افضل مواصفات القدر الكاتم وابي بصراحة نوع رخيص [الأرشيف]

al-nashmi

09/10/2002, 09:27 AM

مرحبا فيك اخونا ابو ياسر وهلا ومسهلا بين اخوانك واحبابك في منتديات مكشات منتديات الطيبين من الرجال والعلوم الزينه والطيبه.

اما بالنسبه لاسوالك عن افضل وارخص قدر ضغط فمن تجربتي فأن افضلهن الصيني وسعره رخيص مثلا حجم 7 لتر بحدود 60 ريال.

وانصحك لا تقرب الانواع الغاليه لانها ما تصلح للبران وخاصه قدر ضغط المره اذا كنت متزوج؟؟؟؟؟؟؟؟؟؟؟ ليش!!!! اعلمك بسالفه صارت علي ولا تعلم احد بيني وبينك:D :D

السالفه يطويل العمر كنت طالع للصيد وفقنا الله وصدنا صيد طيب يوم جت الساعه 2.5 قلنا نبي نوقف نصلح الغدا ونضبط الكبسه ورأس المعسل:confused: المهم ماطول عليكم نزلنا العزبه ونضفنا صيدنا وجهزناه وحطيناه بقدر الضغط( قدر الضغط للمره يعني حق البيت ) من النوع الفرنسي الغالي وشكله حلو مغير يلمع ويبلص بس ودك تناضرفيه ، حطيناه على القز يوم بغينا نشب عليه النار ويطلع محول الا سطوانه
مكسور............... وش اسوات معندنا احد في هالبران قلنا مافي الا شغل الاولين نطبخ غدانا على نار الحطب

ولله ونجمع حطب من الشعيب الطلح اللي حنا فيه ونشب النار ونجيب المركاب ونحط الفرنسي اللى تقل فص خاتم بس يلمع على النار وهات يطبخ ونفخ والشباب ميقصرون كل واحد يجيب جذع من الطلاح وحيطه تحتالقدر لي صارت الدخنه تقل بير بترول محترق المهم تغد ينا هاك الغدا المضبوط ورجعنا للرياض
ويوم نزلت العزبه وشافت المره قد رها محترق وصاير كأنه كفره قالت سلمات وش صاير وعلمتها بسالفتنا قالت اهم شي قدري ليش تخربونه......... وطلعني انا والقدر بالحوش وتصك والباب دونا وانام انا والقدر هاك الليله بالحوش

:D :D :D :D :bounce:

ابو ياسر

09/10/2002, 02:05 PM

مشششششششكور يا النشمي وعزالله ما قصرت وخا صة ها القصة اللي قلت تنبه الواحد لمور واجد

الاشقر

09/10/2002, 02:30 PM

اخوى ابو ياسر00 انت وجهك مانت راع بر00;) ;) انت حدك رادميه وبعد تخب عليك00:D :D 0 الرخيص على اسمه رخيص ماينفع :confused: :confused: والغالى هو للغالى اقول روح ونام بالبر ولما تجوع اطلب من الطاهى00::good: :good: احسلك 00 اخبار اعلوم0:cool: هههههههههههههههههههههههههههههههههههههههههههههههههه هههههههههه00 تويوتا وبس0:

هواوي

09/10/2002, 03:57 PM

اخوي ابو ياسر

السلام عليكم ورحمه الله

شوف انا شخصيا انصحك بالكاتم القديم

وهو اسمه تيربوا ومن صناعه المانيا ويكون له يد للغطاء ويد للقدر نفسه وصراحه روعه ومضمون ميه ميه ومقاس 12 لتر سعره 700 ريال على ما اظن

وفيه نوع ثاني والله حلو ولكن ناسي اسمه ولكن اضن انه سب

على فكره الكاتم مضبوط مع اللحم ولكن القدر العايدي مع الدجاج ا والطيور احسن

ولك تحياتي وبالهناء والشفاي

نصيحه اخيره اذا تطبخ على جمر او حطب شيل اليد منه عشان لا تخرب واترك الحديد

وبالصحه والعافيه انشاااء اله

راعي عنيزة

23/10/2002, 08:31 AM

مثل ما قال اخوي النشمي الصيني كويس ورخيص وهو عملي جدا

al-nashmi

23/10/2002, 01:26 PM

اخوي راعي عنيزه
السلام عليك
شكرا لك على مرورك وشرطتك:D :D :D هاهاها...... اخوي المعذره ترى مزحي واجد.

