أين تباع تلبيسة مراتب للفورتشنر وتلبيسة السنيدي للشنطة في شمال الرياض؟؟

[سدرك]

مريت اكثر من مكان ولم اجدها

[ا ط ا 2423]

ما اتوقع فيه في الشمال تلبيسة مراتب رح للغرابي فيه محل اسمه الاسماعيل يجيب لك نفس تلبيسة الوكاله اما عن تلبيسة السنيدي تلقاها في محل الرحلات الي في المروج الي على تركي الثاني

[ولد وايل..]

ياعزيزي .... رح للسنيدي نفسه في الدايري الشرقي مخرج 13 ع ما اعتقد او 14 ..

اللي في مبنى معرض السيف للأواني ..

وتقض اللي تبي إن كانك تبي غررضك بأي سعر ..

وإن كانك جزوم رح للغرابي وش لك رجال جيد وتصافى معه على شغلك كله ويفصلك بالقماش اللي تبي

[عبدالرحمن السالم]

طيب مريت على المحلات إلى عند صناعية العروبة ورى اليورمارشية تلقى عندهم انا ملبس موتري هناك قبل 3 سنوات ، التلبيسة عندك ياتروح للسنيدي نفسه او محل الرحلات إلى حول الخطوط السعودية ، شفت الاشارة إلى يصير يمينك الخطوط السعودية وانت وجهك جنوب ، لف يسار يصير وجهك شرق ابتل ، تجيب مديور ديور وشف المحل على يدك اليمين

[سيف الظفير]

مر على البرية مخرج 14 بخصوص التلبيسة للشنطة

وراح تدعي لي تنزاني 303 على كيفك

[بن نويشر]

خلك عنك الشمال ما الشمال ،، ما راح تلقى شي ،،
هالأشياء تلقاه فقط عند الغرابي قسم الخيام أو محلات بيع ادوات وتجهيز الرحلات كالسيندي او برق الحيا او البرية . كما ذكروا الأخوان مأجورين ..

والسلام عليكم ،،،،