المساعد الشخصي الرقمي

مشاهدة النسخة كاملة : ملاك أكسبلورير إلحقو طقه بالسياره يقولون تصليحها يكلفك 10000 ريا أفكر ابيعهاتشليح؟


زيتون أبيض
24/09/2011, 02:48 PM
السلام عليكم ورحمة الله وبركاته :

إخواني ملاك اكسبلورير الله يحفظكم ويوفقكم وكل من لديه خبرة بالسياره يساعدنا الله يساعده


السياره فيها طقطقه مهب صاحيه رحت للوكاله قالو يجب تغيير كراسي بدي


وتبي تكلف أكثر من عشرة آلاف ريال ؟؟؟


ورحت محلات ميكانيا وميزان اللي يقول مقصات واللي يقول ركب واللي يقول

أذرعه ضيعونا لو صلحت كل اللي قالو وصلت لمبلغ سياره جديده ؟؟؟؟


المهم والله حاله أفكر أبيع السياره تشليح ؟؟؟؟؟؟؟؟؟؟؟؟؟؟؟؟؟؟؟


موديل 2006 ماشي 135000 كم اللي يجاوب الله يسعده دنيا وآخره
الف وميم
24/09/2011, 07:41 PM
اما كراسي بدي بـ 10 الاف

اخوي تراها رخيصة انا غيرتها في السابق لفكتوري ماوصلت لـ 1000 ريال اذا ماكنت غلطان لاني ناسي بصراحة

بس شوف لك ورشة محترمة الوكالة اسعارهم ناااااااااااااااااار
al7eran
25/09/2011, 10:35 PM
لاتكون على نياتك

خذ وخل من الوكالة
T-Tamimi
26/09/2011, 04:58 AM
غريبه كل ذالمشاكل
يمكن انت جالد الموتر وماترحمه .. يمكن نتايج النصر لاعبه في نفسيك خخخخخ << امزح لاتعصب يا الملكي خخخخ :)

شف ونا اخوك .. جلد البدي وكراسي المكينه وكرسي القير سبب اساسي في القربعه القويه والدبجات .
لكن هذي الجلد والكراسي ما تخرب الا بسبب صدمه قويه .. يعني اذا صاير للموتر حادث غير جلد البدي كامله "فيه جلد هنديه للفكتوريا يمدحونها ورخيصه" دورها ارخص من جلد الوكاله "طقم الوكاله اتوقع 1500"14 حبه.
ايضا كراسي المكينه والقير اذا صاير حادث شيك عليها وغيرها .

اذا ما جا الموتر حادث قوي اشك ان تكون ذالقطع خربانه.

-----------------------------------------------

الامر الثاني
(المقصات والركب ومسامير التوازن و ذراع الشاص وذراع الدركسون و اذرعه الدركسون و جلد عامود التوازن و المساعدات)
هذي انصحك تروح لليرموك في الصناعيه القديمه في الرياض شغلهم زين ويعلمونك عن الامور الي تحتاج تغيير.

الله يكون في عونك مدري تلقاها من النصر ولا من الموتر ^^
شجع هجر وريح راسك ههههههههههههههه

بالتوفيق يالغالي :)
concod
06/10/2011, 01:18 PM
نصاب في الوكالة , وش للي كراسي بتوصل 10000

اذا مالقيت لك حل وقف عند اقرب بنشري وامسك العكوس عكس عكس وهزَها وشوف ترج معاك ولا ثابتة , اللي ترج غيرها

بعدها ركب كراسي مكينة اذا تبي تطمن ومستحيل تكلفك اكثر من 1500 ريال اذا ضربتها الحمَى

بعدها ربط السيارة بـ 200 ريال وان شاء الله ينتهي الموضوع

لكن أ, شي حاول تفحص في كذا ورشة ربما تلاقي واحد فاهم يصلح المشكلة

انا مرة حصلت لي طقة ورحت الوكالة وقال لي عكوس مع مقصات ... المهم على كلامة تقريبا التكلفة 6000 وشوي للاصلاح

رحت ورشة كذا بالصدفة من شدة الاحباط وشافها وقال بس عكس واحد غيره وانتهى الموضوع وغيرته مع التركيب وجلدة وزيت بـ 2000 ريال , وهذي السيارة لها سنتين من بعدها زي العسل
طلال عطيوي
23/01/2012, 08:39 AM
اخي الكريم خلك من الوكاله والله انهم حراميه على العموم اذا انت في جدة بدلك على واحد مهندس تركي الجنسية واخصائي فورد الورشة بصناعيه اسمها الموده
مكشات 1435
23/01/2012, 10:37 AM
الصوت والسيارة تسير او فقط بمجرد التشغيل
فارس الإحلام
29/01/2012, 03:35 PM
الوكالة حرااااااااااااااامية وشغلهم مو زين ولكن التكلفة اللي قالو لك خيالية شوف محلات مشهورة عندك ورح لهم ونتمنى لك التوفيق