وانصحك اخوي لا تقرب قدر الضغط حق المره ثم تجيب لك الضغط وتخليك تنام بالحوش....... خاصه اذا صرت
تو جاي من البر ولك كم يوم وانت بعيد عن الديره واهلها؟؟؟؟؟؟؟؟؟

مع تحيات اخوك النشمي

الأشهـــــب

27/10/2002, 02:25 AM

الحقيقة فية انواع كثيرة من القدور الكاتمة(الضغط) موجودة في السوق.فية الألماني والفرنسي والأسباني والصيني وغيرها،وإذا تبي رأيي من خلال خبرة وتجربة ،خذ الفرنسي (سب)سعرة حوالي 250 ريال تقريباً.
اما بالنسبة للصيني فالحق يقال إني ماجربتة لكن في الحقيقة كثير من الأخوان يحذرون منه؟احدهم يقص علي مرة ان احد اخوياة انفجر عليهم في الإستراحة ولصق عشاهم بسقف الجدار!
اما بالنسبة لشور الأخ هواوي ،فشورة الحقيقة على العين والراس لكن السعر غالي جداً على قدر‍‍‍‍‍‍!!!وشو عاد ترا رأس مالة قدر.
وأنا أأيد كلام الأخ هواوي إذا تبي تطبخ على حطب او كانت عيون الكز والغاز عندك قوية،فكك يدين القدر.

وتقبلوا خالص تحياتي،،،،،،،،،،،،،،،،،،،،،،،،،،

ابورشيد

07/11/2002, 01:22 AM

اخوي عليك بقدر السيف اظن ان صناعته صيني
وهو مجرب وممتاز وسعره رخيص بالمره وبعد فيه احجام كبيره انا عندي 25لتر وجربناه اكثر من مره وجربناه ايضا بالصاروخ ( علي فكره لايفوتكم الصاروخ يااخوان تراه اكثر من رائع وهو اللي يستعملونه في المقصب لشلوطة الراس والكرعان) نرجع للقدر ترا سعره 25لتر بحدود 180-190 ريال

العليمي

24/11/2002, 01:45 AM

انا مجرب قدر وزين الصراحه و اسمه (( سب)) وصناعته فرنسي . الي عندي يكفي لعشرة اشخاص وسعره تقريبا 270_ 290 ريال ...

السمر

27/11/2002, 01:20 PM

السلام عليكم
أنا عندي قدر ضغط السيف وبصراحة زين وسعرة 115
بس إنتبه لاتاخذ ألمنيوم تراه مايخدم عليك بالستالستيل

GLX

06/12/2002, 04:32 PM

كيف الحال ياشباب
شباب بما انكم تحكون عن قدور الضغط
وش رايكم في قدر الضاغط الايراني

الأشهـــــب

06/12/2002, 05:06 PM

الأخ الفاضل: GLX.
تحية طيبة وبعد..........................
الحقيقة وانا أخوك قدر الضغط الإيراني مايمدحونة ، وهذا حسب كلام كثير من الأخوان، أما أنا فلم أستخدمة في الحقيقة.يقولون الأخوان بأنه ينفجر أحياناً.

ولك خالص تحياتي،،،،،،،،،،،،،،،،،،،،،،،،

القاصي

07/12/2002, 01:09 AM

الافضل .......... الايجابيات ...........................السلبيات

1 - تربو ....الماني ( احذر من المغربي ) قوي جدا وطبخ ممتاز .................عذروبه الغلا

2 - سب ..... فرنسي ..... ممتاز وقوي متوفر له قطع الغيار بكثره ....سعره ( 200-450 ) عذروبه ان عراويه تخرب بسرعه ويصلح للبيت لان شكله حلو .

