(( .. مسح القسائم المدبله .. )) هذا ماحدث للفائده

[مزون المدينه]

السلام عليكم ورحمة الله وبركاته


بالامس كنت اتحدث مع احد الاقارب


وتحدث معي عن تدبيل القسائم


وقالي انه الان يمكنك الذهاب الى مركز المرور


ومسح الدبل اللي عليك ... وقالي أنه أخبر أحد اقاربه


بهذا الخير ثم ذهب الى مركز المرور ومسح المبلغ المدبل عليه ... هذا ما حدث 100%


واخبرني أن هذا النظام تم إطلاقه قبل فترة ولكن لم ينتشر بين وسائل الاعلام


هذا مالدي للفائده


أخوكم مزون المدينه

[WWS]

نفس مآسمعت برضؤه ’’ عشآن تكلمؤ به آلمشآئخ ؤ آلعلمآء ,, آن فيه مكتب بآلمرؤر عشآن هآلشيء للي يجآدلهم ؤ ينشب لهم ترجع لؤضعهآ آلآسآسي ؤ لآ آعلنؤ عنه بآلمره
ؤ آسم آلمكتب آؤ آلقسم آن مآخآب ظني ( قسم آلفصل بآلمخآلفآت )
ؤ رآح ينتشر آلخبر آصبر له شؤي

هذآ ؤ الله آعلم

[التركوازي]

الحمد لله ماعلي قسايم

بس بخبر اللي عليهم

وفقك الله خبر حلو

[«نجم الخير»]

مع الاسف قبل كم يوم كاش لهم 2000 ريال كلها تدبيل والي يقطع القلب انها ترصد لكن الحساب يوم الحساب

[ابو ضافى]

وعليكم السلام ورحمة الله وبركاته
بارك فيك يا مزون المدينه
على هذا الخبر
ألـــف شكر لكـ

[saad.jed]

والله مااسامحهم لا حكومه ولا مسولين من اكبر واحد لاصغرهم اللي وافق عليه واللي اقترحه اطلعها يوم القيامه من عند رب العالمين ان شاء الله يارب

[أرمادا]

الله يجزاك خير على الخبر ...

[الشهابة]

ياليت يعاد النظر في موضوع رفع الحد الأدنى المخالفات المرورية وزيادتها للحد الأعلى وخصوصاً من الناحية الشرعية

[عبدالعزيزالثبيتي]

بارك الله فيكاخوي مزون المدينه
على هذا الخبر

[sgl2002]

لا أحد يشتكي من نظام ساهر

امش مضبوط ولا يتعرضك

بس انتو تبونها سرعه وفله وقسائم مخفضة

[المميـز]

:

فعلاً انا سمعت عن هذا الخبر

ولكن لم اتأكد بنفسي حتى الان

الله يجزاك خير على الموضوع

:

[احترت مع زماني]

السلام عليكم

واحد من الشباب راح يبي يلغي تدبيل المخالفات وقال لهم إن فيه مكتب لرفع المخالفات

وقال له العقيد اللي بالقسم ما فيه إلغاء تدبيل مخالفات والسالفة إشاعة

ودفعها خويي ريال ينطح ريال

[mazenk15]

السلام عليكم

واحد من الشباب راح يبي يلغي تدبيل المخالفات وقال لهم إن فيه مكتب لرفع المخالفات

وقال له العقيد اللي بالقسم ما فيه إلغاء تدبيل مخالفات والسالفة إشاعة

ودفعها خويي ريال ينطح ريال



اخوي اخترت حتى اخوي صار معه نفس الوضع لكن ربك يعييييين
وإن شاء الله تزيين الامور

[مزدهر]

إلا على طاري دبل المخالفات وشوله تدبل من الأساس

[الروض القصيم]

السلام عليكم

واحد من الشباب راح يبي يلغي تدبيل المخالفات وقال لهم إن فيه مكتب لرفع المخالفات

وقال له العقيد اللي بالقسم ما فيه إلغاء تدبيل مخالفات والسالفة إشاعة

ودفعها خويي ريال ينطح ريال


نفس الموقف كلمته عن الغى تدبيل المخالفات وقال أشاعات بلاك بيري

ليت الأشاعات صدقت

[الأحمدي2]

الله يعين بس أهم شي سدد المخالفة قبل ماتدبل عشان مايستفيدون من التدبيله . شكرا أخوي مزون المدينة .

