صراحة ما توقعت فورتشنر 4 سلندر (صدمه) ارجو الدخول [الأرشيف]

سدرك

05/10/2011, 02:46 AM

يا اخوان شريت فورتشنر 2011 قير عايدي دبل

ورحت اجربه في النفود

اداءه ضعيف جدا واذا حطيته بالثاني يموت العزم حتى لو كانت الطلعه خفيفه

اجل لو بروح الربع الخالي مدري وش بيصير !!!!!!!!!!!!!!!!!!!!!!!!!

نوع الكفرات بريدجستون قاسيه ما ادري اذا السبب منها ولا لا؟

منسم على 10 جميع الكفرات

نصيحة اللي يفكر يشتري 4 سلندر يتسلف ويزود ويشتري 6 سلندر

كم كيلو باقي

05/10/2011, 02:49 AM

الكفرات تلعب دووور كبير يالغالي

ولا تتحسف ولا شيء .. اشتر جنوط عريضة وركب عليها هانكوك وحط 10 بكل كفر .. وان شاء الله بيتحسن الأداء بشكل كبير
وحبذا لو يكون عرض الكفر 275 او 285

ددسن 2008

05/10/2011, 03:06 AM

طبيعي اربعه سلندر ضعيف .. ولا تكبر الكفرات ترا بيطيح عزمه زياده

بصراحة الموتر ممتاز لكن وزنه ثقيل على اربعه سلندر ما ينفع حاول تبيعه وتاخذ سته سلندر بتفرق واجد

واذا تعذر عليك البيع بسبب الخساره حاول تغير الجنوط الى 15 وكفرات هانكوك بيخف عن اول

الله يوفقنا واياك ومن يقرا

كثير السؤال

05/10/2011, 03:59 AM

يولد الاجواد كد طلعت مع قروب فورتشنر بتايوتا العربيه كلهم مايغيرون النمره عن واحد اذا جو يرقون طعوس واسولف معهم يقولون الفورتشنر كذا مايعطيك الا بواحد

أبو لافي

05/10/2011, 04:20 AM

اخوي سدرك اذا تأزمت عندك الامور وتبي تطلع طلعه طويله شوي اشبك الثقيل وقومه بالثاني الين قبل لايقطع والقطه بالثالث مع شوية مرونه بالدركسون اذا كان الطعس ناعم (رباضه او ريغه او بودر)اتمنى اني افدتك

أطلال نجد

05/10/2011, 04:30 AM

حاول تبيعه وتأخذ سته سلندر إذا كنت راعي تطعيس ومراقي وتبي عزم قوي .

من انت

05/10/2011, 10:29 AM

اربعه سلندر فاشل وبقوه مكينته مكتنة هايلوكس وهو ثقيل عشان كذا يموت العزم

واحد من خوياي معه فورتشنر 2006 قير اوتو 6 سلندر ماشاء الله يماشينا وانا على الفكس آر 2004

وقوي حتى في الطعوس وهو اوتو ماشاء الله

نصيحه بعه وخذ موديل 2012 6 سلندر

FORD1969

05/10/2011, 10:55 AM

سته سلندر ويالله يطربك

ساهر حايل

05/10/2011, 11:13 AM

اخوي اكيد انه ضعيف شوي بس عليك بالهواء نزله الى 10 او 8 بس وراح تشوف مشيه وغير كذا الفورتشنر بالطريق الصعب لاتغير النمره عن 1 اذا خفيف وال3 او 2 لاصار الدبل بالثقيل .. ولايهمك النمره لو طولت عليه ماعليه يتحمل ..

المميـز

05/10/2011, 02:31 PM

:

الكفرات اللي تجي عليه قاسيه جدا

لابد انك تنزل الهواء إلى 10

وثاني شي وهو الأهــــم

نفس نمر قير الفورتشنر العادي طويله جداً

يعني خلك دايم حاطه بالاول وانت تتمشى بالنفود لاتعطيه الثاني ابد

:

غواص وقناص

05/10/2011, 03:35 PM

اخوي تراه اربعة سرندل يعني طري 10
وخله في الواحد

وحتى الستة انا معي ما اطلع فيه الى ب الواحد

وترى الأربعة يجمل بس لا تقارنة بسيارة 6 سرندل
وا6سرندل لا تقارن ب8 سرندل

وبا التوفيق

ابو خالد 1992

05/10/2011, 04:28 PM

جرب تماتيك 4 سرندل وش الفرق حتى 6 سرندل القير العادي موب ذاك الزود الأكيد ان التماتيك 4 او 6 سرندل افضل بمراحل من القير العادي

drrrb-503

05/10/2011, 04:37 PM

ياربع معنا اربعه سلندر ٢٠٠٨قير توماتيك ننسم ١٠ ونتمشى في النفود ونراقي وبدون دبل ويمشي زي الحلاوه مشاء الله تبارك الله

HAS5SAN

05/10/2011, 07:16 PM

ياربع معنا اربعه سلندر ٢٠٠٨قير توماتيك ننسم ١٠ ونتمشى في النفود ونراقي وبدون دبل ويمشي زي الحلاوه مشاء الله تبارك الله

الاعتماد في التطعيس على النحو التالي :
50% السائق
50% السيارة

ابن عكاش

05/10/2011, 07:21 PM

ياربع معنا اربعه سلندر ٢٠٠٨قير توماتيك ننسم ١٠ ونتمشى في النفود ونراقي وبدون دبل ويمشي زي الحلاوه مشاء الله تبارك الله
كلامك كذا:good2: والله اني في المحلية يوم الجمعة الماضي كنت جالس فوق طعس المهم جاء راعي فورتشنر 4سرندل اوتوماتيك المهم كان يتمشى يوم اقبل على الطعس قلت بيشد والله انك يالله تسمع حنة الموتر ورقى الطعس وقام يسايف ماشاء الله عليه

جمس دينالي

05/10/2011, 07:30 PM

معروف ان الفورتشنر 4 سلندر عزمه بعيد جدا عن 6 سلندر

لكن لا تزعل كم حاجه ويزيد لك العزم

ركب فلتر K&N سعره 120 ريال

ركب مراوح اضافيه ما تكلفك 200 ريال

ركب لك دبه وفك دبه التلوث عشان تريح المكينه

هاذي الاشياء الرخيصه واذا ما عندك مانع

ركب هدرز <<< عزم وطرب

وتشوف كيف يصير طياره

البرتقالي

06/10/2011, 12:30 AM

افشل سيارة انتجتها تويوتا
ضعيفة وزود على هذا مرتفعه وشكلها قبيح

لو انا مكانك ابيعها واخذ لاند مستعمل
اوجه واصرف بمليون مره

جمس دينالي

06/10/2011, 01:16 AM

افشل سيارة انتجتها تويوتا

ضعيفة وزود على هذا مرتفعه وشكلها قبيح

لو انا مكانك ابيعها واخذ لاند مستعمل

اوجه واصرف بمليون مره

اخوي نسيت اقلك ركب كفرات هانكوك

ابوراكان تبوك

06/10/2011, 02:31 AM

الموضوع مايستاهل يا جماعه كل شخص في هذا المنتدى ردوده هي اللي تعبر عنه والموضوع بسيط يا اخوان طولو بالكم

fof6666

06/10/2011, 03:27 AM

أخوي سدرك
أنا معي فورتشنر 4 سلندر قير عادي 2009
اذا موترك مامشى واجد لاتحكم عليه
والكفرات لها دور كبير
توي مركب كفرات دنلوب وحسيت بالفرق
الاسبوع الماضي طحت برباضة بالدهناء انا وجكسار توماتيك
موتري مع التنسيم والحفر طلع روحه
أما الجكسار ماطلع الا يوم سحبته

ونصيحة
حمل الموتر بحمل ثقيل (تانكي مليان أو شي يثقل الموتر ) وامسك به خط وراح تلاحظ الفرق بالعزم

تحياتي

.أبوعبدالرحمن

06/10/2011, 05:55 AM

أرجو عدم الخروج عن الموضوع في الردود

وإذا تكرر ذلك نضطر إلى إقفال الموضوع

وإيقاف عضويات المخالفين قد تصل إلى الدائم

ولد وايل..

06/10/2011, 06:41 AM

وانا اخوك نصيحتي لك خلك ع مجنونك لا يجيك أجن منه ...

أنت شريت السيارة .. وكثير مهو مقدر كونك شريت سيارة ولا يدري كم تكلفت فيها وهل هي كاش أو اقساط

بغض النظر هي سلف أو لا ..

نصيحتي لك لا تسوي شي بسيارتك ولا تخربط فيها ..

إن كانك كرهتها وكان سعرها ماسك ولا نزل كثير فبعها وارتاح لو تشتري لك كيا ولا سزوكي وانت مرتاح أزين لك ..

وإن كان تحس إن السعر يتأثر فوكل الله وخلها معك وإن كان ولا بد انتظر تستهلك الكفرات وغيرها بنوع لين ولا تاخذ عريض بالحيل الليونه أهم ..

