المساعد الشخصي الرقمي

مشاهدة النسخة كاملة : ابي شوركم في شراء سيارة ؟؟!!



العبقري 2008
10/10/2011, 02:31 PM
السلام عليكم ورحمة الله وبركاته

بدخل على طوول بالموضوع

انا معي تقريبا 40,000 الف ريال

وودي بسيارة صغيرة عملية جديدة حقت كد لاني طالب جامعي ومشاوير الاهل

انا محتار بين الكرولا , الاكسنت , او سونتا 2010 او 2009 << الشكل الجديد



الكورلا ما يحتاج شهادة لكن سمعت عنها انها ماهي راسية بالطريق وكذا شغلة لكن تبقى اصيلة .

الاكسنت عملية و ما يحتاج عليها كلام لها سوق لكن خايف من خربتها او من الاشياء اللي ما يمدحونها بها .

السونتا ودي بالنوعية الجديدة ك شكل و اوسع لكن مادري كم قيمتها ..!!

ف وش تنصحوني به يا اهل الخبرة ..!!

قائد السريه
10/10/2011, 02:44 PM
توكل على الله وخذ اكسنت جديده 2012 فالوكاله قير عادي وكشافات ودرايش كهرب بـ41 الف

وابعد عن المعارض اغلا من والوكاله بخصوص اسعار الاكسنت

اما الكورلا اقل نوع فيها ب60 الف

العبقري 2008
10/10/2011, 02:54 PM
توكل على الله وخذ اكسنت جديده 2012 فالوكاله قير عادي وكشافات ودرايش كهرب بـ41 الف

وابعد عن المعارض اغلا من والوكاله بخصوص اسعار الاكسنت

اما الكورلا اقل نوع فيها ب60 الف


الله يجزاك الف خير

طيب انا متخوف من القطع و اسعارهن ..!!

طيب وش رايك لو اخذ من المعارض جديد لو موديل السنة اللي فاتت ..!!

عبدالله //
10/10/2011, 02:55 PM
كامري 2006 وانت مغمض لك وللزمن

العبقري 2008
10/10/2011, 03:09 PM
كامري 2006 وانت مغمض لك وللزمن

لكن انا ودي بالنظيف وهالنظيف قليل تلقاه هالوقت .

انا ابي لي جديدة لي و للزمن .

مشكور اخوي عبد الله و الله لا يهينك يا بعد حيي .

الإستراتيجي
10/10/2011, 03:16 PM
هوندا سيفك رائعة وفخمة ، لا تقرب الهونداي إلا في الأكسنت

العبقري 2008
10/10/2011, 03:26 PM
هوندا سيفك رائعة وفخمة ، لا تقرب الهونداي إلا في الأكسنت

الهوندا اسعارها غاااااااااالية وبحايل ما فيه محلات الا الوكالة

وانا جربت هوندا 97 كلتني با القطع .

طيب ليش ما اقرب الهونداي الا بالاكسنت ؟؟؟

طيب السونتا !!!

صروووف
10/10/2011, 08:35 PM
نصيحتي إنك تأخذ كامري 2007 ونظيفه جدا
وان شاء الله إنك ماتندم

أَبوابراهيم
10/10/2011, 08:39 PM
واحد من الزملاء شاري من فتره ماتعدت الشهر سوناتا 2011 بالاربعينات واذا ماني واهم فهي بـ 45 الف

لكن الرجال انتظر حوالي 3 اشهر لين جاه مراده

You Like Me
10/10/2011, 11:12 PM
وعليكم السلام
والله مدامك توك طالب
اذا تقوى الجديد لو اكسنت المهم انه جديد وترتاح
المعارض والله السيارات قرابع ومخيسة وغالية بنفس الوقت
يوم الخميس انا بايع كورلا 2008 فيها رفرف خلفي ورفرف امامي بـ 39




الكورلا ما يحتاج شهادة لكن سمعت عنها انها ماهي راسية بالطريق وكذا شغلة لكن تبقى اصيلة .


حتى وهي واقفة فاقدة الرساوة :D
انا ماخذها اجار منتهي بالتملك لأخوي الصغير
يوم توظف رماها علي وبلشت فيها والله انها عقوبة
وانتبه تورط نفسك الفحمات على الراتب كل شهر حطها في بالك
والهوبات اذا خرطتها ماعاد تمسك السيارة من الرجة يعني لازم تغير هوبات
اذا حصلت لك هوندا 2005 او 2006 نظيفة تراها لك وللزمن
والهوندا معروفه يمكن انت جربت مديل قديم وكلى الزمن فيها وشرب
والله يكتب لك اللي فيه الخير

أمير العجمان
11/10/2011, 07:47 AM
السلام عليكم


اخوي فيه موتر استغربت انك ما فكرت فيه
النترا ,,, اللي هي بين السوناتا و الاكسنت

انا اكلمك من خلال تجربة :-

شريتها اول ما نزلت 2007 من الوعلان قير تماتيك قزاز تماتيك بـ42 الف
والى يومك ما شاء الله لا اله الا الله مشت 160,000 والله ما شكيت من شيء
ما غير اعبي بنزين و اغير زيتها و فحماتها و الكفرات اذا انتهت
الحمد لله موتر كافيني شره و مستانس به
وبالنسبة للبنزين داخل البلد يمشيني 500 الى 550 مع المكيف بعد ,, خخخخخ


توكل على الله و دورلك بالفلوس اللي معك وحده نظيفه 2009 او 2010



موفق ان شاء الله

.أبوعبدالرحمن
11/10/2011, 08:54 AM
يغلق الموضوع لأنه مخالف لقوانين القسم

والسيارة غير مكشاتية