[ALBDRANE]

صحيح يتم طرح التدبيل أذا راجعتهم وتمرمطت في الزحمات وهذا كلاام خويي رايح لهم ومن الزحمة تركهم وراح دفع المخالفة مدبلة والمرور لم يعلن علشان الي ما يدري ما يدري ويلهطون القريشات وبعدين صعبه عليهم يقولون الغينا التدبيل رسميا يمكن يجي يوم ويدبلونها وتضيع الناس بين الامرين حسبنا الله ونعم الوكيل ما فيإ في العالم نظام يدبل المخالفة الا النظام الي عندنا

[اخوخالد]

عوااااااافي

[Abo gssar]

الله يبشرك بالخير

[أرمادا]

تضاااربت الاقوال ..

فيه ردود تنفي وردود تاكد الخبر ..؟

[سلكي نت]

صرح مصدر مصطول بان الموضوع مجرد اشاعة ×اشاعة ....

ويبقى الحال كما هو عليه

[قرم العيال]

فيه شي اسمه تخفيض المبلغ اذا كان كبير فقط

[قرم العيال]

يالغالي احد الشباب كان عنده مخالفه بمبلغ 14 الف وراح لمرور الناصريه الظاهر

وتم التخفيض حتى 8 الاف

[رامي ع الموت]

ادفع بالتي هي احسن

[الوسام889]

والله انا جيتهم بمرور حائل

قالولي هاذي اشاعه

ولكن انا اجيب لكم العلم الي يجمد على الشارب

الليله ابي اطرش لــ الرياض وبكرا ابي اصبح مرور الناصريه

ونبي نشوف وش يقولون (( عسى في الامر خير ))

[مزون المدينه]

ياشباب والله ليست اشاعه الرجال

راح لمركز المرور وشال التدبيل

ماهي اشاعه

[ذيب حظن]

الله يعيين على الدنيا بخير

[رامي ع الموت]

يمكن مخالفات سجلها العسكر مش ساهر ولا تسجلت في الحاسب ذيك الساعة يقدر يلغيها مو يخفضها ،، مافي شي في المرور اسمه تخفيض مخالفات الا بأمر ملكي .. يعني مهوب معقولة المرور يغبي لن الدراهم ماهي بداخله جيوبهم ...الاشاعة هذي تتكرر كل فترة من حطو ساهر

[اتجاه السحاب]

بارك الله فيك على الخبر

[×asd×]

بعد اذن صاحب الموضوع ابي اقول رائي لاخوي
sgl2002

لا أحد يشتكي من نظام ساهر

امش مضبوط ولا يتعرضك

بس انتو تبونها سرعه وفله وقسائم مخفضة



ياخي محد قال شي عن ساهر بنسبه لساهر بالعكس قلل الحوادث بشكل كبير على الناس

ومع انه محطني مره بقسيمه بس برضو انا مع ساهر ماني ضده

بس وش ذنب المسكين الي مامعه يسدد واذا تاخر بالسداد تدبل عليه على اي اساس تدبل عليه وفيه ناس ماتدري ان عليه قسيمه وتدبل عليه هل يعقل هالكلام !

ان كان المقصد من تدبيل القسيمه الردع محد مرتدع لانه بيسددها قبل ما تدبل بس الي ياكلها المساكين الي مايدري ان عليه مخالفه ولا الي مامعه يسدد قبل تدبل

وشكر لصاحب الموضوع وان شاء الله ينتشر الخبر للجميع

تحياتي

[عبدالله الموسي]

ان شاء الله يطلع الخبر حقيقة وياخذ نصيبه من الاعلام حتى يُبلغ لجميع المواطنين

[زايد بن بدران]

1500ريال حسبنا الله ونعم الوكيل كلها سرعه 90 و100

[عبدالله العتب]

يآليت اللي من جدة يتأكد لنا من الخبر واذا فيه تخفيض كمان
والله القسايم عليه 2450 :( ومانى قادر اطلع رخصه :(

[ولد ابانمي]

واالله اخوي راحلهم قالو انها اشاعه حسبي الله على الظالم

[دل البحار]

