لأصحاب الفورتشنر وش أفضل تانكي مويه الواقف ولا المنسدح ؟ وكم لتر؟

[سدرك]

وتتوقعون الفورتشنر 2012

فيه نفس الفتحة اللي خلف المرتبة الثانية يسقط فيها؟

[ana3883]

:) مادري والله وانا بعت الفورتشنر وانا اخوك :)

[حزم نجد]

انا ماعندي فورتشنر لكن امس فصلت تانكي المنيوم لموتري اف جي 2011

وحبيت اشارك علشان تنتبه من اسعار الالمنيوم اذا كنت بتفصل

الاسعار تختلف اختلاف جذري بين الورش

لأني امس فصلته بـ 800 ريال كاااامل مع العازل والتلبيسه للقماش
و مع الهوز والنقاص والحنفيه وقطعه البلاستيك الي تجي مربوطه بالسنه الداخليه

طبعاً ارتفاعه 10سم وعرضه 1متر وطوله 65سم = تقريبا 72لتر

وحصلت اسعار تتفاوت بين 1000 ريال و 800ريال

[أبو هشام راشد]

وتتوقعون الفورتشنر 2012

فيه نفس الفتحة اللي خلف المرتبة الثانية يسقط فيها؟
ليتك تأخذ اللي يركب على اكثر من سيارة ليس مفصل بالسنتيمتر على سيارة معينة واهتم باللي فيه قواطع تخفف من صوت الماء

[ابوريناد1979]

بقول لي رأي الشخصي والرأي للجميع
انا معي فورتشنر 2009 حاولت ابحث عن تانكي يثبت اسفل السياره مالقيت له محل. :(
والتوانك اللي بداخل السياره لازم تمد اللّي وترجعه (شغله) :looney: يعني لوبغيت توقف ونت ماشي مثلا تبي تتوضا سريع سريع :redcar: بتتعيجز تطلع اللّي وترده ، بعكس لما يكون التانكي برا السياره وبزبوزه ثابت .
الزبده : تانكي داخل السياره غير عملي ومايسوى تشتريه لأنه صار مثل الجركل بل بالعكس الجركل اخف تنزيل وتركيب ، خذ لك جركل عريض وقصير وانتهى الموضوع .
وتقبل مروري

[ابو سعد 77]

اي والله مثل ماقال ابو ريناد التانكي اذا كان برى السيارة يعني بالحوض يكون استخدامه مريح

واذا كان داخل السيارة مدد له حنفية عند الصدام الخلفي

تحياتي..

[بن نويشر]

انا معي فورنتشر موديل 2006 ومركب له تانكي ياخذ حوالي 98 لتر ومركبة خلف المرتبة الثانية وجاي راكب زي الحلاوة ، التانكي تلقاه عند البرية مخرج 14 (حي الريان) ملبس وجاهز والمنيوم وعلى كيف كيفك شاريه بـ 730 ريال ..


أرجو ان اكون وصلت لك المعلومة المطلوبة


تحياتي ،،،،،،،

[ابو مشعل2]

السلام عليكم ورحمة الله وبركاته

اخوي نصيحة لوجه الله لا تاخذ تانكي منسدح لاني جربتة للفورتشنر اللي معي وما نفع يسبب رجه وعدم توازن للسيارة النوع اللي اخذت من الزامل لونه بيج

[ابراهيم.1]

فورتشنر 2011

مركب تانكي الوطني 95 لتر بولي ايثيلين ب 190 ريال خلف المرتبة الثانية .. طبعا لازم تشيل المرتبة الثالثه

و2012 نفس 2011 من ناحية الفتحة اللي يسقط فيها ..

والله يوفقك

[فيصل مبارك]

انا معي فورنتشر موديل 2006 ومركب له تانكي ياخذ حوالي 98 لتر ومركبة خلف المرتبة الثانية وجاي راكب زي الحلاوة ، التانكي تلقاه عند البرية مخرج 14 (حي الريان) ملبس وجاهز والمنيوم وعلى كيف كيفك شاريه بـ 730 ريال ..



أرجو ان اكون وصلت لك المعلومة المطلوبة



تحياتي ،،،،،،،

زي ماقال اخوي ابو نويشر انا عندني فورتشنر 2007 ورحت للبرية ولقيت عندهم تانكي مقاس 90 لتر مبطن بقماش تنزاني وركبته وزي الفل وله لي طويل ياصل خارج الشنطة وله بزبوز خارجي وداخلي وفصلت عندهم تلبيسه للشنطة الخلفية لها مخابي على الجوانب وشغلهم نظيف

[هاوي موتري96]

السلام عليكم ورحمة الله وبركاته

اخوي معي فورتشينر 2006 مركب تانكي وطني واقف خلف المرتبه واعرف تقريبآ كم واحد مركبين نفس التانكي ولا احلى وبالنسبه لي انا ممدله لي خارجي عند الصدام الخلفي يسار ولا احلى الحمدلله

ولا طعم ولا ريحه

وراس مال الموضوع 200 ريال قيمة الخزان والله انا مجرب الالمنيوم في موتري الاول باترول وجربت الوطني سيم سيم

[سدرك]

شكرا للجميع

انا مريت الوطني فرعهم اللي في شارع خالد بن الوليد

وقالوا ما عندنا شي

وين نلقاه؟

وهل خزانات الزامل عندهم مثله؟

[سدرك]

وين نحصله يا جماعة الخير

[عبدالله......]

التانكي قبل العزبه وقبل كل شي مع احترامي لكل من يخالفني

وترا اموره سهالات بالحيل وانا اخوك

اذا ركبته خلف المرتبه الثانيه تخلي فتحت البزبوز على المرتبه الثانيه وتحط لي وتنزله من تحت المرتبه الثانيه وتخليه طالع مع الباب الخلفي

اذا جازت لك الفكرة وكنت صامل ما عندي مشكلة اصور لك الطريقة وانا اخوك

[كاسر البندق]

انا عندي فورشنر 2011
ومركب تانكي الوادي 90 لتر خلف المرتبة الثاني ومن ابدع مايكون
وحاط توصيله لي من عند باب الراكب الخلفي وباب الشنطه وممتاز
وطبعا صاقط في خلف المرتبه ومركب طبق وثابت ولا اشتكي من شي
وشاريه من الكشاته 425 ريال احسن من الوطني وعليه ضمان خمس سنوات