3 - السيف ...صيني ..جيد جدا .............سعره رخيص وافضله للبر ......عذروبه بعض الناس اذا شافته رخيص خافت منه ؟؟؟؟؟؟

4 - الايراني ........ سيء جدا وخطر ...

من ناحيتي عندي اكثر من قدر فرنسي ...... ولكن بعد تجريب الصيني ( السيف ) بصراحه فضلته على غيره لجودته وسعره المناسب .

اما المعدن فانا........ افضل الالمنيوم وذلك لانه لا يحرق الاكل ( ما يقورر ::::: يعني يطلع فيه قراره بسرعه او حكاكه ) بسرعه مثل الاستيل .

الأشهـــــب

07/12/2002, 09:15 PM

الله يعطيك العافية يالقاصي ، وماقصرت على هذي المعلومات الثمينة.
الحقيقة مجهود طيب .

وتقبل خالص تحياتي،،،،،،،،،،،،،،،،،،،،،،،،،،،،،

القاصي

07/12/2002, 11:37 PM

تسلم يالغالي ...

وتصدق حبيتك لان اسمك الاشهب ...........لانه كان النداء حقي على الجهاز الايكم لفتره وبعدين غيرته .

وسميته لواحد من اعز اصدقائي الى الان ...........

للجميع التحية والتقدير.

الأشهـــــب

08/12/2002, 01:41 AM

الله يحييك يالقاصي .
لكن الحقيقة هذي مشكلة.هذا نداي أنا بعد على جهاز الآيكوم من 4 سنوات إلى الآن!
كلم خويك خلة يغيرة ، ولاغيرة انت مادامك انت الي مسمية.ولا ترى شكيتك عند الحقوق؟! ;)

وتقبل خالص تحياتي،،،،،،،،،،،،،،،،،،،،،

القاصي

09/12/2002, 12:54 AM

هو اسمه مهوب على الجهاز

لقب عادي بيننا................ لا و بننساه لانه الله يستر عليه نقل وظيفته عند اهله ................

اما انا في ديره ثانيه .................... يعني اذا زارنا في العمل بعدين او عند اي واحد مننا بنستحي نسميه الاشهب .

لكن والله مهوب يدري عني الان................... الا انه شقردي وراعي بر ومكاشيت وصيد .....الله يذكره بالخير زاملني سنتين في العمل والله كفو من رجال .

ولا يهونون الربع ........

اجا

10/12/2002, 09:42 PM

اخوي ابوياسر وبقية الاحبه انا لدي اغلب قدور الكاتم لاني مفتون بالطبخ بالكاتم وهي على النحو التالى
1- قدر سب وهذا افضل القدور بنظري لمتانته ولاينسم لكن سعره غويلي 0
2- قدر برتغالي مثل سب بالجوده والمتانه 0
3- قدر ايراني صناعته خفيفه وهو يمشي الحال
4- قدر صيني وهذا جيد وباحجام ومتوفر له قطع غيار واخر حجم اخذته مقاس ( 30 ) لتر ياخذه ذبيحة كامله مقطعة وزيادة وسعره ( 170 ) ريال عن محلات بن صديق بشارع السباله بالرياض وموجود عند السيف ونفس المواصفات ولكن ( 220 ) ريال 0
وللمعلومة : جميع قدور الكاتم عملها واحد ولى مايهرب هواء جيد من جميع الاصناف اما الالماني فانه غالي ولايصلح الاللبيت ولايصلح للبر لانك بالبر يمكن تسوي الاكل على نار ثم يحترق القدر ابو ( 500 ) ريال ونصيحتي خذ صيني للبر وللبيت اسعاررخيصه واحجام متوفره ,
اما قول احد الاخوان ان القدر انفجر فالقدر ماينفجر ابداً اذا كان فيه ولو نسبه قليله من الماء بشرط الاتعدي مواد الطبخ المسامير الداخليه للقدر حقة المقابض موجود ه التعليمات في كتيب التعليمات, وبعدين ماينفجر الااذا كان جريش او مرقوق ومعلى على النار اما اذا لم يكن معلى على النار فلاخوف باذن الله هذه عن تجربة طويله 0
وهذي طبخه على الطاير: تضع مثلا ثلاثه كيلو لحم مع ثلاث بصلات مع الملح وقليل من البهارات ثم بعد ذلك تغلق القدر الكاتم جيداً ثم تضعه على نارمتوسط ليست عاليه ولا منخفضه بدون ان تضيف ماء بعدما يدور بلف الهواء تقوم بتخفيض النارجداً وتصبر قرابه ساعه سوف ترى العجب لحمة مستويه جدا وربع القدر مرق رغم انك لم تضيف ماء جرب وبالعافيه والا ولم المقاديروانا حاضربالطبخ وان اردت اظافه خضار مع اللحم فلا باس
اردت نفع اخواني في الله والمشاركة في هذا الموضوع نسال الله ان يعز الاسلام والمسلمين ودمتم