ممكن اشاعات
لأن الشرع مع ساهر 100%
والسبب السرعات الجنونيه للشباب الجني الاهبل الله يكفانا شرهم
تشكر وماقصرت على الخبر ويارب يكون صح

[محمد براهيم]

تكفون يالربع هالمعلومه اكيده ولا لا ..؟
علي 2750 وكلها تدبيل

[ماون ماركز]

الى الأن وأنتو على سالفة تبديل مخالفات

مافي شيء اسمه تدبيل مخالفة يا أخوان

اللي موجود هو رفع المخالفة للحد الأعلى من قيمة المخالفة

قيمة مخالفة قطع الأشارة اساساً 900 ريال .. أنت لما تقطع الأشارة يعطونك الحد الأدنى 500 ريال رحمة فيك ..
ما سددت الـ 500 في وقت محدد .. ترجع المخالفة لقيمتها الأساسية الـ 900 ريال

والسرعة كذلك فوق 120 كيلو الحد الأدنى 300 واذا ما سددت بالفترة الممنوحة لك ترجع القيمة الى الأساسية 500 ريال

هذا النظام تم تطبيقه مع نظام ساهر

النظام القديم .على الورق . كانو يعطونك 900 لقطع الأشارة مباشرة .. اذا رحت تسدد تقدر تمر الضابط المسؤل
وينزلها لك الى 500 .. اذا شافك أول مرة وفهم منك الظرف ..

أدخلوا الى موقع المرور وشوفوا نقاط المخالفات .. واسعارها .. من عرفنا المرور وهذه اسعار المخالفات

[بدوي جنوبي]

ممكن اشاعات
لأن الشرع مع ساهر 100%
والسبب السرعات الجنونيه للشباب الجني الاهبل الله يكفانا شرهم
تشكر وماقصرت على الخبر ويارب يكون صح

لا يا اخى دل البحار
الشرع ليس مع تدبيل المخافات
وقد ذكروا ذلك أكثر من مره في التلفزيون
ان التدبيل مخالفا للشرع ويعتبر من الربا



الى الأن وأنتو على سالفة تبديل مخالفات

مافي شيء اسمه تدبيل مخالفة يا أخوان

اللي موجود هو رفع المخالفة للحد الأعلى من قيمة المخالفة

قيمة مخالفة قطع الأشارة اساساً 900 ريال .. أنت لما تقطع الأشارة يعطونك الحد الأدنى 500 ريال رحمة فيك ..
ما سددت الـ 500 في وقت محدد .. ترجع المخالفة لقيمتها الأساسية الـ 900 ريال

والسرعة كذلك فوق 120 كيلو الحد الأدنى 300 واذا ما سددت بالفترة الممنوحة لك ترجع القيمة الى الأساسية 500 ريال

هذا النظام تم تطبيقه مع نظام ساهر

النظام القديم .على الورق . كانو يعطونك 900 لقطع الأشارة مباشرة .. اذا رحت تسدد تقدر تمر الضابط المسؤل
وينزلها لك الى 500 .. اذا شافك أول مرة وفهم منك الظرف ..

أدخلوا الى موقع المرور وشوفوا نقاط المخالفات .. واسعارها .. من عرفنا المرور وهذه اسعار المخالفات

مثل ما يقولون صبّها أحقنها
او
سعد اخو سعيد

أستبدلوا كلمة تدبيل بكلمة حد أدنى وأعلى
بالله أذا ما أقدر أدفع مبلغ 300 هذا الشهر
لماذا يتم تدبيلها خلال 30 يوم

المفروض يعطوا فرصه للسداد خلال مدة 90 يوم

كيف تسجل مخالفه وانا أمشي80
والسرعه المحدده مثلا 70
لست ضد نظام ساهر
لكن آلية وطريقة تشغيل النظام
وتدبيل المخالفات تحتاج الى أعادة نظر

[ماون ماركز]

لا يا اخى دل البحار
الشرع ليس مع تدبيل المخافات
وقد ذكروا ذلك أكثر من مره في التلفزيون
ان التدبيل مخالفا للشرع ويعتبر من الربا




مثل ما يقولون صبّها أحقنها
او
سعد اخو سعيد

أستبدلوا كلمة تدبيل بكلمة حد أدنى وأعلى
بالله أذا ما أقدر أدفع مبلغ 300 هذا الشهر
لماذا يتم تدبيلها خلال 30 يوم

