طلب مساعده منك يا اخوي (( الرجم العالي )) و ممن الأعضاء الكرام

[نايف زعل]

يا إخوان أنا إن شاء الله عندي رجلة شهر عسل و ناويها تكون لإندونيسيا و اتمنى من الإخوان مساعدتي بخبراتهم في الحجوزات و غير ذالك و لأتمنى ممن يبدي رغبته بمساعدتي يسمح لي بالتواصل معه على الخاص



شاكر و مقدر لكم تعاونكم

[نايف زعل]

يا اخواني انا معتمد على الله ثم عليكم واحتري ردكم علي

وخاصه اخوي الرجم العالي

اخوكم
نايف الحربي

[بن حاضر]

اول شي الف مبروك والله يوفقك ان شاء الله ..
ثاني شي انا من رواد اندونيسيا .. لكن ما انصح للشهر العسل انك تروح لاندونيسيا افضل تروح لماليزيا .. لان اندونيسيا مافيها اماكن ترفيه كثيره للعوائل مثل ماليزيا ..
فعموما انا مدري كم تقعد من يوم لمن لو فرضنا بتجلس 15 يوم تقريبا .. تتوزع على جاكرتا 2 يوم جاكرتا 3 ايام في بنشاك في فندق سيروني رقم 3 الجديد / 2 يوم في باندونق او 3 ايام ترى قريبه من بنشاك يعني تقدر تطلع لباندونق وترجع في نفس اليوم .. تقدر تطلع من مطار باندونق الى بالي تاخذ لك هناك 3 ايام بكج قيمته 305 دولار للشخص من مكتب فقيه في بنشاك عند البقالات السعودية .. تقدر تطلع من بالي الى جزيرة لومبورك فهي قريبة من بالي يعني تقدر تطلع لها بزورق السريع فهي مناسبة للعوائل اكثر من بالي وخاصه للعوائل المحافظة لان بالي فيها تبرج وعري بشكل رهيب جدا .. فانا بعطيك المدن اللي تبي تروح لها واللي تبي كنسله ..
جاكرتا
بنشاك
باندونق
بوقور
بالي ( جزيرة )
لومبورك ( جزيرة )
انا من ناحية الاماكن السياحية و الترفيه انا صراحه ما اعرف كثير عنها لان الاماكن اللي اتردد عليها معينه في جاكرتا وكذلك بنشاك و باندونق و بوقور ـ بنشاك عندك السفاري عندك البرشوت عندك الشالالات عندك بحيرة الليدو عندك حديقة الزهور عندك مجمع كوتا بنقا فهو مجمع فلل سكني ويوجد فيه بعض الترفيه البسيطه ..
باندونق فيها اسواق و مولات حلوه فيه شارع اسمه شارع الجنز كله ملابس و جنزات وغيره ..
جاكرتا المولات فيه الاتريوم ـ سارينا ( مو حلو مره ) عندك منقادوا شعبي وقديم وفي مجمع والله اني نسيت اسمه بس كل شي مقلد موجود فيه ودرجة اولى .. في اندونيسيا بلازا و الباقي والله ماتحضرني
السكن في جاكرتا او ماتوصل للمطار تروح لمكتب اسمه كاها عنده شقق فندقية و فنادق فهو سعره مناسب جدا ورخيص مقارنه بالمكاتب الثانية ـ بس قله ابي سكن حلو ونظيف تقدر تسكن في منطقة اسمها كونيقان انا دائم اسكن فيها بس اغلبية الشقق اللي فيها او الفنادق معروفة للشباب خاصه ـ في فندق الناس و العوائل يمدحونه وانا بصراحه ماسبق لي وان سكنت فيه اسمه ميركوري قريب من انشول ( البحر ) .. وفي النهاية في منتديات متخصصه باندونيسيا فقط تقدر تدخل عليها ..
مثال منتديات رواد اسيا او هنا اندونيسيا ( هناك شخص اسمه ابو ابراهيم جدا محترم وعنده مكتب سفر وسياحه في بنشاك تقدر تخاطبة وعندهم عروض قائمة للعرسان واسعارهم جدا معقولة ومناسبة وانا سبق وان مريت مكتبهم في بنشاك ..
وفي بعد منتديات المسافرون العرب وفي بعض سفاري كل هذي المنتديات يوجد فيها قسم متخصص في اندونيسيا ماعادا هنا اندونيسيا في منتدى كامل لاندونيسيا فقط ..
وموفق خير والله يوفقك ان شاء الله ورحلة سعيده ان شاء الله ..