نويت اف جي رايكم تكفون

[ص ح ل2009]

السلام عليكم انا ناوي اف جي ايش رايكم فيها سيارت كشات وابوعايله وايش الافضل فيه

[الباثفندر 3.5]

نصيحتي لك الاكستيرا افضل و ارخص و اجود و لا تاخذ فئة السياحي لانه شكله مو ذاك الزود و عليك بال s او se و بصراحه افضل ال off roaf
صراحه الاف جي الجديد مبالغ حييل بسعره و قطع غياره نار

[أبوهشام2]

الإف جي مووووتر عن تجربه شخصيه
لكن مشكلته الحاليه سعره المبالغ فيه 140ألف

أنا معي اف جي2 موديل 2010 شاريه يوم كان سعره بـ120ألف(وكاااله) وصراحة كان سعره مناسب جدا

لكن ألحين أشوف إن السعر مبالغ فيه

وإذا الفلوس ماهي مشكله بالنسبه لك
أقولك توكل على الله تراه موتر

وأنصحك بالاف جي 2

[ابو عبدالله خ]

مفكر فيه قبل فتره وماردني الا بعد ماجتني معلومه تقول ان تانكي البانزين للموتر صغير

لدرجة انك تمشي 160 تقريباً طالع من بريده للرياض يالله يوصلك البنزين


بقيمته تحصل GX جديد ولا اخو الجديد


وبعيد عن هذا كله أحسن حل استأجره يومين وأحكم بنفسك

[بن نويشر]

كعائلة ما يصلح الأف جي ، خذ فورشنر أحسن ولو انه غالي ، خبر سعره بـــ 123000 ريال . وعلى فكرة ولد أخوي شاري من واحد يجيب باجيرو فل كامل بـ 130000 ريال من الكويت . تراه أبرك من الأف جي . يا أخي أحس الأف جي حق شباب صغار ما يصلح للعوائل ...

وأنت أبخص ..

[ذرب المعاني]

خوي ينشد به الظهر

[MohsinSK]

اف جي لعايلة احسه ضيق.. حتى الدخول و الخروج من السيارة مزعج بالنسبة للعوائل,, يعني التندة باب و نص..

[Hwer]

اخوي معه 2010 ابيض ماشاء الله عليه على قولتهم فحل

[سلطان2007]

توكل على الله ومن الحين اقولك الله يعطيك خيره ويكفيك شره تراه موتر بكل المقاييس

[Joker fj]

انا معي اف جي وبقول لك عيوبه بكل صراحه
1-تانكي البنزين يمشيك بحدود 400 كيلو اذا ماتعديت سرعة140
2- مشكلة الركوب والنزول للمرتبه الخلفيه لأنه باب ونص تحتاج تفتح بابك عشان يركب احد ورا
3- القزازه الأماميه ترد الهوا وأي حصاة تضرب القزازه على سرعه تكسر القزازه بمعنى اصح تنشطب
4- سعره الغالي جدا يعني 2010 23 الفل و2011 40 الفل خير وش تغير للحق تغير نظام الفرامل كليا هذا اهم تغير وللحق النظام السابق للفرامل جيد جدا لاكن 2011 ممتاز حتى مع تغير نظام الفرامل حرام قيمته تكون كذا
مميزاته
1 - قوته وتحمله
2- عدم وجود خرابات بأذن الله
3- خفته بالبر
4- راحته بالطريق وبالبر
5- الفل دفلك خلفي وامامي
6- صناعته ياباني
هذا الي يحضرني الآن
من ناحية الي يقول الأكستيرا رأيي فيه قوي ولاكن الراحه فيه لاتقارن باالأف جي لأنه سست تفككه
طقة الكارونه وهذا اكبر عيب ومشكله فيه هذا الي سمعته من ملاكه شكله وباالأخص شكل التنده وديكوره الداخي

طبعا هذا رأيي وبالتوفيق ونصيحة اخوك الصغير جرب كل سياره ناوي انك تمتلكها يومين اقل شي وتتضح لك المسأله ولاتنسى ولاتنسى الأستخاره

[sgl2002]

والله اني استحي اركبه

[صقر باهله]

الموتر ماعليه كلام ماشاء الله

معي 2010 شارية من سنة ونص ويارب لك الحمد بنزين وزيت بس

لكن مثل ماتفضلوا الاخوان يعيبه طريقة الركوب في المرتبة الخلفية

واذا عايلتك صغيره مثلي خذه وماعليك انا ماعندي الا بنية وحده ومرتاح لاتفتح باب ولادريشة

والله يختار لك الصالح ياغالي

والاخ sgl2002 لولا اختلاف الاذواق لابارت السلع

[وحش القفار]

من واقع تجربة ورحلة امتدت لثلاثة ايام على fg
1/ السيارة ضيقة من الداخل مقارنة بحجمها الخارجي
2/ الرؤية اثناء القيادة وخصوص في الضلعان ضيقه جدا بسبب تصميم الهيكل تشعر انك امام شاشة
3/صعوبة الركوب في المقعدة الخلفية
4/ سوء المرتبة الثانية لان الراكب يشعر بعزلة وضيق لايتمتع بمساحة جيده ولارؤيةجيدة ولاتهوية
5/ ضيق الشنطة
6/ السيارة عريضه مما تسبب لها بأضرار في البودي

المحركات والقوة ماعليها كلام
نصيحتي لك هناك سيارت من تويوتا اذا كنت من عشاق التويوتا ومن النيسان ان كنت من هواته افضل من هذه السيارة بمراحل وبنفس السعر

ومن نظرتي تعتبر سيارة شخص هواي تلك السيارة وليست سيارت شخص يريد سيارة تفي بإحتياجاته الحاصة والاسرية

استأجرره من المكاتب واحكم بنفسك

[ص ح ل2009]

الله يجزاكم خير على الردود
بنسبه للعايله عايلتي صغيرطفلين الله يصلح لنا ولكم والباب الخلفي اعتقد انه ماينفتح من الداخل والباب الي قدام مقفل امان لهم اذا ماني غلطان

[ابومناحي]

ياخوك الحكومه الحين كل سياراتها الماخوذ جي اف

[HAS5SAN]

استخر الله ةتوكل عليه
وبإذن الله ماتندم
موتر ولا أروع
وهو شبابي 100%
قوة وسرعة وتحمل
وإذلي يذمونه ماجربوه
اسأل أصحابه عن قوته
وأقسم بالله إني شايفه
مع الجيش ومع الحدود ومع الامن العام
موتر يجملك
Jpx4UZE9GlU

o_ncCcg8l-I

Fbjzkxk7uk8

5GSpq4FxuYk

[المصباح السحر]

شف تبي العلم انت بتستخدم لسنوات ولا حدك مثلي اربع وتغير ؟؟؟؟؟؟

اذا انك من اللي يكرف عشر سنوات وفيها لا تاخذه خذ بقيمته برادوا

واذا بتكرف اربع سنوات ثلاث خذه وترا الحياة تجارب وهو حديد لا راح ولا جاء تقدر تورده المعارض باي وقت

جربه علما انني من الناس اللي احب افصل سياررة البر عن المدينه لان الجيوب متعبه وتقروش حياتك يكفي صوت العزبه

وانت رايح الدوام لها قربعه ورا في الشنطه ولا ريحت السيارة بهارات ولا قهوة ومويه منكبه على الفرشة

لاني مجرب وعارف فأضل شيء ان سيارة الدوام والعائلة تكون غير سيارة البر

[أبوراشد]

الموتر 100% معي 2011 من 10 أيام نشيط وخفيف ومريح وشخصية

[SaMi83]

انت يالحبيب شكلك تبي إف جي بس بعض الشباب ما قالو عن الراحه

اذا كان لعائله مؤخرة السيارة تقمز من اي مطب انا كنت مستأجره شخصياً واعطيك العلم الزين أما ان جيت لقوة الموتر سواء في الخط والا البر فهو والله سيارة قويه ودفلوك امامي وخلفي ويتحمل كرف وحفر ومطبات وكلش .. بس للامانه مو عائلي وجهة نظري والشباب ذكرو كلام مهم جداً اللي هو الرؤيا والابواب ..
لو تشوف لك باثفيندر أو برادو من هالاحجام اريح لك ولعائلتك

وان شاء الله تتوفق في الاختيار

تحياتي لك

[واحد مبسوط]

كعائلة ما يصلح الأف جي ، خذ فورشنر أحسن ولو انه غالي ، خبر سعره بـــ 123000 ريال . وعلى فكرة ولد أخوي شاري من واحد يجيب باجيرو فل كامل بـ 130000 ريال من الكويت . تراه أبرك من الأف جي . يا أخي أحس الأف جي حق شباب صغار ما يصلح للعوائل ...

وأنت أبخص ..
نفس كلام بن نويشر
انا شريته
شبابي ولايشيل عائلة لان المرتبة الخلفية ضيقة
اما اللي عايلته صغيره
ويحب البران
فالموتر يطررررررب بالحيل

[المنيعي1]

شكله غلط وقيادته مزعجة كانك في بير يالله تشوف الي قدامك

[moath2700]

كعائلة ما يصلح الأف جي ، خذ فورشنر أحسن ولو انه غالي ، خبر سعره بـــ 123000 ريال . وعلى فكرة ولد أخوي شاري من واحد يجيب باجيرو فل كامل بـ 130000 ريال من الكويت . تراه أبرك من الأف جي . يا أخي أحس الأف جي حق شباب صغار ما يصلح للعوائل ...

وأنت أبخص ..

يابن نويشر اسمح لي اني اقول لك انه قهر هالموتر يصنف من تايوتا لانه لو يخيرونن بين الفورشنر ولا حمار الله يعزكم لخذت الحمار وبدوووووووووووون استشاره لانه ماهو موتر هو اصلن ...((((هايلوكس مصندقه))
فلا وجه مقارنه بين الاف جي والفورشنر الاف جي افضل من جميع النواحي شكل مركب اريح انشط ووووووو الخ مع احترامي الشديد للذوقك
,,,,,,,,,,,,اختلاف الراى لايفسد للود قضيه,,,,

[moath2700]

شكله غلط وقيادته مزعجة كانك في بير يالله تشوف الي قدامك

اسمح لي انت جاهل بها الموتر يالمنيعي (((صح انك تقل بطياره من داخل ))لكن الصراحه موتر لكل شي وميزته يصبر صبر الحمير الله يعزكم .....