شي ثاني أعرف موترك ترى السيارات تختلف وطبيعي أنت اول مره تروح بالموتر تنصم فيه أو تاخذ عنه فكره أكبر مما يستحقها والأيام هي اللي تبين الحقيقة ..

وترى الطلوع والمراقى ما يقتصر على طريقة وحدة ما رقيت من هنا ارقى من هناك والأمر سهل ..

نسم الكفرات وسايس الموتر واعرف له وماهو لغيار المناسب لكل منطقة ..

الفرتشنر يعرف بين ملّاكه بأنه ما يمشي إلا بالمداعس لأنه يمدّ معك ولا هو مثل الجمس ولا الباترول نشاطة يرفعه مباشرة بل يعتمد على القدرة الحصانية ..فأنت من تعشق يبرد ولو كان 6 ..

لله يسهل أمرنا وأمرك ..

البرتقالي

06/10/2011, 12:29 PM

أرجو عدم الخروج عن الموضوع في الردود

وإذا تكرر ذلك نضطر إلى إقفال الموضوع

وإيقاف عضويات المخالفين قد تصل إلى الدائم

الرجال اخطا وتطاول علي بدون سبب
ولا كأن فيه حرية راي أو مجال للنقاش المحترم
يعني اذا جيت اكتب رايي ارسله له خاص
علشان معاليه يعطيني موافقة والا كيف ؟؟
وبالاخير يلحقني تهديد بالايقاف !!!

مايرضى المهونة لنفسه الا الردي وضعيف النفس
وعضويتي فدى راسك يابو عبدالرحمن

المنيعي1

06/10/2011, 01:01 PM

حاول تنزل الهواء كل مانسمت زياده ريحت الموتر خله على خمسة أو اكثر شوي

Bader-M

06/10/2011, 01:28 PM

سيارات الدفع الرباعي يجب ان تكون 6 سلندر على اقل تقدير

تحياتي اليك

الباشاء

06/10/2011, 02:45 PM

يابن الحلال عليك بالثقيل شكلك تشوف الجيوب تحسبها بالخفيف والثاني ... كل العالم بالثقيل والثاني وعساه يمشي لا يروح بالك ان االي يطعسون بالخفيف ابد خصوصا مع الطلوع الطويل

.أبوعبدالرحمن

06/10/2011, 02:54 PM

الرجال اخطا وتطاول علي بدون سبب

ولا كأن فيه حرية راي أو مجال للنقاش المحترم
يعني اذا جيت اكتب رايي ارسله له خاص
علشان معاليه يعطيني موافقة والا كيف ؟؟
وبالاخير يلحقني تهديد بالايقاف !!!

مايرضى المهونة لنفسه الا الردي وضعيف النفس

وعضويتي فدى راسك يابو عبدالرحمن

حياك الله

أرجو إنك ما تزعل ولا تتحمس زيادة لأن الموضوع سيارات في سيارات

والرجال الله يوفقه اعتذر منك وأنتهى الموضوع

وهذا رده

واذا انت شايف اني اخطيت عليك فانا اسف وحقك علي

فأرجو منك إنك تنهي الموضوع وإلا سيتم حذف ردك

البرتقالي

06/10/2011, 03:30 PM

حياك الله

أرجو إنك ما تزعل ولا تتحمس زيادة لأن الموضوع سيارات في سيارات

والرجال الله يوفقه اعتذر منك وأنتهى الموضوع

وهذا رده

فأرجو منك إنك تنهي الموضوع وإلا سيتم حذف ردك

بيض الله وجهك ووجهه
نبقى اخوان والضربة اللي ماتقتل تقوي
واعتذر منك اخوي ابو عبدالرحمن ومن الاخ الكريم
والله ليس خوفا من ايقاف او ماشابهه لكن تقديرا لكم ومحبة

وساطرح موضوع بعد قليل يوضح كل الجوانب
وينهي مابالنفس بإذن الله [/CENTER]

التعـ King ـديل

06/10/2011, 04:28 PM

الفورتشنر معروف الاربعه سلندر حق مدينه وبس .. لكن ان قدرت تبيعه وتشتري 6 ولا غير جنوطه الى هلل وكفرات بالون 800 وامورك بتزين

واحد مبسوط

06/10/2011, 05:12 PM

ساري 111

06/10/2011, 06:34 PM

.أبوعبدالرحمن

06/10/2011, 10:15 PM

بيض الله وجهك ووجهه
نبقى اخوان والضربة اللي ماتقتل تقوي
واعتذر منك اخوي ابو عبدالرحمن ومن الاخ الكريم
والله ليس خوفا من ايقاف او ماشابهه لكن تقديرا لكم ومحبة

وساطرح موضوع بعد قليل يوضح كل الجوانب

وينهي مابالنفس بإذن الله

الله يعطيك العافية أخوي البرتقالي وأطلعت على موضوعك

الذي بيّن لي حسن تربيتك وأخلاقك الكريمة

ابونبيل

07/10/2011, 01:06 AM

خويي كان معه 4 سلندر تماتيك يطلع الطعوس بدون تنسيم على الدفع الرباعي المستمر طبعا بدون تنسيم يحفر شوي بس والله يمشي كبر بعيني ذاك اليوم بس انت ابدأ بالحلول السهله ركب كفرات عريضه دنلوب ولا هنكوك لان البرجستون قاسي حق خط فقط

ابونبيل

07/10/2011, 01:16 AM

يا اخوان المشكلة كلها في الدعسة الالكترونية
انا كان معي هايلكس 2003
اقسم بالله انها تدخل قبل الجيوب من خفتها وسرعتها وخاصة في النفود
والان معي هايلكس 2011 الموتر تحس ان عزمه بارد
حتى الشاص الجديد تحس عزمه بارد
يعني فيه مشكله وهي الدعسه الكترونية

معقوله.. لان في واحد يقول ان اللند الجديد التماتيك انشط من العايدي
وصارو ناس واجد ياخذون هلي دبل تماتيك ويمدحونه بعد !

سبحان الله يمكن صدق التماتيك الحجين تفوق على العايدي بسبب الدعسه

وخويي كان معه فورتشنر تماتيك اقولك ماينسم فرش بطعوس الهافمون وشايل نفسه

عشق البر

07/10/2011, 05:37 AM

عموم سيارات الدفع الرباعي مااتمشي بالنفود والطلوع الا بواحد لأن عندك 4 كفرات محمله على المكينه

جرب تنزل الهواء الى 15 ومش بدون دبل بتلاحظ انك تمشي بالثاني وانت مرتاح لأن الحمل خف على المكينه

مهب شرط كل سيارات الدفع الرباعي تمشي وتراقي بالأول انا عندي باترول 93 امشي واراقي بالثاني بس واذا مستويه بالثالت!!

ولد وايل..

09/10/2011, 05:20 AM

عموم سيارات الدفع الرباعي مااتمشي بالنفود والطلوع الا بواحد لأن عندك 4 كفرات محمله على المكينه

لا الله يسلمك .. مالك لوا ..

مافيه أثقل من مكاين الجمس وتطلع اعلى المراقي ب2 وإن كانك منسم ولا بالدبل تروح ب3

والاختلاف بحسب نوع السيارة ومدى القير ..

ديفون

09/10/2011, 07:53 AM

شريت الفورتشنر 4 سلندر ولكن صعقت بضعف الماكينة وبعته وخسرت فيه 7000 الاف ومشيته 3000 الاف وبعدها خذيت باجيرو 6 سلندر ابرك من هذا الموتر وعيبه انه مجمع اندونيسي . يعني لاجودة ولا بطيخ

VX-R 777

09/10/2011, 08:01 AM

مبروك الموتر والله يعطيك خيره ويكفيك شرهـ
بقولك على حل وان شاء الله تطلع بنتيجه مرضيه
حاول تنسم الكفرات 10 حلو .. ولاتغير النمره عن 1 ..
ولاتعشق الدبل لائن الفورتشنر دفع رباعي مستمر .. واللي لاحظته انه الموتر يثقل اذا عشقت الدبل .. يعني مشيه بدون دبل اخف من مشيه اذا عشقت الدبل
أكيد ماراح تستوعب .. لاكن جرب تطعس بدون دبل وشف الفرق .. وان شاء الله راح تدعيلي .

الهاوي vip

09/10/2011, 10:34 AM

ترا الفورتشنر دعسته كهرب

انا معي هايلكس 2011 في المراقا يخف عزمه عشان دعست الكهرب
وشكرا

برهوش

09/10/2011, 11:04 AM

مو صدمه وبس....
مقلب الفورتشنر الـ 4 سلندر
كان معي 2006 وبعته
سيارة ماتتعدى 140 وانت مسافر ومشغل المكيف ..
وما تقدر تتجاوز التريلات في الطرق المزدوجة لأنك ماتضمن تعدي بشكل سريع
الحين معي باترول 97 والله انه ابرك منه وانشط
الله لا يعيد ذيك الأيام..