المساعد الشخصي الرقمي

مشاهدة النسخة كاملة : وش رايكم في القير الاوتماتيك سفاري 2006


جاروود
07/02/2006, 12:39 PM
بسم الله الرحمن الرحيم
عندي استفسار عن السفاري 2006 القير الاوتماتيك والعادي

وشرايكم في القير الاوتماتيك هل هو صبور يتحمل الكرف ويتحمل السحب (لاني اقدر سحب المغرزين موتري الحالي هايلكس دفرنسين من حبي لسحب الاسبوع الي راح ساحب وايت مغرز )http://mekshat.com/vb/images/smilies/biggrin.gif وسمعت من واحد من الشباب ان السفاري الاوتماتيك لك عليه شوي ماهو زي العادي حتى لو تستخدم في الاوتماتيك تقنية القير العادي يقول انه يضل اضعف من القير العايدي العايدي


حتى اني سمعت ان واحد شراى 2005 اوتماتيك ماقعد معه الى شهر وباعه يقول مهوب نشيط

ودي اسمع ارائكم في الموضوع لاني ودي بالتماتيك بس الشباب يقولن ترا التماتيك ماراح يصبر عليك لاني اكرف الموتر شوي
محمد حمد
07/02/2006, 01:10 PM
أولا مساك بالخير اخوي جارود
كثير من الشباب الي شروا قير تماتيك وباعوه لسبب إنهم ماعرفوا يستخدمونه زين لإنه إذا عرفت طريقة استخدام القير وتحويله من التماتيك للعادي في ظروف تسمح للسيارة بإنها تعطي بشكل جيد ...... وإذا كانك راعي سحب وراعي نفوووود عليك بالتماتيك وإدع لي !
الصراحة من سماعي للمقارنة بين النوعين وجدنا انه افضل بكثير من العادي هذه نقطة وفيه ناس الله يرحم حالهم إذا بغى يحول القير من التماتيك للعادي يوقف السيارة تماما ً لين يتأكد إن كل شي واقف من القهر شوي لا يطفي السيارة ثم يحول القير ..... هذا مايعرف يستخدم القير وانت اسئل ناس خبرة وتجربة للقير بجميع ظروفة وقارن وخاصة في الرقي ...... وفي الطلعات الكبيرة مثل طلعة الفاط ولا القدية وكثير مايعرف كيف استخدامه هذا السبب الي يخليه يبيعه ........ وتحياتي لك
*(عاشق ربع)*
07/02/2006, 01:37 PM
السلام عليكمورحمة الله وبركاتة
أولا:السفاري 2006 أذا بغيته بر خذلك عايدي وأذا كنت تبيه مدينه أنصحك با التموتك أخي جارود
غضنفر
07/02/2006, 03:19 PM
اذا تبي نصيحتي خلك على الهلي افضلك والله يا هو عزززززززززززم
جدة غير
07/02/2006, 03:35 PM
أولاَ استخير الله عز وجل
ثانيا بالنسبة لي تماتيك أفضل لأنه أريح ( فمثلا إذا كنت في طريق الهدا { الكرا } في الطائف من ناحي الطلوع أريح من العايدي مو كل شوية تقعد تعشق الأول الثاني الثالث ثم ترجع للثاني { أشوف التماتيك أريح } وكدالك في النزول وأنت في الكرا ثبته على الثالث ولا الثاني لكن إذا لم تثبته (( ما حولته إلى عايدي )) يسير تستعمل الفرامل بكثرة { لكن إذا حولته لعايدي ماتستعمل الفرامل بكثرة} مع العلم أن القير الأتماتيكي في النيسان يمديك تحوله لعايدي
لكن بالنسبة للعزم والفوة صراحة ما جربت
والله أعلم
جاروود
07/02/2006, 05:03 PM
بسم الله الرحمن الرحيم

يشباب المعروف عن النيسان ومن مايميز الباترول العايدي قوة قيره مقارنة بجميع السيارات في فئته بس مادري عن التقنية الجديده هذي قير توماتيك وعايدي في نفس الوقت هل هي عمليه وهل تصبر


محمد حمد

الله يمسيك بالخير تقول ان القير ماعليه كلام يعن يتحمل السحب هل هذا الكلام من واقع تجربة


عاشق ربع

طيب والي يبي اثنين البر والمدينه السفاري يجي فيه عايدي اوتماتيك

black path
والله انك صادق بس النيسان يمدحونه ونبي الراحه كسر ضهري الهايلكس


جدةغبر

يعطيك العافيه على المعلومه




ولازلنا ننتضر ارائكم
أبومناحي
07/02/2006, 08:38 PM
يخوك سفاري أتوماتي مهو حلو

ياخوك سفاري عايدي حلو
مسهي الرعيان
11/02/2006, 12:12 AM
مسااااااك الله بالخير........ياخوووووووووك خذ عادي ولا تفكر
راعي ال 8100
16/02/2006, 06:35 PM
اكيد القير العادي مافيه مثله
المطلق
16/02/2006, 07:03 PM
أخي جاروود

بأظربلك مثال عن القير التماتيك حتى أثبتلك وأثبت للجميع إنه فااااااااااااااشل

لو قلنا إنك رحت لم المسجد تصلي وأنت بوسط الطريق أقام وودك تلحق تكبيرة الإحرام (لاكن فيه شي يمنعك عن السرعة) وإذا أسرعت تعبت

سيارة التماتيك نفس الشيء

إذا قومته وأنت مستعجل جلس يحن ويا لله يغير بالنمرة اللي بعدها غير كذا إذا غرز عليك ((ابلش)) لا عاد يقدم ولا يوخر

نصيحتي لك قبل ما تشتريه خذلك عايدي واسأل أي واحد راعي بر جرب التماتيك والعايدي وقلّه يعلمك الفرق

ولو اشتريته راح تعرف الفرق الحقيقي اللي ما تحسبه إلى إذا سقته

فعلاً مريح لاكن له سلبيات وااااااااااااااااجد

إضيف إلى ماسبق إنه لو ذهبت إلى مناطق جبلية ورقيات وطلعات وأماكن وعرة يضعف (يبرد) عزمه في الطلعه ويفحط بالأماكن الوعرة

أرج أن أكون قد أفدتك
capricorn99
18/02/2006, 11:26 AM
تم حذف النص لتكراره عن طريق الخطأ.
capricorn99
18/02/2006, 12:25 PM
السلام عليكم

اخوي جارود انا عندي السفاري 2006 بسم الله ما شاء الله (ولا اروع) بس احب اعطيك ملاحظاتي على النوعين:

القير التماتيك: مريح في كل المشاوير حتى في البر ولا تحتاج انك تخاف تجور على الموتر. لكن اذا كنت ممن يحب سحب السيارات المغرزة (مثلي) :D فأنتبه لاني اشم ريحة كلشات كل مرة اسحب موتر. وعلى كلام اصحاب الخبرة انه ممكن يتعب بعد فترة (تعتمد عليك وعلى عدد السيارت اللي تسحبها )

القير العادي: ممتاز للمشاوير الغبر يومية وصبور. والميزة انه لو شميت ريحة كلش ما يبيلك الا 400 ريال لصحن الكلش . اما التماتيك الله يعينك حول 12000 ولا يرجع مثل قبل.

لكن في النهاية الاستخدام الشخصي السليم لن يضر السيارة باذن الله وانا اعرف شخص كان عنده نيسان باترول موديل 1991 ولا وظب القير الا في 2001 يعني 10 سنوات (انت عاد شوف ال 10 سنوات تسوى والا ما تسوى) ;)
هجراوي
18/02/2006, 02:59 PM
السلام عليكم ...
اشكر الأخ capricorn99 على هذا الرد الاكثر من رائع ...

و انا ازيد ان التجربه خير برهان .. اسأل مجرب و لا تسأل طبيب ... انا يا اخي جربت طلعات بر صيفيه على كثبان رملية شديدة النعومة (بودر) ... ولا انس احد الرحلات ... حيث ان تلك الرحلة كان بها شباب ماشاء الله ... كشاته و كل له خبره في سواقة البر ، المهم كان معنا صالون لكزس (تماتك طبعا) و فكسار لمتد كامل مواصفات (قير عادي) و جكسار خليجي (قيرعادي) .... ان كان اللكزس غرز 10 مرات فهي شوي ... و تطليع الموتر المغرز بالقير التماتك يا اخوان مزعج و ماهوب مرن .... طبعا حاء في المركز الثاني بعدد التغريزات الفكسار اللمتد و اما الجكسار مشاء الله كان كما الظبي على ذيك الكثبان ماشاء الله .... طبعا يا اخوان هذه القصة ليست بقاعده و انما هي تجربه احببت ان اشاركم بها ... و باعتقادي ان طبيعة التربة الرملية البيضاء (مثل الجبس) كان لها تأثير كبير ... و ليس من السهل ان تنس موقف يغرز فيه صالون بكثرة ....

شكرا