المفروض يعطوا فرصه للسداد خلال مدة 90 يوم

كيف تسجل مخالفه وانا أمشي80
والسرعه المحدده مثلا 70
لست ضد نظام ساهر
لكن آلية وطريقة تشغيل النظام
وتدبيل المخالفات تحتاج الى أعادة نظر


هههههااي أعجبتني صبها وأحقنها .. يعني ما فيه فرق كذا والأ كذا

صح .. آلية تشغيل ساهر أنا برضه ما أعجبتني
لكن لما أشوف البعض من السائق المستهترين والفوضويين أقول ليتهم يحطون عشر شركات مثل ساهر ههههههااي

وبعض الأحيان لما أشوف واحد سائق منتظم وذوق وأخلاق . وتجيه مخالفة عشان زيادة 10 كيلو .. أتضايق من ساهر وعمله ..

والله يعين .. على الأقل أنتوا أحسن منا .. أحنا مربوطين بالعمل بمخالفات ساهر
تجيك مخالفة من ساهر . تطلع بالسستم بالشركة وتعاقب عليها نقاط من الشركة
تؤثر على علاوتك وترقياتك .. غير الفلوس اللي تدفعها لساهر .. :mad:

عشان كذا ما أمشي الأ 70 .. لو الشارع سرعته 100 .. أكرف سنة وتروح علاوتي عشان ساهر

وأتوقع فيه دراسة لربط ساهر بجميع الوزرات والشركات السعودية .. تصرون مثلنا هههههااي

[بدوي جنوبي]

هههههااي أعجبتني صبها وأحقنها .. يعني ما فيه فرق كذا والأ كذا

صح .. آلية تشغيل ساهر أنا برضه ما أعجبتني
لكن لما أشوف البعض من السائق المستهترين والفوضويين أقول ليتهم يحطون عشر شركات مثل ساهر ههههههااي

وبعض الأحيان لما أشوف واحد سائق منتظم وذوق وأخلاق . وتجيه مخالفة عشان زيادة 10 كيلو .. أتضايق من ساهر وعمله ..

والله يعين .. على الأقل أنتوا أحسن منا .. أحنا مربوطين بالعمل بمخالفات ساهر
تجيك مخالفة من ساهر . تطلع بالسستم بالشركة وتعاقب عليها نقاط من الشركة
تؤثر على علاوتك وترقياتك .. غير الفلوس اللي تدفعها لساهر .. :mad:

عشان كذا ما أمشي الأ 70 .. لو الشارع سرعته 100 .. أكرف سنة وتروح علاوتي عشان ساهر

وأتوقع فيه دراسة لربط ساهر بجميع الوزرات والشركات السعودية .. تصرون مثلنا هههههااي


الله المستعان
أجل عندكم ساهر في الطريق وساهر يؤثر على العلاوة والترقيه :(
الله يكون بعونكم ،،، عندكم نظام السلامةالمروريه مهم جدااا
حتى حزام الامان مهم عندكم

[ماجد الحايلي]

طيب يالربع انا خالفني ساهر الله ينومه نومه ابديه
بشارع التخصصي السرعه بهالشارع 70 كيلو متر
وانا سرعتي 74 وش اسوي اسدد وانا ساكت
او اروح لها المكتب اللي انتم تقولون لعل وعسى
يسمحون ويمسحون المخالفة

[هويدي]

الى الأن وأنتو على سالفة تبديل مخالفات

مافي شيء اسمه تدبيل مخالفة يا أخوان

اللي موجود هو رفع المخالفة للحد الأعلى من قيمة المخالفة

قيمة مخالفة قطع الأشارة اساساً 900 ريال .. أنت لما تقطع الأشارة يعطونك الحد الأدنى 500 ريال رحمة فيك ..
ما سددت الـ 500 في وقت محدد .. ترجع المخالفة لقيمتها الأساسية الـ 900 ريال

والسرعة كذلك فوق 120 كيلو الحد الأدنى 300 واذا ما سددت بالفترة الممنوحة لك ترجع القيمة الى الأساسية 500 ريال

هذا النظام تم تطبيقه مع نظام ساهر

النظام القديم .على الورق . كانو يعطونك 900 لقطع الأشارة مباشرة .. اذا رحت تسدد تقدر تمر الضابط المسؤل
وينزلها لك الى 500 .. اذا شافك أول مرة وفهم منك الظرف ..



