الفرق بين دلة العساف الكورية و الأندنوسية

[المزون الثقال]

السلام عليكم جميعآ
حياالله أعضاء مكشات العالمي
ندخل في الموضوع :D
من كثر ما أسمع عن الدلة الكورية وارد العساف من مدح لها على أني شريت من محل بحائل دلة العساف الأندونسية ولا أحد مدحها :( قلت لازم أشتري الكوري فقررت أني أدور في محلات بريدة فحصلت محل عنده دلاال العساف الكورية يقول بالمستودع إذا تبي أبشر
بس قال لي أنت وش تبي فيها تبي تبيع أو أستخدام قلت لا أستخدام قال تبي نصيحتي خلك على الأندنوسيه وتراء مافيها فرق و أنا عندي الكورية والأندونسيه في العزبه ولها ثلاث سنوات الأندوسيه ولا شفت فيها فرق عن الكورية قلت ليه يمدحون الكورية قال هذا شيء طبيعي في ناس يحبون يقتنون الشيء المقطوع من السوق مثل الكورية ويصبح مقتني النادر وهذا هو الحقيقة :)
و أسف على الأطالة و إذا كان في أخطاء أسف تراني راسب في الأملاء و التعبير :p

[swead]

وعليكم السلام ورحمة الله وبركاته ..

فيه موضوع كتبه الأخ نجم الشمال وعنوانه خفايا وارد العساف (زيارة لمكتب عبدالعزيز محمد العساف).. نجم الشمال........

http://www.mekshat.com/vb/showthread.php?t=434464

اقتبست منه هالكلام .. ورد العساف بنفسه يوضح لك أنه ما فيه فرق بين الكورية والأندنوسية لكن وش تقول في الناس ..

ماسبب تحويل الصناعة من كوريا الى اندنوسيا؟
فجاوب بسبب التضخم الاقتصادي ومشاكل مع المصانع واليد العاملة في كوريا
هل جودة الاندنوسي نفس جودة الكوري؟
اجاب نعم وانا اشترط عليهم هالشيء وفي حال انك جبت اي دلة او ابريق اندنوسي فيه صدأ فلك مني جائزة كبيرة وشهادة شكر لأن المصنع سيعوضني بسبب شروط جزاءية اشترطتها عليه.
لماذا الناس تبحث عن الكوري وتفضله على الاندنوسي؟
اجاب المسألة ربما تكون نفسية وأنهم جربوا الكوري ووجدوا جودته لكن كن على يقين أن الهدف الاول عندي الجودة بغض النظر عن مكان الصنع.
هل ممكن أحصل شيء من منتجاتكم بالسوق (كني اقول عطنا من هاللي بالرفوف هههه)؟
اجاب شف الجامع اللي بوسط برزان ربما تلقى بالمحلات اللي مقابلته من لازال عندهم القديم
هل ممكن ان يصنع اي احد مثل منتوجاتكم في كوريا؟
جاوب اننا احتكرنا الاشكال اللي تنتجها (وشرح منتوجاتهم من الدلال واساميها) والمفروض انهم مايصنعون لاحد نفس تصميمنا لاننا اشترينا هالتصميم بالمال.
بما أن الاندنوسي نفس جودة الكوري لماذا لاتضعون نسبة الخلط 8 18
او 10 18 على منتجاتكم الاندنوسية؟
جاوب عطني من هالدلال اللي بالرف فتناولت دلة من الاصدار الاندنوسي واريته الختم عندها نادى السوداني وقال يا (نسيت اسم الزول)
لازم تختمون هالرقم على منتوجاتنا
وقال انت اول واحد ينبهنا لهالشي

[المزون الثقال]

أشكر لك مرورك أخوي ويعطيك العافية على أقتباس الموضوع والدليل الحقيقي

[اخو سعود]

فرق السما عن لارض

[ابوعبدالله البدراني]

لدي الدلتين كوري واندونيسي ولافيه اي فرق من ناحية الشكل او اللون لكن الامر نفسي فقط
مجرد رأي

[ابوسلمان رولك]

فيه فرق كبير في الاستيل

[ابوعبدالله البدراني]

ياليت من الاخوه اللي قالوا فيه فرق يوضحون الفروقات بينهم حتى تعم الفائده

[ملكة الدلات]

السلام عليكم الاخ نجم عندى اعلان بنفس الموقع هذا وفيه دله من مصنع عبدالعزيز محمد العساف بس فيها صدا وواضحه بالصوره

[الهواوي 1]

والله اشوف مافي فرق الفرق في حمس القهوة وما تضيف لها من بهار ياتركد الراس او تنفره وعلى قولت المثل يد الحر ميزان

[سطام ابو سعود]

عليك ولله بالي يحكر الفنجال

[سعيد بن مسعدة]

الاندونيسية جيدة لها ثلاث سنوات عندي

[web]

السلام عليكم

خام الستانستيل يدخل من ضمن الخلط الحديد بنسب معينه ليكون الصلب وحتى الستيل الصيني لابأس به
المشكله بالتاجر نفسه يطلب الستيل بسعر ارخص والرخص يكون على حساب الجوده فيقوم المصنع بزيادة نسبة الحديد عن النسبه المحدده لرخص قيمة الحديد مقابل باقي المواد فتقل القيمة وتقل الجوده كذلك ..
اختبار جودة الستيل بالمغناطيس ... الستيل لايجذب المغناطيس نهائياً ولا تحس باي جاذبيه له اما اذا احسست بوجود جاذبيه فتاكد ان نسبة الحديد قد ارتفعت مما يؤدي الى بقع من الصدا في المستقبل فما بالك لو التصق المغناطيس بالابريق او الدله فتأكد انها دله حديديه وليست ستيل .

دلة العساف الاندنوسيه خيار لابأس به مقابل الاسعار الان خصوصاً اذا كانت اخرتها عزبه او نار الدله الاندنوسيه اسعارها من 120 ريال حتى 170 ريال حسب الحجم قمت بتجربة المغناطيس عليها بكل مناطق الدله ولم اشعر باي انجذاب للمغناطيس اتجاهها وشريت وحده والحمد الله ممتازه
بينما الكوري لو تبيه 90 ٪ من المعروض مستعمل والسعر ضعف سعر الدله الجديده بالرغم من جودة صناعة الاندنوسيه
الكل يرغب بالقديم نفسياً والبعض يعتقد جازم انه الاجود بالرغم من انه لم يجرب الجديد . بالنسبه لي حقيقتاً ارغب بالقديم اذا كان بحدود المعقول كرغبه فقط بتملك شي نادر بالسوق اما كجوده ودله ارى ان الجديده مثها مثل القديمه ولايوجد فرق نهائياً بينهما ..

[عفشك مكمل]

الاندنوسي والكوري والمعادن الي بالارض كلها وحده لكن العيب هو التاجر

هل جميع التجار يطلبون نفس المقاييس من اندونوسيا و تايلند والصين مثل ماكانو يطلبونها من كوريا ايام

الرخص ؟

حديث نفسي يقولك لا. لان الناس قامت تدور الرخيص ونادر الي يبحث عن الجودة.

وقضية النادر وحب اقتناء النادر طبعا بالمعقول هواية محببة مثلها مثل اي هواية ان شاء الله لا تلهي عن طاعة