرب أبو سلك قليل جدا ونادر ما يخرب ولو خرب بسهوله يتصلح
2. الدريل الشحن اللاسلكي حساس ولا يتحمل الجور ويستخدم لحالات خاصة لتوفير الوقت والجهد وكذلك الأماكن التي لا يوجد بها ههرباء
3. جميع أعطال دريل الشحن تتمثل في البطاريات فهي روح وقلب الدريل فبدونها يصبح الدريل قطعة خرده
4. دريل الشحن يجي نوعين نوع بطارية خارجية ونوع بطارية داخلية والنوع الاخير هو اللي دايم يخرب والأول نادر مايخرب
5. اذا خربت بطارية دريل الشحن يمكن اصلاحة باستبدال البطارية التالفه أو بتغيير جميع البطاريات
6. بالنسبة للي بالصورة هذا دريل من شركة بوش ويجي منها نوعين النوع الأول وهو الأصلي وهو صناعة هنقارية والنوع الثاني وهو أقل جودة وهو صناعة ماليزية وأنا أنصح بالأول وخاصة اللي بطاريته داخليه
6. مكيتا الياباني انقطع من السوق لأنه صار يصنع بالصين ويمكن تلقاه عند بعض المحلات وعلامته ان بيانات الجهاز والصنع مكتوب على قصدير ومنحوت نحت أما الصيني تلقاها مطبوعة طبع

والله الموفق

[SNIPER07]

هلا و غلا

استبدل البطاريات ببطاريات شحن

و يضبط ان شاء الله

جربتها و مشت معي

لكن لدريل صار اضعف شوي

تحياتي

[Hagaanaf]

يحفظك الله
تبي تفتح براغي ، وتربط براغي
تبي تفتح مسامير وتربط مسامير
خذ العلم الآكيد
دريل ماركة ماكيتا ياباني اصلي (100%) الكهرباء (220) فولت مقاس (13) يدور يمين ويسار وبه شاكوش وعادي ، هذا الدريل لايعلى عليه قيمة (580) ريال