المساعد الشخصي الرقمي

مشاهدة النسخة كاملة : محتار وابي النصحية ... محتار بين الغمارتين الديماكس والهايلكس 4*4



طشي وامطري
09/10/2011, 10:29 AM
السلام عليكم ورحمة الله
انا شايب راعي خطوط وكشتات شبه اسبوعي.
ومحتار بين الديماكس والهايلكس الغمارتين.
ابي الشور لأهل التجربة والخبرة.

والله يجزاكم خير.

أمير العجمان
09/10/2011, 01:14 PM
اللي اعرفه ان الهايلوكس الدفرنسين ميت عزمها

من خلال تجربة احد الزملاء

قائد السريه
09/10/2011, 01:23 PM
^^

انا معي دبل 11 من ابدع مايكون

كان يبرد بالثاني بالنفود بسبب البرجستن قاسي وركبت ماصوره بدل دباة التلوث وصار ممتااااز

عالعموم اذا بتفكر في الهايلوكس البنزين فمافيه اي مقارنه بينه وبين الديماكس

قوه وتمحل وقطع متوفره ورخيصه ودبل قير وارغب عند البيع ويمسك سعره ويتفوق على الديماكس في كل شئ

اما اذا تبي ديزل فممكن الديماكس افضل مكينته 3000

اما الهايلوكس الديزل ماينزل عندنا الا 2500

3000 ماينزل بالخليج

NOYEB
09/10/2011, 01:33 PM
ارى ان الـ Hilux افضل من ناحية الاستعمال والصيانة وقطع الغيار والبيع فيما بعد .
موفق.

الوسمي44
09/10/2011, 02:37 PM
^^

انا معي دبل 11 من ابدع مايكون

كان يبرد بالثاني بالنفود بسبب البرجستن قاسي وركبت ماصوره بدل دباة التلوث وصار ممتااااز

عالعموم اذا بتفكر في الهايلوكس البنزين فمافيه اي مقارنه بينه وبين الديماكس

قوه وتمحل وقطع متوفره ورخيصه ودبل قير وارغب عند البيع ويمسك سعره ويتفوق على الديماكس في كل شئ

اما اذا تبي ديزل فممكن الديماكس افضل مكينته 3000

اما الهايلوكس الديزل ماينزل عندنا الا 2500

3000 ماينزل بالخليج

معك في كل شي الى في النشاط انا يوم جربته استحقرت الهايلكس بنزين هاذا 6 سلندر تيربو وسعة المكنيه 3000 فيه نشاط ماهوب على الديزل ابد لكن بالنسبه لقطع الغيار سمعت انها غاليه ومع كل تغير زيت تحتاج تغير فلتر ديزل للطرمبه ويفيدونك رابطة الديماكس

قائد السريه
09/10/2011, 02:41 PM
^^^
انا مجربه ومجرب الجمس 6500 تيربو ديزل والله معليش مافيه مقارنه بالهايلوكس 2700

الهايلوكس انشط بكثير

اما اذا تقصد تقارنه بالهايلوكس الديزل 2500 فأكيد الديماكس اقوا لان الهايلوكس ماينزل 3000 عندنا

شاص
09/10/2011, 03:56 PM
دبل الديماكس كهرباء يعني فرار وليس قير .. صيانة الآيسوزو غالية مقارنة بالتويوتا

ابونبيل
09/10/2011, 04:54 PM
هايلكس برآآآآآآآآآآآآآحه


قطع متوفره و بيع فيه ربح بالمستقبل

أمير العجمان
09/10/2011, 05:30 PM
بالاخير استأجر الاثنين
وجرب
وشف وش اللي يلبي احتياجاتك


موفق

الولهان807
09/10/2011, 07:08 PM
ديماكس من خلال تجربة

شمساوي
09/10/2011, 10:25 PM
أكيد هايلوكس انا مجرب الهايلوكس ويشهد علي ربي مديل 2006 و 2008 و2009 وسيارتين 2010 بنزين اما عن الديزل مادري وحده وكاله والثانيه مستعمله والغريب ماشاء الله ماتخرب ابد ماغير تغير زيت وسيفون وفحمات واذا خرب شي انا مسؤال

