(البرادو والسيارات العائلية) منكم النصيحة ومني الدعاء [الأرشيف]

مشاهدة النسخة كاملة : (البرادو والسيارات العائلية) منكم النصيحة ومني الدعاء

A G

26/09/2011, 04:55 PM

السلام عليكم ورحمة الله وبركاته
الأحبة الكرام،:s
اسعد الله اوقاتكم ومن تحبون بكل خير
بعد شكر الله ، ثم شكركم على ما تبذلونه من جهد ووقت في هذا المنتدى الرائع :good2:،
وبعد جولة طويلة مابين وكالات السيارات والمعارض والمنتديات لشراء سيارة عائلية ، وقع اختياري على البرادو الجديد الذي تتوفر فيه اغلب المواصفات التي تلبي احتياجاتي ، اضع بين ايديكم بعض التساؤلات التي لم اجد لها اجابات شافيه ، وكلي ثقه بأنني سأجد الجواب الكافي لديكم .
مع الشكر والتقدير لجميع الأعضاء والزوار .
1- هناك من يفضل السيارات الخليجي على السعودي ، هل تنصحون بشراء الخليجي ولماذا ؟ وهل يمكن صيانة الخليجي تحت الضمان لدى عبداللطيف جميل ؟
2- نصحني موظف الوكاله (عبداللطيف جميل) بأن انتظر موديل 2012 الذي سوف يصل قريباً (يوجد فرق في السعر عن موديل 2011 يتراوح بين 3000-7000 ريال:f:f)، فهل هناك أي معلومه مؤكده عن المواصفات الجديده في برادو 2012 ؟
3- تكلفة إضافة شاشة الملاحة (وكالة) للبرادو TXL2011 حوالي 5500 ريال :f:f، وفي حالة تركيب شاشة من خارج الوكالة فإن ضمان (الكهرباء !!!) يُلغى ، سؤالي : ماهي أفضل اجهزة الملاحة المتوفرة في السوق وكم سعرها، والتي يمكن نقلها من سيارة إلى أخرى دون أي تغيير في ديكور السيارة ، ويمكن استخدامها في البر والمدينة وتشمل خرائط دول الخليج ؟
4- اختلفت الآراء في المنتديات !! عن افضل الوسائل لنقل شنط السفر أو اغراض الرحلات (دون طي مقاعد الصف الثالث ) بين من يثني على الشبك الخلفي الذي يتم تثبيته خلف السيارة ، ومن يحذر منه ويوصي باستخدام القلص (المقطوره) ، وهناك من لديه القوه والطول المناسب ( ماشاء الله تبارك الله) ويقترح وضع العفش وتثبيته على العوارض السقفية أعلى السيارة ، فما نصيحتكم ولماذا ؟؟

مجنون نحم

26/09/2011, 05:22 PM

سلكي نت

26/09/2011, 08:16 PM

على البركة

صاحب مبدا

26/09/2011, 08:33 PM

على البركة اشاء الله يعطيك خيرة ويكفيك شرة خذ (نصيحة لوجة الله لاتخذ سياارة الى انت مقتنع فيهاا ودخلة خااطرك اناس تبي تجي الحين ويقولو مو زين رح خذ السيارة الفلانية) والخ هههه جااااء دوري اقولك ان البرادو عملي لكن ليس له شعبية واااجدة ج1 يفضلونة عشانة الاكسورات الدخلية والمسجل اصلية اما السعودي تجي صيني بس بجودة عالية اما الضمان اضن انوو ماااا يضمن لك عبداللطيف الى السيارة الي شارية منوو اما المديل لا اعلم الجواب الثالث بعد لا اعلم اما عن السلة اناا انصحك انك تااخذ ازين من طي المراتب الاخيرة لكي يكوون فية مسااحة اكبرررررر

ALBDRANE

26/09/2011, 08:43 PM

البرادو سعره مبالغ فيه شوي أما الاستخدام أشوفه مناسب وعملي وقليل الاعطال ومناسب للعائلة الصغيرة فقط

ابولؤي الشريف

26/09/2011, 08:51 PM

صلي استخاره والله يسهلك الي فيه الخير انا عندي برادو وحقيقه سياره جدا عمليه وطيبه والكويتي يجي تانكيين والاسبير علاقي والله يوفقك

A G

26/09/2011, 09:55 PM

اخوي والله البرادو استغفر الله قبيـــــح الشكل اعوذ بالله والله اني الحين افكر ناوي اشتري جيب باذن الله ومحتار بين الاف جي والاند طبعا 2011 والبرادو ما فكرت فيه مجرد تفكير !!

