رحلتنا الى شعيب الحســـكي ... (( صــور )) 1-1-1427 هــ [الأرشيف]

مشاهدة النسخة كاملة : رحلتنا الى شعيب الحســـكي ... (( صــور )) 1-1-1427 هــ

المشذاب

01/02/2006, 12:08 PM

بسم الله الرحمن الرحيم

بدات رحلتنا من طريق حائل القديم ثم تجاوزنا قرية شري ( 109 كلم شمال بريدة ) ..

بعدين اتجهنا يمين عند مفرق الاجفر والخوير .. وصلنا الاجفر ثم اتجهنا يمين للخوير ..

وبعد ذلك انقطعت الطريق المسفلت .. ثم مسكنا طريق صحراوي يتجه الى قرية الزبيرة .. وقسنا المسافه بالقارمن تقريبا 51 كلم ..

ثم اضطرننا للتوقف عن المسير في الطريق الصحراوي لسوء المسحية وكثرة المطبات والظلام الدامس ..

اتجهنا يمينا للنفود لاننا نوينا نمرح الليلة ونكمل بكرا الى الزبيرة ..

وكان الجو بارد بعض الشيء وبدون اي رياح تذكر .. والسماء صافية ..

صحينا الساعه الخامسة والنصف تقهوينا وافطرنا ويوم اسفرت الشمس تعجبنا من فزة الربيع التي تبشر بالخير ..

وهذه الصورة السابعه صباحا لمكان قعدتنا..
http://www.lo7a.com/up/uploads/a82d8af29e.jpg

ثم انطلقنا باتجاه الزبيرة وصلناها حوالي التاسعه صباحا ..

اخذنا اغراض من المحطه ثم اتجهنا الى شعيب الحسكي حوالي 20 كلم عن الزبيرة ..

وصلنا شعيب الحسكي وكان الربيع متوسط ومايحتاج الا لرشة مطر خفيفه ..

ماوجدنا الا مخيم صغير لاحد الكشاته وسيارة مرت الساعه الثانية ظهرا . وبعض مراحات الغنم والبعارين ..
وكان التواجد القليل من الكشاته لظروف الامتحانات وبعد المسافه و وعورة الطريق مقارنة بسامودة او ام عشر التي لم نفضل الذهاب اليها بسبب كثرة مرتاديها وماسمعنا عن تحويلها لمحمية ..

وهذه بعض الصور من الشعيب ..
http://www.lo7a.com/up/uploads/9f7bd21b06.jpg

http://www.lo7a.com/up/uploads/42648af91a.jpg

http://www.lo7a.com/up/uploads/03844f4301.jpg
واخيرا قررنا العودة من طريق اخر .. وهو طريق قبة مرورا بالبعيثة ..

اتجهنا الى الزبيرة واخذت رقم جوال الثريا من الباكستاني اللي بالمحطه حتى اتصل عليه كل فترة واسأله عن الامطار ..
لان الربيع في الشعيب مشجع عند اي رشة ..

ثم توجهنا الى قبة ومسكنا طريق صحراوي حوالي 120 كلم الى قبة .. ومن ثم الى بريدة .. عائدين الى عنيزة ..

اخيرا نتمنى من الله ان يرزقنا السيل والامطار .. ادعوا الله ياشباب ..

ابو شكاع

01/02/2006, 12:17 PM

المشذاب

يامال العافية على الشرح الوافي والصور الجميلة

بس تقلن الصور شويات

عموما ... وفيت وكفيت ...والسؤال الي يطرح نفسه هو ... كم المسافة من الأجفر والخوير لحد الشعيب

وهل يعتبر هذا أقرب الطرق للحسكي أو لا

اقصد طريق الأسياح قبة ما يعتبر أقرب

وسلامتك

المشذاب

01/02/2006, 12:23 PM

حياك الله اخوي ابو شكاع

بس تقلن الصور شويات

مهيب عادتي لكن بسبب الصخونه والانفلونزا اللي اصابتني فجاة وهدت حيلي .. وغديت ضراوي مغير تسدح بالفرشة ..