اجا

10/12/2002, 09:47 PM

اخوي ابوياسر وبقية الاحبه انا لدي اغلب قدور الكاتم لاني مفتون بالطبخ بالكاتم وهي على النحو التالى
1- قدر سب وهذا افضل القدور بنظري لمتانته ولاينسم لكن سعره غويلي 0
2- قدر برتغالي مثل سب بالجوده والمتانه 0
3- قدر ايراني صناعته خفيفه وهو يمشي الحال
4- قدر صيني وهذا جيد وباحجام ومتوفر له قطع غيار واخر حجم اخذته مقاس ( 30 ) لتر ياخذه ذبيحة كامله مقطعة وزيادة وسعره ( 170 ) ريال عن محلات بن صديق بشارع السباله بالرياض وموجود عند السيف ونفس المواصفات ولكن ( 220 ) ريال 0
وللمعلومة : جميع قدور الكاتم عملها واحد ولى مايهرب هواء جيد من جميع الاصناف اما الالماني فانه غالي ولايصلح الاللبيت ولايصلح للبر لانك بالبر يمكن تسوي الاكل على نار ثم يحترق القدر ابو ( 500 ) ريال ونصيحتي خذ صيني للبر وللبيت اسعاررخيصه واحجام متوفره ,
اما قول احد الاخوان ان القدر انفجر فالقدر ماينفجر ابداً اذا كان فيه ولو نسبه قليله من الماء بشرط الاتعدي مواد الطبخ المسامير الداخليه للقدر حقة المقابض موجود ه التعليمات في كتيب التعليمات, وبعدين ماينفجر الااذا كان جريش او مرقوق ومعلى على النار اما اذا لم يكن معلى على النار فلاخوف باذن الله هذه عن تجربة طويله 0
وهذي طبخه على الطاير: تضع مثلا ثلاثه كيلو لحم مع ثلاث بصلات مع الملح وقليل من البهارات ثم بعد ذلك تغلق القدر الكاتم جيداً ثم تضعه على متوسط ليست عاليه ولا منخفضه بدون ان تضيف ماء بعدما يدور بلف الهواء تقوم بتخفيض النارجداً وتصبر قرابه ساعه سوف ترى العجب لحمة مستويه جدا وربع القدر مرق رغم انك لم تضيف ماء جرب وبالعافيه والا ولم المقاديروانا حاضربالطبخ وان اردت اظافه خضار مع اللحم فلا باس
اردت نفع اخواني في الله والمشاركة في هذا الموضوع نسال الله ان يعز الاسلام والمسلمين ودمتم

