المساعد الشخصي الرقمي

مشاهدة النسخة كاملة : مشوره في تجهيز وتعديل مكينة لاند كروزر 93



قلم حر
15/10/2011, 02:20 PM
السلام عليكم ورحمه الله وبركاته

عندي جيب لاند كروزر 93 ماشي 275 الف

الموتر للكشتات ، وارغب في زيادة عزم المكينة
المكينة الموجود 4500 كلبليتر ، والكلبيلتر متعب ومشاكلة كثيرة





عندي فكرتين :

تحسين اداء المحرك
بواجي رياضية - اسلاك بواجي رياضية - كلبليتر رياضي ( اذا يركب !! ) - MSD - ديلكو اكتروني ( اذا يركب !! ) - فلتر K&N

هل ممكن تحويل المكينة من كلبيليتر الى بخاخ ؟



وين ممكن احصل القطع وهل فيه محلات او ورش مختصة ( الموقع الرياض )

تفيير المكينة
الى مكينة لاند 8 سلندر او مكينة كابرس LS1

اذا احد عنده خبرة او تجربة اتمنى يفيدني ، وماهي المكينة الانسب مع الاخذ بالاعتبار قلة الاعطال

كم تكلف العملية ؟

هل فيه ورش بامكانها التوليف بشغل مضبوط

العنابي 616
15/10/2011, 05:20 PM
السلام عليكم

حيى الله أخوي قلم حر بحاول أجاوب على أسئلتك لأني كان عندي فكرة مثل فكرتك
أنا سيارتي فيكسار 95 كربريتر

كنت أغير أفكر المكينة إلى مكينة فيكسار 8 سلندر و خلاص جزمت و إتفقت مع الورشة و عربنت على المكينة
و لكن في الأخير إستخرت و هونت

على العموم بعطيك زبدة اللي عندي

مكينة فيكسار 8 سلندر ( مديل 98 - 2007 ): 235 حصان سعرها بحدود 17 ألف كاملة مع جميع أغراضها
تحتاج ترهم كراسي المكينة و تغير الحذاف و تفصل هدرز و تغير طرمبة البنزين إلى كهرب طبعا لازم تكون المكينة مع كامل أغراضها من كمبيوتر و ظفيرة و كمبرسر و دينمو و ... تكلفة شغل اليد تقريبا 4000 ريال
حسب بحثي لقيت ورشتين تركبها.

مكينة جيكسار 6 سلندر ( مديل 98 - 2007 ) : 228 حصان سعرها بحدود 12 ألف مكينة و كمبيوتر و ظفيرة تحتاج تغير طرمبة البنزين إلى كهرب شغل اليد 2000 ريال الورش اللي تركبها كثير

بالنسبة لمكينتك اللي على سيارتك : 190 حصان
إذا بغيت تعدلها تعديل خفيف : نظف الكربريتر و غير فلتر البنزين ركب فلتر كي ان + هدرز مضبوط مثل البحريني + فرارات + مراوح كهرباء راح يطلع عزم الموتر مضبوط و يعجبك إن شاء الله و يكلفك 4000 ريال
طبعا تقدر تدخل بالعميق إضافة اللي فوق تحف الراس + بوردنق+ كام ستيج 2 + بساتم و صبابات 2002 + بواجي و أسلاك كهرائية + كربريتر رياضي طبعا هذا التعديل راح تكون مشاكلة كثيرة بس عزمه ممتاز و يكلفك 15 ألف تفريبا

أخيرا اللي أنا بسويه و أنصحك فيه اللي هو الخيار الثالث عزم ممتاز ما في مشاكل تكلفة قليلة
بالتوفيق

قلم حر
16/10/2011, 09:13 AM
عافاك الله اخوي العنابي 616 (http://www.mekshat.com/vb/member.php?u=37239)

وشكراً لك على ردك الوافي , كفيت ووفيت

ممكن عنوان الورش الي تركب 8 سلندر
والورش الي تركب 6 سلندر

والفرق بين 6 وال8 سلندر 7 حصان بس !