يأخي بعض الناس مادري وشلون يفكر خير تايوتا لتشري

والزوز ديماكس مع صديقي ولا بريال مع احترامي له غير كذا انواع الخربات وقطع غياره اغلى من البي ام والكزس مادري ليش
تدري اديتر الدربو 5000 ريال خخخخخخخخخخ
والطرنبه 9000 ريال

وكل شي غالي مادري ليش

fahad marzouq
09/10/2011, 10:28 PM
هاااااااااايلكس وبس واترك عنك السيزوز حق الشركات والقز

SaMi83
09/10/2011, 10:54 PM
شف ياطويل العمر انا شغال بمؤسسة ونستخدم ديماكس وانكرف الين قال بس والمؤسسة توديه صيانه اخر صيانه له كانت العام الماضي 2010 والحين هو بالوكاله طبعا ديزل المهم الان فيه مشكلة لامشيت فوق الميه وستين يسخن طلع بوه مشكلة بلف الحراره خربان تم تغييره وتم تغيير كلتش المروحة واصلاحات الكلتش حق الدعسه وتم فك ثلاجة المكيف ومجاري هواء المكيف وتم فك الطلبون للتنظيف من الاتربه مع تعبئة الفريون مع قطعه صغيره مدري وشهي المهم كلفة تقريبا 4200 شغل يدهم 1300 والباقي قطع بس انكرف سنه كاملة وهو موديل 2008 والكرف خط وجبال واتربه داخل المواقع الميدانية لكن عزمه قوي بصراحه وخفيف تقول بنزين مو ديزل ويتحمل حفر مطبات مايقول شي يتحمل بصراحه والاهم من ذلك تعبيه فل 15 ريال الموتر ماعليه كلام بصراحه ×
حبيت انقل لك صورة عن السيارة وعن استخدامها

والله يوفقك بالاختيار ×

.أبوعبدالرحمن
10/10/2011, 08:38 AM
الأن (((((((( رابطة ملاك الهايلكس دبل 4×4))))))))))) (http://www.mekshat.com/vb/showthread.php?t=260852)

رابطه ملاك إيسوزو ديماكس(d-max) (http://www.mekshat.com/vb/showthread.php?t=181723)

أطلع على هذين الرابطين

راعي النفود
10/10/2011, 08:48 AM
يابعدي مايبيلها حكي الهيلكس وبس موفق خير

ص ح ل2009
10/10/2011, 05:58 PM
هايلكس انا معي 2009 ماشاالله عليها جربها وان شالله ماانت خسران واستخيرالله والله يكتبلك الخير

المصباح السحر
12/10/2011, 06:13 AM
والله شيء محير الهلي معروف بس نبي نتاكد من قضية الحنه يقولون انه يحن

الديماكس مدحها ناس كثير وانا سقتها روعه بس نبي نسأل اللي جربوها هل هي كثيره اعطال ولا مثل الهلي انسى

من شمر
12/10/2011, 06:44 AM
صباح الخير اناجربت الديماكس دبل من 2005 ممشتريها وكاله وكذلك هايلوكس دبل ..... الديماكس سياره متماسكه جدا اقصد بالطرق الوعره والغير معبده وتتحمل وتصبر ولكن الله يهدي وكلائها يبيعونك بسعر معقول ولكن عساك ماتحتاج قطعة غيار تشوف الموت . وبسبب هذا تجدها خساره عند البيع ,,, لكن الهايلوكس تويوتا وتويوتا حظها خيال .. مع الصحرى اذا ماتكون حذر جدا ماتجي الا وجهها ماهو عليها ومبالغ بسعرها ولكن قطع غيارها شبه معقول والاهم عند البيع حظ تويوتا فوق ..... واذ ا تبي ديزل وتبي قوه فالديماكس اقوى ... والنهايه والخلاصه وبعد تجاربي لوكنت بشتري الان وانا راعي بر والله ما آخذ الا هايلوكس ديزل جديده وكد ومد واضرب اي خط وانت مرتاح والله يوفق الجميع