عزيزي ماون كار ... اخوي جته مخالفه تضليل 900 ريال بسبب انه تهاوش مع العسكري
وبعد التدبيل صارت 1700 ريال !! مع العلم ان الموتر جمس وتضليلته خفيفه 01

وبالنسبه لألغاء التدبيل اخوي راحلهم بالناصريه وقالوله
تقدر تعترض ونحظر العسكري اللي عطاك المخالفه وندق عليك مرتين مارديت يفتح الله

[ماون ماركز]

طيب يالربع انا خالفني ساهر الله ينومه نومه ابديه
بشارع التخصصي السرعه بهالشارع 70 كيلو متر
وانا سرعتي 74 وش اسوي اسدد وانا ساكت
او اروح لها المكتب اللي انتم تقولون لعل وعسى
يسمحون ويمسحون المخالفة

رح المكتب عساك تلقى أبن حلال يساعدك ويخفضها او يلغيها اذا يقدر
قبل يزود سعرها عليك

[ماون ماركز]

عزيزي ماون كار ... اخوي جته مخالفه تضليل 900 ريال بسبب انه تهاوش مع العسكري
وبعد التدبيل صارت 1700 ريال !! مع العلم ان الموتر جمس وتضليلته خفيفه 01

وبالنسبه لألغاء التدبيل اخوي راحلهم بالناصريه وقالوله
تقدر تعترض ونحظر العسكري اللي عطاك المخالفه وندق عليك مرتين مارديت يفتح الله

لو تشيك عليها صح ! تحصلها مخالفتين
والثانية بدون توقيع صحيح من العسكري
لأن النذل حطها بقلبه وسجل مخالفة ثانية

بس ما يعلمونك .. يبونك تسدد

[اسبيدر مان]

السلام عليكم

واحد من الشباب راح يبي يلغي تدبيل المخالفات وقال لهم إن فيه مكتب لرفع المخالفات

وقال له العقيد اللي بالقسم ما فيه إلغاء تدبيل مخالفات والسالفة إشاعة

ودفعها خويي ريال ينطح ريال

وهذا ماحصل معي انا بعد

قالي دور اهلك بس
اشاعه وانتشرت
ولو كان صحيح كان اول من سواه انا لان على مخالفات الى الليل
طبعا هذا كلام عريف

[اسبيدر مان]

طيب يالربع انا خالفني ساهر الله ينومه نومه ابديه
بشارع التخصصي السرعه بهالشارع 70 كيلو متر
وانا سرعتي 74 وش اسوي اسدد وانا ساكت
او اروح لها المكتب اللي انتم تقولون لعل وعسى
يسمحون ويمسحون المخالفة
لاتروح ولا اتعب نفسك لان نظام السرعه داخل المدينه يختلف عن نظام السرعه على الطرق السريعه

[رسيس نجد]

الله يكفينا شر ساهر

[ه م س]

بعد اذن صاحب الموضوع ،،
انا مسدد قبل اسبوع ٥٣٠٠ وولد عمي قبل أربع ايام ٩٠٠٠
اشغلنا كل قسم الناصريه يقولون إشاعات في إشاعات ..

[أبو هشام راشد]

مشكلة الإشاعات ..
صديقي وصلت مخالفته الأخيرة إلى الحد الأعلى بسبب هذه الإشاعة ووصل المجموع عليه 2700

[العطاوي a511]

حسبي الله ونعم الوكيل في قاهر قصدي ساهر ومن وضعه

ماشي مره مادريت الا صورني بعد مارحت شفت المخالفه السرعه 79 وسرعه الطريق 70 ؟؟؟؟؟؟

طيب اسالكم بالله سرعه 70 و80 بينهم فرق ؟؟؟؟؟؟؟

اصلا انت لو سهيت ممكن توصل سرعتك 100 وانت ماتدري السرعات داخل المدينه حاطينها كاننا راكبين سياكل ماهو سيارات صايدك صايدك الله يشفط قلوبهم زي ماشفطو جيوبنا

[الطا مس]

الموضوع قديم الله يهديك