نصيحتي ابعد عنه انا عارف انه عملي وجيد ولكن الشكل مهم مهم مهم اذا كنت بتاخذ TXL زدها وخذ جكسار والله انه شيخ

http://www.almlf.com/get-3-2011-almlf_com_qdpaw6iu.jpg

اعوذبالله

ولك الاختيار !

أخي الكريم ، احترم رأيك واشكرك على النصيحه وسرعة الرد والمشاركه
الاف جيه ممتاز لكنه غير مناسب للعائلة ، والجي إكس آر ماعليه كلام شيخ ونص بس الميزانيه ما تسمح
جزاك الله خير على النصيحه مره أخرى ، ولا تحرمنا من مشاركتك في الموضوع
وفي انتظار مشاركة وآراء باقي الأعضاء الكرام

على البركة

جزاك الله خير
بارك الله لك في مالك وولدك

على البركة اشاء الله يعطيك خيرة ويكفيك شرة خذ (نصيحة لوجة الله لاتخذ سياارة الى انت مقتنع فيهاا ودخلة خااطرك اناس تبي تجي الحين ويقولو مو زين رح خذ السيارة الفلانية) والخ هههه جااااء دوري اقولك ان البرادو عملي لكن ليس له شعبية واااجدة ج1 يفضلونة عشانة الاكسورات الدخلية والمسجل اصلية اما السعودي تجي صيني بس بجودة عالية اما الضمان اضن انوو ماااا يضمن لك عبداللطيف الى السيارة الي شارية منوو اما المديل لا اعلم الجواب الثالث بعد لا اعلم اما عن السلة اناا انصحك انك تااخذ ازين من طي المراتب الاخيرة لكي يكوون فية مسااحة اكبرررررر

الله يجزاك خير ، ويرزقنا واياكم من واسع فضله ويصرف عنا كل شر
بصراحة أنا بعد البحث والسؤال لقيت إن البرادو اكثر سيارة تناسب احتياجاتي وعلى قد الميزانيه
بالنسبة للخليجي إذا ما يغطيه ضمان ابوجميل معناه إني اصرف نظر عنه ونرضى بأبو جميل
أما السلة فأنا متردد بينها وبين القلص ومنتظر رأي باقي الاخوه
شاكر لك مره أخرى

البرادو سعره مبالغ فيه شوي أما الاستخدام أشوفه مناسب وعملي وقليل الاعطال ومناسب للعائلة الصغيرة فقط

فعلاً السعر مبالغ فيها ، لكن عموماً اسعار السيارات كلها مبالغ فيها عندنا والصيانة عليها ألف علامة استفهام ، لكن الله المستعان
جزاك الله خير

صلي استخاره والله يسهلك الي فيه الخير انا عندي برادو وحقيقه سياره جدا عمليه وطيبه والكويتي يجي تانكيين والاسبير علاقي والله يوفقك

الله ييسر لنا ولك كل خير، مالنا غنا عن الاستخارة ،
والله يطمنك أنا محتاج نصائح وتجارب مالكي البرادو من امثالك ، وإذا بالامكان تفيدنا عن جهاز الملاحه وسلة العفش إذا كنت تستخدمها
وبالنسبه لميزة تانكيين ، ميزه رائعه جداً والمفروض تكون اساسيه في كل سيارات الدفع الرباعي عندنا نظراً لمساحة المملكه
شاكر ومقدر لك المشاركه

