المساعد الشخصي الرقمي

مشاهدة النسخة كاملة : تغيير الزيت للتاهو


عابر الحزن
03/10/2011, 11:36 AM
السلام عليكم

بستفسر عن مراكز بترومين اكسبرس ودي اغير عندهم زيت 10W30 كاسترول

مع السيفون .. ومتردد .. خايف أن السيفون ما يجي أصلي أو الزيت لكم عليه

فمن جربه بسيارات الجموس يوكون او تاهو سوبرمان يقول لنا

الموتر جديد ولا لنا بالوكالة غالية بالحيل صيانتهم

مراكز بترومين هل السيفون عندهم أصلي ؟ والزيت مضمون ؟

الله يجزاكم خير
.أبوعبدالرحمن
03/10/2011, 12:48 PM
وعليكم السلام ورحمة الله وبركاته

أفضل طريقة أخوي الكريم عابر الحزن هي إنك تمر أقرب فرع قطع غيار للوكالة وتشتري

سيفون أصلي وفلتر هواء أصلي وبعدين رح لمحل غيار زيوت أنت تثق فيه أو محلات بترومين اكسبرس

مثل ما أنت حاب وتختار نوع الزيت وأنت مرتاح وتفك نفسك من الوكالة وغلاها إللي زايد عن حده
عابر الحزن
03/10/2011, 02:14 PM
وعليكم السلام ورحمة الله وبركاته

أفضل طريقة أخوي الكريم عابر الحزن هي إنك تمر أقرب فرع قطع غيار للوكالة وتشتري

سيفون أصلي وفلتر هواء أصلي وبعدين رح لمحل غيار زيوت أنت تثق فيه أو محلات بترومين اكسبرس

مثل ما أنت حاب وتختار نوع الزيت وأنت مرتاح وتفك نفسك من الوكالة وغلاها إللي زايد عن حده


الله يجزاك خير

شورك وهداية الله
XADO
03/10/2011, 02:28 PM
بالتوفيق لهذا المنتدى الرائع
You Like Me
03/10/2011, 02:30 PM
وعليكم السلام ورحمه الله

والله يالغالي زيوت بترومين كلها مضروبة ومعاد تكريرها
وبعدين المراكز اللي مثل كذا وخصوصاً بترومين تراهم لحسه
وبيشينون سيارتك في عينك من كثر ما يقولون غير وغير
اول ما تجيهم بيقولون لك المكينة لازم تسوي لها تنظيف والا بتخبط ههههههههههه
انا رأيي من رأي ابو عبدالرحمن
خذ الزيت والسيفون من قطع غيار الوكيل
ورح لأي مشحمه والغرض واحد سواءً عند بترومين او عند اقرب هندي
والله يعطيك خير سيارتك ويكفيك والمسلمين شرها
مدورالصمان
03/10/2011, 07:03 PM
أخي الكريم السلام عليكم ورحمة الله وبركاته


احسن من هذا كله إنك تروح لفروع أي سي ديلكو وهم طبعاً تبع الوكالة وتغير الزيت عندهم أضمن لك وأريح من وجع الراس ....
بدوي جنوبي
04/10/2011, 08:49 AM
أخي الكريم السلام عليكم ورحمة الله وبركاته
احسن من هذا كله إنك تروح لفروع أي سي ديلكو وهم طبعاً تبع الوكالة وتغير الزيت عندهم أضمن لك وأريح من وجع الراس ....

وأحسن من هذا كله
أنك تغير الزيت بنفسك :good2:

تشترى علبة الزيت من محلات قطع الغيار او الجمله
مثال
كاسترول العلبه ب 5x 12 = ب 60 ريال



نحسب حسبة محلات البنشر
العلبه الان ب 17 ريال
5x 17 = ب 85 ريال
وبعضهم يضيف 10 او 5 ريال فوق ال 85 حق شغل يده
بالرغم انه ماخذ حقها في علب الزيت

قول 90 ريال مجموع التغيير

يعنى لو غيرت بنفسك توفر مبلغ 30 ريال تشتري فيها فلتر هواء
او
تعبئ فيها ب 15 بنزين وتغسل السياره بخمسطعش :good2:
ابا سديم
05/10/2011, 09:13 PM
يارجال افلح وغير زيت اAC DELCO ترا الحبه حدود 20 ريال بس تراه يستاهل يمشي 7000 كيلو بالراحه وللمعلوميه الوكاله الان يغيرون به بدل شل . معي تاهو 2008 سعودي
ولد وايل..
06/10/2011, 06:50 AM
تبي الرأي .. هو رأي الأخ أبو عبدالرحمن ..

الأم اليفون اشتره أصلي من الوكالة وترى ارخص بكثير ..

اأنا اخه من عندهم بـ 18 ريال .. أخذت تقريبا 20 حبّة وتوا خلصت آخر تغيير للزيت ..

وانحححححححش من بترومين .. وسخين وزيتهم مهب زين انا ماااااااارتحت لهم أبد ..

ووق زيادة السعر ياخذ شغل يد !!

مره فك صرّة الزيت حقت الدفرنس وشفطها ع شان يشوف هل هو قديم ولا لا .. بدون إذن ..

ولما شفته كذا قلت غيره ..وحط لي زيت تجاري حسبي الله عليه ..وصار يطلع عندي صوت وته ماراحت الا مغير البيرنقات وزيت جديد ..

انتبه ولو تبتل ما تغير الزيت ولا تغير عندهم !
naif_77
07/10/2011, 07:20 AM
بسم الله الرحمن الرحيم

اخي الكريم انا عندي تاهو 2008 من طلعته وانا اغير في الوكاله وكل هذي الفترة وهم يحطون زيت 10/30 بعد ماقريت كتيب الوكاله الزيت الموصى به من الشركه الام 5/30 ولقيت سعرة غالي في كل البناشر يتراوح بين 40الى 50 ريال وبالصدفه لقيته عند قطع الغيار الحاج حسين على رضا فورد الزيت بـ12 ريال ونوعة موتور كرافت الزيت ممتاز والسعر ممتاز ... وبالتوفيق للجميع
ولد وايل..
08/10/2011, 01:12 PM
^^^ لكن تنوعية الزيت مهب بالحيل ..

ودرجة لزوجة الزيت ليس بالضرورة أن تتوافق مع درجات الحرارة العالية ..

اقرى بالكاتالوج وشوف متى يوصى ب 5- 30 ومتى يوصى بـ 10 -30

تحيتي ..