كم المسافة من الأجفر والخوير لحد الشعيب

وهل يعتبر هذا أقرب الطرق للحسكي أو لا

اقصد طريق الأسياح قبة ما يعتبر أقرب

والله يبو شكاع طريق قبة اسرع .. لكن نحن نفضل المجيء من طريق والعودة من طريق آخر ..

والمسافه من الاجفر الى الخوير لا اذكرها ..

ولكن من الخوير الى الزبيرة 51 كلم قطوع بالقارمن ..
ومن الزبيرة الى الشعيب تقريبا 25 او عشرين ..

هذا ما اتذكره اخوي ابو شكاع والعذر ان كان هناك خطأ ..

شكرا لردك الكريم ..

ابو شكاع

01/02/2006, 01:09 PM

مهيب عادتي لكن بسبب الصخونه والانفلونزا اللي اصابتني فجاة وهدت حيلي .. وغديت ضراوي مغير تسدح بالفرشة ..

ماتشوف شر وأنا أخوك ... وأن تسانك تبي أجي أوديك للصحية تراي منب بعيدعنك
<<< مهوب نصاب أبد ههههههههه
اسأل الله لك الصحة والسلامة الدائمة
وماقصرت على الإجابة
ودمت بخير
أخوك أبو صالح

ابوذيب

01/02/2006, 01:11 PM

ماقصرت والحمد لله على السلامه ، هذي تعتبرر تطعيمه وتقويه للمناعه ،،ليتك حول الشيح او القيصوم كان اخذت علاجات طازجه للصدر والمعده

تحياتي يالمشذاب

كروكي

01/02/2006, 01:15 PM

ماتشوف شر ، ما شاء الله حار بحار رحتو امس وعلى طول صور جميلة جداً من شباب حريصين على المشاركه وماتشوف شر.

ربيق

01/02/2006, 01:54 PM

ما شاء الله صور
جميلة
والحمد لله على السلامة
.
وطهور إن شاء الله ، ما تشوف شر
.

صـــقر نجـد

01/02/2006, 02:32 PM

ما تشوف شر أهم شي إستانستوا

أبوأحمد98

01/02/2006, 02:55 PM

الله يعطيك العافيه (المشذاب)صور جميله وتعليق اجمل ..وما تشوف شر

(ابوسعد)

01/02/2006, 05:25 PM

الف شكر على الصور الجميلــــــــــــــة

والله يرزقنا المطر

أبرق الضيان

01/02/2006, 05:45 PM

مشكور يالمشذاب على الصور الزينة

و الخيمة اللي تقول إن كان لونها بني فاتح فهي خيمة ( رسلان ) !!

المشراق

01/02/2006, 06:47 PM

طهور ونور إن شاء الله وماقصرت شرح وصور عيني عليك باردة ومرة ثانية عليك بالليمون أبو زهيرة قطعه نصفين وأطبخه مع الكمون في قليل من الماء وإشرب منه كاس ثلاث أو اربع مرات في اليوم ولو حصل معهن حبتين بنادول يكون أفضل وسلامتك وهذي نصيحة للكشاته لاتخلون الليمون في الكشته والكمون0

الفارس1

01/02/2006, 11:48 PM

مشكوووووووور

أخوي المشذاب على التقرير الجميل والصور الرائعة

ونسأل الله الكريم أن يغيثنا

والحمد لله على سلامتك وطهور إن شاء الله

أخوك / الفارس1
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ

:no2: لا لا لا للمنتجات الدنماركية وإلى الأبد

جمران

01/02/2006, 11:54 PM

أخي المشذاب رحلة موفقة وتقرير رائع

عن شعيب الحسكي ..وطهور إن شاء الله

ماتشوف شر يالغالي..

ننتظر تقارير ومواضيع أكثر

مستقبلاً

بارك الله فيك