Hwer

26/09/2011, 10:07 PM

اختيار موفق توكل على الله

سرطوقا

26/09/2011, 10:14 PM

اختيار مناسب

وفقك الله

عاشق السيل

26/09/2011, 10:17 PM

sameer_1798

26/09/2011, 11:17 PM

الله يوفقك ويبارك لك
اعتقد اذا الفرق بالتانكيين عن الخليجي كني شفت مره في كتالوج عبداللطيف ان عندهم بالتانكيين اسئلهم ازين لك
وبالنسبة لشاشة الملاحة لاتفكر فيها مالها داعي تدفع اكثر من 5000 على هذه الشاشة اللي خرائطها ماهي متوفرة إلا عند الوكيل ومبلغ غالي طيع شوري خذ لك جارمن نوفي بأقل من الف ريال وفيه خرائط العالم كلها ومجاناً تركيبها سهل والملاحة على هذه الاجهزة اسهل من السهل الجهاز يتلصق على القزاز وتنقله بين سياراتك وبعضها في بلوتوث و مشغل صوتيات شوفه بتوقيعي (أعلى جهاز )
شوف هذا الرابط يفيدك اكثر :
http://mekshat.com/vb/showpost.php?p=4602597&postcount=2

Abo gssar

26/09/2011, 11:59 PM

بالنسبة للشكل المسالة مثل ماذكروا الاخوان اذواق اذا كان عاجبك من هذه الناحية توكل على الله وخذه.
لان من ناحية الاعتمادية يعتبر عملي على كلام ملاكه وايضا لاتنسى انه يمسك سعره بحكم انه تويوتا .
لاتنسى الاستخارة

محمدالعريني

27/09/2011, 12:08 AM

اخوي انا عن نفسي ما اقتنعت منه
لكن كل واحد وله نظره
مع العلم اني سقته في خط طويل من ناحية العزم ماشاءالله شي خيالي لكن عندي ملاحظه في المنعطفات مخيف نوعا ما خاصه للسرعات فوق 140لازم تثبت الموتر صح هذا بحكم انا رفيع البودي وليس بعرض كافي مستطيل الشكل
واذا كانك صملت عليه ان انصحك نصيحه لوجه الله لاتاخذ عبداللطيف جميل ابد ابد ولا تفكر
رح للكويت او الامارات صراحه منظر الاسبير العلاق غير والتانكيين ميزه مالها ثمن ابد
تخيل واحد من الشباب معه ابو تانكيين يقول اعبي فل يمشي فوق 900 كيلو
وبالنسبه للضمان وكالت تويوتا نصابه كل تشيكه بياخذ منك مالا يقل عن 600 ريال قيمة التشييك ولو تحسبها كل شهر تشيك لمدة سنه 7200 ريال وترا الوكاله الان لازم تشيك معهم في الجدول الدوري لو ماتروح كل 5 الاف ويجيك مشكله يقولك ضمانك لاغي لانك ماتشيك دوري
وانا اضمن لك بعد الله سبحانه وتعالى انك تمشي 100 الف ما طلب منك تصليح
ترا الوكالات عندنا زي عدمها
واذا معزم تقدر تفتح له ملف عند ابو جميل ب حوالي 2600 الى 3330 عشان يشمله ضمانه
اعيد واكرر الخليجي غير غير غير
والله يوفقك وييسر امرك

أرمادا

27/09/2011, 12:46 AM

شوف يا عزيزي البرادو خطير انا سقت موديل 2007 كنت باخذ مخرج كبري وهديت بقوه شوي ولفيت بالموتر بدخل المخرج لولا ستر الله علينا كان انقلبنا .. ( مع اني بالارمادا اخذ اللفه عااادي ومتوعد بس خوفني البرادو ) الصراحه موتر خطير خطير اتوقع مثل توازن الربع يقلب بسرعه ..

انا بعطيك رايي وبس ..

سعره مباااااااااااااالغ فيه ولا يستاهل الصراحه مافيه شي .. عندك خيارات بقيمته تقدر تاخذ

* يوكن
* ارمادا
* باترول سياحي << مع انه سياحي لكن ممكن افضل واكثر تقنيه
*اكسبدشن

اعتذر طلعت برا موضوعك بس حبيت اعطيك رايي وشاور قبل لا تشتري

أميرالعشاق

27/09/2011, 01:04 AM

وعليكم السلام ورحمة الله وبركاته
والله يا أخي أنت طلبتنا النصيحة وحملتنا أمانه..
فأنصحك....لا تتسرع بالشراء ..ما زالت أسعار السيارات مبالغ فيها...
أصبر شهر أو شهرين وبإذن الله بتنزل قيمة السيارات...
والله يرزقك بالسيارة اللي تتمناها وبالسعر المناسب

A G

28/09/2011, 12:51 AM

اختيار موفق توكل على الله

أخي Hwer
شاكر لك مشاركتك وجزاك الله خير

اختيار مناسب

وفقك الله

أخي سرطوقا
نسأل الله الخيره الطيبه لنا ولك ، وأن يوفقنا وإياكم لما يحب ويرضى

ههههههههههه بس علشان أثبت لك إن الناس مزاجات والأذواق تختلف ،،
أنا برضو ما أعجبني البرادو من ناحية الشكل لكنه أفضل بمليون مرة من شكل الأف جي !!!! :D ولولا اختلاف الآراء لبارت السلع ،، تحية عطرة لك يالغالي ..

أخوي صاحب الموضوع ... الله يوفقك للي فيه الخير والصلاح وألف مبروك مقدما ....

أخي عاشق السيل
اتفق معك بأنه لولا اختلاف الاذواق لبارت السلع ،
بارك الله فيك ، لك مني اجمل تحيه معطره بالود والشكر ، وجزاك الله خير على الدعوه الطيبه ولك مني مثلها وأكثر

اخوي على البركة والله يعطيك خيره ويكفيك شره
مثل ماقالو الى قبلي مابعد علمهم علم ... بسسس ..... لا تشتري الا وانت مقتنع قناعة كاملة بسيارة
واشوف البرادو بنسبة لى عملي وشكلة مقبول ويكفيك انه أخو الاند بنسبة للسعر عند البيع

الأخ ابويزيد1
بارك الله فيك وجزاك كل خير
علمك وأياهم غانم ، وبالنسبه لي البرادو الجديد هو افضل الإختيارات اللي تناسبني ، والسعر عند البيع أحد مميزاته

الله يوفقك ويبارك لك
اعتقد اذا الفرق بالتانكيين عن الخليجي كني شفت مره في كتالوج عبداللطيف ان عندهم بالتانكيين اسئلهم ازين لك
وبالنسبة لشاشة الملاحة لاتفكر فيها مالها داعي تدفع اكثر من 5000 على هذه الشاشة اللي خرائطها ماهي متوفرة إلا عند الوكيل ومبلغ غالي طيع شوري خذ لك جارمن نوفي بأقل من الف ريال وفيه خرائط العالم كلها ومجاناً تركيبها سهل والملاحة على هذه الاجهزة اسهل من السهل الجهاز يتلصق على القزاز وتنقله بين سياراتك وبعضها في بلوتوث و مشغل صوتيات شوفه بتوقيعي (أعلى جهاز )
شوف هذا الرابط يفيدك اكثر :
http://mekshat.com/vb/showpost.php?p=4602597&postcount=2

أخي سمير،
بيض الله وجهك وكثر من أمثالك ،
امر الوكاله الاسبوع القادم بإذن الله ، واسألهم عن التانكيين ، إذا كان متوفر وما يفرق كثير بالسعر ، توكلنا على الله واخذناه ، ولا استغنينا عنه .
بالنسبة لأجهزة الملاحة ، يعلم الله إنك ماقصرت (لكن اخوك غشيم)، ومن بدأ بالمكارم فليتمها ، ابغى فزعتك ترشح لي جهاز وتعطيني اسمه (لطفاً لا امراً، مع المواصفات والسعر)، يعتمد عليه داخل المدن ، ويجمل في البر عند الطوارئ ، ويغطي دول الخليج ، مقاوم للصدمات وللماء ( وأي مواصفات أخرى تراها مهمه) حتى لو ارتفع السعر شوي.
ما شاء الله تبارك الله ، الجهاز اللي في توقيعك حجمه وشكله مناسب ، الله يعطيك خيره ويكفيك شره
شاكر ومقدر لك اهتمامك ، وجزاك الله عنا كل خير

بالنسبة للشكل المسالة مثل ماذكروا الاخوان اذواق اذا كان عاجبك من هذه الناحية توكل على الله وخذه.
لان من ناحية الاعتمادية يعتبر عملي على كلام ملاكه وايضا لاتنسى انه يمسك سعره بحكم انه تويوتا .
لاتنسى الاستخارة

أخي صادق الوعود،
سلامٌ على الدنيا إذا لم يكن بها صديق صدوق صادق الوعد منصفا
جعلنا الله وأياكم ومن يقرأ ممن يكتب عند الله صديقاً ،
البرادو اللي يمدحونه أكثر من اللي يذمونه واغلب اللي يذمونه بسبب عبداللطيف جميل الله يهديه ، والاستخاره أهم خطوه .