ذيب حضن

31/12/2002, 08:39 PM

اخي
الصيني ويوجد مقاسات

راعي البعارين

03/01/2003, 10:32 PM

الأخ ابو ياسر:
أنا عندي قدرين كاتم SEB الفرنسي مقاس 12لتر وهو الأسود و 8 ليتر وهو الأخضر الزيتي. الأول لازال بحالة ممتازة. اما الثاني فصار فيه تهريب من الغطاء وغيرت الربلة لكن مافيه فايدة ورحت للشركة وقالوا لازم تغير الغطاء كامل وهو يساوي أكثر من نصف سعر الكاتم. الزبدة هذا هو مركون بالمستودع. سمعت عن الصيني وأشتريته وارد بامجلي وهونفس وارد السيف لأن ليس له وكيل حصري وللأمانة فهو أكثر من ممتاز.
ملاحظة: أردى أنواع الكاتم هو الأيراني لأنه ينفجر "ماندري يمكن الروافض قاصدينها"

ريح الخزامى

05/01/2003, 03:07 PM

حبيت اشاركم بهالمعلومه الصغنووووووووووووووووووووووووووووووووونه

اللي يقول ان حرمته نومته في الحوش وهو وقدره علشانه مسود

حول حول تحت ابي اقول لك شي علشان مايسود قدرك مرتن ثانيه
7
7
7
7
7
7
7
7
7
7
7
7
7
7
7 وصلت يالله حيه اخبارك وين الناس والغيبات لاجيت تطبخ مرتن ثانيه على حطب وقدرك جديد ولا ودك انه يسود ادهنه بشوي زيت من برى علشان مايطبع السنو في القدر وبس

تحياتي لك

اخوكممممم

ريح الخزااااااامى

أبو ريان

12/01/2003, 04:49 PM

الله يهد يكم بس همكم أبطونكم

بس يا أخوي أبة رشيد ما عرفت الصاروخ وشو هذا وكيفية عمله با رك الله فيك (( إيه لا يفوتنا شيء ما نعرفه ))

الساعه

19/01/2003, 02:34 PM

السلام عليكم ورحمة الله وبركاته
من خلال تجربتي للقدر الكاتم افضل شي الالماني (تيربو او فيستر ) لكن التيربو افضل من ناحيه التحمل
لان الفستر تخرب جلبته بسرعه .

m3622222

19/01/2003, 06:53 PM

السلام عليكم ورحمة الله وبركاته

اخواني انا سمعت والله اعلم والذمة علي الراوي ان الطبخ في القدر الكاتم مضر بالصحة

هملان

27/01/2003, 04:50 PM

ياخواني اتركو عنكم القدور التعبانه الزين ثمنه فيه انا عندي قدر سب فرنسي القديم له اكثر من 12 سنه ماتغير وهو من المعدن المتين
واذا اردت ان تغسل القدر الكاتم بعد ما تكب الغداء حط فيه شويه مويه وصابون وحطه على الجمر واذا جيتو تمشون اغسلوه ولا ان كان انكم عجلين حطو فيه شويه مويه وصابون وحطوه مع العفش اذا وصلتو مكانكم الثاني تلقونه نظيف
تحياتي

أيمن

16/06/2003, 12:54 PM

( لقد تم إضافة هذا الموضوع إلى المواضيع المميزة والشيقة في هذه الخيمة (http://www.mekshat.com/vb/showthread.php?s=&threadid=8667) )
مع الشكر للجميع ،،
http://www.mekshat.com/pix/upload/images/flow12.gif

مشرف الخيمة

الصايد

18/06/2003, 12:38 PM

بعد السلام والتحايا :
بعلمك وش افضل قدر حتى الان
اولا قدر تيربو لا يعلى عليه وهو الماني اهم عيوبه سعره غالي جدا
ثنين-قدر سب وهو فرنسي ونوعيته كذلك ممتاز وسعره اخو الغالي
ثلاثه-قدر صناعه صينيه وأداءه بعد تجربه سنتين عاليه جدا مع رخص سعره مقارنه بالانواع الاخرى
ويفضل التعامل مع المصنع من ستنلس استيل حيث انه صحي اكثر من الالمنيوم
وكنصيحة مجرب لا تتعدا هذه الانواع الثلاثه
واذا رغبت في المزيد من المعلومات عليك الذهاب لمحل صيد:.

