عزم السيارة في جنوب المملكه !!

[أبوعذااب707]

السلام عليكم

الاحظ في في عزم السياره دايما اذا رحت لابها عزم الموتر طايح
اما في الشرقيه الموتر نشيط ويمشي



احد منكم لاحظ هذا الشي ؟؟


سألت اكثر من واحد قالوا لي نقص الاكسجين له دور !

[حصن زحام]

حياك الله
أنا لاحظت هذا الشئ في سيارتي هايلكس موديل 91
في أبها عزمها عادي, ولكن إذا نزلت تهامة أجد منها تجاوبا عجيبا, مجرد دعسة بسيطة على البنزين إلا وهي تناقز مثل الجني..... لم أجد تفسيرا لهذا من يوم شرائها إلى هذا اليوم.

[أبـوأسـد]

قد يكون قلة الأكسوجين بالمناطق المرتفعة

[البرتقالي]

طبيعي جدا اختلاف التضاريس
لكن مدري عن سالفة الاكسجين هل لها علاقة بالسيارات !!

[فهد 333]

هههههههههههههههه
ماتبي لها تفسير
بالشرقيه تشرب بانزين من قريب وبالجنوب ماحولها شي
والاكسجين مفصول مثل ابراج الاتصالات
نعم انا معي جيب رحت الباحه عن طريق الطائف الله لايرد هالطريق والله بغيت انزل من السياره الموتر عجز يمشي
اما بالشرقيه يالله امسك الدركسون

[HAS5SAN]

فعلاً هذى حقيقة
وعلى طريق الساحل تجدها مثل البرق
والاكسجين له الدور الاكبر بالاضافة
إلى عوامل التضاريس وقوة الجاذبية
و ( النفسية )

[sgl2002]

نعم حتى اتحداك تقرص للموتر

اذا رحنا هناك يطيح عزمها مرررره بس البنزين يخف صرفيته

والسبب الاوكسجين

لكن عندنا شباب هناك يعدلون في وزنية الديلكو

[ابن عكاش]

يعطونك العلم اهل الجنوب
لكن ترى الجنوب طلوع ونزول فاكيد يضعف العزم بسبب الطلوع المستمر

[sgl2002]

يعطونك العلم اهل الجنوب
لكن ترى الجنوب طلوع ونزول فاكيد يضعف العزم بسبب الطلوع المستمر

ماله دخل الطلوع والنزول

انا اروح خميس مشيط لاطلوع ولانزول ومع ذلك عزم السيارة طايح

هذا يعود للاوكسجين

[ابوغلاب]

الاوكسجين والحرارة منخفضة ارتفاع عن سطح البحر حوالي 2000 الى 2900 متر فتنخفض الحرارة والاوكسجين ، لكن اذا نزلت الى تهامه بحوالى 70 الى 100 مترعن سطح البحر تجد الفرق من الاوكسجين والهواء الساخن اللى يساعد على الاحتراق داخل حجره المحرك

[بيك اب 4X4]

نعم
الاكسجين هو السبب
يا رجال في الجنوب ما يمديك تمشي خطوتين او تطلع درج إلا و انت تلهث

[أبا مجاهد]

اتوقع بسبب انها مناطق جبليه وارتفاعات وانخفاضات

اكيد لها دور والله اعلم.

[كاشت وحداني]

السبب الرئيسي الاكسجين طالت اعماركم
ولكن اقرب ورشه للي ماله خبره ويفتح حق الهواء شوي

[ابونبيل]

سبحان الله.!

[ابو انس111]

الاوكسجين والحرارة منخفضة ارتفاع عن سطح البحر حوالي 2000 الى 2900 متر فتنخفض الحرارة والاوكسجين ، لكن اذا نزلت الى تهامه بحوالى 70 الى 100 مترعن سطح البحر تجد الفرق من الاوكسجين والهواء الساخن اللى يساعد على الاحتراق داخل حجره المحرك


كلام سلييييم :good::good::good:

[بدوي جنوبي]

http://www.carbibles.com/thumbnails/octanegraph.jpghttp://www.carbibles.com/images/octanegraph.jpg

[أرمادا]

لا يا شباب مو السبب الاكسجين ..

السبب قلة الضغط الجوي لانك بمكان مرتفع ،،

اللي تخصصه هندسه بيعرف الشي هذا انا درسته بمادة الثيرموديناميكا بكلية الهندسة وتطرقنا لموضوع قلة اداء السياره بالمرتفعات بسبب قلة الضغط ..

[ابوغلاب]

لا يا شباب مو السبب الاكسجين ..

السبب قلة الضغط الجوي لانك بمكان مرتفع ،،

اللي تخصصه هندسه بيعرف الشي هذا انا درسته بمادة الثيرموديناميكا بكلية الهندسة وتطرقنا لموضوع قلة اداء السياره بالمرتفعات بسبب قلة الضغط ..


طيب والطائرة لما تكون بإرتفاع عالى جدا عشرة اضعاف ما قلناه ، ايش تفسيرك لها ؟ هل هو الضغط الجوي ؟
نعم الضغط الجوي يأثر بس مو مثل الاوكسجين لذلك تجد في اغلب الطائرات خزانات اوكسجين تساعد على الاحتراق

[أرمادا]

^^

الطائرة محركاتها نفاثه ..

بالارتفاعات العاليه مثل ابها تقل قدرة السياره بنسبة 15%

[jasser]

يا اخي الموضوع ما يبغى له فلسفه وتحليل نفسي ...
انا في الجنوب وتفرق السياره من 30 الى 50 بالميه في العزم عن المناطق المنخفضه والساحليه
والسبب المتعارف عليه دوليا نقص الاكسجين حتى في بعض المرات يصل الى ما دون 10 %
والمعروف ان للاكسجين تاثير كبير في اداء وقوة المحرك والدليل تشوف السيارات المعدله يحطون لها اسطوانات اكسجين مشبوكه في المحرك لزيادة العزم ..
لان الهواء اللي يدخل المحرك هو المتحكم الاول في قوته ولو كان هذا الهواء ملوث او فيه شوائب تنقص من الاكسجين ما بيكون فيه احتراق كامل وبيضعف عزم الموتر .
هذا ما عندي من خبره وتجربه
دمتم بالف خير

[أبو هشام راشد]

شيء طيب عشان تتمشى زين :)