اخوي انا عن نفسي ما اقتنعت منه
لكن كل واحد وله نظره
مع العلم اني سقته في خط طويل من ناحية العزم ماشاءالله شي خيالي لكن عندي ملاحظه في المنعطفات مخيف نوعا ما خاصه للسرعات فوق 140لازم تثبت الموتر صح هذا بحكم انا رفيع البودي وليس بعرض كافي مستطيل الشكل
واذا كانك صملت عليه ان انصحك نصيحه لوجه الله لاتاخذ عبداللطيف جميل ابد ابد ولا تفكر
رح للكويت او الامارات صراحه منظر الاسبير العلاق غير والتانكيين ميزه مالها ثمن ابد
تخيل واحد من الشباب معه ابو تانكيين يقول اعبي فل يمشي فوق 900 كيلو
وبالنسبه للضمان وكالت تويوتا نصابه كل تشيكه بياخذ منك مالا يقل عن 600 ريال قيمة التشييك ولو تحسبها كل شهر تشيك لمدة سنه 7200 ريال وترا الوكاله الان لازم تشيك معهم في الجدول الدوري لو ماتروح كل 5 الاف ويجيك مشكله يقولك ضمانك لاغي لانك ماتشيك دوري
وانا اضمن لك بعد الله سبحانه وتعالى انك تمشي 100 الف ما طلب منك تصليح
ترا الوكالات عندنا زي عدمها
واذا معزم تقدر تفتح له ملف عند ابو جميل ب حوالي 2600 الى 3330 عشان يشمله ضمانه
اعيد واكرر الخليجي غير غير غير
والله يوفقك وييسر امرك

أخي محمد العريني
رأيك احترمه وعلى عيني ورأسي ، لكن اتوقع أنه لا توجد أي سيارة كامله تلبي كل الطلبات ولا يوجد بها سلبيات أو ما تحتاج كماليات ، بالنسبه لي البرادو يلبي اغلب احتياجاتي (رغم تحفظي على السعر)
والحقيقه كثير من الشباب يحذروا منه في المنعطفات (نسأل الله أن يحفظنا واياكم ومن يقرأ ويكفينا شر السيارات والطرق)
ودي اسألك عن المقاعد ، بحكم إنك سقته خط طويل ، رأيك فيها هل تعتبر مريحه كسياره جيب .
بالنسبه للضمان أنا معاك إن الوكالات عندنا سكينهم لها حدين لكن نقول حسبنا الله ونعم الوكيل ،واللي أعرفه إن الصيانه تكون حسب الممشى يعني بعد الألف كيلو وبعدين خمسه أو عشره الآف ، ماهو شهرياً (ياليت تصحح لي المعلومه إذا كنت غلطان)، وعموماً أنا سألت موظف في الوكاله عن ملف الصيانه المدفوع القيمه مقدماً ، لكن الموظف يقول مايعرف عنه شئ رغم إنه مذكور في موقعهم.
الله يجزاك عنا كل خير ،

شوف يا عزيزي البرادو خطير انا سقت موديل 2007 كنت باخذ مخرج كبري وهديت بقوه شوي ولفيت بالموتر بدخل المخرج لولا ستر الله علينا كان انقلبنا .. ( مع اني بالارمادا اخذ اللفه عااادي ومتوعد بس خوفني البرادو ) الصراحه موتر خطير خطير اتوقع مثل توازن الربع يقلب بسرعه ..

انا بعطيك رايي وبس ..

سعره مباااااااااااااالغ فيه ولا يستاهل الصراحه مافيه شي .. عندك خيارات بقيمته تقدر تاخذ

* يوكن
* ارمادا
* باترول سياحي << مع انه سياحي لكن ممكن افضل واكثر تقنيه
*اكسبدشن

اعتذر طلعت برا موضوعك بس حبيت اعطيك رايي وشاور قبل لا تشتري

أخي ارمادا ،
رأيك على العين والرأس
نسأل الله أن يحفظنا واياكم ومن يقرأ ويكفينا شر السيارات والطرق
السيارات اللي ذكرتها ماعليها كلام وكل سياره منهم تقول الزود عندي
لكن أنا احتاج السياره أحيانا كثيره في مناطق جبليه غير معبده ، واليوكن والاكسبدشن والارمادا ما اعتقد إنها افضل الإختيارات في المناطق الجبليه ، والباترول الجديد سعره أغلى من البرادو بكثير.
اكرر، رأيك على العين والرأس ، والموضوع موضوعك الله يحييك أي وقت ، وجزاك الله كل خير

وعليكم السلام ورحمة الله وبركاته

والله يا أخي أنت طلبتنا النصيحة وحملتنا أمانه..
فأنصحك....لا تتسرع بالشراء ..ما زالت أسعار السيارات مبالغ فيها...
أصبر شهر أو شهرين وبإذن الله بتنزل قيمة السيارات...

والله يرزقك بالسيارة اللي تتمناها وبالسعر المناسب

أخي أمير العشاق،
أيا معشر العشاق بالله خبروا .... إذا حل عشق بالفتى كيف يصنع ؟ :j
الله يسمع منك وتنزل اسعار السلع كلها مو بس السيارات ، للأسف الاسعارعندنا نار وتقول هل من مزيد ، وتجارنا ما يقنعوا بمربح خمسين ولا حتى مائه في المائه ، إذا ما كان المربح أكثر من مائتين في المائه يعتبروا نفسهم خسرانين.
الله يجزاك عنا كل خير ، ويرزقنا وأياكم من واسع فضله ،

ابو محمد 2011

28/09/2011, 01:05 AM

ما ادري عن شاشة البرادو
بس لو تطلب شاشة للاندكروزر قالوا بـ 5000 بدون جي بي اس
وتلقى بره شاشة اطلق من الوكاله بالف مره
بالكثير 3500

محمدالعريني

28/09/2011, 01:44 AM

حياك الله يالغالي
بالنسبه لمراتبه السواق والراكب الامامي مريحه وما اتعبتني
لاكن المرتبه الثانيه ما قدرت ارتاح فيها نهائيا احس انه ظيق خصوصا في السفر تمل
الا اذا كان اللي بيركب في االخلف صغار سن معقوله
وبالنسبه للصيانه انا اقصد كل شهر لان اغلب الناس الان وخصوصا في الشتاء والاجازات الصيفيه اقل شي في الشهر 5 الاف كيلو يعيني لابد كل شهر او شهر ونص تشييكه ب ذيك العده 600 ريال وفيها تزود بعد
وبالنسبه لملف الضمان انا متاكد انك تقدر تفتح عندهم رح لمركز كبير وادخل على مدير الصيانه وبيفيدك
وارجع واذكرك ابعد عن السعودي ابو اسبير تحت وبتدعيلي ان شاالله
وفقنا الله واياك لما يحب ويرضى ويسر الله امرك

A G

01/10/2011, 12:21 AM

ما ادري عن شاشة البرادو
بس لو تطلب شاشة للاندكروزر قالوا بـ 5000 بدون جي بي اس
وتلقى بره شاشة اطلق من الوكاله بالف مره
بالكثير 3500

أخي ابومحمد 2011
شاشة البرادو في الوكالة تكلف 5500 ريال ، وفي حالة تركيب شاشة من خارج الوكاله يلغى الضمان !!!
لكن ابشرك أخونا sameer_1798 حل المشكله واقترح علينا أجهزة القارمن ، وإن شاء الله يسمح وقته ويكمل جميله ويرشح لنا جهاز يجمل .

شاكر لك مشاركتك .