الباشق_2

20/06/2003, 03:18 AM

اخوي ابو ياسر :
السلام عليكم ورحمة الله وبركاته
انت تسأل عن القدر الكاتم الزين مره:good: :good: عليك بالسب الفرنسي بس فيه الغلى شوي

وإلا كانك ماتبي الغالي ترا القدر الصيني وارد السيف زين ورخيص و عملي وكلن يمدحه .

وترا كثير من الشبا ب مستخدمينه ويمدحونه بالحيل .

وسلامي للجميع ..................
أخوكم : الباشق _2

هواوي

22/12/2003, 03:30 AM

بسم الله الرحمن الرحيم

السلام عليكم ورحمة الله وبركاته

بالنسبه لي فانا ارتبها بالنسبه للجوده ع لىالنحو التالي

الاول - تيربوا الماني وعندي 2 واحد يكفي دجاجتين والثاني يكفي اربع دجاج او خمس ((وهي خاصه للبر ما تنزل من العفش والعزبيه))

الثاني - سيب وعندي واحد وصراحه روعه وهو حق البيت

وغيرها ما جربته صراحه

اما الايراني فنصيحه لا تقربون منه انا توي مجربه ثاني اسبوع بعد المطر يني يوم 17 -10 -1424 وصراحه كان مزيف وخطير زي الي صنعوه الروافض

والله يا شباب كنا جالسين وهو يطبخ على النار وكنت حاط اربع دجاج والقدر كبير مره مقاسه 24 يعني يكفي 12 دجاجه على الاقل المهم وفجئه كل الي فيه من مويه طلعت برى حسبناه انفجروتناقزنا وابعدنا وانا سحبته من على النار وابعدته شوي الين يبرد ولما فتحته لقيه الجلده متقطعه رغم انه جديد ولكن شكلها احترقت رغم اني مشيك عليها قبل الطبخه عشان كذا شلتها وكملت الطبخه بدون جلده وزدت المويه وكملنا طبختنا وهي على انار وحنا نناظر فيه خايفين ينفجر حتى العشى ما تعشينا الا شوي مالنا نفس من ناحيه كنا نظحك على بعض يم بخبخ علينا كيف خفنا وخاصه انه طلع صوت قوي ومن ناحيه عافته نفوسنا

عموما الي صنع الي ام والمرسيدس عرف يصنع الكاتب التيربو

ونصيحه ادفع اكثر من اجل راحتك وصحتك فهو اولا واخيرا لك
وللجميع التحيه والاحترام

نبض البوسنة

13/03/2006, 09:10 PM

أنا عندي السيف

وممتاز

وطيب

ولو أجرب غيره أمكن أغير

beasso

27/03/2006, 04:30 PM

من اين احصل على الصفيرة التي توضع على قدر الضغط

beasso

27/03/2006, 04:32 PM

من اين احصل على الصفيرة التي توضع على القدر الكاتم ماركة السيف وشكرا

سداااااح

27/03/2006, 04:39 PM

تحصل البلف عد محلات السيف لهم فرع وانت متجه شمال وعلى يمينك مطعم الهدوج بالربوه قبل الاشاره على اليمين صاير على الزاويه

سداااااح

27/03/2006, 04:42 PM

اضم صوتى لصوت اخوي هواوي
بالمرتبه
3- السيف

ابومرتاح

28/03/2006, 09:51 AM

يا شباب .....انا شريت قدر السيف 11 لتر الصراحه انه زين بس فيه مشكلة ان البلف اللي جاي معه نفس البلف ل 18 لتر ولما يحتر القدر ما يدور بس ينسم 15 ثانية ويوقف 4 - 5 دقايق الين تنتهي الطبخة ؟؟؟ ملاحظة انا عندي 9 لتر السيف و18 لتر والقدرين بلفهن يدور ................وش اسوي اغير البلف باصغر منه؟ وهل له تأثير على ضغط القدر؟

سحاب1111

28/03/2006, 11:27 AM

اخي الغالي الكريم
بختصار شديد
1/ الكاتم (صيني وارد السيف فقط)
2/ فراش النوم (التانزاني المبطن اي من دون فرو) لان الفرو يكون جدان دافي بزود وراح يضايك مهماء كن الجو بارد طبعاً انا اقيس على البرد الي عندنا ابنجد .

hk626

22/04/2006, 03:01 PM

انا مجرب الكاتم صيني وارد السيف وجدا ممتاز
للبر

فل اوبشن

22/04/2006, 08:22 PM

الايرانى انحش منه ..انفجر علينا واحد الله لا يوريك والله انه مرتفع للسقف ونازل على القز وكاسره والله اننا نجمعه قطع

والله يالجدران ماتدري طماطها من بصلها ..خخخ شابين على كرشه طلى

المهم انتبه منه انفجربعد على ربع لى بس فكهم الله ..

تذكر هالمثل ياشارى الطيب تسما رابح ..

منصور ع

22/04/2006, 10:15 PM

مثل ماقال الأخوان كاتم وارد السيف ممتاز جدا ورخيص مجربه انا وكثير من الأخوان

الضاحي

23/04/2006, 09:47 AM

يا جماعة ترى الآن فيه كاتم صيني بس انه استينلس ستيل يعني اصح لكم يامال العافية
ونازل منه وارد السيف وغيره وبنفس اسعار الالومنيوم

تحياتي

الثادقاوي

24/04/2006, 02:37 PM

انا عندي قدر ضغط ستيل صناعته مغربي وهو عندي من عشر سنين وكنه جديد وقد جربت غيره بس مالقيت زيه الي عندي حجمه وسط ورحت لسوق ودورت زيه مالقيت الي عنده خبر عن محل يبيع النوعيه هاذي يبلغني لالن المحل الي شريته نه قفل من زمان علمن اني شاريه 280 ريال ودمتم

الضاحي

24/04/2006, 05:52 PM

ابشررررررررررررر يالثادقاوي

تراه موجود بسوق العويس وتراه بمحل واحد بس شفه محل متوسط الحجم في صفة المحلات اللي حول الاشارة

تحياتي

مروق

25/04/2006, 06:06 PM

ارشح السنستيل المغربي ... عندي منه اكثر من ثلاث مقاسات .. وكلهم تشفوهم تقول جدد .. رغم ان بعضهم له اكثر من 6 سنوات

والسعر من 130 الى 200 ريال لااكبر مقاس .. والصراحه صناعه متينه جدا وسعرها معقول

المرابط

14/05/2006, 12:16 AM

السلام عليكم

انا ارشح السيف الصيني لسببين

1 سعره رخيص

2 عملي جدا حق بر بيت بس استخدم القز وانحش عن الحطب

علشان يكد معك

انا عندي ثلاثه في البيت واحد للعزبه واثنين في المطبخ واحد 6 لتر والثاني 11 لتر وماشيه

تمام لها خمس سنوات

اما الايراني انحش عنه خطير ينفجر واذا طاح الغطا ينعوج ويصير قدر عادي .

على البال

24/05/2006, 09:00 AM

نصيحه مجربه للأخوان الذين يشتكون من احتراق القدر من الخارج ( ظهور السواد ) وهي قديمه ومجربه وخاصة إذا كنت تطبخ على الحطب ( النار ) عليك بدهن القدر بشوي زيت وشوف النتيجة وأنت الحكم

جمار

21/06/2006, 04:01 PM

أخوي أبو ياسر مساك الله بالخير ولجميع الاعضاء المشاركين :

