وش الافضل الارمادا ولا اليوكن

[السيح 2011]

لو سمحتو عندي وش الافضل يوكن ولا ارمادا
من حيث
1- القوة
2- الوساعة

3-الفخامة
وشكرا

[gmc envoy]

اخوي انا قبل ما اشوف موضوعك كنت اعمل مقارنة بينهم
وبين معي انه اليوكن افضل من جميع النواحي بحيث انه اليوكن واسع وميرح جدا بعد تجربة في سفر وكمان فخم جدا وانصحك تجيب الفئة الدينالي افخم فئة ومكينته جبارة 6,2 لتر 404 احصنة تقريبا
والي يقول من ناحية الخرابات اليوكن ما فيه خرابات الا اذا انت مهمل اعزك الله اكيد رح يصير في السيارة خرابات ايش ما كان نوعها وانت صلي استخارة والله يوفقك بلي فيه الخير

[الهوى جنوبي]

لو سمحتو عندي وش الافضل يوكن ولا ارمادا
من حيث
1- القوة الارمادا افضل فزته تقول ريح عكس اليوكون ما عدا الدينالي اقوى
2- الوساعة الارمادا افضل من ناحية الوسع وبالذات المرتبه الثانيه

3-الفخامة اليوكون افخم
وشكرا
وترى هذا عن تجربه معي ارمادا فل كامل 2005 والوالد معه سوبربان ltz دبل 2011 . لكن السوبربان ما شاء الله كأنك تسوق موتر صغير عكس الارمادا عفش وصرفية البنزين لصالح السوبربان والشعبية لصالح السوبربان والصيانه .
الراحه لصالح الارمادا لأنه عكوس عكس السوبربان دفرنس لكنه افضل من ناحية التحميل
اما الخرابات والاعطال فحاول تتصفح رابطة اليوكون ورابطة الارمادا وبتعرف بنفسك
ملاحظه (اليوكون نفس السويربان ) كلهم عيال رجال واحد
تحـــــــــــــــــــيــــــــــــــــــــــــــــ ــــاتـــــــــــــــــــــــــــــــــــــــــي

[أبو أسامة]

القوة: للأرمادا ما عدى الدينالي أقوى
الرحة : جربت الأرمادا كان مريح ولكن لم أجرب اليوكن بالذات الموديل الحالي من اليوكن ...
الوسع : الأرمادا أوسع .
العملانية : بصراحة مثل ماقلت قبل جربت الأرمادا وكان عملي ولكن هل اليوكن أفضل أو مثله أو حتى أسوء منه لا أستطيع أفادتك لأنني لم أجرب اليوكن .
الفخامة : الناس أذواق أنا أشوف أن الأرمادا أفخم بالذات الفل من الأرمادا أشوفه أفخم حتى من الدينالي ....
ونصيحة لا تشتري إلا اللي ترتاح له وأستخر قبل ذلك ........ لأنه بصراحة لو أشتريت موتر ما ترتاح له لو يطيح منه مسمار تجلس تكدر منه وتلعن بشركته ...... ولو أشتريت شيء أنت هاوي لي لو تطيح مكينته قدامك على الطريق السريع وتشوفها سبعين قطعه قدامك راح تقول ما شاء الله شفتوا وشلون ما قلب على أن المكينة طاحت تحت السيارة ........ يعني أشتر راحة راسك ........
وبالتوفيق

[.أبوعبدالرحمن]

الأفضل أخي أنك تستأجر السيارتين وتجربهن

وبعد ذلك استخر وإن شاء الله ستجد ما يسرك

[مواسي الطعوس]

حسب الخيارات اللي وضعتها انت نحن نجيب :

1/ السعه / لصالح الارمادا ومافيها مجال للمناقشه .
2/ القوه ....الارمادا

3/ الفخامه .....شف كل الموترين واحكم انت .