حياك الله يالغالي
بالنسبه لمراتبه السواق والراكب الامامي مريحه وما اتعبتني
لاكن المرتبه الثانيه ما قدرت ارتاح فيها نهائيا احس انه ظيق خصوصا في السفر تمل
الا اذا كان اللي بيركب في االخلف صغار سن معقوله
وبالنسبه للصيانه انا اقصد كل شهر لان اغلب الناس الان وخصوصا في الشتاء والاجازات الصيفيه اقل شي في الشهر 5 الاف كيلو يعيني لابد كل شهر او شهر ونص تشييكه ب ذيك العده 600 ريال وفيها تزود بعد
وبالنسبه لملف الضمان انا متاكد انك تقدر تفتح عندهم رح لمركز كبير وادخل على مدير الصيانه وبيفيدك
وارجع واذكرك ابعد عن السعودي ابو اسبير تحت وبتدعيلي ان شاالله
وفقنا الله واياك لما يحب ويرضى ويسر الله امرك

هلا وغلا والله
شاكر لك أخوي محمد اهتمامك ، طيب الصف الثالث عند طيه يختفي تماماً مثل الإكسبيدشن ولا يكون بارز ؟
لأني للأسف رحت مرتين للوكاله ومالقيتهم عارضين البرادو !!!!
وبالنسبه للصيانه أنا في انتظار موديل 2012 وبعد كذا نروح نتناحل معاهم على موضوع الضمان ،ولا الله يعين ندور لنا ورشه ممتازه نتابع معها الصيانه العاديه مثل تغيير الزيوت .
شاكر لك مره أخرى ، والله يجزاك عنا كل خير .

أبو محمد 3113

01/10/2011, 12:45 PM

ali6000

01/10/2011, 06:04 PM

يا اخي توكل علي اللة البرادو عندي الافضل حتي الاند توفيير في الوقود ما في اعطال خاصة اذا في ٢ تانكي وقود ما تحاتي البنزين اما اللي يقول ينقلب عند المنحي فا انت راعي عائلة وارجو عدم السرعة والحافظ اللة والبر بعد شيخ ما تهمك الطوس الكلام حسب تجربة عندي برادو من ١٠ سنين وقادر اخذ اي سيارة ثانية وخل مهايط بعض الربع موتر ما علية حسوفة وسعرة فية تحياتي

A G

04/10/2011, 10:09 PM

الصراحة موتر حلو جدا وقوي ويبيض الوجه ويتحمل وفيه مواصفات كثيرة طبعاً ال vx وعن تجربه في النفود ماشاء الله مايقول لا وفي الخط مامثله وشكله مقبول ويكفي ان فيه مانع الانزلاق غير ال abs يعني الموتر مايزحف على جنبه وفيه توازن السيارة على هدروليك في المنعطفات مايميل ازود من اللزوم ,وفيه مساعد المنحدرات يعني تنزل مع نزله وتضغط الزر وتشغل الدبل الثقيل وتخلي الموتر ينزل لحاله ويربط فرامل لحاله ومساعد الطلوع من التغريز

فيه ميزات ماتلقاها في الجي اكس ار هذا الي مخلي سعره غالي

وبنسبة للمراتب تختفي تحت يعني تحمل عفشك عليها بس مشكلتها تاخذ مكان كبير بالسيارة وأنا عن نفسي فكيتها وارتحت صار الموتر ياخذ عفش واجد وركتب بدالها تانكي ماء اصغر من حجم المرتبه افضل

وأي استفسار ابشر

يا اخي توكل علي اللة البرادو عندي الافضل حتي الاند توفيير في الوقود ما في اعطال خاصة اذا في ٢ تانكي وقود ما تحاتي البنزين اما اللي يقول ينقلب عند المنحي فا انت راعي عائلة وارجو عدم السرعة والحافظ اللة والبر بعد شيخ ما تهمك الطوس الكلام حسب تجربة عندي برادو من ١٠ سنين وقادر اخذ اي سيارة ثانية وخل مهايط بعض الربع موتر ما علية حسوفة وسعرة فية تحياتي

الأحبه عاشق المهدية / ALI6000
في البدايه اسمحوا لي أن اعتذر عن التأخير في الرد
بيض الله وجيهكم وحفظكم من كل شر ، والله أنا عاجبني الموتر وكلامكم يبرد الصدر ويطمني بزياده ، أنا كنت ناوي انتظر موديل 2012 لكن الظاهر إني بتوكل على الله واخذ TXL2011 بعد المواصفات الجديده ( قبل لا يهون أبو جميل )

http://www.mekshat.com/pix/upload05/images228/mk223941_prado%20......jpg