انا أستعمل التيربوا الالماني والسيف الصيني لكن عند عمل الكبسة في كلا القدرين بنفس الكمية ونفس المقادير والمكونات تطلع الكبسة المعموله بالفدر الالماني التيربوا ( أطعم والذ ) بشهادة جميع الاكيله ( الذين اكلوا ) لكن مشكلة التيربوا غلاء السعر ...........................تحياتي لك واحترامي لجميع الاعضاء المشاركين .

http://www.mekshat.com/pix/upload/sign/images/mk21972.gif

الرهدن

21/06/2006, 06:27 PM

السلام عليكم ورحمة الله وبركاته / نتقرب إلى الله بإسداء النصيحة لرجال مكشات
ياجماعة الخير00يمكن أفيدكم00
قاعدة 00 (الألمنيوم غير صحي00 ليش00 لأنه يتفاعل مع الأحماض مثل : الطماطم إذا كشنت
والنتيجة 00 مادة مسرطنة
والله قرأت هذه الحقيقة بأكثر من دراسة وآخرها دراسة لعلماء من مصر00
لأأحد يقول طول عمرنا قدورنا من أبوتاج ولاجانا شئ00 :no:
ومن وجهة نظري إن سب seb الفرنسي القديم ( الستيل ) لايعلى عليه وقطع غياره رخيص عند أي محل أواني
بشرط00 فك اذانه ( الأيدي )علشان يدخل بالعزبة 00وسعر ال10 لتر قريب 340 ريال
لكن إن حافظت عليه والله إن تورثه0
يمدحون السيف00 هو صيني وسعره مناسب والصيني ماهوب واحد00 لكن يقولون ( أصحاب المحلات ) إن الستيل منه ماهوب عملي لأن مادة الستيل رديئة ( الستيل أنواع ) أردى هذه الأنواع هو من يلصق فيه المغناطيس ولو قليل00
الفراش00
لايقربك الفرو لأنه بالنفود يصعب تنظيفه00
وهناك نوع عند الهدف رائع وجربته أنا وغيري وسعره 550 ريال وهناك لون جيشي وماينقصه إلا 00 :no2::D
طبعآ أم العيال مانب مفرط به00 وين أودي هالجيش الله يصلحهم00
وسلامتكم ياأحسن منتدى ويارجال مكشات00
والسلام عليكم ورحمة الله وبركاته0

الرهدن

21/06/2006, 06:28 PM

السلام عليكم ورحمة الله وبركاته / نتقرب إلى الله بإسداء النصيحة لرجال مكشات
ياجماعة الربع 00يمكن أفيدكم00
قاعدة 00 (الألمنيوم غير صحي00 ليش00 لأنه يتفاعل مع الأحماض مثل : الطماطم إذا كشنت
والنتيجة 00 مادة مسرطنة
والله قرأت هذه الحقيقة بأكثر من دراسة وآخرها دراسة لعلماء من مصر00
لأأحد يقول طول عمرنا قدورنا من أبوتاج ولاجانا شئ00 :no:
ومن وجهة نظري إن سب seb الفرنسي القديم ( الستيل ) لايعلى عليه وقطع غياره رخيص عند أي محل أواني
بشرط00 فك اذانه ( الأيدي )علشان يدخل بالعزبة 00وسعر ال10 لتر قريب 340 ريال
لكن إن حافظت عليه والله إن تورثه0
يمدحون السيف00 هو صيني وسعره مناسب والصيني ماهوب واحد00 لكن يقولون ( أصحاب المحلات ) إن الستيل منه ماهوب عملي لأن مادة الستيل رديئة ( الستيل أنواع ) أردى هذه الأنواع هو من يلصق فيه المغناطيس ولو قليل00
الفراش00
لايقربك الفرو لأنه بالنفود يصعب تنظيفه00
وهناك نوع عند الهدف رائع وجربته أنا وغيري وسعره 550 ريال وهناك لون جيشي وماينقصه إلا 00 :no2::D
طبعآ أم العيال مانب مفرط به00 وين أودي هالجيش الله يصلحهم00
وسلامتكم ياأحسن منتدى ويارجال مكشات00
والسلام عليكم ورحمة الله وبركاته0