سؤال عن الجمس والفورد

[شمال حايل]

ياجماعة الخير ناوي اشتري سيارة لطلعات البر ومحتار بين السيارات الآتيه
1 جمس سلفرادو
2 جمس z71
3فورد f150
جميع السيارات المذكورة لااعرف عنها شي سمعت ان (الجمس z71 )يفرط الفليور ودفرنشه المنيوم ولايتحمل الطرق الصعبه مثل رحلات النفود ولااعرف هذا الكلام صحيح ام لا
الفورد لااعرف عن قطع غياره وهل يوجد منه مستعمل من موديل 2009 وفوق
جزاء الله من افادنا كل خير

[مشلخ الذيب]

z71 فرقه عن الجمس العادي انه مخصص للطرق الوعره من مساعدات و حمايه لبعض الأغراض في بطن الموتر و ... إلخ

[شمال حايل]

z71 فرقه عن الجمس العادي انه مخصص للطرق الوعره من مساعدات و حمايه لبعض الأغراض في بطن الموتر و ... إلخ

شكراً مشلخ الذيب وهل هناك احد جزاه الله الجنه يفيدنا عن السلفرادو والفورد فانا على مفترق طرق.

[شمساوي]

ابقول اللي عندي بدون زعل

كل اللي قلت مايصلحن للبر ابد

كلهن قيورهن مايتحملن الجلد ابد والخراب مايحتاج عادي وانت بوسط الصحراء او النفود يخرب قيره او قير الدبل

اذا تبي شوري لتقرب الامريكي نصيحه لوجه الله وغير كذا الحراره ماشاء الله طول الوقت محتر

[شمال حايل]

ابقول اللي عندي بدون زعل

كل اللي قلت مايصلحن للبر ابد

كلهن قيورهن مايتحملن الجلد ابد والخراب مايحتاج عادي وانت بوسط الصحراء او النفود يخرب قيره او قير الدبل

اذا تبي شوري لتقرب الامريكي نصيحه لوجه الله وغير كذا الحراره ماشاء الله طول الوقت محتر

يشرفني مرورك وبالعكس الحق مايزعل

[سعود501]

يرجال ابعد عن الامريكي واذا بغيت موتر بر خذلك فتك ولا شاص

[الوسيم الثاني]

السلام على الجميع

ابي ادلي بدلوي وعسى مانزعل الجميع وهو مجرد راي

اذا تبي الكد عليك بالشاص واذا تبي الراحه عليك F150 فورد ولكن الله يعينك على القطع اذا وجدتها غاليه ولاتوجد بكل مكان يعني طلبيه وتعطل كم يوم اوكم اسبوع
وانا جربت الياباني والامريكي والقياده لها دور

ومع احترامي الشديد لجميـــع الاراء
ودمتم سالمــــيـن

[rpk]

العاقل خصيم نفسه لاكن خلك مع الشئ الشعبي لتوفر قطع الغيار يعني خلك على الجمس او الشفر وحاول تتجنب الفرد للنقطه التي ذكرت فقط