اتجاه السحاب
12/10/2011, 12:43 PM
هايلكس افضل لان الدبل عصا والديماكس فرار

فيصل التميمي
12/10/2011, 01:01 PM
من واقع تجربة هايلكس دبل 2010 تمام التمام بس بنزين
لكن العيب الوحيد انة ثقيل شوي

حرنا بك
12/10/2011, 02:10 PM
^^

انا معي دبل 11 من ابدع مايكون

كان يبرد بالثاني بالنفود بسبب البرجستن قاسي وركبت ماصوره بدل دباة التلوث وصار ممتااااز

عالعموم اذا بتفكر في الهايلوكس البنزين فمافيه اي مقارنه بينه وبين الديماكس

قوه وتمحل وقطع متوفره ورخيصه ودبل قير وارغب عند البيع ويمسك سعره ويتفوق على الديماكس في كل شئ

اما اذا تبي ديزل فممكن الديماكس افضل مكينته 3000

اما الهايلوكس الديزل ماينزل عندنا الا 2500

3000 ماينزل بالخليج

:good2: :good:

المنبسط
28/01/2013, 11:04 AM
اذا كنت في منطقة منتشر فيها الديماكس فخذها
سيارة جدا رائعة من نواحي 1-الراحة 2- في النفود روعة مقارنة بالونيتات الاخرى طبعا بدون لعب فيها ترهيم وخربطة
الديماكس مشكلتنا معه ما نعرف كيف نسوي له صيانة ولو حافظنا على صيانته ثق تمام الثقة انك بترتاح معه وصيانته سهله تغيير فلتر الديزل كل 25000الف وفلتر الهواء تنظفه وتغيره كل فترة
وللعلم جربت الهايلكس 2006 دبل وجربت الايسوزو 2009 دبل
الايسوزو افضل عندي
والمسألة قناعات واراء والله يدلك على الزين

حر اليدين
28/01/2013, 11:26 AM
كلتا السيارتين جيدااات لكن الكلام على الرغبة الايسوزو توني شاريها مالي ثمان شهور رحت عليها الجنوب ورحت عليها كذا مرة البر .. سيارة جيدة وقوية وسريعة ... والهايلوكس جيدة كذلك وتقف عند الرغبة


اذا تبي الراي جرب السيارتين وتريث لا تستعجل واستخر والله يدلك على اللي فيه خير
الايسوزو قطعها غالية شوي وغيار الزيت 7 بدون سيفون وبسيفون 8 وفلتر الزيت يتراوح من الـ 50 الى 65 تقريبا

الحربي حاتم
28/01/2013, 11:29 AM
بسم الله الرحمن الرحيم
نصيحة لاتأخذ الهايلكس معى الوالد 2011 ومع أخوي 2012 والله أنها تعبانة وما تستاهل عزم تعبان دبل تعبان والله أن الثقيل فيها مايفرق عن القير العادي في السيارات الثانية ومن تجربة سيارة ماتسوى

كومبو
28/01/2013, 12:47 PM
كان معي هايلوكس 2006 بدون دبل أعجبتني مكينته وعزمه بعته ماشي 186.000 كلم
شريت بعد فورتشنر 2010 (4 سلندر) دفع رباعي نفس المكينة ولم يقل إعجابي بالعكس
شريت قبل شهرين هايوكس 2013 دفرنسين
الدفرنسين حنته واضحه يعني بالخامس والضغط على 3 يمشي 115 كلم
الفورتشنر بالخامس والضغط على 3 يمشي 145 كلم
الدفرنس بالخامس الضغط على 3 يمشي 120 كلم

السناعيس .f16
28/01/2013, 06:30 PM
الموضوع قـــــــــــــــــــــــــــــــــديــــــــــــــ ــــــــــــــــــم ماله داعي ترفعونه

سعيد المعمري
29/01/2013, 12:42 AM
هايلكس لا تدور غيرها نصيحة

و الديزل ابعد عنه

الولهان807
29/01/2013, 10:08 AM
الديماكس أفضل وأقوى من الهايلكس
الهايلكس ياله يمشي بواحد بالنفود من ضعف العزم هذا وهو بنزين .
وخاصة عند التسارع ثقيل جدا .

الوباله
29/01/2013, 08:11 PM
هايلوكس 4x4