ياهل الجموس متى استعمل 3-2-1 وليش افيدوني تكفون

[وسام22]

السلام عليكم ورحمة الله وبركاته


تحية لجميع الاعضاء بالموقع


وسؤالي لاهل الخبرة في الجموس و اللي عنده معلومة لايبخل على اخوكم في الله


انا عندي سوبر بان دينالي 2006 والقير يجي فيه ارقام وحروف p r n d 3 2 1


ابي اعرف متى استخدم الارقام وليش وعلى سرعة كم


وللجميع تحياتي

[ماون ماركز]

ليش ما تقراء كتيب دليل السيارة المرفق معها

كل شيء موضح فيه

[يزيد 999]

الفايده اخوي هذي مثل القير العادي تحطه بواحد او اثنين يعني انت تحكم بالتعشيق وهذي تفيد بالنفود اذا بغيت ترقا القير الاتوماتيك على طول يعشق فما يصير فيه عزم اما اذا خليت الموتر يحن فيه امكانيه يرقا او مع النزلات مثل اللي بالجنوب اللي ماينفع معهن الفرامل تحطه باثنين عشان يمسك الموتر ما يدحدر

[Abusliman]

هذي اذا بغيت تقاوم ولا تدخل طعووس تفيدك
اذا مشيت بالـ D بالنفود يطيح العزم علطول
يعني اذا بغيت تشد ماشي 120 مثلاً تحطه بـ 3 ومع الطعس تصير تمشي 90 تردهـ بـ 2 ولا وصلت 40 تردهـ بـ 1 << طبعاً هذا مثال بس لا تسويه لان الموتر بيتفجر خخخخخخخ
بس الحلو انك لا دخلت طعوس تحطه بواحد لا كنت مهدي وراكد و2 لا دعست شوي ومتى ما حسيت ان العزم طااح تردهـ 1 وتفييدك مرهـ بالبر
بالبر ادخل باكورد على الـ 1 ويمشي وولا احلا وبالتوووفيق

[المميـز]

:

ميزة هذي النمر ماتخلي الموتر يريح

يعني اقرب مالها التوبترونك الوضع الرياضي


ولكن رقم 1 و رقم 2 أكثر شي تفيدك بالمنحدرات النـــزول القوي

تمسك الموتر ومايحتاج تستخدم الفرامل كثير علشان لاتسخن عليك الهوبات

:

[ماون ماركز]

الفايده اخوي هذي مثل القير العادي تحطه بواحد او اثنين يعني انت تحكم بالتعشيق وهذي تفيد بالنفود اذا بغيت ترقا القير الاتوماتيك على طول يعشق فما يصير فيه عزم اما اذا خليت الموتر يحن فيه امكانيه يرقا او مع النزلات مثل اللي بالجنوب اللي ماينفع معهن الفرامل تحطه باثنين عشان يمسك الموتر ما يدحدر




:



ميزة هذي النمر ماتخلي الموتر يريح


يعني اقرب مالها التوبترونك الوضع الرياضي



ولكن رقم 1 و رقم 2 أكثر شي تفيدك بالمنحدرات النـــزول القوي


تمسك الموتر ومايحتاج تستخدم الفرامل كثير علشان لاتسخن عليك الهوبات


:


السابقة هي الردود الصحيحة .. حسب ماهو مذكور في كتيب تشغيل السيارة
للطلوع والنزول في المنحدرات أثناء التحميل وعلميات الجر للعربات الخلفية والكرفان .. ألخ


أما Abusliman اللي يتكلم عن الدخول للرمل والطعوس .. فهو أبتعد عن الصواب فيما ذكر

تحياتي

[مطحن]

السلام عليكم ورحمة الله وبركاته

اللي انا متاكد منه ومجربه، 2 مصمم للاستخدام في الطين والثلج لان الموتر يقوم بالنمرة 2 على طول يعني قومته ثقيله جدا حتى ما يحفر.

اخوك عبدالرحمن

[أبا مجاهد]

في الطعوس اخي الكريم او النفود..خل القير على النمره 2

واذا صادفك طعس قوي والا حسيت انك بتغرز رجع نمره 1

طبعا على السرعات الخفيفه وليس العاليه.

[بدوي جنوبي]

اخى الكريم
تستطيع أستخدام القير بهذه الطريقه

بعد تشغيل المحرك أنقل عصار التعشيق الى رقم 1
ثم أنطلق تلاحظ ان المحرك أرتفع صوته وعداد الار بي أم
وصل الى رقم 3 او أكثر يعنى بحاجة الى تغيير سرعة تكون أعلى
قم بنقل عصا التعشيق الى رقم 2 حتى تسمع حنة المحرك
وبعدها نقل التعشيق الى نمرة 3 .
نمرة رقم ثلاثه تسطيع الوصول بها الى سرعه عاليه حتى 120 الى أردت زيادة في العزم
لكن يفضل نقله لل D يعنى لا تطول كثير .

بهذه الطريقة انت حولت القير من اوتو الى قير عادى .
عند وضع الاختيار على حرف الدي يقوم القير بالتغيير اوتوامتيكيا دون تدخل السائق .

عندما تسير بسرعة مثلا 100 كلم بأمكانك نقل عصا القير الى رقم 3 دون مشاكل
تلاحظ ان السيارة هدأت قليلا ،،، وايضا تلاحظ أرتفاع عداد الار بي ام

أذا وصلت السرعه الى 50 او 40 بأمكانك نقل العصا الى الرقم 2
وايضا السرعه رقم 1 بأمكانك نقل العصا على سرعة لا تزيد عن 20 .

طبعا تختار السرعه المناسبه حسب أحتياجك وحسب متطلبات الطريق
يعنى ليس بأمكانك نقل العصا من سرعة 80 الى الرقم 2 الافضل أختيار رقم 3

عند القيادة في طعوس مثلا يوجد في نمرة رقم 1 أمان في حال نسي السائق نقل العصا
الى رقم 2 يقوم هو بالتغيير تلقائي لكى لا يحصل للقير مضاعفات .

يستخدم رقم 1 عند النزول الشاق نزول منحدرات لانه يمسك السياره
ويخف الحمل عن الفرامل ،،،، مع أستخدام الفرامل عند النزول وحسب متطلبات الطريق

مثال عقبة الكر (الهدأ) يفضل أختيار الرقم 3 عند النزول لانه يقوم بحشر القير في 3
تغييرات فقط ،،، وهذا لا يسبب اى مشاكل للقيرشرط لا تتعجى سرة 100 ،،، النمره رقم 3 تمسك السياره أكثر
لكى لا تزيد سرعتها كثيرا ،،، عندما يصبح الطريق أقل أزدحاما ولا توجد منعطفات خطيرة
بأمكانك نقل العصا الى حرف الD ،، واذا تفاجأت بوجود زحام او حادث لا سمح الله
بأمكانك نقل العصا الى الرقم 3 ،،، أنقل العصا دون خوف .

بأمكان اخى السائق أستخدام القير للمساعدة في التوقف المفاجى
مثلا : ماشي في الطريق وضربت أحدى العجلات وانت على سرعة 140 او 130
ارفع القدم عن دواسة الوقود فورا ،،،
حاول تجنب أستخدام الفرامل
أمسك الدركسون بقوة
ا نقل عصا القير الى الرقم 3
أذا بدأت السرعه تنخفض حاول بالضغط الخفيف على دواسة الفرامل .
أذا وصلت السرعة الى 70 او 60 أنقل العصا الى رقم 2 .

أذا تذكرت أضافه في وقت لاحق

بالتوفيق