المساعد الشخصي الرقمي

مشاهدة النسخة كاملة : يا ودعاني وش هي الشنذرة ( وللي يعرف يفيدنا )


غاوي تعب
08/10/2002, 03:36 PM
انا ماني راعي طيور ولا أعرف من امرها الخفية شيء بس أحب أتعرف والصحيح ان فيه اشياء واضحة نعرفها بس هالشنذرة والله توي أسمع بها ياليت من اللي يعرفها يشرحها لنا
المري
09/10/2002, 11:20 AM
مرحبا والله ومسهلا بغاوي التعب


الشناذره الظاهر انها ماده كيميائيه لونها ابيض زي الطحين بس انها متماسكه كانها حصاه


وهي تستعمل اذا طلع الطير من المقيض اي بعد مده القيض شهر 9 يدخل الصقار هذه الماده بعد


مايزبطها ويخليها حجم صغير اكبر من خرزه المسباح يدخلها في فم الطير لما تحول في قانصته

ويجلس مده 5-10 او اكثر بقليل او اقل بعد ذلك ترى الطير انه يحاول ان يتغثى (اي يزوع)


فتخرج الشناذره اذا باقي منها شي لانها تميع في داخل الطير ثم ينزل له شحمه صفرا


والشحم الصفر تترسب في قانصه الطير وقت القيض وتخلي نفسه ثقيله اشوي فاذا نزلت الشحمه


زان خاطر الطير. وبس


عسى ان افدتك واذا عند الاخوان اي تعقيب جزاهم الله كل خير


اخوكم: المري
عاشق الدحروج
09/10/2002, 10:02 PM
السلام عليكم.....

انا يمكن اقدر افيدك يمكن انت سامع الاسم غلط يمكن قصدك (( الكندره )) ...

الكندره عندنا بالكويت هي البومه وهذا الاسم اطلوقوا عليها اجدادنا القدامه

والله يعطيك العافيه

اخوك عاشق الدحروج
غاوي تعب
10/10/2002, 03:45 AM
المري اذا هذا هو المقصود فوالله اول مرة اسمع بهاشي والصحيح انه فعلا اللي مايعرف للطير يشويه ( حنا يا غافل لك الله ) ومشكور
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
عاشق الدحروج انا ما فهمت من كلامك شي ( وش دخل الكندرة ) للتوضيح ؟؟؟؟؟؟؟؟
المري
12/10/2002, 07:35 AM
عاشق الدحروج حياك الله


بس المقصود كان الشناذره وليس الكندره ؟

شكرا للجميع
ابو زياد
12/10/2002, 09:14 PM
الشناذر يا المري هو اللي يربون به الدلال والا غيره
الودعاني
13/10/2002, 01:58 PM
اخواني انا اسف على التاخير في الرد وعلى كل حال الاخوان ما قصرو والاخ المري اعطاكم الاجابة
وهي ماده كيميائيه ولا كن تعط بمقدار قليل وبحساب ويجب متابعه الطير وإذا زاد الحد قد تقتل الطير
هذا والله اعلم
ماشالله عليك ياالمري سابقنا في كل شي
الشبارم
14/10/2002, 12:41 PM
اخي غاوي تعب

السلام عليكم و رحمة الله و بركاته

شكلك صقار من الدرجه الاولا بس تبي تتعبنا " على اسمك" امزح

ما قصرو الربع عطوك الخيط و المخيط من المعلومات اود ان اضيف شي بسيط و هو سمعت عنه و على
حسب ما سمعت من بعض الربع انها مره زينه ولا لها اضرار على الطير و هي حبوب تباع تعطيها الطير
و من بكره تهده. و الله اعلم "يعني ابراي لله ما جربتها و هذه المعلومه عن و كالت يقولون"

انا ناوي اجربها انشاالله في الطير

الحبوب تبا عند الصقر و الصقار

و هذا الموضوع قد كتب عنه في منتدانا الحلو باس نسيت من كتبه " عشان مايروح حق الكاتب"

اخوك

الشبـــــــــــــــارم
غاوي تعب
15/10/2002, 03:55 PM
المري
ــــــــــــــــــــــــــــــــــــــــ
ابو زياد
ـ،ـــــــــــــــــــــــــــــــــــــــ
الودعني
ـــــــــــــــــــــــــــــــــــــــــ
شبارم
ــــــــــــــــــــــــــــــــــــــــ
يعطيكم العافية غلى هالتعقيب


الاخ شبارم والله انك انت الصقار اللي من الدرجة الاولى وعلشان كذا لازم نستفيد منك بأشياء كثيرة
الشبارم
16/10/2002, 08:23 AM
اخوي غاوي تعب

السلام عليكم

الله يرفع قدرك في جناته

انا صقار على قد حالى و احب المساعدة "اذا كنت اعرف":cool: