المساعد الشخصي الرقمي

مشاهدة النسخة كاملة : اهل الشرقيه ينخونكم ياربع مكشات !!!!!!


alhellal2000
04/02/2006, 11:24 AM
تحياتي للاخوه جميعا , الاداره و الاعضاء و القراء , لكم خالص تقديري على هذا الموقع الرائع و القيّم .

ياشباب , برور الشرقيه من السفانيه الى النعيريه و ما جنوبها ما هناك ربيع الله يجيب المطر !! قلنا نبي نكشت باتجاه المنطقه الوسطى من قريب بعني بنهاية الاسبوع !! ( ويك اند على قولة الخواجات) !!!
شفنا صور روضة خريم طيبه لكن يقولون "معصي" مشبكينها و وقف بعيد و خذ زهابك على ظهرك و امش !! قلنا بلشه !! الزهاب ماهو زهاب ..الا عفش و قش و كسرة ظهر !!!
قلنا مالها الى رجالها !! اهل مكشات الطيبين بيعطونا العلم الوكاد عن روضة خريم و غيرها من المواقع الطيبه و اللي تستاهل المشوار باخر الاسبوع لاباس بالوصف و دليل الطريق و الخدمات المتوفره على شان ما نشيل كل قشنا و و بعد الصوره المعبره ازين و ازين و عاد يالربع الامر بين ايديكم و طالبين فزعتكم . [/SIZE] [/COLOR]
الفتى المجازف
05/02/2006, 02:48 AM
تبي النصيحة اترك عنك خريم وحدائق الرياض الخلفية
انت ناوي تقطع 400كيلو عشان حديقة اعتبر هذا هدر للوقت
وقتل للراحة والاستجمام.
اذا كان ولا بد فالحاصبيات اقرب لك وهي مفتوحة
واذا تبي احداثياتها تجدها في الوقع
شد حيلك واتعب على شي يستاهل
تحياتي
ابوذيب
05/02/2006, 10:01 PM
على ساموده وعلى ساموده ............ راحوا ماودعونا

وعلى دلعونه .....................................
سحاب1111
06/02/2006, 11:45 AM
الاخوة السلام عليكم
الرجال طلب من كم حاجة نجزوة خلوة يطلع ويستانس
alhellal2000
07/02/2006, 01:22 PM
شكرا على مداخلاتكم و مروركم الكريم

الفتى المجازف : انت ما شاء الله مجازف !! انا و انا اخوك مجازف إلا شوي و العين ما تعلى على الحاجب !!!

ممكن معلومات اكثر عن الحصبيات , اقرب طريق لها و المسافه و اقرب حاضره , معالم و خدمات الطريق و مثل هذا و ما يخفاك و دنا نجازف على سنع !!

ابو ذيب
الذيب من الذيب . ساموده و ينها عن الحصبيات و لا هي مشوته عنها !! و دربها و احواله ... و مثل السابق اعلاه

ساردار
جعل دارك كلها سرور , قلت اللي بالنفس

يعطيكم العافيه يا النشامى
ابو سعيد
07/02/2006, 01:31 PM
خللك حول أبرق الكبريت وبتنبسط ان شاء الله
هاوي قصيده
08/02/2006, 08:23 PM
يا هلا بك والله اخوي

اذا تبي العلم الوكاد وقريب لم القصيم

فيه منطقه تبعد عن بريده حوالي 30 كيلو اسمها الركيّه عند مزارع السلمان

صراحه ماكنت اتوقع فيه ربيع مثل كذا

الارض هي فيضه بس مابها ماء بها خضاااااااار يرد الروح وبامكانك نصب خيامك وشب الضوو

مهوب مثل روضه خريم او التنهاة يذلونك على كم ربله واثلتين والبلا انها ساقينها بالماء مهوب ربيع صزز

والمنطقه اللي بالركيه اسمها صورضه الصريف... وهي اللي حصله فيها معركه بين بن رشد وبن سعود وقريب منها المقبره


بس اسال اهل بريده عنها ويدلونك اذا تبي الربيع الصزز وانا اخوك

وراح تدعي لي


تقبل شكري
ناجز
08/02/2006, 11:41 PM
العتم كته في ساموده وام عشر والدليل شف التقارير للشباب معظمها عن هذي المنطقتين
رحلة سعيدة ان شاء الله
ريف النشاما
09/02/2006, 12:08 AM
خذني معك

:D
alhellal2000
09/02/2006, 10:29 AM
ابو سعيد : , الله يسعدك و ينه ابرق الكبريت !! بالمناسبه و ش معنى "ابرق" فيه ابرق الرغامه في جده و غيرها هل هو يعني المطل او غير كذا !!

هاوي قصيده : يازين القصايد و الاشعار لكن ياخوي خميس و جمعه ما تسوى على مشوار من الشرقيه الى القصيم و لا نصيحتك طيبه .

ناجز : يعجبني الانجاز , رايك عزيز و مثمن.
ريف النشاما : يازين صحبة النشاما

شكرا للجميع و مداخلتك و مروركم عندي ربيع و خير و فير .
صـــقر نجـد
10/02/2006, 01:45 PM
أقول لاتدور غير شمالي الصمان أقرب وربيع طيب ولا تنسون الدبدبة وما حولها هذي نصيحتي
alhellal2000
14/02/2006, 11:44 AM
صقر نجد : جزاك الله خير
شكرا للجميع على حسن المشاركه.

عاجل !!!

ارجو تفضلا منكم جزاكم الله خير ان اجد و صف و اضح من حفر الباطن المدينه الى "ساموده "
من اين المفرق الى الطريق
معالم الطريق و مسافته و افضل طريق سالك و خصوصا لغير سيارات الدبل .
محطات البنزين , هل يوجد بقاله
احوال التلفون الجوال !!
توفر خارطه للطريق ستكون مفيده اكثر
لا باس من الاحداثيات و لكن "قد لا توفر معي gps" فالوصف الواضح مهم عندي

الرحله خططنا تبدا فجر الخميس من حفر الباطن و العوده الجمعه بعد العصر باذن الله
جزاكم الله خير
أبومناحي
14/02/2006, 06:01 PM
أقووول غير روضه خزيم لا تدور