قلم حر
16/10/2011, 08:37 PM
للرفع ....

قلم حر
17/10/2011, 08:07 AM
سبحان الله وبحمده

العنابي 616
17/10/2011, 10:49 AM
الورش اللي تركب 8 سلندر صراحة ما في ورشة ممتازة أدلك عليها لكن إذا ودك تروح للإمارات راح تحصل ورش على كيفك و شغل نظيف
أما بالنسبة للستة أغلب الورش الممتازة و ورش الترهيم تسويها عندك ورشة بدر الحمد بالزلفي

رفيع المقآم
17/10/2011, 02:18 PM
ياخلفهم

صدقني والله ماتلقى اقل اعطال من المكينه اللي عليه خاصة اذا انك راعي بر

انا شريت 97 هدد وقعد معي سنه كامله وبعته

على كيفك كبريتر

وقوته اشوفها ممتازة جدا

خاصه اذا انك راعي بر

وانصحك ترى الترهيم هو اللي يضيع فلوسك

وخرابات هذي نصيحة اخوية

ارجو ان تتقبلها بصدر رحب

S3llo
17/10/2011, 02:35 PM
يا رجال الا الان ما شفت احد مركب مكينة فكسار 8 سرندل كل اللي اعرفهم مركبين 6 سرندل تعال بالزلفي عند بدر الحمد شغله ممتاز يطبقها لك والله ما ادري كم بس ممكن ما تتعدى ال20 الف ولا تنسى اذا ركبتها تشيك على حساس الصرقعه لان هو اللي عليه الدقه ان كانك تبي الموتر نشيط

قلم حر
18/10/2011, 03:13 PM
ياخلفهم

صدقني والله ماتلقى اقل اعطال من المكينه اللي عليه خاصة اذا انك راعي بر

انا شريت 97 هدد وقعد معي سنه كامله وبعته

على كيفك كبريتر

وقوته اشوفها ممتازة جدا

خاصه اذا انك راعي بر

وانصحك ترى الترهيم هو اللي يضيع فلوسك

وخرابات هذي نصيحة اخوية

ارجو ان تتقبلها بصدر رحب


انا معك ان المكينة اقل في الاعطال ومعي من سنوات ولاشفت منها الا الخير

وكنت مقتنع فيها

الا أن جربت جراند شيروكي مكينة 5.7 هيمي ، سيارتي الثانية للمدينة والطلعات الخفيفة

ومن بعدها كرهت المكينة الي على الاند

الاند صبور واقوى في الدفرنسات واقل اعطال وها الي مخليني متمسك فيه
ولو يكمل موضوع المكينة كان كمل :)

قلم حر
19/10/2011, 08:07 AM
يا رجال الا الان ما شفت احد مركب مكينة فكسار 8 سرندل كل اللي اعرفهم مركبين 6 سرندل تعال بالزلفي عند بدر الحمد شغله ممتاز يطبقها لك والله ما ادري كم بس ممكن ما تتعدى ال20 الف ولا تنسى اذا ركبتها تشيك على حساس الصرقعه لان هو اللي عليه الدقه ان كانك تبي الموتر نشيط

عافاك الله

الفرق في العزم هل يستاهل 20 الف !

كلها 6 سلندر ونفس سعة المكينة

العنابي 616
19/10/2011, 01:55 PM
الفرق ما يسوى خلك على الخفايف كفاية

رفيع المقآم
19/10/2011, 07:06 PM
يالغالي

انت تبي تقاوم فيه وسط الطعوس

والله ان عليه قوة عجيبه منهبل منه الى الحين

ياخي موتر يطربك وقوووي

دور اقوى المراقي ودور اقوى الطعوس ما يقول اح

الا على طاري انت مكينتك 12 بلف ولا 24 بلف

gx-low
20/10/2011, 03:24 AM
يا اخوي اذا بيكلفك فوق ال 10 الاف بع الموتر واشتر 96 - 97 مكينة 4500 بخاخ

واكسب انه شد بلد ويمكن توفر دراهم بعد

وش لك بالترهيم وانا اخوك