مزاد علني كبير في مدينة الرياض جيوب (نيسان + تايوتا)

[العابر2222]

السلام عليكم ورحمة الله وبركاته


كيف الحال أخواني لقيت في الجريدة اعلان عن مزاد سيارات اكثر من 450 سيارة وحبيت
احطه هنا للفائده الي يدور له جيب

فيها
100 سياراة جيب تايوتا
اكثر من40 سيارة جيب نيسان
اكثر من 65سيارة جيب متسوبيشي وداتسون

وغيره الكثير

المزاد اليوم الثلاثاء 29 ولاربعاء والخميس والجمعه

الموقع(شركة المتلقى للمزادات والتجارة) اسلي مخرج - مخرج 18 - طريق هارون الرشيد - إشارة البلدية

للحصول على مزيد من التفاصيل
ابو كريم (0544746599)
صلاح (0547794496)
عبدالله (0547722237)
محمد(0547794465)
أدم (0545858994)


يأخوان يشهد الله علي مالي اي علاقه في المزاد ولا اعرف فيه اي احد وانا بروح اليوم اشوف مثلي مثلكم ان صلح شي شرينا ... بس حبيت افيد نفسي وافيد اخواني الي يدورون سيارات

[روااف]

صباح الخير اخوي
ما أدري عندك خلفية عن انواع الجيوب التايوتا وموديلاتها ؟

[عبدالله //]

يعطيك الف عافيه اخوي ..ماقصرت:)

[العابر2222]

صباح الخير اخوي
ما أدري عندك خلفية عن انواع الجيوب التايوتا وموديلاتها ؟


صباح النور اخوووي والله ما عندي اي خلفيه انا قريتها في الجريدة اليوم

وصورها شكلها في التسعينات كلهاا

[العابر2222]

يعطيك الف عافيه اخوي ..ماقصرت:)


ويعافيك أخوي عبدالله

[روااف]

بيض الله وجهك ماقصرت

[عاشق السيل]

بيض الله وجهك وجعلها بميزان حسناتك ،،

تم نشرها بالإيميلات لتعم الفائدة ....

[العابر2222]

ووجيهكم ان شاء الله

[الصمان 2]

الله يعطيك العافية على حبك للخير لإخوانك في هذا المنتدى



والله يرزقك مطلوبك ، وتحصل موتر نظيف بسعر طيب .







بارك الله فيك .















.

[ابومحيميد]

المزادات من تالي ماصار فيها ربح لكثرة المشترين وحضرت بنفسي احد المزادت وبيع احد الجيوب مصدوم بقيمة مبالغ فيها جداً وززايد عن سعر السوق كثير

يعطيك العافية اخوي

[اخوخالد]

بيض الله وجهك ماقصرت

[وارد منصور]

فرصه ......! المعارض تكون خاليه من الشريطيه مشغولين بالمزاد :D

[وابل1]

يا اخوان و قفت على السيارات في المزاد و لاحظت انها قديمة و اكثرها معفولة و لاهيب ذيك النظافة .
و تابعة للحكومة ما ادري مرور أو غيرها بعضها مكتوب عليه 993
و أكثرها يحتاج رش و طقم كفرات و تنجيد من الداخل و ديكوراتها بعضها او اكثرها مكسرة .
فإذا كان المزاد عليها من العشرة ونا زل فلا بأس أما أكثر فأتوقع انها خسارة لانها تحتاج صيانة كاملة .
و موديلات الجيوب التي وقفت عليها كالتالي .
اللاند : 89/90/91
الباترول : 92
الباجيرو : 2000/2001
و فيه فرود و لومينا ....... الخ .

[سلكي نت]

الله يعطيك العافية وربي يرزقك ويرزقنا

[قرم العيال]

المكشله مكروفات والشريطيه ما يخلونك تاخذ شي

يضف بالجمله هو وراعي التشاليح

[bad boy]

عزالله صدقت ياقرم العيال الشريطية مايخلونك تشتري على راحتك واذا
حس انه مايقدر يشتري يجلس يزود حسد ولا هو شاري .
اذكر مره صار مزاد لشركة الكهرب على سيارات تويوتا
تخيلوا هايلوكس 99 غمارة مسمكره الظاهر عند مقاولين عماير هههههههههه
جنبها كأنه لياسه مو سمكره وصلت قيمتها الى 30 الف !!
يعني غالبية الشريطية يخرب على الناس الي تبي تستخدم ..

[مخاوي خوياه]

الله يبيض وجهك ويكثر من امثالك

[رعد الجنوب 55]

بيض الله وجوهكم جميعا هناتسمواروح المحبه الصادقه في هذا المنتدى 0

[Hwer]

كلها غش واحتيال
حضرت مره مزاد وكان فيه رجال غالبا يزاود بالاسعار وترسي عليه البيعه قلت بنفسي ها الشريطي ماشاء الله عليه نشيط وكانت العمليه قدام الناس رسميه بحيث انه يعطيه دفعه والباقي يكتب شيك وهذا كان قدام الناس
بعد شهر تقريبا اعلنو عن مزاد ثاني وذهبت وتفاجئت بان كل السيارات الي كان يشتريها الرجال كانت موجوده وكذلك الرجال موجود وبعدها عرفت انها لعبه بحيث ان كل سيارة مسعرينها وماتنزل عن السعر المطلوب وشغلة الرجال يرفع السعر حتي السعر المطلوب وبعدها يلصقونها بظهر اجودي والا تجلس بالحوش
الغرض من ها القصه التنبيه وليس التشويهه