[Hwer]

اشوف ان اليوكن افضل لان الارمادا توقف تصنيعه من 2010

[مزدهر]

اشوف ان اليوكن افضل لان الارمادا توقف تصنيعه من 2010

غربية من وين جبت المعلومة
الإرمادا لازال يصنع موجود 2011 و 2012

الجودة لصالح الإرمادا والراحة والتصميم الداخلي
السعة للإرمادا
القوة للإرمادا
اليوكن الدينلي لايوجد فيه دبل ثقيل وإنما دفع رباعي فقط

[turkiq]

شوف اخوي انا كنت مثلك تماماً ... صار لي اكثر من سنة وانا حيران بين السيارتين
وبعد سؤال اصحاب السيارتين تبين لي ان مشاكل الارمادا اقل بدون ذم في اليوكون .. ومثل ما قالوا الاخوان
طريقة استخدامك هي الاصل في الموضوع.
وانا سبق وجربت سواقة وركبة اليوكون الاخير لكني ما جربت الارمادا وكنت قلقان من هالناحية
وقدر الله وحصلت قبل اسبوعين او ثلاثة نيسان تايتان واذا ما تعرفه هو ارمادا بك اب
وجربته وعجبني جدا ... والسيارة تفاجأت ان مركبها مريح رغم ان تعليقها تعليق بك اب
وعزل الصوت فيها بعد عجبني وشريتها بدون تردد.
اذا كانت راحة البك اب منه كذا فكيف بالارمادا نفسه وهو مزود بتعليق انعم.


وبالنسبة للقوة ما شاء الله حدث ولا حرج ..
مكينة الارمادا قوية جدا ً الا اذا كنت ناوي على دينالي.

انا الحقيقة اقتنعت بالارمادا
والله يوفقك للافضل .. لا تشتري الا عن قناعة

[السيح 2011]

طيب كم حصان اللامادا وكم حصان اليوكن

[الهوى جنوبي]

الارمادا من 2005 الى 2007 او 8 340 حصان والموديلات اللي بعدها 360 واليوكون 340 حصان

[أرمادا]

أنا مستعمل ارمادا 2009 فل كامل دبل من وكالته ..

ماشي الآن 103 آلاف استخدمه انا واخوي اللي اكبر مني ورجلي حاره على الدعس والصراحه هو مغري عليه فزه ما شاء الله مكينته جباره 360 حصان ..

استخدام عائلي ما جربت التطعيس عليه ابد .. قليل جدا نزوله طرق صحراويه ..

الا الآن ولله الحمد مافيه اصوات طقطه بالديكورات وترا الشي هذا مشهور فيه اليوكن يزعجك بالطقطه انا سويت مقارنه قبل اشتري الارمادا بينه واليوكن XL وقدر الله واشتريت الارمادا ..

الفخامه للارمادا اذا كان فل كامل ..

الوسع مافيه مقارنه الارمادا وسيع والمراتب الصف الثاني والثالث وسيعه تمد رجليك على راحتك اوما اليوكن فهو ضيق ..

المكينه الارمادا اقوي واخف بالقومه ما ادري عن الدينالي ..
بالارمادا لك الخيار دفع رباعي مستمر اوتوماتيك او تفصله تخليه دفع خلفي ..
نظام البصمه .. نفقيشن .. جنوط 20 ..

قطع غياره سعرها معقول بالنسبه للسيارات اللي بحجمه ..

سويت صيانه شامله للــ 100 الف كم بــ 3600 ريال من الصدام للصدام بالوكاله غيروا لي اشياء كثيره مع العلم انه ما كيد طب صيانة الوكاله من صيانة 30 الف ..

القطع 2500 ريال قيمة صيانة 100 الف بــ 1100 ريال

المزعج فيه كفراته مكلفه اشتريتهن قبل شهرين طقم 5000 ريال

اي استفسار انا موجود والله يكتب لك اللي فيه الخيره .

[السيح 2011]

وشعيوب اليوكن اللي تخلي الارمادا تتفوق عليه

[turkiq]

وشعيوب اليوكن اللي تخلي الارمادا تتفوق عليه

خلني اترك النقاط اللي يختلف فيها الكثيرين ..
واتكلم عن نقطة واضحة مهمة .. وهي الاتساع الداخلي
في الارمادا كل راكب ماخذ حقه وزيادة شويتين

طبعاً هذا الوسع صاير شوي على حساب مكان تخزين الامتعة خلف الكراسي
لكن الحق يقال .. اركب سلة اشيل فيها عفشي في السفر ولا يتضايق الركاب
طول مشوارهم.

[ارمااداا LE]

لو سمحتو عندي وش الافضل يوكن ولا ارمادا
من حيث
1- القوة
2- الوساعة

3-الفخامة
وشكرا

السلام عليكم

ارمادا اصرف لك .. وركز على كلمة ((( اصرف )))

يعلم الله انه مهوب تعصب بس من باب حب لآخيك ما تحب لنفسك ..
وطبعا الاستخاره أوجب وأفضل .. والحكم بيدك ..

القوة .. قصدك عزم وتسارع .. الارمادا افضل وفرق واضح عمليا
والبعض يقول دينالي على اساس المكينه اكبر .. ولكنه دفع رباعي مستمر
وحتى ان لم يكن كذلك جدلا .. فهو لا يصل للمقارنه بسبب الوزن والاطوال وهندسة التصميم .

الوساعه .. فيه تقارب .. واليوكن اوسع في الامام لان القير علاق
اما الوسط والخلف بالنسبة للمراتب فالارمادا اوسع واريح ..
اما الشنطه او مكان الامتعه الخلفي فالمكان متساوي ما عدا اليوكن XL الطويل ..

الفخامه .. متقاربات .. ولكن تصميم الارمادا رياضي أكثر
والاكسسوارات الاساسيه أفضل ..

والاسعار لصالح الارمادا بموجب الاكسسوارات وسبب مقنع .. حتى قطع الغيار مقبول جدا

قلة الخرابات لصالح الارمادا .. وانصحك بزياره رابطة كلا السيارتين للمقارنه

ولا تنسى التجربه الميدانيه حتى تكون على بينه ..

الله يوفقنا واياك ومن يقرا .

[شيخ بني تميم]

ارمااااااااااااااااادا 

[أرمادا]

السلام عليكم

ارمادا اصرف لك .. وركز على كلمة ((( اصرف )))

يعلم الله انه مهوب تعصب بس من باب حب لآخيك ما تحب لنفسك ..
وطبعا الاستخاره أوجب وأفضل .. والحكم بيدك ..

القوة .. قصدك عزم وتسارع .. الارمادا افضل وفرق واضح عمليا
والبعض يقول دينالي على اساس المكينه اكبر .. ولكنه دفع رباعي مستمر
وحتى ان لم يكن كذلك جدلا .. فهو لا يصل للمقارنه بسبب الوزن والاطوال وهندسة التصميم .

الوساعه .. فيه تقارب .. واليوكن اوسع في الامام لان القير علاق
اما الوسط والخلف بالنسبة للمراتب فالارمادا اوسع واريح ..
اما الشنطه او مكان الامتعه الخلفي فالمكان متساوي ما عدا اليوكن XL الطويل ..

الفخامه .. متقاربات .. ولكن تصميم الارمادا رياضي أكثر
والاكسسوارات الاساسيه أفضل ..

والاسعار لصالح الارمادا بموجب الاكسسوارات وسبب مقنع .. حتى قطع الغيار مقبول جدا

قلة الخرابات لصالح الارمادا .. وانصحك بزياره رابطة كلا السيارتين للمقارنه

ولا تنسى التجربه الميدانيه حتى تكون على بينه ..

الله يوفقنا واياك ومن يقرا .


هذا العمده حق رابطة اصحاب الارمادا .. :good2: :D

الله يجزاك خير على التوضيح ، ماشاء الله كلامك مرتب مو مثلي حوسه :p

[MRW]

بصراحه منظر اليوكن الطويل افضل من الأرمادا

بغض النظر عن قوة المكينه

ولو اريد اشتري ما آخذ الا يوكن

اليوكن عائلي يعني كم تبي تمشي بأهلك 180 ما تتعدى 140

الناس تبي المنظر

وجهة نظر

[المنيعي1]

مشكلة اليوكن الي ماهي جايزتلي أن صدامه الأمامي نازل زياده عن الزوم يعني تاخذ دبل ماتستفيد منه

[السيح 2011]

طيب وش الاحسن وفي الشكل الامامي والخلفي

[الباثفندر 3.5]

طيب وش الاحسن وفي الشكل الامامي والخلفي
الرمادا افضل من الامام و الخلف لكن انتبه شكل الرمادا من 2005 لكن اليوكن من 2007 يعني احتمال تتغير قصتهم عن قريب يعني الشكل يتغير بشكل جذري

[.أبوعبدالرحمن]

رابطة ملاك ارمادا (http://www.mekshat.com/vb/showthread.php?t=265027)


رابطة ملاك (اليوكون , دينالي , تاهو , السوبربان ,z71) الجزء الثاني (http://www.mekshat.com/vb/showthread.php?t=432570)


ما هو الافضل السوبربان او السكويا او الامادا او الاكسبديشن (http://www.mekshat.com/vb/showthread.php?t=309486)


هذه روابط تفيدك إن شاء الله كثيييييير